Heart Garden (Closed)

今日同女朋友黎食個早餐 不過已經係午餐時段啦所以係食午餐先岩今朝黎到mong kok搵午餐平時路過見呢間好似唔錯 所以今朝黎試一試啦其實佢個價錢都幾抵呀算係五十蚊熱朱古力熱奶茶餐湯 忌廉湯豬扒拼司華力腸$49$49食呢個餐我覺得算係唔錯嘅佢都幾多汁比大家睇下下面到底有啲咩啦一個好大嘅白飯豬扒都幾厚身再加上一整條司華力腸其實都幾豐富抵食味道都唔錯嘅焗肉醬意粉 $45女朋友就係食呢個嘅我只係試咗一味比較酸嘅整得內在環境坐位都寬敞嘅兩個加埋$87抵食…Read More

香港食野都幾貴，突然想搵下d抵食又好味嘅餐廳，係openrice搵初心，地點又方便，決定同男朋友黎試下我就嗌左一個牛扒，肉質幾嫩，加$25仲可以揀2款配菜添！推薦雞翼，入味之餘，凍左都keep到香脆感埋單仲有折添，偶然想食個抵食西餐，可以試下初心…Read More

叫左3樣野：芝士牛肉漢堡、茄甚麼焗螺絲粉、薄餅。芝士牛肉漢堡外層有烘脆，牛肉夠大份，不錯，但可惜舊肉唔juicy。螺絲粉的茄醬很香，酸甜拿掐適中，不會像大x樂那些只有一個甜字。薄餅....請看圖片...可能是怕我吃太多會肥，所以做得這麼迷你...只有一個拳頭稍大的size，吃下去味道也不怎麼特別，ok仔的19蚊薄餅更大更好食。最後埋單人均消費~$50，這個價錢，可以更好。樂觀d咁諗，可能只係下午茶做得唔好，可能晚餐會好掛。…Read More

我好少打食評，但今次食初心，幾有驚喜，我揀左晚餐 set.既西冷牛扒配薯菜，加蒜香蜆意粉，塊牛扒5成熟，食落去，肉質細嫩，口感唔錯。 價錢同食物個性價比極高， 會再次幫襯。…Read More

琴晚行完街係旺角太子一帶搵食......想食下扒、本身想食第尾牛扒（性價比唔錯嘅扒房）行多兩行，比初心呢間野吸引左，見佢有八折，又見到門口餐牌價錢ok,於是就試下。兩個人去食，一個叫左D1三文魚扒配羊架(5成熟）一個叫左D2 美國穀飼牛扒......先上餐湯...白湯無乜味，我係幾失望，而羅宋都算不過不失...但真係唔吸引。餐包係牛角酥包，朋友想問佢有冇牛油，但侍應話要收$5，但見係牛角包就算喇。去到主菜，老實講，我唔會覺得呢間野令我會encore...三文魚扒無乜魚味，over cooked....羊架，非常一般....牛扒肉質味道算係咁，但我叫5成都overcook到差唔多8成....埋單170幾蚊，價錢不過不失，但未叫值得。想食扒，我會返第尾扒房食…Read More

同朋友喺旺角唔知食咩，見時間尚早依間冰室未需要等位所以就入咗去，佢嘅set dinner都幾抵食，同朋友就覺帶各叫咗一個每個餐都會跟湯、餐包同埋嘢飲，依個雜菜湯夠濃味，但個包就唔熱嘅，味道麻麻哋依個三文魚賣相一流，煎得都幾香口，啲肉質都尚算嫩滑，但加配嘅忌廉汁就差啲，冇味嘅，唔係太食得出有忌廉味，配嘅薯條都還可以，味道正常朋友叫嘅西冷扒選擇左七成熟，佢話都唔乾，有咬口亦都有牛味，整體係好食嘅最後再散叫咗依個青口，細細隻但分量都好多，再沾埋啲忌廉汁一齊食係好味嘅總結依間餐廳食物質素都不錯，而環境都坐得幾舒服，而家晚巿中全單八折，不錯👍🏼…Read More

前幾日是母親大人生日，梗係帶佢食返餐好，聽聞旺角有間冰室長期都好多人排隊，今次就有機會試下~——————————🔹雜菜湯 酥皮忌廉湯(+$10)雜菜湯即係羅宋湯，有很濃郁的蕃茄味，仲有少少辣，非常合我口味。裏頭還有很多蔬菜，很健康🤤酥皮忌廉湯，即叫即整，熱辣辣，酥皮好香牛油味，但略嫌焗得不夠耐，不夠酥脆~ 忌廉湯亦偏淡，沒有忌廉香味😖🔸蟹肉拼蜆肉配忌廉汁天使麵 $72本身不太喜歡天使麵，覺得麵質很幼細，很容易煮得過淋。但這個天使麵做得很出色，幼幼的麵條充分掛滿汁，好香奶油味，不會太淋😍仲食到很多蜆肉，不過食唔到有蟹肉，有點失色。🔹香草芥茉籽燒紐西蘭羊扒配薯菜 $98母親大人想食羊扒，叫咗五成熟，煎得不錯~外層焦脆，聞起來有少許羊羶味，配上甜甜的燒汁，令羊排變得更香，肉質也很軟腍，確實不錯👍🏼薯菜炸得外脆內軟，沾上茄汁就剛剛好🔸雲呢拿雪糕🍦紅豆冰 +12這杯紅豆冰，有很重奶香味，相信與雲呢拿雪糕有關。這球雪糕有很濃郁雲呢拿味，一吃就知不是普通貨色，混合紅豆冰，真是很邪惡😈不過邪惡的食物總是令人上癮，很好飲🤤…Read More

行過太子旺角嗰邊又落住大雨諗住求求期期搵間餐廳入去食個下午茶就算跟住就見到呢一間冰室裝修幾靚所以就入咗去啦。其實食物嘅選擇非常之多亦都有下午茶嘅餐單不過嗰日唔算好肚餓所以我就帶咗一個凱撒沙律配燒雞而且我認為午餐都唔算貴不過意粉$50都唔使有湯有嘢飲仲有餐包簡直係抵到爛我叫咗幾下雜菜湯配料都非常之豐富有椰菜蘿蔔薯仔西芹等等啲味道都非常之濃郁。餐包方面係新鮮熱辣嘅所以配上牛油係好好食至於個主菜份量係非常之大碟嘅，而個烤雞都好多。沙律菜嘅品種亦都好豐富亦都食得出係非常之新鮮，另外配上沙律醬非常之好入口好快就食晒。咁樣買單$50有找算係咁啦…Read More

羅宋湯幾好飲。麵包又凍又硬。香煎美國雞扒飯配黑椒汁($49)雞扒煎得幾香口，煮得剛剛好，唔會太鞋，口感唔錯。(個人口味: 3.4/5)煙三文魚蜆肉忌廉天使麵($50)賣相唔錯，但意粉汁太淡，無乜味，可以煮既時候落多d鹽/調味料。單食意粉味道太淡，一定要連埋煙三文魚一齊食先覺得ok，蜆肉無沙。(個人口味: 2.9/5)埋單時發現原來午市有九折。…Read More

喺旺角求其搵下有咩食，終於入咗間所謂冰室嘅餐廳，皆因被門口嘅poster西冷牛扒全單八折吸引！地方細細，座位逼夾！但驚喜的是食物的size一啲都唔細，可謂大件夾抵食，味道也可以！…Read More

本身打算陪朋友買完野就各自歸家，點知朋友硬要請食飯，唯有係附近行下睇下有咩合眼緣啦~由於前排去完旅行，好耐無食過港式野，所以揀左間茶記鋸扒。西洋菜南街有好多茶記，價位大致相同，結果選擇呢間晚市有8折，人流算多既冰室。店內環境唔錯，座位全部都係4人卡位，職員上菜、落單效率高，且有禮；最抵讚既係即使晚上7點幾都可以唔駛同其他食客share坐。Dinner set選擇都唔算少，鋸扒可以揀牛扒、三文魚扒外，居然連羊扒都有，重點係每款都唔過$100添!! 老實講，見到個呢價錢真係有d擔心會中伏，所以點左個牛西冷同一個意粉。另外見到個promotion加$25有兩款小食，咁抵試又點可以錯過?!餐飲 – 凍檸茶+$3、熱咖啡兩款都正常水準，即點即沖，檸茶上枱仲係暖完全無諗過咁平既價錢，居然餐包都有花心思，用蕃茄香草包!! 餐包鬆軟，香氣十足。餐湯 – 雜菜湯、酥皮忌廉湯+$10酥皮湯雖然唔係即焗，但都熱辣辣，酥皮都好夠油香。小食 – 田螺焗薯蓉拼蜜汁炸骨雞翼 +$25田螺無異味，薯蓉係用粉開出黎，但都攪得夠均勻無起粉粒；炸翼肥嘟嘟、脆卜卜、甜甜地，不過無蜜味；以呢個換購價黎講，合格有餘。烤美國穀飼西冷扒配黑松露野菌汁拼薯菜 $88牛扒size都唔小，而且有d厚度；本身order左5成，但上枱應該已經8成。牛扒明顯有”嗱”過，所以即使8成熟都唔韌唔痴牙；薯角香脆，但個黑松露野菌汁就無松露味，比較似燒汁。蟹肉拼蜆肉配忌廉汁天使麵 $72我一向都麻麻地天使麵，因為嫌佢太幼，差左d口感；不過幼既優點係掛汁力高，所以個汁好重要。可惜，呢個忌廉汁比較淡味，食落唔夠奶油香，蟹肉少到見唔到，蜆肉亦無鮮味，整體比較失色。整體用餐印象正面，最後埋單$90一位，呢個價錢自在鋸下扒玩下，所以都無旨意食到牛味、鮮味，唔韌唔駛練牙力已經算唔錯。總結無中伏:)。…Read More

今天相約朋友到旺角一間冰室共進晚餐。相信這間餐廳的老闆都是想用着這間餐廳的名字去做每一道菜，而這間餐廳的名字就是「初心冰室」。首先我們各自點了一份晚餐，我點的是烤美國穀飼西冷牛扒配黑松露野菌汁。而我朋友就點了巴馬臣芝士牛肝菌忌廉會意大利飯。而每一個晚餐都包含一個餐湯和餐飲，另外還送上一個小甜品，小甜品是雪糕糯米糍一個，雖然試少少的一個甜品但也很不錯。當然對我來說甜品不是最重要，但對我朋友來說這樣的甜品當然不夠，所以我們加上一個超級豐盛的甜品”麵包磚配雪糕”。我們各自的主菜都先後上場，我所點的五成熟西冷扒一來到那黑松露野菌汁的香氣馬上撲進我的味覺。西冷牛扒剛剛好大約是唔成熟，我見廚師的技術，而且配菜的薯菜，也是值得一讚，薯角炸彈得很好食。我朋友的意大利燴飯，他那芝士的香氣，也是非常吸引，犯的口感也非常好吃，而且那裏芝士白汁的組合真的不能停口。但在這個晚餐，我覺得最精彩的是最後我們的甜品，雖然我們把兩個晚餐吃完、經已是很滿足很飽，但看見這個麵包配雪糕的甜品組合都令我們再一次肚餓起來，麵包都烤得外脆內軟，在脆脆的麵包磚上，有兩個雪糕球，一個是朱古力味，另外一個是香草味。而麵包磚旁是三款醬汁任你挑選，有朱古力醬，煉奶和蜜糖。一看到這甜品真的想馬上吃光光，而且還讓你忘掉一切煩惱，沐浴在甜甜的生活裏。我們吃了兩個晚餐加上一道甜品才是$264，在這旺角區用這價錢吃這樣豐盛這樣好品質的晚餐，真的非常便宜。…Read More

朋友建議去初心冰室食飯，聽個舖名起初以為是港式茶餐廳，去到原來是西式餐廳😁。食物款式是普遍西餐廳食到的，不過價格相對大眾化，晚市套餐價格一般在100蚊以下。選了兩個套餐配有餐湯同餐飲。最令人滿滿歡喜莫過於加10蚊就可將普通餐湯轉酥皮湯，出面已經好少餐廳可以食到，當然要試下！酥皮同忌廉湯向來都是絕配👍🏼，酥皮講求新鮮，脆卜卜的口感，呢到絕對滿分。不過忌廉湯就稍為淡味，朋友喜歡淡味，我就鐘意咸多少少。第一道西冷扒配薯菜。齋看賣相已經不錯。七成熟的牛扒口感剛剛好，配上黑松露野菌汁味道更香更濃，無得彈👍🏼。88蚊價格就食到滿意牛扒，絕對是物有所值👍🏼。第二道鵝肝芝士牛肉漢堡配薯菜。漢堡包皮微微烘過，脆脆地，且厚度適中。呢款漢堡非常足料，牛肉厚厚的，肉質夠淋之餘又能鎖住肉汁🤤。配上煎香後的鵝肝，整個漢堡味道有層次，正！薯菜份量好多。我最愛飲的菜蜜都屬餐飲，無需加錢❤️。最後還有雪糕糯米糍送，好滿足。…Read More

今日約了好耐無見的朋友及佢媽媽食下午茶，約了在這間位於旺角太子附近的冰室。原來這條街好多冰室，見有幾間都排隊又滿滿客人，所以就入了這間都滿滿客人的冰室！地方都舒服，有梳化位置！暗暗燈光及黑色的主色設計。食物方面，我們約了3點左右，都有午餐及下午茶選擇。我們點了2個午餐，包了餐湯餐包及餐飲，都係40-50元左右，選擇都算多餐包及餐湯我們點了一紅一白湯，都唔錯！紅湯（羅宋湯）好香濃又多蔬菜，唔辣幾好！餐包好軟軟，又暖暖的（香煎龍脷柳配蜆肉香草忌廉汁配飯）賣相唔錯，煎龍脷柳都好香脆又幾好口感，醬汁有菇菇及少少蜆肉，都唔差，有青瓜配菜幾爽又清涼，可選配飯、意粉或薯菜（鮮茄焗豬扒飯）喜歡焗豬扒飯的我，見有就點了！好開胃，焗得好香好熱，有洋蔥及番茄，香濃芝士及有少少香草，焗到有飯焦，幾脆有口感！豬扒好軟腍好香！餐飲點了熱奶茶及熱咖啡食物唔差，可惜服務員面口麻麻，特別是女的，黑口黑面…Read More

今日和朋友來旺角買一些狗狗用品順便食個午餐~買完用品後經過呢間餐廳 就決定食個午餐啦呢度嘅午餐價錢不貴 大概50多元便有一個湯一個麵包一個主菜和一杯飲品~我哋叫咗一個西冷牛扒配意粉$62同一個日式咖喱海鮮飯 $52忌廉湯同麵包好快送到忌廉湯入邊都有不少蘑菇 加上鬆軟嘅麵包配上牛油相當不錯 牛扒分量足夠 燒汁不錯送意粉吃 用蛋包住啲飯 再淋上咖喱汁 咖喱係唔辣嘅 一啖一口相當正最後咪要左凍阿華田同凍好立克 都相當大杯~~已$6x 嘅價錢食呢個午餐 性價比都真係相當唔錯…Read More