八木魚介料理 (Closed)

25/4/2021 星期日，到天空之城 享受假期午餐😊坐戶外都好舒服，夠濶落，吸新鮮空氣。午餐今次試咗兩款特色小食：-松葉蟹羔雲丹甲羅燒，蟹蓋內有蟹羔，蟹肉，海膽，明太子，好美味呀！下次再encore!另外亦叫咗脆炸軟殼蟹，脆卜卜😋主菜叫咗午餐定食：蒲燒鰻魚飯定食，鰻魚嫩滑。雜錦壽司🍣配湯烏冬定食，師傅即整壽司，夠新鮮，亦都好多件，款式亦多，好抵食，烏冬夠彈口，正正。我哋叫咗兩杯白桃梳打，凍凍的，解渴！想要遠離市區，享受日式料理，不防嚟試下！

今晚第一次一家四口黎同老公食生日飯，所有叫既食物都好有水準，要提到生牛肉真係要介紹超好味，老板可控制牛保持到新鮮，入口即溶，好有牛肉既鮮味，我食過好多次其它店舖既生牛肉，但都係第一次食生牛肉食咁多片，仲要入口之後食到咁香既牛肉味！我會再帶我既好朋友一齊黎再食過！另外生蠔都好掂，因為我既玻璃肚一有少少唔清潔既食物，我就好快知道，今日食既蠔好爽甜新鮮！淨係呢兩款食物可以睇得出老板打理既食材好有專業水準及心思，在現在疫情既情況下都可以保持水準，就感受到老板對食材既處理一定擺在第一位，才另到每一位客人食到食材既真正新鮮及味道！

我覺得普通囉！ 雞軟骨要八九十蚊細細碟( nuts size) 都ok脆嘅， 但唔值呢個價，仲叫咗個豚肉炒雜菜係超鹹， 返屋企要飲多啲水恐防有腎病， 炸豬扒洋蔥飯百五蚊一碗， 個人覺得吉野家仲好食 ， 豬豬表面已經唔脆啲飯又爛 ， 洋蔥同蛋碎濕濕.水汪汪嘅一pat嘢，串燒反為最ok ，但最主要我唔中意喲 service,可能行完山衣著比較唔光鮮， 落完單用怪怪的眼神望住我， 話唔夠 600蚊只收現金㗎喎， 食夠600蚊先有得碌卡， 兩個人食張單大約四百幾( 俾現金囉 )其實夜晚出街兩個人食幾百蚊至800內我都覺得好合理， 前題係嘢食普通， service唔得， 唔會再嚟啦......

13/6/2020 星期六，一號風球，都無阻我哋聚會食午餐。之前嚟過呢間幾次，都好有水準，所以，今次推介比朋友，一齊嚟享受午餐。大家分別叫午餐定食，有：-三文魚碎蔥吞拿魚生飯定食三文魚蟹籽甜蝦魚生飯定食蒲汁燒鰻魚飯定食吉列三元豚肉飯定食另外加一客 炸生蠔（有6粒）飲品有：-白桃汁荔枝汁巨蜂汁甜品叫咗 菠蘿sherbet各款食物都新鮮，吉列炸物好鬆化，唔多麵粉包著肉肉，睇得出廚師好有心機烹調！最後食埋甜品 ，透心涼！好正😋

開咗都一段日子高埔村冇咩日本餐 所以今日就揀咗呢間餐廳每人嗌左一個lunch set 同一般市價定價相約三個lunch都頗有驚喜 平時食日本嘢最鍾意試佢哋嘅天婦羅呢度嘅天婦羅皮唔會太厚 不過隻蝦就可以腌得更加入味夜晚嚟呢度應該幾好 始終呢個地方唔算太熱鬧飲一杯都幾舒服😌

此店老闆是一位對食物處理非常認真的人，一班老友對他都十分喜歡，這晚就特別到來一聚，特別預先訂了汁煮鮑魚鮑魚味道保持一貫的鮮美，另一精萃是那件大根，吸收了鮑魚的鮮味外更是入口即溶。此店的串燒比他們搬遷前又更上一層樓這個燒鷄皮香脆不膩，送酒一流。海鮮刺身更是無話可說，自家魚缸保持新鮮外，師傅的功夫更是一項藝術所以除了飛機直送的海鮮外，還有時令海鮮。其餘食物都是非常美味，真是要自己食完才可感受到，但最後不得不提的另一個代表作，就是師傅自家做的蕨餅入口軟棉而清甜，是一餐美食的最佳終結。

開左一段時間都未食過～ 今日終於可以試下！ 因為都秋涼了～ 所以坐左係出面～ 好舒服～ 燈光裝修都好舒服～ 另外食物都好好食～ 其實無諗過你元朗會食到甘既高質食品😍兩個人食唔曬～ 好飽飽又好滿足的一餐🥰值得推介比大家

自從去年跟同事酒腳初嘗家庭式日本料理之後，一試難忘，食材新鮮，招呼親切。當時大家約定必會在此再聚，點知老闆搬舖，一別半年，終於上星期五晚大家又可以在錦田把酒言歡！雖然地方稍遠，但環境與空間都比舊舖舒服，食材依舊保持水準。串燒，刺身加清酒絕對是我班酒腳吹水的最佳配搭。

元朗新店開幕，約咗屋企人去試試。雖然係元朗，交通尚算方便。靠近巴士站同地鐵站，好容易搵到。今次點咗左口魚同鮮鯖魚刺身。食材新鮮，入口鮮甜。鲜鯖魚味道濃郁非常可口。串燒都保持水準，日本鷄尾皮脆油香，一絕。燒和牛排，香口丶入口即溶，正。大脂油分充足，只是不能吃太多，不過邊個可以頂住誘惑。師傅再配上金目鯛，深海池魚，馬糞海膽。真正大快朵頤。最後鮮魚湯收尾，加柚子雪芭。人生一大樂事，水準保持高水平，是合理價位嘅刺身店。