Hoixe Cake Shop (Closed)

以後都唔會去買嘢！！唔收毫子又唔貼岀黎話比人知，咁岩想買罐咖啡得返啲散子係身又趕唔切去撳錢，嗰個阿姐仲要同我講唔收咪唔收囉好多地方都唔收㗎啦我真係想問佢咁你又冇貼出嚟俾人話俾人知。咁毫子都係錢嚟嘅你唔收咪貼張紙出嚟話俾人聽囉$1000紙你又識貼，毫子唔識貼。我都係想買嘢姐憑乜嘢你態度咁差，比錢買難受…Read More

早排媽咪生日，阿爸路過呢間餅舖，見到啲蛋糕望落唔錯，而且價錢相宜，起碼平過連鎖餅店，咁就揀咗個大大個一磅重嘅栗子蛋糕 🎂個蛋糕賣相唔錯，蛋糕入面都係滿滿嘅栗子，而上面嘅唧花睇嘅時候以為係忌廉，但實質無論係淺色或深色嘅唧花，全部都係結實嘅栗子蓉，成個蛋糕最滿意係呢啲栗子蓉好少蛋糕會連唧花都係咁濃嘅栗子 連我平時唔太鍾意食栗子蓉嘅，都覺得唔錯。本來諗住呢間餅舖麻麻地，唔係抱有咩大期望，但係估唔到食落都幾有驚喜…Read More

身為街坊，我成日都會去呢一間麵包舖買麵包，最鍾意食嘅就係紅豆綠茶方包，因為貪佢好味有綠茶紅豆味，同埋其他鋪頭係冇嘅。作為一個捧場客，我發覺近日呢間鋪頭嘅麵包質素每況愈下，除咗唔鬆軟，綠茶越嚟越冇味，紅豆越來越少之外，每日夜晚九點經過佢鋪頭嘅時候，都發覺有麵包仲剩喺個食物架上面。今晚又去幫襯佢哋買綠茶紅豆麵包嘅時候，我只不過係問下佢啲麵包放咗喺邊一個位置啫，個戴眼鏡嘅收銀員態度極之惡劣嘅態度大聲甘話我，指示方向唔清楚不特止，連洗緊地嘅店員都嚇到呆左，我都算啦。然後當我去到收銀準備俾錢嘅時候，佢特登唔收我錢，仲走去貨架前好大聲手掟食物架落地下，入面嘅麵包跌左落地下佢仲放返入去，真係好污糟。…Read More