利強記北角雞蛋仔

Open Now

Now Closed

大家都慕名而來的北角雞蛋仔, 我當然無錯過啦, 次次都排長龍的~有次晚上九點幾, 等佢差不多收時才買, 人少D, 阿姐仲同我吹水, 俾埋D '餅碎' 我試, 即係整雞蛋仔時'唧' 了出來的餅邊, 好味, 好似食緊薄薄的蛋卷咁~~ 個人覺得格仔餅比雞蛋仔好吃, 雞蛋仔雖然夠晒脆, 但內裹空心, 吃多幾粒就開始覺得寡口; 至於格仔餅就唔同, 有蛋香, 加上煉奶, 花生醬, 好香好甜!!!雖然比較多人買雞蛋仔, 但格仔餅仲好味啊~

吃完OEDO後，見對面街的雞蛋仔人龍不算長，於是便排埋一份，睇吓有幾好食。因為人流多的關係，每底雞蛋仔都新鮮整起，熱呼呼的，心想：應該不錯吧！急不及待送了一粒入口，第一感覺係外皮好脆，再咬發覺內裡空空的，很少蛋漿，細嚐味道發覺雞蛋仔散發着陣陣香蕉糕味，蛋味則完全欠奉。喜歡脆口食物的應該會喜歡這雞蛋仔；但對於喜歡spongy和蛋香的我們，這雞蛋仔，仲爭些少。

要做出一底好味的雞蛋仔絕不簡單，首先要蛋味夠香，咬下去脆卜卜才算合格，更高層次的就要中間空心，外脆內軟，才稱得上是極品。勁辣派甜甜掌門就是一家難得可做出這水準的小店。雞蛋仔中間是半空的，入口薄的一面夠鬆脆，厚身那邊就煙韌鬆軟，口感很特別。最正是因為多人排隊等出爐，所以肯定買到熱辣辣的雞蛋仔。這裡的格仔餅也非常好吃! 一般的店的格仔餅薄薄的一片，但這裡的卻是厚厚的，大塊大塊的，有外脆內軟的特質，那脆脆的餅邊更為人喜愛，所以店員也會細心地特意把掉下了的餅邊一起放進紙袋裡。格仔餅對摺，夾著中間的煉乳、花生醬、砂糖，滋味極了。這時候，甚麼戒口計劃、減肥大計都拋諸腦後了~~~但，我媽媽有點給那蛋漿滿瀉、累積成一堆堆蛋漿的餅模嚇著，影響胃口，差點不想吃。＊＊有說這裡的格仔餅最好吃，可是，西灣河太安樓的雞蛋仔卻是最好吃，有機會要去嚐一下＊＊

補習地點遠至北角,,,放補習果陣男朋友買左底雞蛋仔俾我...仲話派左ok耐隊tim...見到紙袋有好多洞仔...應該係用黎排氣用既..一試之下...熱辣辣,,,好脆...但入面就軟軟地...每一粒都漲卜卜咁...唔錯!符合曬我對雞蛋仔既要求..原來係有分店嫁...咁我之後就唔洗只係係北角買到喇!

已很久沒有買了, 因為沒有經過北角, 不過自從它在尖沙咀及灣仔開了分店, 就可以俾多個機會我! 今次吃完晚飯, 口痕痕, 同老公黎到車站附近既灣仔分店買雞蛋仔! 老公是第一次食, 我已吃過無數次, 可能是晚飯時間, 唔駛等! 唔知係因為食飽飯定係分店始終無總店咁好, 我覺得今次硬左少少, 但我都好鍾意食!

差不多晚上10時...剛吃完燒金鍋....10個飽..跟朋友討論他的yuppies大計...但沿途不斷見人拿著一袋一袋雞蛋仔..朋友說...要買給我吃..相信他一定記得我說...吃東西要分享才好味....好脆好爽是雞蛋仔好好口是朋友...他記得我說過邊位好吃...朋友同阿姐講..阿姐真的比了好多好多他...哈哈..朋友話因為他靚仔...我坐享其成!!!多謝朋友的美意!!!

自從尖沙咀開了分店後已經好少見到老闆係北角舊店出現了本人亦好少在此買雞蛋仔難得有朋友老遠來到話要試下就同佢一齊排隊走去買一底雞蛋仔這裡依舊人頭湧湧依舊要排隊唯一變了就是現在已經由兩位女仕負責了兩位女仕功夫好明顯還不及老闆一個人時熟練蛋槳倒到成個盤都是重要係我面前搵個湯(學)係咁(筆)走倒瀉的蛋槳講真依家重有無理由要排餐死幫襯一間質素不斷下降重要賣十蚊底的雞蛋仔呢

29/11(三) 4pm吃過午飯後,順道走過來一嘗心願,花了約15分鐘排長龍,買了一底新鮮雞蛋仔$10.正值風聲鶴淚時期,店子以泰國蛋取代北京蛋.蛋香的確挺出,富濃烈椰香,外層香脆,內裏肉心質地軟綿,雙重口感!唯一要彈的是內裏稍為空心.水準無疑是比一般雞蛋仔略高,但未至於需要千里迢迢走來捧場!

人人讚好既雞蛋仔，當然自己都要試埋一份啦。可能因為係放學時間，排隊既人都幾多，不過格仔餅就可以快d，因為需求好似冇雞蛋仔咁大。紙袋，有一個個hole係for透氣之用，雞蛋仔表面睇脆脆的，蛋味甚濃。可惜一面薄一面厚，咬落去口感唔太好，可能個人口味，我還是喜歡薄薄脆脆的。人人讚好既食物，還要配合個人口味呢。

呢度睇怕都算係全香港數一數二嘅雞蛋仔名店...記得上一次女友買俾我食，可能經長途跋涉，食落口嘅時候已經凍咗一大截，食唔出有乜好食。不過值得一讚係蛋與蛋之間嘅邊位做得幾脆..琴日接女友放工，趁有早就諗住早D去排隊買。去到見條人龍比平常短好多，忽然醒起D人可能怕咗毒蛋而唔敢買。唉...一笑^_^咁仲好，唔使同人爭...排隊等嘅時侯見到阿姐整格仔餅。我本身並唔太好呢味，但都被佢嘅份量吸引--- 真係好鬼大份...睇到流晒口水，正抉擇買格仔餅或雞蛋仔之際，說時遲那時快，阿姐已經塞咗一底雞蛋仔過嚟...冇計la..即刻試一件，有蛋香，邊位脆卜卜，咬落去有種好輕盈嘅感覺。可惜係唔夠燶，同埋欠缺一陣炭香。始終用炭爐整嘅雞蛋仔香味係與眾不同嘅...算係唔錯，但未至於要排隊買咁誇張...如果要排隊，我寧願買格仔餅..

嚟親呢度好多人都會去食雞蛋仔講真自從間野係尖沙咀開左分店同埋老細唔係長駐係度雞蛋仔已經無以往咁好食啦可能心理作用啩今次反而要介紹同一間舖賣的魚蛋五蚊串大大粒都幾彈牙重可以加沙嗲醬添而家經過親都忍唔住口買返串各位經過開都不妨試下

尼到的雞蛋仔真係做得好出色，而且能夠保持水準，難能可貴！我覺得佢好食gei原因係佢真係即叫即整，而且蛋漿做得好佢d雞蛋仔真係做到外脆內軟，令人食ng停！而且佢地仲會係Ｄ袋到打一些洞，以免Ｄ熱蒸氣整淋個雞蛋仔，可見佢地gei心思而佢地的格仔餅都十分有水準，好好食所以等下都係值得gei!

第一次試呢間鋪頭ge雞蛋仔係因為有同學話我聽呢間係全HK最好食ge雞蛋仔!o個日唔係太多人,所以好快買到,上手聞一聞,發覺真係好香!係久違ge味道!以前就成日都可以食到,但依家已經買少見少la!用"外脆內軟"黎形容佢就真係最貼切不過!最難得ge係我由北角到番荃灣雖然已經凍晒,但我媽咪同細妹都話仲係好好食,好香椰油味~值得一食再食!

平時經過都會買黎食，呢度既雞蛋仔外脆內軟，好好味。今日唔係太多人，等左約7分鐘。^O^

之前見到呢間的雞蛋仔在openrice咁多好評,難得有機會過海,梗要試試...食完祥利之後,搭電車落北角,在英皇道兜左個圈都唔見,後來見到成堆人企在路口,好似排隊咁,望右面,先見到間舖,其實間舖係在琴行街,而我見到果堆人只係等過馬路...去到果時係六點幾,唔使排隊,即買即有,但底雞蛋仔仲新鮮熱辣,外面好脆,裡面香口,軟熟,唔太甜...一路行一路食,雞蛋仔開始凍,但外面依然同熱果時一樣咁脆...$10底雞蛋仔,對我黎講唔算平,但今次覺得$10係值的...