冰冰果汁

芒椰蘆薈 $8在葵廣掃完街， 必會很口渴。 所以每次也會到這間買它的芒椰蘆薈喝。以8元來說，芒果味很濃。 不會太甜太多醣水的感覺。 椰汁份量剛剛好， 不會太多而搶了芒果的味道。蘆薈粒較小，得兩三粒。杯的分量也不是十分小， 能夠剛剛好解渴。不過以這個價錢來說，其實是十分便宜好渴的。這間店常常也有很多人排隊， 已經常會有出現打尖的情況，店員不會理會，不會處理， 可能是因為經常太多人，所以他們都沒有空閒的時間，處理這些自律的問題。若果香港人，大家都能自律，社會的氣氛就會更加好了!…Read More

如果大家有留意我上一篇對告白果屋的評價，我裡面所提及的是這間在三樓的冰冰果汁! 我表示滿意滿意，喜歡，會再黎! 黎到葵坊當然想食平小小的食物，我叫左杯芒果奶西，$8蚊，好低! 當然味道不是十分濃郁，不會像許留山咁，以這樣的價格，味道一定比較稀，但西米唔會太少，芒果味都ok，淡淡的，不濃，但唔會過分稀，感覺到有加糖因為我覺得偏甜，奶味也是淡淡的，但我覺得都夠，整體黎講是偏稀但正正因為咁，飲完唔會膩，整到飽住個肚，飲完感覺清爽健康，可以再叫多杯 哈哈…Read More

葵廣雖然多左好多野食，飲野嘅鋪頭都好多，樓下有幾檔都試過，唔係話唔好飲，但價錢真係有少少貴，唔太符合我鐘意平平地掃下街嘅原則，所以有時都會懷念下細個冇乜錢，淨係飲到呢啲平價果汁，所以會上番黎3樓。單單係睇價錢，都已經心裡有數佢有幾成係真果汁，但唔緊要，就係鐘意佢夠誠實。你話佢係糖水果汁咩，樓下夠一大堆色素果汁。大佬，幾蚊杯我真係唔敢要求啲乜呀，老實講我仲要覺得幾好飲。密瓜汁 $10真係唔算假，飲到密瓜味，糖水唔過分。西瓜汁 $5西瓜味點都糖水過密瓜味少少，但價錢只係一半。最鐘意呢度嘅果汁夠誠實，你以為出面賣十幾廿蚊杯果啲冇糖水，新鮮榨？…Read More

行左一陣商場，食完個雞蛋仔之後，覺得有少少口乾~ 經過這間店的時候，原本都唔打算買黎飲，但望見價錢後，覺得d野飲價錢都算幾平，大部分都係賣$13，有d甚至賣$8，所以叫左杯西瓜蘆薈汁試下先~ 杯野分量ok，內裹有蘆薈粒，整體黎講，依杯飲品算唔錯，但味道偏甜，可能唔係純西瓜汁，有加糖水~…Read More

芒果沙冰（$6）飲完wind n dine個枝伏伏地既芒果沙水，黎到葵芳填一填肚，順便飲一飲芒果沙冰，六蚊炸！雖然都唔算好冰，但飲落個味真實好多，仲有少少芒果肉添。唉，比得個六蚊雞仲求啲乜啊🙈！足料就夠曬。…Read More

葵涌廣場三樓有好多平既食品，而我最鐘意既，就係一杯杯幾蚊就有交易既果汁。 今次我買左杯芒果真珠黎飲，d芒果汁係幾好飲既，有香香既芒果味，又有冰碎可以咬，不過可惜既係珍珠冇乜味，啖左d…Read More

經過葵涌廣場三樓，見到有檔果汁好多人圍住，就諗住去買杯嘢喝。我叫咗杯木瓜奶，個長曲髮女人要先收錢。收完錢後，個女人去後面即時放Ｄ木瓜落絞伴器度絞。中途我見到有人叫咗杯芒椰奶，另一個女人即時倒杯芒果汁，然後再倒Ｄ奶係面，大概係芒果汁多人叫有絞定吧。當我杯木瓜絞好，我以為個女人又會加Ｄ奶落去，點知她就咁俾我，話「木瓜汁」，然後再問我收錢。我話「我咪俾咗咯」跟住她收返隻手，我再問她「我叫木瓜奶喎，呢杯嘢無加奶。」她即時話「咪加咗咯，Ｄ奶加埋落去絞架。」但我明明睇住佢掉幾舊木瓜和一堆冰落去絞，幾時有加過奶，不過佢咁講我就喝啖試下，但完全無奶味。我再叫她，但她完全唔理我拎轉身去咗後面。我叫咗她好多次後，她先行返過嚟問咩事，我再問她「杯嘢完全無奶味喎。」她竟然答我「Ｄ木瓜好甜啦！唔駛加奶。」跟住就又拎轉身走咗去後面唔再理我。有無搞錯！咁都得！？搞錯咗仲大條道理，我明明加咗錢加奶，漏咗唔加返，唔退差價，仲要咁回應，有無搞錯！？雖然錢唔係多，但咁的服務態度，我寧願去返許留山喝貴Ｄ都不會再幫襯。…Read More

有時遲咗放工，太夜食野又怕肥，都會買生果杯當晚餐就算，16蚊有5款生果、12蚊3款，另外可選配涼粉/西米/紅豆底，最後淋上花奶、椰漿及芝麻珠生果有不少選擇，西瓜、蜜瓜、哈蜜瓜、木瓜、士多啤梨、奇異果、火龍果、芒果、波羅、桃、椰果，甚至啫喱條也有生果杯 （$16）這是5款生果的大杯裝，生果切成球狀或片狀，易於進食，雖然很喜歡吃波羅及蜜桃，但罐頭生果糖份偏高，還是比較喜歡選一些新鮮生果這次揀選了涼粉底，配上木瓜、士多啤梨、蜜瓜、哈蜜瓜及芒果，大部份生果都很清甜，不過新鮮程度只是一般，而涼粉，切成小粒，口感軟，尚算不錯小店還會售賣各色各樣的生果飲料，較多人喜歡西瓜汁及芒椰奶西，幾蚊一杯，十分便宜，但我對這些飲料則一般，因為當中生果成份太少，如西瓜汁，只有數小塊西瓜，然後加入大量糖水. . .相當不健康…Read More

路過見到有齋賣突然好想食齋見佢十蚊可以選三樣要左酸齋,齋叉燒同齋鴨腎全部都入味但齋叉燒就似乎乾左d齋鴨腎油左d但味道上以酸齋同齋鴨腎最好…Read More