Yahataya Shabu Shabu (Closed)

火鍋店的環境非常舒適，適合朋友聚會或家庭聚餐。服務員熱情友善，上菜也很迅速。我們選擇了D4餐，因為現在做緊全天半價的優惠，而且可以食到和牛和海鮮，食物質素相當高，還有不少選擇！這個餐的重點一定是和牛和海鮮！和牛和牛的質量相當高，肉質鮮嫩，油花分布均勻，入口即化。特別是帶有一定脂肪的部位，煮熟後肉汁四溢。作為牛肉愛好者的我，十分滿意這個質量！海鮮海鮮選擇多樣，包括新鮮的龍蝦、鮑魚、蜆和魚等等。龍蝦肉質彈牙，鮮甜可口；而其他貝類都洗得非常干淨，也很新鮮！更驚喜的是有大閘蟹食，肉質豐滿，蟹黃濃郁，搭配蟹醋更是提鮮美味。蔬菜及丸類雪櫃裏仲有很多不同款式的蔬菜和丸類任君選擇，每樣份量適中，可以把所有種類都是一遍！整體而言，這間火鍋放題提供了高質素的食材和舒適的用餐環境。無論是和牛還是海鮮，都能讓人感受到新鮮，特別是龍蝦和大閘蟹，值得一試！…Read More

{日本黑毛和牛龍蝦任食}打邊爐有咩係開心得過和牛任食放題呢？就係刺身、海鮮、串燒至到連龍蝦都係任食架！呢件事CP 值真心係極高！240分鐘食到飽晒😂呢個D4餐仲要做緊全日半價！正呀！坐定定先來一個刺身併盤，刺身新鮮解凍適中，難得帶子都食到個鮮味，其他各樣都非常新鮮好食！最開心係呢度仲有好香口嘅劍魚腩！食完刺身咩都唔洗講，來個美味雞煲，麻香味偏重，但正合本麻甩口味！突出雞肉的美味！海鮮拼盤、開邊龍蝦竟然都係任食，仲有芝士焗嘅版本，真係食唔停！食完雞煲可以轉湯底打邊爐，湯底都有唔少選擇，又要食又要怕熱氣嘅麻甩有得揀「冬瓜薏米湯底」真心驚喜！肉食大王主打黎喇，每一碟肉肉都新鮮油香極濃，超喜歡呢度用晒刻有肉名嘅碟黎裝牛，A4和牛外腿、牛肩、肉眼、前胸真係一目了然！想再叫都唔洗特別記邊隻正！外面仲有無窮食材任拎，連Häagen-Dazs™都係任食，呢度仲有燒物都勁吸引，真係令本麻甩同朋友大飽口福！真係值得推介🤟美味程度：😋😋😋😋😋環境指數：🎇🎇🎇🎇🎇番食機會：🦍🦍🦍🦍🦍📍 #八幡屋涮涮鍋 (旺角)旺角彌敦道628號瓊華中心12樓…Read More

好耐無食火鍋，今日黎八幡屋涮涮鍋真係超正又抵食！上到去見到佢哋個餐牌，真係冇得輸。佢哋啲食材唔單止夠新鮮，仲有推出抵食嘅優惠，食完真係超滿足！我地諗左好耐揀咩餐，優惠多，C3餐有買一送一優惠，D4餐就全天半價，兩個性價比都高，心大心細咁，最後決定食豪d，揀左D4火鍋之前先上雞煲，雞煲調味，唔會太咸，但又好惹味香噴噴，好欣賞係洋蔥甜味，雞肉又嫩滑多，侍應間中行過都會幫手，睇吓要唔要校細啲個火，食食下見到差唔多又會即刻收走用過既碟，服務態度真心友善D4餐有招牌的A4和牛，澳洲A5和牛，每款牛肉都好有油香，入口即化，好食到停唔到口，終於可以狂食好食既牛肉至於龍蝦，賣相靚到冇朋友，肉質彈牙又新鮮，外殼紅噹噹，擺盤又夠精緻，仲影到啲靚相打咭海鮮最正係有鮑魚呀，點解可以咁抵食，海蝦又係爽口彈牙無腥味刺身成十款，新鮮選擇夠晒多，最正係有帶子同吞拿魚同鯛魚，我地揀左最吸引過幾款黎試D4餐仲有全天半價優惠，真係平靚正，適合無論慶祝大日子定係平日開心下都超抵火鍋之前先上雞煲，雞煲調味，唔會太咸，但又好惹味香噴噴，好欣賞係洋蔥甜味，雞肉又嫩滑多，侍應間中行過都會幫手，睇吓要唔要校細啲個火，食食下見到差唔多又會即刻收走用過既碟，服務態度真心友善自助火鍋料選擇都超豐富，有唐生菜、冬菇、魚丸、蝦丸、烏冬，仲有拉麵同好耐冇見既八爪魚🐙任點你鍾意搭配，每一口都係幸福滋味！湯底有好多選擇，我地揀咗用壽喜燒湯底，用嚟涮牛肉，更加香到無得彈。呢度無論刺身、龍蝦、雞煲，火鍋料定雪糕雪條飲品都質素超高，優惠多又適合各種場合。下次再聚會，必定揀返呢度，真係好味又開心！ …Read More

朋友聚會有人想食刺身，有人想打邊爐，所以今次嚟咗旺角呢一間火鍋加日式放題入座前就要揀好食邊個set同埋湯底，我哋今次揀咗平平哋嘅C1，貪佢無限時任食12款刺身同9款海鮮，咁當然都唔少得邊爐同埋日式炸物、燒物等等，重點係！咁多嘢食都只係講緊每人$298，未食都覺得勁抵湯底方面，我哋揀咗沙嗲鍋，嚟到賣相比想像中更加唔錯喎，味道都唔會好淡。刺身方面選擇好足夠，平時食嘅三文魚、蝦、帶子、貝類等等都一應俱全，而且落幾多件就真係嚟足咁多件，刺身都切得算厚，大大啖，好滿足。另外海鮮都有驚喜，我哋試嘅扇貝、蜆、蝦、青口等等，全部都超級大隻，唔似放題食到嘅質素😍火鍋方面，肉類都係手機落單，呢個價錢可以食到美國進口牛肉，質素就正正常常勝在款式較多。另外出面都有其他火鍋配料可以拎，丸類、蔬菜都好齊全，其中估唔到燒賣又幾好食，第一次打邊爐落燒賣都唔錯喎😂日式燒物同炸物方面都係食放題會見到嘅大路嘢，包括日式天婦羅、芋泥波波、串燒等等，個人覺得芋泥波波幾好食，另外蝦多士亦都好唔錯，最欣賞嘅係佢哋上菜嘅時候會俾埋天婦羅醬汁☺️…Read More

最鍾意食放題嘅我哋，今次嚟咗呢一間八幡屋涮涮鍋，超滿足!!! 有火鍋又有放題，連魚生都好多種類。我哋揀咗啲D3呢個餐，因為而家做緊半價，啲牛肉勁靚，而且放題可以任點幾多碟都得。老公最鍾意食龍蝦，所以我哋仲加咗一碟龍蝦，有好多膏好新鮮超好食。平時通常去開啲雞煲專門店食雞煲，呢一個火鍋放題會首先近一個雞煲，啲雞都好滑，汁好濃味，而且未轉火鍋前都可以任加雞。飲品甜品方面，都係任飲任食勁多選擇，仲有啤酒都係任飲。值得一提嘅係啲D3呢個餐係有240分鐘，同朋友嚟食啱晒。…Read More

今晚想食得好啲，同朋友預先卜咗食放題邊爐😍好彩有做足功課，原來c3個套餐買一送一，而D4全日都半價，超抵食，仲有預先預訂就有手切牛任食😆抵好多呀！！！原來唔止有菜單上面嘅嘢食😂😂一去到就有雞煲，重要係任食，味道好香，有啲沙嗲味！勁正🥹仲要好多雞，全部都掛哂汁係面🫶🏻跟住好快就有刺身，手切牛，龍蝦上喇😍勁靚仔！！食完雞煲，就可以揀要咩湯底打邊爐！佢都好多款式可以揀！今日預咗食好多牛，所以就揀咗沙嗲湯底👍🏻刺身有得任食😆有三文魚，赤貝，帆立貝，鵰魚腩，吞拿魚…全部都冇走單，仲要好新鮮肥美！！就咁食刺身都食回本😍海鮮拼盤，有蝦，鮑魚，東風螺，花甲，青口，帶子😍好豐富！蝦肉超彈牙又大隻！鮑魚好爽口👍🏻仲可以喺QR code入面再點廣島蠔，勁大隻！！手打墨魚滑😍都好高質！！手切牛，啲紋好靚又好新鮮，肥瘦均勻，仲要係鮮紅，食落好嫩，記得唔好烚太耐，8成熟啱啱好🥳喺外面自助枱仲有好多雜丸，菜，菇，瓜，小食，麵類，甜品，飲品可以自取😂基本上食到一半已經飽晒，我哋今日都冇特別食甜品😂但係見到佢有雪糕，布甸食👍🏻仲有炸物任食，encore咗幾次金菇肥牛卷😆好食！！…Read More

八幡屋位於旺角瓊華，地點方便不在話下，更加震撼嘅係放題都可以有咁多高質食物，超易回本！尤其是如果鍾意食海鮮刺身大食嘅朋友，一定抵過去散叫嘅日本料理居酒屋多多聲～首先講吓D4餐主打240分鐘任食，可以同朋友慢慢坐慢慢傾，最誇張係龍蝦可以任叫飲食！仲有鮑魚海蝦日本A4黑毛和牛等任意追加，仲要買一送一，每人$500左右已經食咗差唔多價值$1000嘅嘢！asahi放題任飲保證同朋友飲飽食醉滿載而歸，如果酒量好嘅話更加係不二之選，淨係飲酒大概半打已經等於平時去街兩百幾三百蚊嘅份量😍另外講吓食物嘅質素，和牛真係超香牛味，入口即溶又嫩滑，絕對冇得輸。刺身亦都好新鮮，多款選擇三文魚赤蝦個人推介覺得最好味😋一入座已經有個香辣雞煲，凍凍地食個辣辣地嘅雞煲真係一大享受。另外仲有鹽燒大海蝦，多春魚等燒物，款式包羅萬有一個價錢有刺身有雞煲火鍋燒賣邊度搵～總括而言，八幡屋嘅放題真係性價比高，好多餐廳嘅放題都可能因為要平衡成本，導致任食就會令到質素下降。但係八幡屋係高質食物任食，平時如果去街一班朋友比較大胃，次次埋單位位都過6 7百，不妨試吓八幡屋240分鐘任食，包你有驚喜又慳荷包😙…Read More

旺角八幡屋涮涮鍋有好多野食款式，除咗邊爐，仲有刺身+海鮮+牛肉+甜品任食佢地分 C 同 D 既餐，C 餐依家$298 起就可以無限時任食，不過記得要提前一日預約! 另外D4 依家就係全日半價，有A4和牛架～✨湯底邊爐可以揀一人一鍋/大鍋，湯底就有 8 款，我同朋友分別揀沙嗲/昆布湯✨9款海鮮款式都多有廣島蠔/蝦/蜆/蟶子/帆立貝等✨13 款刺身帶子/三文魚/八爪魚/甜蝦/吞拿魚/鮑片等 ✨其他燒物/炸物燒物有虎蝦，金茹牛肉卷，仲有炸芋丸, 麻吉燒等✨自助吧菜類/丸類各款丸類牛丸/貢丸/蝦丸燒賣✨湯/飲品/甜品野飲都幾齊有紙包/汽水/啤酒，而且仲有碗仔翅…Read More

龍蝦：比手掌大DD，隻隻有膏。黑毛和牛：雪花肥瘦均衡，食落又滑又有牛味。澳洲M5和牛：無甘多雪花，肉味比較重。黑豚肉：肉味好出。鮑魚：彈牙！海蝦：肉質彈牙，鮮甜。劍魚腩：比較少打邊爐剌身可以提供到，而且好好味！帶子：大大粒，滿足到口感。雞煲：炒到剛剛好，肉滑，舊舊差吾多大細，吾夠仲可以再叫。Haggen Dazs雪糕：任食！回本之選。仲有吾同海鮮、剌身，自助區有雜丸、疏菜、飲品等等，種類繁多。待應表示而家C3做緊買一送一，而D4半價，真係岩晒三五知已坐一個晚上圍爐吹水！…Read More

同朋友發掘咗呢間有雞煲又有刺身又有海鮮又有和牛仲有唔同嘅天婦羅同串燒嘅放題🫶🏻👀見到佢嘅和牛餐做緊半價優惠，另外仲有龍蝦！✨首先會上一個雞煲，我哋揀咗小辣，加埋芫荽洋蔥等嘅配料味道好豐富，而且雞件都好多同埋幾鮮嫩，雖然雞煲係任添，我地就兩個人食一煲，留返啲胃口食其他火鍋配料🤣✨食完雞煲就到打邊爐，仲可以再選擇湯底和牛好有份量，日本A4黑毛和牛嘅油脂雖然唔算好重，但帶有好香濃嘅肉味，厚厚嘅一片好有口感✨火鍋嘅海鮮選擇都好多，鮑魚已經經過處理，食落好方便，而且非常之彈牙👍🏻😋✨刺身幾有水準，選擇多，亦都有珍寶帶子、甜蝦等等高質刺身，帶子係幾有驚喜，食落好新鮮同埋鮮甜✨熟食嘅小食同埋炸物選擇都好多，個人覺得佢嘅串燒虎蝦好出色！蝦肉大大隻彈牙，淨係用鹽嚟調味已經好足夠！✨另外佢嘅甜品都有好多選擇，絕對唔馬虎，竟然仲有牛奶布甸、芒果布甸🍮同埋朱古力蛋糕等…Read More

旺角有好多放題選擇，趁住天氣仲涼涼地就搵左間火鍋放題。呢間打邊爐食肆位於瓊華，位置都好方便，食飽飽仲可以係附近shopping消化下。事前都上網睇過呢間店嘅資料，見D4套餐有龍蝦，日本A4黑毛和牛做緊半價優惠，連加一人均都係540，幾抵食就揀左呢個餐。而餐廳裝修好光猛，有好達摩公仔做裝飾擺設，座位夠闊落，通道又寬敞。店員先上雞煲，帶麻小辣，每件雞件都索左雞煲醬＆香料嘅味道，食得出好有鑊氣，仲好惹味🤗😋本身以為會用返雞煲果煲加湯打邊爐，點知店員會換上另一個新鍋，而且有幾款湯底俾客人選擇，我地就揀左沙嗲湯。等待湯滾嘅時候，可以用QR code 點，除左有火鍋配料揀之外，仲有刺身，壽司，海鮮，炸物，串燒等，而且款式比其他放題都多，竟然有田雞腿叫添😱海鮮拼盤有6款海鮮，鮑魚好彈牙爽口，貝殼類都好干淨，食唔到有沙A4和牛肩切得厚薄適中，油花平均分佈，牛味濃。滾完之後，肉質滑嫩，唔會好硬，品質非常高😋而牛肩肉都冇令人失望，肉汁多，油脂化開帶有甘甜。甜品方面都有唔少嘅選擇，有啫喱，雪糕，雪條等，Brownie做得好出色，好濃嘅朱古力味，裡面仲有朱古力粒，忍唔住食左幾件🤣差d漏左樣野唔記得左講, 呢度有啤酒，清酒，梅酒任飲🤗…Read More

今日放工之後好想打邊爐就去咗旺角旺角瓊華好多間都食過就係未試過呢一間有好多餐可以揀 依家都做緊優惠C3套餐就買一送一 D4就全日半價 仲有得食龍蝦同朋友決定要D4試一試 - 日本黑毛和牛原來成個餐都有好多嘢食刺身 海鮮 壽司 串燒 炸物 出面仲有自助火鍋料刺身種類好多每一款都好新鮮 三文魚非常之厚切 八爪魚彈牙 打邊爐前仲有得食雞煲😍😍😍雞煲份量可以不停添加 食到夠晒先至換湯底打邊爐 日本黑毛和牛 油脂豐富 牛味濃郁澳洲M5和牛 肉質相對厚實 海鮮全部都好新鮮帶子 鮑魚 蝦 蜆肉 yummy 😋 好少打邊爐餐廳可以有龍蝦食 surprised 見到隔籬枱食咗好多碟龍蝦🤓 證明龍蝦肉質鮮甜👍🏻👍🏻👍🏻食完之後仲有雪條真係好滿足🤍…Read More

旺角嘅八幡屋涮涮鍋，係一家火鍋放題店！預早網上訂座嘅話，C套餐可以免費升級做無限時，保證飲飽食醉！C3 澳洲M5和牛 $418/位套餐包含澳洲M5和牛、刺身、壽司、海鮮等任食，連清酒啤酒都係任飲！麻辣雞煲先上嘅係雞煲，小辣帶麻，啲雞件索滿雞煲醬同埋香料嘅咊道，都唔錯！食完就可以換湯底打邊爐，不另收費！刺身是日嘅三文魚、帶子、劍魚腩、甜蝦係特別outstanding，水準以上，好食到encore咗幾轉！澳洲M5和牛帶均勻嘅油花，輕焯幾秒就食得，軟淋富肉香！海鮮大大隻黑虎蝦，仲有巨型嘅帶子，都係任食！自助區包埋啤酒清酒任飲，甜品類嘅選擇亦夠多，唔錯！…Read More

和朋友難得相聚，選擇了環境愜意的八幡涮涮屋，走進去環境寬敞，可選品種除了掃碼自助下單外，還有很多熟食區。揀選了D4餐，有龍蝦可以吃！然後上來一鍋雞煲，食完可以落湯涮鍋。幾個小時裡面，和朋友傾解好舒心，食得都超級滿足！推薦朋友們可以來試下❤️刺身十分新鮮，個人好中意三文魚刺身！和牛肉品質都很好，入口即化。最後落湯選了冬瓜薏米，還可以降降火，甜品選擇了最愛的芝麻豆腐味，可以說頭盤、主菜、甜品環節都滿足了大胃口需要。…Read More

移民到英國嘅朋友返黎香港探親，要去旺角買電腦野。行足一日買齊已經天黑，佢話好掛住香港嘅邊爐同放題，就過黎瓊華試一試呢間。登記個哥哥好好人，介紹我哋而家C餐同D餐都免費升級到無限時，而且C3仲有買一送一優惠，毫無疑問扑鎚C3澳洲M5和牛配骨膠原豬骨湯補一補~餐廳入面好闊落，座位都好舒服，岩哂幾個朋友一邊食一邊傾偈。落完order之後出去自助bar睇睇，各式丸類同配料都齊哂，仲有幾款新鮮菜可以揀。飲品都有超多選擇，啤酒汽水涼茶都有，我哋試左隻青檸味嘅梳打水好好飲~返埋位之後，野食就已經送到。和牛質素唔錯，嫩得黎兼顧有肉味，好食~刺身有幾多選擇，新鮮肥美，我哋都encore左幾轉。我哋仲加左幾款海鮮火鍋配料，最好味就係蜆同蠔，仲有墨魚滑都十分推薦。炸物同燒物都有超多選擇，炸蝦三文治係麵包夾住蝦滑再炸到極香脆，大推~而燒蝦都燒雞翼都非常正，燒蝦爽彈，雞翼惹味。食到最後，雖然我哋都飽到不得了，但完美的一餐總是要以甜品作結，呢隻朱古力雪糕綿密香濃，值得將quota 再加一格。…Read More