兩姊妹涼皮有限公司 (怡和大廈)

Open Now

Now Closed

喺怡和大廈搵快餐，兩姊妹涼皮真是一個驚喜！點咗招牌兩姊妹涼皮配火炙鹹香豬五花，涼皮爽口彈牙，調味入晒味，豬五花大大片，香脆唔油膩，質感同味道完全唔輸畀拉麵店嘅叉燒！仲試咗黑糖桂花妃子冰粉，桂花香濃郁，甜度啱啱好，配涼粉清爽又解膩，食完好舒服。極品擔擔麵都好出色，麵條有咬口，蒜泥白肉調味均勻，份量多到食完好飽！店員服務態度友善，點餐同上菜都好快，環境乾淨企理，雖然地方細小但坐得自在。整體嚟講，食物質素高又唔單調，適合想食地道又健康嘅快餐。下次想試其他涼皮配料，聽講配料選擇好多！

兩姊妹涼皮有限公司有很多分店，這次來到中環Basehall店。餐廳主打西北與陝西小吃的地道小店，以新鮮自家製手工涼皮和多款傳統小食聞名。餐廳裝潢簡約實在，門店通透明亮，既提供堂食，也可外帶，是中環上班族和小吃愛好者的熱門選擇。無論天氣炎熱還是需要快餐一餐，這裡都能隨心享受滋味小吃。我的最愛：招牌涼皮兩姊妹涼皮最出名，一試便知。每日新鮮自家製，麵皮彈滑Q爽，筋道不黏牙。配特製醋、花椒油、蒜蓉及自家辣椒醬，酸辣開胃，花生碎、青瓜絲和豆芽為配料豐富層次感。建議拌勻後食用，醬汁包裹每條涼皮，香氣四溢，份量分明，份量充足。其他推薦菜式辣手撕雞分量大，雞絲嫩滑，配濃香麻醬和花生碎，每口都很足料。價位：主食約$45-65港元，小吃約$20-40，性價比突出，每碗份量十足，質素穩定。

點了一個招牌涼皮，外賣，加了青瓜絲，秋葵，豌豆，一個椒麻雞，拿回家後，只有椒麻雞算是有味道，涼皮根本就沒有味道，只有辣椒的味道，你們做涼皮不用鹽，醋，糖嗎？怎麼吃？

Lunchtime撞正落雨，就唔行咁遠，近近地去basehall食lunch, 去到就試下一直聽朋友講左好耐話好好食既兩姊妹涼皮有限公司～我地兩個人係basehall都算易揾位，一坐底就qr code落單試下佢個招牌兩姊妹涼皮（$38）加雞絲（另加$15），朋友就叫左個暖笠笠豆腐熱皮～一黎到見到賣相唔算話好吸引，但食落又真係有驚喜。首先佢個涼皮好滑，咬落又唔會話好似薯粉咁好煙韌，佢算係易咬果種質地，口感很不錯，我好中意👍🏻 另外就算我叫既係涼皮，但佢都唔會話好冰凍果種，反而佢係屬於室温偏涼少少既温度，食落好舒服。最後調味方面我叫左小辣，佢個辣度我覺得適中又香口，令到成個涼皮更惹味！今個lunch埋單都係$53，屬性價比之選，大推！未食過既你值得一試🙌🏻🙌🏻🙌🏻

位於中環怡和大廈的Bsaehall，相信係唔少中環打工仔人會去嘅飯堂，裏面有各式各樣嘅餐廳，有平有貴，任君選擇🤭兩姊妹涼皮(自選配青瓜絲&雞絲) - $62佢哋嘅醬汁調得非常好，酸酸辣辣麻麻，每樣都唔會過分搶，配上清涼順滑的涼皮，食落去非常順喉😋夏天食非常開胃、一流👍🏻而且最基本款只需要$38起，相信係中環的平價之選🤭

🍜招牌兩姊妹涼皮➕配料：火炙鹹香豬五花➕黑糖桂花妃子冰粉涼皮爽口入味，豬五花超大一片，完全不輸給拉麵店的豬五花！黑糖桂花冰粉很不錯，不會很甜，桂花味很濃，配上涼粉真的一絕！🍜極品擔擔麵➕蒜泥白肉擔擔麵也很好吃，麵條有韌性，蒜泥白肉也還不錯，屬於正常發揮

After seeing lots of recommendations for this resto on Instagram, I decided to visit here with my colleagues when I realised they opened a shop in Central. .I ordered Twins Signature Cold Steamed Noodles with Salted Pork Belly Aburi. The noodle was incredibly refreshing and satisfyingly chewy. As I chose medium spiciness, the noodle absorbed the spicy sauce well, creating a flavorful combination with the cucumber slices and peanuts. However, the pork belly was served a bit cold, and was hard to

終於有機會可以去 basehall 試呢間 米芝蓮 食物 🥘⋯⋯ 登登登登 💡就係 *兩姊妹涼皮有限公司*今次 order 咗清爽生酮蒟蒻爽皮，走花生🥜，走辣，走蔥，再加個小食 椒麻秋葵，而飲品方面，則 order 呢個新品種：黑糖桂花杞子冰粉👸🏼點解會吃呢個生酮蒟蒻爽皮呢，因為覺得天口熱，吃正宗粉皮會淋身d, 而呢個爽皮嘅話，會清新啲，咬落有咬口，爽身，蒟蒻嚟㗎嗎⋯⋯ 又滑，又爽，唔會叫淋身！ 👸🏼點解會吃椒麻秋葵呢，天氣熱辣辣，胃口不佳⋯⋯ 點都想叫啲辣嘢吃，秋葵有益，又健康，份量適中，一個人啱哂！今次呢杯飲品🥤，一個字形容，正👍🏼！ 原因係，可以當甜品，又可以當飲品！ 佢似飲珍珠奶茶啲朋友仔啦⋯⋯ 有得吃，又有得飲，一舉兩得⋯⋯價錢 💰: $ 134📌🏡: 中環 Jardine House 地庫 Basehall🚇: 中環站/香港站#小女皇吃喝玩樂篇 #小女皇👸🏼增肥篇 #中環區美食 #港島區美食推介 #米芝蓮美食 #中環美食

中環怡和大廈底層的Basehall結合很多不同餐廳的美食廣場，這次吃了連續兩年拿到香港米芝蓮必比登推介的兩姊妹涼皮。❈ 招牌兩姊妹涼皮 HK$38另加配料：溫泉蛋(+HK$9), 木耳(+HK$9), 一份雞絲(+HK$15)套餐小食：蒜泥白肉 HK$48除了可自選添加配料外，這碗涼皮基本配料有青瓜絲、芫荽、豌豆和花生粉。涼皮底部為秘製辣椒醋，辣度由不辣到香香大辣，這碗是BB辣。涼皮晶瑩剔透，口感順滑，沾上辣椒醋，香口惹味。豌豆與花生粉，粒粒香脆，增加口感。蒜泥白肉，經典川菜，薄切帶皮五花肉加上蒜泥醬汁，開胃惹味🤤☆分類標籤#nuttylife

涼皮都有米芝蓮推介！喺中環食到真係方便好多！涼皮同酸辣粉都係必試，最好叫哂兩碗share! 仲叫埋蓮藕丁同椒麻雞！全部走辣，但依然好食。涼皮有莞茜，青瓜絲，脆脆等配料，闊闊嘅涼皮每一塊都掛滿醬汁，好滑溜，口感幾彈牙，加上配料口感豐富。比起涼皮，我更愛酸辣粉。酸辣粉湯底係用鮮雞熬制，又香又濃郁，唔係坊間嘅味精味，可以放心飲哂，薯粉吸滿湯汁，啖啖都好好味。蓮藕丁走辣但仍然惹味，又爽又脆。青瓜木耳椒麻雞嘅雞肉好嫩滑，不過可能走左辣所以唔係好夠麻香。

Basehall係類似Foodcourt咁，集合左好多我想試既餐廳，可以一次過食到幾樣嘢🤭其中呢間兩姊妹涼皮，佢喺太子嗰陣，我已經Bookmark咗話要食，直到上左米芝蓮推介，再搬埋舖位，我都依然係未食過😅▪️招牌兩姊妹涼皮（8/10）+ 雞絲（6.5/10）💲38 + 15幾鍾意粗身既涼皮，凍冰冰透心涼，口感仲要滑嘟嘟😋加上爆脆豌豆、青瓜絲、芫荽、蔥花、芝麻、麻油等，就咁都已經好掛汁惹味🤓另外要左雞絲，比較可惜既係一嚿嚿偏乾既雞肉碎🐔最低辣度係BB辣，不過中段左右就覺得都幾辣，一定係食開譚仔十小辣嘅我太廢🤣🔎 整體評分（7.5/10）

中環怡和大廈Foodcourt最近新進駐攞咗米芝蓮推介嘅兩姊妹涼皮有限公司，佢嘅滑滑涼皮一向受歡迎🔥嚟到中環之後就吸引唔少人大排長龍，唔單止因為有米芝蓮加持，仲因為係中環地段嚟講價錢比較平，招牌涼皮只係$30幾蚊起，係抵食午餐之選👍🏻呢日我就排咗超過20分鐘，整體質素都唔錯，不過要再回訪就要等唔係lunch time或者無咁多人嘅時候🤣招牌兩姊妹涼皮（微辣）餐牌有涼皮、熱皮、擔擔麵等選擇，招牌要數涼皮，比起坊間嘅版本，呢度比較粗身，而且真係好滑，係要sir入口嘅程度😆😆咬落幾彈牙，口感幾好😋辣度由bb辣去到大辣，第二級嘅微辣一開始只有些微嘅辣，食食下會再勁啲，係少少麻嘅酸辣口味，夏天食好清爽。配料不多，有青瓜同脆卜卜嘅豌豆等，大食嘅人未必夠飽，要另加配料。青瓜木耳椒麻雞小食有蓮藕丁、秋葵、蒜泥白肉等惹味嘅四川小食。椒麻雞又幾好食😋😋值得叫，麻香十足，好香花椒味😍雞肉似走地雞個種結實有彈性嘅口感，唔滑但亦唔嚡。涼皮唔夠辣嘅話加埋椒麻雞個汁就剛剛好🤪人均消費：$80推介指數（10分為滿分）：7.5分

怡和大廈的foodcourt開了一段時間，每次去都好開心。因為好多集團式經營的foodcourt是沒有素的….. 更不要說純素🥲 情人節試左wow burger，今次試兩姊妹涼皮。之前已聽過大名，今次第一次食。問左個醬汁冇肉冇蛋奶👍🏻 仲有keto 涼皮選擇$58😍不過普遍源皮同keto相差$20大洋 💰 材料有大量素食選擇，我就揀左蛋白質— 酸豆角 $9和豐富礦物質— 木耳$9。第一次試由bb辣開始 🌶️ 。 盛惠$76。 仲要好細心知我係食素，張單寫明素食👍🏻👍🏻👍🏻好大碗🤪生酮粉皮用蒟蒻做。平時蒟蒻麵我覺得有浸味同埋太爽口。呢個粉皮少少爽又彈牙！唔知佢用邊個牌子呢？ 第一次食酸豆角，幾得意，唔會太酸太嗆鼻，好脆囗。 下次可以試下個普通涼皮睇吓有咩分別。