Kung Wo Beancurd Factory

都已經忘記了有幾耐沒有到深水埗這老店食嘢。今日友人突然間心血來潮，說着，要到這裏吃煎釀三寶及豆漿豆腐花，於是便動身。到了深水埗這間老字號。我們點了一個煎釀三寶，一個混醬腸粉，一杯熱豆漿，一份煎蘿蔔糕，一份熱豆腐花。煎釀三寶，首先我想講這碟仙釀三寶，完全唔熱，也不是温的，沒有食物應有的熱度。煎釀豆腐的豆腐和肉比例其實唔係太配，因為很多年前在這裏食過煎釀豆腐與今時今日的魚肉相比較下，這天，魚肉比例薄得好似一張紙一樣，我覺得有少少失望。至於三寶的豆卜，是香脆的，其實係好食嘅，不過因為比較凍啊，完全影響食物嘅口感，如果真係能夠熱返少少會好一點吧！混醬腸粉其實都算係好食，因為腸粉算滑，醬汁比例還可以。而且是「熱」的。。。至於煎蘿蔔糕，就令人有點兒失望，因為個蘿蔔糕嘅粉比較厚實，令到整個蘿蔔糕食嘅時候，感覺上比較硬，沒有太大的蘿蔔味道，我覺得這是失水準的。😣至於豆漿，我覺得是最好的！因為味道不會太甜，都有豆香的味道。而熱豆腐花都唔錯，不過好似沒有以前咁滑溜。。。。整體感覺好像比以前遜色了一點。我想講的是，這裏是很多遊客打卡的地方，也有很多街坊支持。希望這間豆腐店能夠繼續努力經營下去，同時也保持食物好味啦！因為老店歸老店，食物的味道是不會騙人的。🤗…Read More

豆腐控來到深水埗當然要到公和吃一頓豆製品。公和是老字號的店，不過店內裝修絕不老套，反而有自家特色。牆壁上有生動的圖解講述豆腐的製作過程，店內還有不少紀念產品發售，對於遊客來說也有吸引力。我一個人吃的不多，要了雙拼，魚腐和煎豆腐，加一碗熱豆腐花。煎豆腐有三件，每件的厚度一般，上面釀了一片薄薄的鯪魚膠，煎得有點點金黃，我覺得如果煎得久一些會更香脆。魚腐兩件，質感外脆內滑，口感佳。這些小吃配上少少辣椒醬同吃，更有風味。豆腐花很幼滑綿密，不用咀嚼就能吞下，放上薑汁黃糖，甜甜的更好吃。這類港產小吃令人回味，經過就進去吃一吃，滋味。…Read More

兩杯凍豆漿，甜， 大嘅 ； 一杯細 豆漿凍嘅無糖。 如果將甜同無糖加埋 divided by two 就最好 ，甜嘅大甜，無糖真係淡到 帶唔出豆味。煎釀豆腐 雖然比以前差咗少少但係都好好食， 畀起其他香港嘅豆品店算唔錯，有中上。黃金魚腐 如果冧啲冇炸咁耐 ，再加重豆香 就認真 good fit Perfetto 啦。環境 冇得講，人多多就真係面對面排排坐，好似大棚倉咁呢個冇辦法。 在場我同朋友叫多一支凍嘅黑豆漿， Wow 真係好凍， 就算今日二十幾度我都覺得凍。 Okay 啦。…Read More

深水埗呢一條街有幾間店都相當唔錯，其中有啲店歷史超過 100 年，真係犀利🧡豆花 呢度嘅豆花可以揀熱食或者凍食，再加上特有嘅黃糖。個黃糖食落沙沙哋，甜度啱啱好。豆花豆味好濃郁，口感滑潺潺，好似啲啫喱咁嘅，真係食過返尋味。除咗豆花，店裡仲有每日新鮮製作嘅豆腐同豆漿。另外，煎豆腐（手打魚肉煎釀豆腐，正到冇朋友）、薑汁豆腐雪糕、雞翼、豬腳、雞腳等等都有得點。坐低慢慢歎，真係好寫意。走嘅時候，我仲順手帶咗一瓶腐乳走，用嚟炒通菜，味道一流，簡直係居家必備！…Read More

好多小店捱得過疫情但係都捱唔過個經濟呢一間小店就非常之神奇佢仲可以擴充營業除此之外，佢會製造咗印咗好多自己舖頭logo嘅product賣俾人我非常之好奇，點解佢對自己咁有又出環保袋、保溫壺等等真係會有人買咩？另外食物上都有追求創新今次試咗個豆腐雪糕好好味呀…Read More

今次去谷和豆漿厰試咗佢哋嘅叄拼（炸豆卜、煎豆腐、魚腐）同埋豆腐花，真係好正！❥ 叄拼炸豆卜外脆內嫩，外面乾身，內裏多汁夠脆口，真係一口接一口，根本停唔落嚟。煎豆腐金黃香脆，搭配少少辣椒油，但係辣椒油唔辣。魚腐就更正，滑得嚟又充滿鮮味，三樣一齊食，簡直無得輸！❥ 豆腐花（大碗）豆腐花滑嫩無比，豆香味濃郁，有成樽紅糖任你加，完美中和咗豆腐花的清淡，食完之後心情都好好。份量都幾大份，我比較細食食完一碗大碗都幾飽。總結來講，谷和豆漿厰嘅叄拼同豆腐花值得一試！…Read More

呢間深水埗老字號專賣豆品食物！都曾經獲得過米芝蓮推介～除咗較為常見嘅豆腐花之外，仲有豆腐豆卜魚腐等豆製食品～一直都好受街坊歡迎🫶🏻啱晒後生仔收工放學去一試———————————-**豆腐花好軟身，充滿黃豆香味，再加埋黃糖，甜而香滑🥰**叄併包括魚腐、豆卜同豆腐各兩件，魚腐嘅質感好嫩滑～有魚鮮味又有豆香味🤤而豆卜外脆內軟，唔會好乾身🫶🏻豆腐就更加嫩滑，但本身味道比較清淡，所以要點多啲醬汁嚟食🙂‍↔️…Read More

公和荳品廠作為深水埗的老字號🪵各式豆類製品一直深受老街坊歡迎👴🏻其出品的豆類小食亦吸引了不少年輕一代光顧🕺🏻在網路擁有着不錯的評價👍🏻———————————————————————要了解一間荳品廠的功架，豆腐花可說是必點的考牌之作📄這裡的豆腐花未如一般常見的軟身🤨質感偏向像豆腐般較為實淨🤔口感略嫌未夠嫩滑😕豆味方面亦未算濃郁，加了黃糖之後豆味變得更加暗淡🥴以一間豆品廠的出品來說，如此質素難免令人失望🥲三拼包括魚腐、豆卜和豆腐各兩件。魚腐混合了豆腐和魚肉🐟質感十分綿滑😊有豆香得來同時有魚鮮味😋淡淡的陳皮味亦令整體味道更有層次🥳豆卜方面，光看賣相本以為會十分乾身😮想不到內裡卻仍有少許水分💧外脆內軟，不會令人有涸喉的感覺😇至於豆腐，厚身得來口感嫩滑🙂但煎得未夠透徹，豆腐出水亦減低了表面的香脆度😩豆味一般，所釀的魚肉太薄亦令魚味欠奉🥺豆漿有甜與無糖可供選擇。與其他豆品一樣，豆漿豆味不算香濃😗無糖版本雖然豆味會較為突出，但同時豆青味亦會較為明顯😣而有糖版本則相對容易入口😀但甜度就略嫌偏高，調味方面可以再輕手一點🤏🏻———————————————————————公和的豆品小食雖然不算是特別出眾，但老實說亦無太大問題🙂欲嚐老字號傳統味道的話都可以一試👌🏻但是否值得受到如此熱捧就值得商榷🤔…Read More

今日去咗深水埗掃街😆 呢個公和荳品廠其實喺銅鑼灣都食過🤣 不過嚟到深水埗又見到，而且好多人食，所以我又嚟試吓啦😙兩個人嚟食，佢規定每人要叫一個嘢食嘅，所以我哋就揀咗兩樣，凍豆腐花同埋煎釀豆腐☺️凍豆腐花，佢加咗甜嘅，有得揀無糖，不過有糖應該好食啲😆 凍呢就冇熱咁滑，但食落就好似食布丁咁，好爽🥰 煎豆腐都好好食，豆味香濃，上面有塊薄薄嘅魚，都煎得好香☺️ 如果唔係想試多幾間餐廳，我地應該會再叫多啲嘢食😛…Read More

之前經過, 但一直無幫襯過, 以往都係好多人😅今日見好似入面有d位, 就入去坐一陣抖一抖, 望下menu, 見豆漿有分凍同熱, 都有分有糖同無糖, 還有分大杯同細杯, 要左杯大凍豆漿無糖, 成為10蚊, 另外要左四件煎釀豆腐, 成為14蚊, 見d店員都好似唔止在唔憂做的態度🤣對客人的語氣都係麻麻地, 等左一陣豆漿送來, 果然好大杯亦夠凍, 但無乜豆味, 有d失望🫤再食豆腐, 煎得好香, 少少魚肉係面又幾夾👍但都係無乜豆的味道, 但坐下抖一抖, 豆腐豆漿又感覺健康d😀可能都不可以要求太高😂…Read More

今日我去開深水埗～所以就隨便來吃个豆腐花同小小野～羅白糕同腸粉當食 lunch, and因為好少去深水埗～所以打算食左先再行去我去的目的地！去到好多人～但巷仔有个位～我不怕巷仔～所以就可以坐～要坐室內～排隊吧！好多小食呀！我叫了大熱豆腐花～好熱好滑～俾七分！羅白糕料足俾8.5分～腸粉真係一般～六或七分！叫做試一下～都几有香港local feel的店～可以打下 甘囉！…Read More

之前同朋友都想試吓呢一間位於喺深水埗嘅豆腐花，今日就約埋佢哋過嚟一齊食，仲喺附近一齊掃街，我哋就揀咗一個三拼，一份炸魚腐，咖喱豬皮同埋梗係唔少得豆腐花！豆腐花非常好食，充滿黃豆香味，而且好香滑，再加埋少少黃糖，成個豆腐花嘅味道更加突出，而且呢個價錢真係冇得輸，難怪咁多人都過嚟呢度食，而且價錢非常抵食，成間餐廳都差唔多滿咗，佢嘅三拼亦都熱辣辣，鍾意食嘅朋友可以一試，個人嚟講最鍾意食魚腐，出邊好少有地方可以食到呢一啲豆製嘅食品，而且佢嘅熱量唔高，所以都適合我哋女仔食🙈🙈 …Read More

放工去鴨寮街買完電話卡，想食小食就諗起想食豆腐，用Google map 搵下附近有無豆腐嘅餐廳，就搵到北河街呢間公和豆品廠 👏👏舖頭唔只賣豆品類，除左豆腐花～豆漿～釀豆腐～釀豆卜之外，仲有瑞士汁豬手～雞腳～雞翼，可以堂食或者外賣，超多人幫襯！我買左煎豆腐 18蚊5件 😍現場即煎 件件都熱辣辣 豆腐厚 豆味香上面薄薄一層釀魚肉 滿足°！買完先知原來可以雙拼，下次我要試埋釀豆卜！！…Read More

收工專登搭車黎深水埗，就係想食返佢嘅美食，好耐冇黎見到原來裝修過，佈置都好特別，去到唔使等位即刻入筆，座位都算乾淨，落完單之後上餐速度好快有得食，三拼荳腐荳扑魚腐好好味一定要叫，如果唔係叫咗腸粉本身諗住叫多一碟，豉油王炒麵正常味道，瑞士汁雞翼都OK可以一試，蘿蔔糕煎得夠香，見唔夠所以叫咗腸粉，凍豆漿好飲，食完有啲飽所以冇食到佢個薑汁雪糕，整體用餐感覺OK，職員有禮貌，價錢都算合理，如果經過附近就要再食多次。…Read More

朋友話想去睇地道啲嘅地方，帶咗佢嚟深水埗，想坐底食吓小食，又唔想食咁飽，就諗起呢間公和豆品廠。細個同屋企人嚟深水埗都會去飲吓豆漿，食個釀豆腐，所以都想比外國朋友體驗吓。我哋嗌咗個三拼、兩杯豆漿同埋一個薑味豆腐雪糕。三拼有釀豆卜、釀豆腐同埋一個炸魚肉撈豆腐。我自己最鐘意食釀豆腐，豆腐無額外調味，一食就有好香濃嘅豆味，好正！炸魚肉豆腐都唔錯，會食到豆腐嘅軟嫩同埋綾魚肉嘅彈牙。我朋友就話炸豆卜最好食，佢係煎釀三寶豆卜嗰隻味，我覺得麻麻哋，因為鐘意食有索汁，軟淋淋嘅豆卜多啲。薑味豆腐雪糕我覺得都唔錯，比起一般雪糕紥實，唔容易溶，豆腐味都好出，係薑汁糖水味道唔算太濃。我哋食晒所有熱食先食佢嘅，可能都至少十五至二十分鐘，都唔會話溶咗好多食唔落。豆漿就有糖嘅話都偏甜嘅，不過豆漿唔落糖又會好寡，所以都無辦法。飲完會有啲口渴，不過出面天氣咁熱，真係要整返杯凍嘢抖吓氣先得。以後嚟都會去食豆腐，坐吓傾吓計都幾似去咗cafe啊～…Read More