冰室99 (Closed)

🌃今晚剛巧約了客戶在和富中心簽文件,簽完已到晚飯時間便決定在附近隨便吃一餐. 在商場逛了一圈, 經過這間冰室99時驚喜發現英國某名廚的威靈頓牛柳👨🏻‍🍳,又有我的all time favorite卡邦尼意粉,就即刻決定入嚟試下😋.先嚟嘅係丹麥酥同餐湯, 熱辣辣嘅brioche有香濃牛油味🧈同埋鬆軟嘅口感, 配上番茄餐湯係一流嘅前菜🍅. .🍝卡邦尼意粉$78 嘅忌廉蛋汁夠香滑, 煙肉片有先煎香,意粉係perfect嘅 al dente, 想不到一間冰室居然可以煮出意大利餐廳的味道 🇮🇹..🐮威靈頓牛柳$188外層酥皮鬆脆,裏面的牛柳是高質的Rib eye, 肉質軟淋完全沒有筋,配上鵝肝醬調出牛肉的香味,我和同事你爭我奪食到舐舐脷 👍威靈頓牛柳是即叫即焗,所以等候時間會較久,趕時間嘅朋友要留意一下. .🥤餐飲係懷舊既雪糕紅豆冰+$20同茶走☕,想不到中西合璧的冰室可以做得咁好,下次再北角附近一定會再回來幫襯..⭐️性價比：4/5星💰人均：$80港元美食

今日唔想諗揾乜野食， 於是就樓下買外賣食算。 北角和富薈開左好多食店，今次就去Cafe 99。是日餐單吉烈魚柳配炸蝦配飯滑蛋吉烈豬扒丼吉烈魚柳炸得剛剛好， 魚柳好滑， 真係外脆內軟。 炸蝦亦炸得香脆可口，炸蝦大大隻， 幾抵食。滑蛋吉烈豬扒丼， 滑蛋好多，豬扒啖啖肉， 整得好軟好林， 有肉汁， 好味。

🎈冰室99 (北角)🔍北角和富道21-53號和富中心地下G16號舖-----係炮台山讀書好多年，雖然唔係住呢區，但一直覺得自己係北角、炮台山一帶嘅半個地頭蟲。點知最近過黎和富中心搵朋友食飯，發現呢度竟已變得好唔同，雖然陌生，不過見到新商場靚咗好多又多咗一眾新餐廳，都為呢區嘅急速進步感到鼓舞。◈咖喱滑雞農夫包 $62：農夫包大大件，非常iGable，咬落酥酥脆脆，帶濃濃牛油香氣，農夫包中央係滿佈芝士嘅咖喱雞件，件件夾起都有拉絲效果，貌甚誘人。味道方面，雞件嫩滑，散發濃郁地道嘅咖喱香氣，咁平民嘅價錢黎講，質素真係係驚喜水準◈美國豬鞍扒配蒜蓉汁 $98 ：豬鞍扒肉味頗濃，肉質於柔嫩同結實中取得平衡，入口啖啖Juicy，而扒餐搭配嘅丹麥酥亦外酥內軟，整體都好高質◈法式香草烤焗比目魚扒 $98：三分之二手臂咁長嘅比目魚扒，魚質細膩，魚油豐腴，伴碟薯菜亦香口唔油膩，高性價比，唯一美中不足就係唔係擺喺鐵板上面，比較快凍。◈雞蛋仔 $15：呢個價錢來講，不過不失，表面香脆，中間質地軟綿。

之前喺呢間冰室99食lunch，覺得質素都唔錯，今次就再嚟呢度食晚飯。呢度嘅菜式款式都算多，飯、意粉、薯菜、麵包、沙律、鐵板餐都有。我哋食咗三色芝士焗肉醬意大利粉 $78招牌雜扒$108咖喱豬扒配農夫包$68～款款都好出色，而且用料豐富，性價比超級高。要數最特別嘅一定要介紹呢款，農夫包非常之大個，目測直徑大約有20 cm，咖喱幼滑，上面淋咗少少椰汁，有少少甜味，一邊撕開香脆嘅農夫包，一邊沾上醬汁食，好惹味。細心位亦做得好好，旁邊仲配左好Flash嘅沙律🥗添👍

以前每天經過北角和富，都覺得沒什麼特別，但隨著時日變天，愈來愈多餐廳進駐，其中一間就是冰室99。有人路過見到此冰室有戶外座，而且室內有空間感，好奇下看看餐牌，發現食物選擇多，並不像一般冰室，所以找天下班過來吃晚飯。晚市套餐有扒餐，感覺抵食，點了一個晚市套餐F: 《牛柳拼羊假兩支骨 $168》 意粉/飯/薯菜 配香草雜菌忌廉汁用刀壓一壓牛柳已經覺得夠嫩，切開更即時有肉汁溢出，肉中間粉嫩，不韌亦有肉味；羊假兩支骨肉厚，肉質嫩沒有羶味，香草雜菌忌廉汁又夠提味，整體不錯。晚市套餐送餐包、餐湯及菜/咖啡湯有意大利雜菜湯，有熱度，味道剛好不酸不淡，亦有雜菜湯料，不錯。餐包有驚喜，用上酥香的厚身多士，牛油香陣陣。《凍檸茶 +$3》想吃魚左但晚市套餐沒有魚扒，所以另外在正常餐牌中點了一個晚餐精選扒餐 - 《法式香草烤焗比目魚扒 $98》意粉/飯/薯菜 配燒汁。比目魚扒兩邊都煎香過，比較鎖汁及香口，魚肉亦滑，不過稍為薄身。隨碟自選配薯菜，有薯角和蔬菜，食手薯角就即時想飲特飲，於是點了《乳酪奶昔 $35減$10》，大杯不膩，滿意。

屋企附近的和富商場開了好多新餐廳，前排同朋友再次到和富找吃的，發現了這間頗有特色的冰室，價錢也好合理！-想不到冰室都有咖喱包食，咖喱海鮮配農夫包外皮香脆，內裡是咖喱香，辣度剛好，還有好足料的海鮮配菜-青口、蝦等，連麵包一齊食，非常滋味😋-另外還有當日的晚餐set，56度慢煮美國戰斧豬鞍配意粉，豬鞍非常厚肉同大塊，肉質幾好之餘味道適中，口感不錯。-另外他們都有好多特色飲品，款款有心思。有時候簡單中帶點特色，才是令人回味的一餐☺️

今日有口福，老闆請食飯！完全冇諗過，普普通通嘅冰室竟然會有Beef Wellington, 嘅種傳統嘅英國菜食。話時話，家下冰室其實啲質素有啲都可以媲美大餐廳，咁樣其實點解仲要叫冰室黎？？真係一個迷。羅宋湯，味道濃郁好有蕃茄同埋蔬菜香，仲隱約飲到有橙皮嘅味道，感覺好似好正宗。Beef Wellington威零頓牛柳，套餐包括餐湯、牛柳+薯菜、餐飲；Beef Wellington威零頓牛柳，焗得好香，酥皮好脆身，牛柳係好鮮嫩，牛柳同酥皮中間係有一層肝醬&芥末醬；係好好味。

和富商場一年前後大不同翻新過後多了很多餐廳選擇今次再約朋友食飯去呢間貪佢選擇多,口味又岩食開幕個陣食過一次,今次再食另一款今期人人都講邊間茶記焗豬扒飯好食一於就試下佢個價值$78既焗飯!落單先上飲品同餐湯麵包食落丹麥牛油包夠酥香烘過更好食啦紅湯唔夠辣,味淡左D,可能就返北角人口味鐵板什扒餐,鐵板係熱石轉用石燒會KEEP溫耐D你見佢出曬煙就知,什扒有豬雞牛各一件大蝦腸仔火腿煙肉各一件份量夠食,唔會多到要浪費唔夠汁可以問佢再要多碗肉質唔算差,牛扒亦唔會全熟不過不失既鐵板扒餐焗豬扒飯有炒飯底,豬扒夠厚身,亦夠鬆化番茄汁味夠濃,飯身夠爽,唔會太多汁變湯飯整體上份量好多,幾乎食唔曬(已經無食午餐)#和富薈 #北角 #茶餐廳 #港式茶餐廳#焗豬扒飯#港式鐵板牛扒 #港式風味北角和富道21-53號和富中心地下G16號舖Shop G16, G/F, Provident Centre, 21-53 Wharf Road, North Point

我和友人再次來到了北角和富中心吃晚餐，今次去一家港式茶記，冰室99。雖說是港式茶記，但是他的食物種類相當豐富：有富東南亞特色的咖哩農夫包、西式的意粉、鐵板扒類等等，看起來都頗吸引。連飲品的部分也有相當之多選擇，那當然要一試特色飲品啦！先來港式特飲雪糕紅豆冰，香滑的雲呢拿雪糕跟飲品可以互相融合，配上底部香甜起沙的紅豆，非常有懷舊風味。朋友選擇雜果賓治，梳打水底配合雜果，感覺清新也不會過甜。我們點了一份扒餐和一份咖哩農夫包，套餐附贈多士和餐湯。南瓜粟米湯非常濃郁足料，能吃得到滿滿的南瓜蓉和粟米粒。多士更加有驚喜，充滿著牛油香。中心的部分就如牛角包的千層感覺。先來充滿馬拉風味的咖哩或雞配農夫包。農夫包內裝滿奶香的咖哩，旁邊還有芝麻醬沙律來平衡一下。他們用的是雞件，肉的質感柔滑，還有邪惡的拉絲芝士呢！整個農夫包都烘得非常香脆，一邊咬一邊會掉碎。香濃的咖哩汁跟農夫包一起吃，酥香又惹味。另一道主菜是我非常期待的威靈頓牛柳配蒜蓉汁及珍珠米。一直覺得威靈頓牛柳的做法很特別，在牛柳上鋪酥皮是為何呢？一次開就知道龍與鳳了。最頂的酥皮層充滿著牛油香，然後緊貼酥皮的是一層薄薄的風乾火腿，就是它帶來了整個鹹香的

老公的家人都住在北角，偶爾都會來到這區，最近發現這裏有間新的食肆，便來到了。鐵板美國豬鞍扒$98 ，配丹麥酥及是日餐湯。莓莓奶昔$35 ，跟餐減$10。鐵板美國豬鞍扒，有10安士重連骨，肉質豐富，不會過韌，味道鮮甜，配上黑椒汁，可以增加味道層次。薯角香脆可口，值得一讚。丹麥酥鬆軟可口，牛油味道濃郁。是日餐湯是羅宋湯，酸中帶點微辣，非常惹味。莓莓奶昔$35 ，跟餐減$10。酸酸甜甜，味道清新可口。晚餐：特級T骨牛扒意粉$118配是日餐湯。芒果派對$30，跟餐$10。特級T骨牛扒意粉$118，牛肉味道濃郁，可惜過了火一點，如果不是味道更佳。意粉煙煙韌韌，口感豐富。芒果派對$30，跟餐$10。味道比較創新，個人覺得一般。原味芝士蛋糕，跟餐加$15。芝士味道濃郁，絲毫都不會比蛋糕專門店的味道差，值得推薦。👍👍👍👍👍柚子芝士蛋糕，跟餐加$15。柚子味道十足，配上香濃的芝士味，是必點的一道甜品。

平時喺屋企煮牛尾煲好耐都覺得唔夠腍，呢度嘅紅酒燴牛尾($78)就煲得夠曬透徹，牛尾食落肉質軟滑加上骨肉間嘅脂肪，肉味迷人，紅酒蕃茄更提起鮮味，醬汁送飯一流。威靈頓牛柳 $188 酥皮包裹厚切牛柳，香酥外層不但美味，更能鎖住肉汁，咁厚嘅牛柳切開一D都唔會韌，肉味香濃。套餐包括薯菜、餐湯、丹麥酥，不得不大讚呢丹麥酥，剛剛烘起夠熱又鬆化，令人回味無窮。點套餐揀飲品以正價減$10計算。雪糕紅豆冰、黑牛嘅係飲品亦係甜品，正！

食早餐佢有戶外位，方便帶動物或食煙架人菠蘿油加松露炒蛋，炒蛋唔夠嫩，牛油係大塊夠厚架，可是菠蘿包唔係我鐘意，口感似曲奇，放到個皮腍曬唔好食，唔知係本身個飽係咁，定太早8點去個包唔係新鮮啦呢一份是港式all day breakfast雞扒加薯餅茄汁豆同火腿奄列。真係比較一般 但可以有戶外位火腿奄列多火腿絲架,好食過炒蛋，雞扒細塊左小小 ，煎到比較乾身同焦焦地，濃味左少少，正常味道啦，咁四十幾數一份早餐，就差了少少。

今日唔知同同事食咩好，行行吓又行左黎依一間冰室。有睇我食評嘅人都知道我之前其實已經食過一次，超有好感，所以今次就試吓其他嘢啦。上次我食嘅係單點，今次就食返佢嘅lunch set啦。Lunch set的確係抵啲嘅，因為佢包左一碗湯同埋一杯飲品。我叫咗個雜扒薯菜，雞扒同埋豬扒。同事叫咗個檬粉。我覺得兩塊扒嘅味道都唔錯，雞扒肉質鮮嫩，豬扒係帶骨嘅，薄薄地，係我鍾意嘅厚度。食落唔會太過韌。薯角佢切得都大塊，食起上嚟唔會好多油，外皮係脆脆地，而且有埋番茄醬俾我點，我幾滿意。同事個檬粉嘅湯底揀咗泰式清湯，佢略嫌湯底太過清淡，少咗一點泰式嘅味道。飲品我叫咗柚子蜜，熱嘅，要加$3。同事要咗杯菜蜜，飲品上嚟嘅時候都的確係幾熱下，所以要花多少少時間去慢慢飲。個湯我就比左同事飲，好似白湯嚟。

北角和富商場最近幾個月大翻身，今日約姊妹來到剛位於北角開張的「冰室99」，平民價星級餐廳，除推出多款性價比極高而又大眾化價錢的地道港式美食外，食物的份量十足，更有多款星級佳餚讓一眾嘴饞的食客品嚐。仲設有露天茶座，讓狗主可與寵物共聚一餐，相當溫馨。地點設於北角和富商場，佔地面積很大，餐廳開揚，環境很舒適，氣氛自在輕鬆，歡聚閒談的聚腳地。高樓底令整間店很寛敞，用餐的空間感更舒適，店內佈置新簇優雅，周圍更添置了很多充滿風情的藝術格調。看見餐廳美食的圖片，未食巳吸睛了，令我胃口大開，真要細膩當中的滋味。吉列芝士夾心豚柳咖喱蛋包飯旋風蛋包飯是旋風形狀，非常吸引，而旋風蛋包飯之中，我最喜歡食吉列芝士夾心豚柳咖喱蛋包飯，價值只需$68，相當抵食，蛋包飯食出蛋香及飯香，吉列芝士夾心豚柳再配咖喱，格外嫩滑，食落去非常脆口，香氣撲鼻，味道濃厚，提升了味道很清新，帶到另一個新層次，令我喜出望外。熔岩椰青海鮮珍珠飯真材實料份量足的熔岩椰青海鮮珍珠飯，新鮮的椰青，椰青滿滿流出來，連帶珍珠米飯都有非常香的椰香味，海鮮有鮮蝦、蜆肉、青口，海鮮新鮮，鮮嫰彈牙，飯又香又熱，填飽了我的肚子，口腔中的香味久久不散，令人唾涎

和富中心 高性價比高質之選～～～之前中學喺北角讀書 所以對呢一頭有種特別嘅情感 仲記得我好鍾意一放學就去和富中心附近玩 因為呢度附近有海旁 有文具舖 又有少少平價餐廳😌～～～一別十年 再次嚟到和富中心 呢度已經係面目全非 沒有了以前嘅頹廢舊商場 而家嘅商場比以前靚好多 好乾淨 好光猛 亦都有好多新嘅餐廳進駐😛～～～諗黎諗去之後 我就揀咗呢一間冰室99 貪佢餐牌有好多食物選擇 價錢又相對接近我當年讀中學嘅價格😋而且唔使加一～～～🐟西京銀雪魚意粉配燒汁$128：邊緣脆卜卜嘅銀雪魚 一咬落去滿口魚油 肉質白嫩肥美 加上甜甜地嘅燒汁 正！意粉軟硬度亦係恰到好處 食得出廚師功架不錯～～～🐷美國豬鞍扒配蒜蓉汁 $98 ：熱辣辣嘅鐵板餐 厚厚嘅豬鞍扒 脆到極致嘅脆薯角 無論貌相 氣味 味道 全部都無可挑剔 加上鐵板助功底下 就算一邊傾偈 一邊食都 可以保持熱度 仲有就係呢個鐵板餐有包埋丹麥酥同餐湯 外脆內軟 香甜有致嘅丹麥酥真係好正！！比平時餐廳嘅牛油餐包好食好多～～～🥘咖喱滑雞農夫包 $62：滑雞唔係用頹嘅雞扒 而係真係用雞件 雞件嫩口 有雞翼 雞翼尖等等 雞皮亦滑溜 農夫包酥脆非常 咖喱惹味而