Eight Noodles Academy (Closed)

特登黎支持黃店💪💪地理位置方便易搵 店面唔算大-店員服務態度非常好基本招呼同清潔做得到位見到其他客人問嘢都好好態度答-我大概2點去到 唔係繁忙時間唔洗等位-嗌咗三送麵餐揀咗菜心+鹵水豬肚+紅燒腩肉+油麵($35)油麵好好食👍菜心軟硬度啱啱好鹵水豬肚大概有5、6嚿紅燒腩肉都ok好食d送嘅份量可以整體黎講，性價比高份量一個女仔啱啱好仲夠肚可以試多份小食-另外嗌咗炸春卷($10):)一共5件，即炸上到黎熱辣辣餡有d少但係呢個價位差唔多la其他小食都差唔多上下價,感覺都幾抵-店家仲有送貼紙同月曆添撐黃店加油呀!! …Read More

第一次嚟呢個商場，商場有好多小舖頭，道路狹窄，唔少食店都接近滿客。當時時間係接近下午一點半。由於第一次嚟，所以唔知有咩好食，只好周圍行下望下先，行到呢間餐廳，睇佢門口感覺佢係有良心嘅舖頭（睇返之前啲相有連儂牆），而且唔使等位，於是就決定係度食😀呢度同普通車仔麵店舖嘅叫法一樣，揀麵底、揀餸。我就有選擇困難症，揀咗好耐，最後無揀麵，揀咗飯😂呢度嘅落單方法係用水筆畫係膠餐牌上，我交咗之後，姐姐問我要咩汁，有牛腩汁同沙嗲汁揀。本來以為揀車仔麵先有汁，所以無圈到要咩汁。最後揀咗沙嗲汁。問姐姐可唔可以另上，佢話可以，都幾體貼👍我揀咗白菜、午餐肉同滷水蛋配飯，好似好唔典型嘅車仔麵叫法😅但佢有呢啲嘢揀，自己又想食就無所謂啦。同埋，車仔麵嘅好處其實就係自己想食咩嘢就可以揀👻食物5-10分鐘左右送到，好多飯同餸，食到好飽。除咗份量，味道都唔錯。白菜唔會太過油膩，而味道亦鹹度適中。煎午餐肉有兩塊，味道就無咩特別好講啦😂至於兩隻滷水蛋好入味，就咁配飯食都好正💦個沙嗲汁好重味，無論係糖同鹽應該都落咗唔少，有可能係因為平時落係湯麵度，所以重味啲，好彩叫咗另上😳整體而言，呢餐飯性價比算高，環境唔算差，餐廳整潔、座位唔迫，可以慢慢食享受一下。有一個唔好地方係，雖然餐牌寫咗wifi密碼，但連唔到去用，不過麵只係好次要嘅問題。…Read More

又到家裡沒飯吃的時候，作為懶人一個肯定是去買外賣吃了。在家附近的新北江商場走了幾轉，最後決定選擇這家八麵館作晚餐。雖然平常很少到新北江，但這家應該是比較新開的一家食店吧，所以就想試試他了，而且他還有外賣自取９折優惠，我買的車仔麵算起來也只需要不到３３元，應該是全商場最便宜的吧!我叫了咖哩雞翼尖，豬腸和紅燒腩肉拼油麵，湯底叫了牛腩汁加秘製辣汁，原本的我是想叫牛腩，但店員說賣光了，那只好換其他了。先說湯底，本來沒什麼特別的牛腩汁配上了秘製辣汁，整個感覺好了，而且辣度一開始比多，但愈吃愈上癮，如果能吃辣的都推薦試一下！咖哩雞翼尖這個有點普通，而且雞翼尖煮太久了，肉質都有點爛了，不太對我的胃口。豬腸，這個不錯，沒有異味，也能保持爽口但又不會咬不斷，而且入味！紅燒腩肉，這個我也覺得普通，腩肉還沒做到入口即化的感覺，但也沒有太多油膩感，不會給人太多罪惡感，雖然全部都是罪惡感……配料的份量挺多，這個能給好評，而且外賣的容器也是麵湯分隔的，這個對吃麵的真的是福音！就是給的湯匙不太好，很難用！…Read More

難得放假，又去開新北江，諗住搵間餐廳食早餐(雖然都成點鐘)。新北江既舖位間間都細細間，但唔緊要，撐小店嘛！搵到間食車仔麵，都有好多款餸，叫左3餸，滿心期待等食!點知過左3個字都未到，問下先知，原來漏單，又要再叫過。。。千呼萬喚終於見到碗麵，餓死左，拿拿淋食，點知。。。個豬骨湯底，鹹死!好彩有杯凍啡飲下！另外仲一點，就係用即棄餐具。雖然明白餐廳都無何奈何，要慳人手，水費等等，但每日每月累計，其實對環境造成好大負擔除左張單上既'香港人加油'，餐廳自己都要努力! …Read More

新北江係天水圍既平民食堂，今日就黎試下呢間專食車仔麵既八麵館，3餸麵35蚊，基本麵款、配菜同湯底有齊，菜單仲圖文並荗。我嗌左生菜、豬腸、冬菇，配河粉腩汁，望下張相就知生菜真係好多好多好多，應該有一整棵，同埋好新鮮，唔係雪到爛哂個d；豬腸佢俾錯左豬肚我，不過都幾好食就冇所謂啦；冬菇係細細粒個種，普普通通，下次應該唔會叫；河粉幼身，腩汁偏淡味。老公嗌左豆卜、肥牛、芝士腸，配幼麵沙嗲汁；肥牛瘦左d；芝士腸出乎意料係靚野，食落同金x牌一模一樣；沙嗲汁我本身麻麻地，但老公話好香好夠味。有個重點必須要講，就係佢份量好多，無論係餸定係麵都好多，俾料俾得好大方，同時又有個缺點必須要講，就係佢用既都係即棄餐具，包括杯同碗，真係唔太環保。我地仲嗌左炸司華力腸同埋雞翼，味道正常，唔記得實際價錢但印象中幾抵食，加多幾樣小食都唔肉赤。…Read More

自己大概一年無去天水圍，今次去新北江試吓去食一間新嘅車仔麵店。自己叫咗三餸一麵$35，凍飲另加$7。如果係學生有優惠。個價錢我覺得好抵，以後中學時期都同依個價差不多，不過唔個份量會唔會少。今次揀左牛腩，蘿蔔，豬腸加油麵小辣，牛腩入味細細舊，蘿蔔算甜唔苦無渣，豬腸洗得乾淨無咩臭味，餸同麵份量適中，小辣都夠辣。杯凍檸茶味道不過不失，另外叫多個炸春捲，即炸好脆，一份有五條，裡面有椰菜。店內侍應態度良好，希望餐廳食物質素維持，下次想再光臨。…Read More

去天水圍搵食就一定要去新北江睇下😋個到有好多唔同嘅食店可以選擇，今次就試下呢間車仔麵啦！🔻整體評分：7/10🔻價錢：三餸一麵$35，額外配料加$8食物方面選擇都好多，我地都叫咗好多款餸，特別推薦嘅有入味夠冧嘅牛腩、爽口彈牙嘅魷魚、以及脆卜卜嘅炸韭菜餃😋整體都唔錯而且份量都唔少環境方面，車仔麵黎講叫坐得舒服，因為環境好乾淨以及對比附近食肆都唔算擠逼👍🏻📍八麵館 (天水圍)天水圍天湖路1號嘉湖新北江商場1樓C42B號舖…Read More

食得龍肉多都會厭，今日黎左天水圍，食轉車仔麵先。有時食野，除左食物質素，氣氛同心情都好影響味覺。好，坐低睇下有咩好食先。車仔麵包3餸，唔夠自己可以再加，呢度既牛肚好腍夠入味，豬紅都唔錯，好爽一D都唔粉，加左牛腩汁，湯底更濃郁。好耐冇食油麵啦，呢個油麵麵條煙韌，墨魚丸大粒又彈牙，炸醬夠辣，肉碎有咬口，好食！瑞士汁雞翼大大隻，炸司華力腸夠熱，如果可以炸脆D更好。食咗咁多肉，叫碟生菜健康翻啲，飲品就叫咗菜蜜同檸茶。…Read More

新北江好多間餐廳都食過了今日見到這間新開的八麵館，地方乾淨，加上五顏六色的座椅及牆壁，給人年輕活潑的感覺這間店是吃車仔麵的$35包一個面及三個餸；如果不要面底，就有四個餸而且好處是，餸是任選擇的，不會因為某一樣材料特別貴而要加錢，喜歡食牛腩的我當然不會放過這個機會叫比較貴的牛腩！牛腩炆得很入味。.其他材料都很大份-響鈴三大條、滷水蛋完整兩隻、肥牛一大堆、漢堡扒一塊完整上........我有個朋友想減肥，所以就叫淨餸- 其實真的很飽，他點的炸韭菜餃餡料飽滿，而且很有心思是分開上的。魚腐有四件，想不到沒有面也會吃得飽！.另外點了三款小食，雞髀、雞翼也煮得很入味呢！炸燒賣$10有六粒，抵！.每叫一碗粉面也可以以優惠價加飲品，飲品也是大杯的，基本上食完一碗麵飽到可以整日不用吃飯lol…Read More

天水圍比人感覺好似冇咩好西食但其實呢到平民美食比較多今日黎到新北江食呢間開左唔算耐既車仔麵又幾有驚喜呢到雖然鋪仔細細，但裝修都幾「是正」款式都幾多，而且價錢唔算貴不過今日黎食早餐就唔點呢個啦好驚喜既係早餐竟然都有瑞士雞脾食仲要可以係腸、蛋、火腿、餐肉、紅腸揀三樣連埋野飲咁樣先$32！！！真係超級抵食！！仲可以加$2要多個薯餅/牛油方包/多士真係抵食夾大件瑞士雞脾米粉，配腸仔、炒蛋、火腿，加配薯餅唔好以為32蚊貨仔就會比流料呢到既雞脾足足有半個碗咁大隻不過最重要係連味道都一流煮到入晒味同淋晒係淋到可以用筷子一夾就夾得起Ｄ肉既地步可想而知係幾正而瑞士汁亦充滿咸香好開胃朝早食都唔會覺得膩米粉份量夠晒足應該有平時食開茶記1.5倍份量而且亦好爽口唔會散晒變晒粉咁湯底我點左少辣既秘製辣汁佢又唔會太辣，而且個辣味都幾有層次必需特別一提既係佢既炒蛋一般都可能只會比一隻蛋份量既炒蛋就算呢到保守估計起碼兩隻或以上真係超抵食薯餅炸得好香口，而且熱辣辣新鮮炸起，正凍檸茶茶底都幾靚唔會苦澀，仲要咁多檸檬，真材實料…Read More

現在天水圍多了很多美食 來到新北江商場覓食看到有家新開的小店 原來是食車仔麵的店鋪🤤還有早餐可以選擇🤭 早餐時間去到中午1200方便很多睡得晏的朋友 可按想食的配料而點餐餐廳很環保 用白板筆圈想食的食物 還可以重用不會浪費太多紙張 一個人用一張餐牌以免混亂·自選3餸麵 HKD$35up·炸燒賣 HKD$10/6粒·瑞士雞中翼 HKD$18/3隻·熱菜蜜 HKD$5 / 凍咖啡 HKD$7(跟餐價)車仔麵每一次食也會點很多餸 這次我們選擇8款餸🤣 有豬紅/豬腸/豬肚/豬皮/牛肚/魷魚/肥牛/柚皮/通菜配料食物做到很入味[色][色] 最喜歡豬腸和柚皮這兩款味道不錯而且很腍身 而瑞士雞翼味道很香肉質鮮嫰🥰…Read More

聖誕假去住在天水圍的朋友家玩，去之前也新北江商場食左午餐先，見哩間新開的車仔麵店幾抵食，$35有三餸，新張期間仲免費贈送熱飲和汽水，而且都好多人幫趁，就入去試下坐底先發現八麵館係一間黃店，店內都有彩色memo紙和箱頭筆留言。早餐12點前都有供應，平均$30包熱飲，價格都合理。車仔麵$35包三餸，麵底和配料選擇都幾豐富，另外亦加錢加配小食和冷熱飲。朋友點了豬腸、牛肚、南乳豬手配粗麵，每一款餸份量都不少，麵底份量也多，估計有兩個粗麵，食完一定夠飽，非常抵食。湯底是豬骨湯，朋友加了牛腩汁，夠味得來食完又唔會覺得口渴。豬腸洗得乾淨，三款配料都炆得夠腍。我點二四餸，額外加餸每款加$8，我點了豬紅、蘿蔔、豬腸、牛柏葉配粗麵，豬紅帶點彈口，牛柏葉爽口，蘿蔔夠腍沒有渣。湯底我加了秘製辣汁，雖然只是小辣，但辣度約等於平時中辣程度，辣得過癮，如果平時食開小辣的，建議點BB辣。原本凍飲跟餐加$7，新張優惠加$3就可以了，我們點了凍好立克和凍奶茶，雖然味道不及茶記，但都可以接受，味道道不會過淡。總結，車仔麵味道雖然沒有太大驚喜，但勝在抵食，$35已有三餸，而且亦比出面的車仔麵店足料，食完唔會好似食左空氣咁。…Read More

朝早入咗天水圍做野，見肚餓所以食埋lunch至返屋企。去咗間車仔麵店，欣賞佢點菜既方式，係將自己想點既食物直接用marker圈住，大家都一目了然~朋友點咗一碗豬骨湯米線，配菜包括貢丸、金菇菜、響玲同柚皮我就要沙嗲汁河粉，配墨魚丸、魷魚同埋咖喱雞翼尖。另外再要一碟菜心、瑞士雞脾同炸司華力腸share。碗米線加咗底，分量一d都唔吝嗇！最欣賞佢既柚皮，纖維幼細得嚟又冇苦澀味。至於我既河粉亦唔錯，魷魚好爽雞翼尖又入味。瑞士雞脾色澤夠深，食落完全冇雪藏味，肉質亦嫩滑唔會乾，讚！最後係炸司華力腸，會幫我地切開，食既時候好方便。飲咗熱朱古力同熱檸水…Read More

唔熟天水圍真係唔知原來有個商場入面係有勁多野食，而且價錢同食物仲好大眾化，不過入到去真係好易迷失。就係芸芸咁多間食店入面，我見到呢間車仔麵新開張又有優惠就入去試下啦。見到佢可以揀嘅配料都有好多款式，成40幾種，有啲出面仲好少有添。叫三餸一麵都係$35蚊，而且仲有多款小食任君選擇。五餸一麵$51我就比較貪心啲叫咗五個餸，有肥牛，牛肚，白菜，豬大腸同豬，麵底係米線同揀咗試下佢個辣汁。上到枱碗麵都好大下，啲餸食得出係由細到大好傳統嘅味道，好有懷舊feel，唔似出面有啲車仔麵係唔入味。不過個米線就煮得差咗少少，有幾條未煮熟咁仲係硬身。我諗揀返河粉應該沒問題。炸雞中翼3隻$18炸起新鮮熱辣，食落去又香又脆，質素唔會輸比出面食到嘅土匪雞翼，仲要廿蚊唔使仲想點。凍朱古力飲落好濃朱古力味，唔會溝好多水，都值得一試。呢度絕對適合附近學生同街坊放工放學黎食😆…Read More