Meet Cute

我約老友去位於土瓜灣土瓜灣道307號潮樓地下D號舖的<初遇>食下午茶，環境舒適，裝修簡潔。我哋點咗：🥢慢煮烏醋豬軟骨便當 $56：豬軟骨軟腍入味，烏醋香甜，送飯一流。🥢士林鹽酥雞滷肉飯便當 $56：鹽酥雞酥脆可口，滷肉飯好味。🥢初遇紅燒半筋半肉手工麵 $62：牛肉味香濃，肉質軟綿，牛筋入味，手工麵有咬口，好味道。🥢古早花雕雞卷（2 件）$16：花雕清香，雞卷入味好食。🥢嘉義手工蛋餃（4 件）$16：蛋餃精緻好味。🥢冷泡阿里山綠茶（跟餐）：清涼好飲。🥢冷泡台南高山烏龍茶（跟餐）：茶味香濃。…Read More

今日黎到土瓜灣呢道都有佢既分店，一於就入黎食佢啦，廢話少講，直接入主題。今次我地叫左個二人晚餐B $188，最重要係免加一。首先點左兩款小食。第一款係古早烤台灣香腸，呢個係我既最愛，平時去親台灣都去到邊一見到就買台灣香腸黎食，呢道既非常香脆可口，每啖都夾一塊香蒜黎食，真係好之味。另一款小食係士林鹽酥雞，呢個非常香脆，外脆內軟，而且唔會好油膩，非常享受😋。主食方面就叫左個沙茶牛肉鍋，呢個大大個鍋非常足料。牛肉煮到岩岩熟就馬上夾起，其他配搭都十分豐富。我個人十分欣賞。跟住再點左個滷肉飯同蔥油拌麵，一次過滿足曬兩款口味，滷肉非常入味，好地道既台灣口味。唔係特登飛台灣都可以食到台灣正宗美食，非常感恩。飲品方面就選左芋香珍珠奶茶同咪大甲芋頭芋圓鮮奶，呢道係真正既鮮奶製作，唔係用奶粉沖，所以營養價值豐富，非常值得飲用。成份餐都係$188，免加一，兩人食非常抵食，而且好多款美食可以試到，真係天花板必食之選。…Read More

黎到九龍城碼頭呢邊，可以撩揀既餐廳唔算多所以行番出去大街，見到初遇又唔駛等位就揀呢間，睇完menu就點左照燒雞排滷肉飯，鮮水果茶。照燒雞排滷肉飯，算唔錯，份量都唔少，雞排都算係大份同埋滷肉都算多。雞排口感叫做ok 肉又唔會老，份量算大份。滷肉份量算ok 撈埋啲飯食都叫係足夠既。鮮水果茶入邊都有唔少水果，同埋少少甜既，整體係算唔錯。環境方面，呢度又唔會坐得太迫同都有卡位。。。。總結。。。算唔錯既雞排滷肉飯。…Read More

今日喺土瓜灣收工，搵晚餐食經過店初遇台式餐廳，於是乎入去嘗試一下！有好多款選擇，我今次試咗佢哋嘅一品臭臭鍋（中辣），有得免費跟白飯、粉絲或者亦都可以加8元改要有肉飯或王子麵！不過我就簡單啲選擇咗粉絲加一杯鮮鳳梨水果！今次試咗佢這個火鍋，吸滿湯的臭豆腐同埋香辣的湯底，非常好食味道配搭！一品臭臭鍋（大/中/小/特辣）$ 92豚肉，鵪鶉蛋，大腸，鴨血，蛋餃，津白，金菇，甜不辣，臭豆腐鮮鳳梨水果茶跟餐+ 8蚊總括黎講，呢間店嘅菜式多元化，味道鮮美，價錢合理，經過時又想食台式餐廳，這是值得一試！…Read More

今日好想食台灣菜，咁啱經過附近有一間裝修都幾靚嘅台灣菜，於是同朋友就決定入去試吓！果然喺土瓜灣屹立不倒咁耐，都係有啲原因嘅！初遇紅燒半筋半肉手工呢個招牌半斤半肉麵，湯底好濃郁，上面抱住兩條超大嘅牛肉同埋兩條超大嘅牛筋，牛筋軟腍腍入口即化，牛肉亦都好香軟，肉味好濃！佢個手工面都好煙靭有咬口！慢煮烏醋豬軟骨滷肉飯個人覺得呢個豬軟骨好好味，佢用烏醋去烹調佢嘅豬軟骨，酸酸甜甜好開胃！滷肉飯啲滷肉都好香，肥瘦適中！上面點綴嘅糖心蛋都好好食！古早花雕雞卷食台灣菜，當然唔少得叫佢哋啲小食啦！我哋叫咗呢個花雕雞卷，花雕酒味勁濃，雞卷肉質緊實，每一寸雞肉都浸滿花雕酒，不錯！古早起司芋泥肉鬆蛋餅蛋餅都係不可缺少嘅台灣小食之一！肉鬆蛋餅係我哋覺得最好味嘅蛋餅！佢哋蛋餅煎到好香脆裏面就包裹住滿滿嘅肉鬆同芋泥，而且仲有啲溶溶哋嘅芝士，口感好豐富！炭培烏龍起司奶蓋飲品方面同朋友都揀咗奶蓋，佢揀嘅呢一個烏龍奶蓋茶味好香，上面嘅奶蓋亦都好Creamy，融合一齊飲，唔會覺得好滯！粒粒藍莓起司奶蓋另一杯我哋揀咗粒粒藍莓芝士奶蓋，藍莓味酸酸甜甜，配埋上面濃郁嘅奶蓋，好味！食咗咁多兩個人買單都未夠$300 ，個人認為性價比都幾高，喺土瓜灣呢個平民區都算係幾高質嘅餐廳！…Read More