利強記北角雞蛋仔

Open Now

Now Closed

以前返工成日經過~見到好多人排~點知有日得閒我都走去排一排... 10MINS後,終於在我手脆BOOMBOOM~ GOOD!! 最特別係佢個紙袋有lonelone可以疏氣~~但其實同我想像中差唔多... 不過雞蛋仔最緊要熱食je!! 一啖接一啖好快食晒太多明星介紹 開始整得唔好><d阿姐好似都唔係點理你..一句起兩句止~又買2底先平1蚊咁大把!我冇咩太大特別再去買~~真係行過想食先買囉!唔建議大家特登去食~

行經北角雞蛋仔, 見人少少, 行快兩步去排隊啦, 成年幾冇食, 望到個價錢, 仲以為自己眼花, $1..........$15蚊 我仲記得第一次食, $10, 之後變$11, 年幾前$13....宜家$15... 比其他北角賣緊既雞蛋仔貴$4蚊...見佢多左幾部蛋仔機, 算啦, 成本高左..等左唔夠1mins, 就到我了, 新鮮出爐熱辣辣, 依然十分脆口, 中間通窿, 好似食風咁, 冇蛋味...電爐焗出黎都唔夠香... 行開經過口痕食下都可以的.

由好細個係北角讀小學已經有買開北角雞蛋仔~長期一經過都會去買來食一下~近來經過附近又有點想吃雞蛋仔就走去買~說真真係少左人排隊.....1分鐘左右就入手~當我一放入口就覺得不對路........點解有蛋猩味以前食開都無~北角雞蛋仔一直都係話用北京蛋做~而家不只蛋味少了.......仲有蛋腥味.......唔通而家連蛋都轉左......而家你賣十五元底~如果材料都不給我用北京蛋我為什麼要食你

經過北角,當然要去試下出名的雞蛋仔啦,未到lunch時間已經有好多人排隊了,真係好多人幫襯,排梗隊時已聞到好香~!等左幾個字先有得食,新鮮出爐的雞蛋仔,$15一底,都真係幾貴,比平時食開的雞蛋仔大點同厚身點,感覺上份量比較多,食落外層香脆,內裡軟綿綿,同好香蛋味,口感好豐富呀,趁熱辣辣好好味(真係好熱,即食小心辣到口)~!綜合來講比平時的雞蛋仔好食少少,香點同口感正點,不過個價就真係幾貴,$15一底.....格餅都好吸引,不過一次過食唔到咁多,有機再去先試~!

係咪越出名就會越做越差？我覺得以檔雞蛋仔真係有明顯GE退步首先覺得成包雞蛋仔得個脆字，雞蛋仔個心入面唔係應該有少少軟軟地GE咩？ 以家無幾粒係有囉， 好食GE雞蛋仔唔應該只有得個脆字，應該要外脆內軟先ARM加埋以家加埋家。。成15蚊底真係好唔值我食返芳X個D好了

我好中意食雞蛋仔GA有次同男朋友行街經過聞到好香雞蛋仔味就愛上呢間野賣GE雞蛋仔自此之後每次黎到北角都會去呢間野買雞蛋仔~好正的雞蛋仔香脆的外層仲有濃郁的蛋味係就係貴D但係一試愛上~

自從數年前沒有亞叔座陣後，質素已大不如前，以前亞叔一個人對住八部機也控制得宜，而家兩位亞姐會經常打開部機睇下得未？唔得再繼續烘，間中仲會見到過咗火要掉添~~數月前經過見加價加到15蚊一底，購買意慾又再減低了。今次見唔洗排隊，又口痕痕咪買一底過下口癮。可惜跟我回味中的北角雞蛋仔相差甚遠，只有香脆而沒有蛋味，失望！

今日行番屋企果時經過見到無人排隊就黎買番個，本身係諗住只買一個格仔餅，不過見2個平啲，就買2個一個拎番屋企比細佬食。買左一個格仔餅同一個雞蛋仔。叫佢比個袋，佢就黑哂口面話咁等等。之後等左３分鐘左右，心諗點解甘慢既。望一望見到果女既仲係度茶果格仔餅，好拉算拉甘等多等，反正唔係急住番屋企。再過多３分鐘左右再望多一次，　仲茶緊... 茶一片要甘耐(?)再等多２分鐘到拉，佢先比到我，雖然無咩人姐，但都唔洗慢成甘啊麻格仔餅－ 醫少奶少（唔明佢茶甘耐茶乜野雞蛋仔－入面空左少少bor好似之前食都okay，今次真係差左少少希望下次再食唔會都係甘

超脆口既北角雞蛋仔,好yummy,但好多人買,'\要排10分鐘'同埋都幾貴,15蚊一底好有蛋味,食落仲好香脆,入面有些蛋肉,軟綿綿但又外面脆口感認真一流.難怪咁多人

今天經過北角，咪買雞蛋仔＋格格餅食囉，點知食落雞蛋仔及格格餅，　兩樣野都只得個脆字，全完無蛋香味，真係吴掂，反而尖沙咀北角雞蛋仔，就好食好多喇。不過都要讚下整雞蛋仔的亞姐，都好有效律，本來好長人龍，轉下眼人龍吳見晒。

一直聽聞北角雞蛋仔好出名，原來係指呢一家趁住Jump同學到港想一嘗香港特色小吃，就同距試下啦北角站出黎行一陣就揾到，係街口轉彎位，未行到就已經聞到好香小鋪四周貼滿晒老闆同名人既合照，貌似係香港食肆特色要排隊買，不夠都唔係等左好耐，排隊之餘，就順便觀摩下係點製作啦熱辣辣既雞蛋仔到手啦外皮脆，中間空，味道ok啦，但系當時食唔覺得特別，仲有點兒失望後來又食左其他地方既雞蛋仔，對比之下，呢間水準都算高，因為我鍾意距個脆皮不過＄15/1底都比較貴，應該唔會專程去食lu認住呢個標緻啦

離開香港十日回港, 太懷念香港地道美食路過此店, 當然抵不住誘惑, 買一底雞蛋仔祭五臟廟熱哄哄、香噴噴、脆卜卜咬落有肉地內外兼備, 正啊!我探頭一望, 店內竟然排了多個電餅模, 幾位店員, 要長時間在桑拿房內服務食客, 依然保持食物品質, 抵讚!

舊舊舖果陣已經開始幫襯，果陣有樣野標磅老闆，對雞蛋仔要求好高，整得唔靚佢會掉左佢所以你會見到佢個垃圾筒真係有唔小雞蛋仔。講呢家個味道同以前其實差無幾。碎既感覺係有小小唔同，比以前厚左D，不過如果你之前無食過，我諗係唔會覺唔係佢整得特別好食。而係其他整得太難食而令你覺得好食。15蚊一底，小左份人情味。。以前8蚊一底做街坊生意。。。果陣老闆。。。會留起邊皮果D碎比小朋友食，家陣無呢支歌仔唱囉。下下都同你講錢。15蚊一底其實幾貴，之後我都唔會太捨得食

- $15/底的雞蛋仔, - 118個笑面 V.S 29 個喊面 - 一條長長的人龍, 一個唔太就腳的位置, 無數食家包括蔡san, 阿so等推介 . . . . . 究竟, 呢底雞蛋仔我應唔應該去試下?!! 呢日經過北角, 最終抱住"希望唔會後悔"的心情落下$15 賭注. . . . . 結果 . . . . . . . . . . . . . . . .體會到凡事真的要自己親身去試先知箇中味道, 尤其是食物~至於這裡的著名雞蛋仔的滋味是 --- 確實不錯 !!雞蛋仔每個人都食過, 有人愛脆的, 有人愛軟的, 而我就愛外脆內軟的, 具體來說, 是可以「剝殼」的雞蛋仔. . . . 即是簿脆的外殼包住一團又Q又軟的粉芯的雞蛋仔,這種有殼有肉有質素的雞蛋仔, 我真的久違咗好多好多年, 遍尋不獲, 原來竟就在我一直猶豫要否一試的利強記 !!( . . . 像牛頭角那十分著名的一車仔檔, 那種跟蛋糕仔一樣的口感, 恕我不大欣賞~) 講番其他重點, 1) 當日下午6時左右途經時, 雖則都有三幾人排隊, 前面一位仁兄仲誇到一掃便是半打, 但因店內有幾板不停新鮮製作, 排唔夠3分鐘已

d人成人話北角雞蛋仔好味...順路經過...就試下啦......$15一底......一拎到手.....深啡色.......有d燶......一咬落去......得個殼...入面無肉....個人黎講鍾意多肉多d.......曾經食過$5已經好好味........$15...真係唔值...........好彩個日唔多人........唔駛排隊.......唔會再有下次........