利強記北角雞蛋仔

Open Now

Now Closed

佢地啲雞蛋仔真係好好味, 係同出面其它檔口的有所不同; 蛋味特濃, 而且好脆口. 食過之後其它的已引不起興趣. 另外它的夾餅亦很美味, 仲係即叫即做tim! 帶friend去食過之後連佢地都上埋癮, 搞到久唔久就要去食tim 呀!

奇就奇在食剩半底, 擺左半日都已經淋嗮, 放入小電焗爐慶番熱, 居然重脆D香D, 甘都得? 佢個蛋漿究竟點整?

其實已經係約兩個月前食過,除左蛋味極濃外,外皮亦比一般的雞蛋仔來得脆,內裡仍有軟軟的口感,不過最好都係等老師傅坐陣時先買,否則可能會差少少

蛋味極濃，未吃完己有膩的感覺。外脆內軟，但略嫌不夠厚。去貨甚快，要排隊，所以保證熱。去到唔洗理，排隊俾錢，乜都唔駛講，除非你要格仔餅或要兩件雞蛋仔以上啦。

昨日11 點幾去排隊食, 我前面只得幾個人, 但今次排得特別耐, 到我既時間我終於知點解了, 我見個女仔猛咁用刀括番癡左係雞蛋模上既次品,跟住我心諗個底掉了, 我個底一定好正, 點知比我個底都係既, 只不過無得無咁勁之嘛, 唉, 真係開始對呢間野有D失望, 只係食左幾次但已經有兩次係既, 再咁落去點攪呀???

咁大個女﹐食過好多底雞蛋仔﹐最正都係呢次~去到都見到好多人排隊﹐我前面已經有五六個﹐好快我後面又多幾個人﹐呢間野果然夠出名。。。底雞蛋仔到我手係熱辣辣﹐咁樣先至係正! 同埋D雞蛋仔﹐外面係好crispy, 裡面就軟淋淋!! 我都食到有少少香蕉味﹐唔知係香蕉油定係香蕉蓉呢?

之前食過一次佢地0既雞蛋仔,9蚊一餅但好大餅,好重手,我覺得好抵...食第一粒,個皮好脆,入面仲好似未熟,熱辣辣,好好食呀~~再慢慢食真d,覺得有少少昋蕉油味,唔知係咪真係落0左香蕉油呢?我個人覺得佢呢檔做0既雞蛋仔唔錯~佢唔係話用料好過其他檔,而係睇得出佢地每個雞蛋仔都有用心整,用心整0既食物一定好食0既~~而且佢地都落足料去整,份量十足,難怪成日排長龍呢~

昨晚又死心不息咁又試多次, 今次差不多晚上10 點半去到, 佢地已經做緊最後個幾塊, 很好彩仲有得食今次既雞蛋仔又做得好好, 依然外脆內軟, 又再加分, 我覺得我已經比佢(雞蛋仔)俘虜左我既心

昨晚又去左食, 人龍依然, 但今次既雞蛋仔好, 失敗

看完你地既食評已經好想去試, 跟著早幾日趁放假就去食, 點知去到排晒長龍, 買左雞蛋仔同夾餅, 個雞蛋仔真係外脆內飽滿, 同埋有點香蕉味, 不過又真係幾好味, 而個夾餅好大個食完非常飽肚, 仲有原來兩樣一齊買會平兩蚊架。

尋日要到北角的一間酒店出席會議，放緊假都無情講。也來這裡，吃一下雞蛋仔。兩點幾來到，照舊是見到一條人龍在排隊，直頭排到過隔離舖，以一間賣雞蛋仔的小店來說，也不能說不巴閉！原本例牌叫雞蛋仔，但臨門一腳又想試試夾餅，結果就轉了。因為人客多叫雞蛋仔，格仔餅是有人叫才整，所以等的時間也比較耐。夾餅脆口，蛋香味十足，加入練奶及花生醬，都算美味。但若與台柱雞蛋仔來說，我就寧取後者，因為比較簡單，亦吃到蛋的香味。6 蚊，行經此地也一定會再幫襯的。個人意見，同類食品在香港算是最好的了，如果覺得不夠好，請提出比這裡更好的，我也想試試可以有幾好。

唔知係咪自己味覺問題,覺得個雞蛋仔真係好淡...搞到個feel好似怪怪地咁...仲有,就係我同個frd都覺得有香蕉味...唔知點解呢?但真係好內軟外脆,凍左都keep得到,做"仔"技術真係好好野!!!

好耐之前都聽聞北角呢頭有檔好得既雞蛋仔,以前仲試過突登黎搵,但我呢個九龍人(唔熟路),竟然行哂成條英皇道都搵唔到!今日終於(好似整定咁)食到呢間既超得雞蛋仔!都唔記得自己幾時開始鍾意食雞蛋仔,只係知一直都嘗試係香港搵到一間最好食既雞蛋仔,經驗好多,試過一d不知所謂的,實個實心就最難食,唔脆又林亦很失敗,試過有一次仲驚食落陣味苦諗起都想嘔...知不過,北角呢間之前叫到open rice有讚有彈,今日親身試左,10個好味我會俾9分(留番1分我希望仲搵到多一間在九龍區o者),以下係我評價:1.口感-掂,成底粒粒都外脆內軟,中間係空心之餘每粒個底部有少少發起,令到咬落軟軟地,good!2.溫度-而家好多鋪頭都顧及呢點,會在紙袋打孔疏氣,唔使整林底餅,最開心係我買左一路行一路食,之後上到巴士,雞蛋仔凍左都唔會林依然脆口,第2個good!3.味道-甜味剛好,第3個good!我覺得呢檔仲好食個加連威老道果間tim ar!今日真係好開心,搵到呢間鋪頭,不枉我由太古坊行左咁大段路,又排排左一陣隊,都係值得既!$9咋仲平過旺角果d勁難食既,抵! 後記:以前同男朋友拍拖,佢都會專登搵檔好味雞蛋仔tum我開心

我暫時買過兩次咁大把。但我肯定：這裡的雞蛋仔和其他行貨有所不同。1.外脆內軟，一般很快變軟，什至一口生粉醬。2.清甜，我最怕勿精乜精，我相信這裡糖精不多。性急的我都願意排完又排，連我自己覺得有點兒意外　。

試了它的格仔餅，得個脆字，唔覺蛋味特別香濃，而且牛油、花生醬、煉奶、砂糖勁少，好似唔想咁，只是勝在即叫即製，若要排隊輪候，我又覺得未至於好到這個地步。