All Day Chicken Lab

全日雞飯餐都係$60起，想要雞脾可以加$10，套餐仲巳經包括香噴噴香飯＋無味精靚湯＋醬油小黃瓜＋三色醬汁（肉餅除外）＋冷泡烏龍茶/罐裝飲品，仲係性價比極高！呢加最新仲推出熱飲"柚子蜜"有柚子香，好新鮮，又可以消膩暖胃，啱曬咁凍嘅冬天飲！全日雞脾餐 $70雞脾肉質非常鮮嫩！保留左雞肉嘅原汁原味，加上一些醬汁更豐富。搭配埋油飯、椰子雞湯同小黃瓜配菜真係好可口。🌟 評分: 8.5/10桑拿瑤柱肉餅餐 $60瑤柱嘅鮮味同肉餅嘅口感非常好。肉餅滑嫩，味道也不會太重，適合喜歡清淡口味的人。搭配小黃瓜可以營養均衡。🌟 評分: 8.5/10除左北角分店，全日雞實驗所另一間分店係旺角 (旺角通菜街80號地舖)，夠曬方便！🎖️整體評分🎖️❤️ 味道: 8.5/10🧡 環境: 8/10💛 服務: 9/10💙 性價比: 9/10 📍全日雞實驗所 (北角)北角和富道21-53號和富地庫B50-51號舖和富美食廣場C1及C2號舖…Read More

聽講係全香港最好食嘅海南雞🤩🤩全日雞位於北角和富美食廣場，另一分店係旺角通菜街80號地舖。🐤 溫泉海南雞飯 ($60) 呢個海南雞飯真係好正！雞肉嫩滑到唔得了，飯又夠香，加上佢哋特製嘅醬油，簡直係完美配搭，食完仲想再嚟一碗。🍖 桑拿瑤柱肉餅 ($60) 肉餅又鮮又嫩，瑤柱嘅味道好突出，仲有啲香味，口感超級豐富！每一口都令人驚喜，真係好推介。我選擇咗最新推出的柚子蜜，清新的柚子香味為整個用餐體驗增添一絲清爽。整體來說，全日雞既好食又實惠，絕對係香港海南雞的首選！🤩…Read More

12/1/25 星期日來北角和富中心分店吃海南雞飯，湯唔熱、飯唔熱，只是微溫。今天2/2/25 星期日下午5:45再次來到和富中心分店，非繁忙時間人流少，一行三人，要了兩個海南雞飯、一個肉餅飯，三個湯和三個飯都是唔熱，令人失望。為免浪費，還是把湯和飯吃完，臨走前跟店員反映意見，店員好像有點不明所以，還說他們的東西都是正常的。很明顯這店的水平已經下降，應該不會再來，覺得有點可惜，明明是用心做食物的，但有些事卻兼顧不來。…Read More

之前喺旺角分店試過，全日雞實驗所嘅海南雞飯真係無得輸。最近北角分店開咗，當然要再試一次！ 招牌海南雞飯餐$60 已經包哂飲品雞湯小青瓜，加左$10轉髀超滑！！食埋啲邪惡雞皮仲好有雞油香雞胸同雞柳嫩滑得嚟唔鞋口，仲有層薄薄嘅啫喱雞皮，口感好有驚喜。配埋 醬油小青瓜清清爽爽，仲有三款醬汁：黑醬油、辣醬同薑蓉，尤其係薑蓉，幼滑到見唔到薑絲，幾特別！靚湯有淡淡椰香，冇味精，飲得好舒服。 之前喺網上專訪佢哋為咗做到每件雞都嫩滑，用咗自家研發嘅「浸雞機」嚟控制溫度同時間，真係好有心機！而且可以揀雞髀、雞胸、雞柳等唔同部位，想食邊樣就揀邊樣。 另外，新出推出嘅柚子蜜熱飲，柚子香好清新，飲落暖胃又唔膩，幾適合冬天飲📍北角分店：北角和富道21-53號和富地庫B50-51號舖 和富美食廣場C1及C2號舖 📍 旺角分店：旺角通菜街80號地舖 旺角分店成日要排隊，但北角相對冇咁多人。不過夜晚時間都幾旺，想試嘅話最好早啲到！…Read More

試試北角全港最好食溫泉海南雞飯 之前試過旺角店不嬲都覺得唔錯 今次試試北角店 竟然有都驚喜 簡單記錄一下（餐牌可以睇圖）.最有驚喜嘅係⭐️桑拿瑤柱肉餅白飯$60呢一款真係超好食 超重瑤柱香甜味每一啖都可以感受到粒粒瑤柱 肉眼都可以望到而且醬汁都超級送飯 好好食如果鍾意肉餅 一定要試吓.除此之外 當然要是招牌⭐️溫泉海南雞$60可以自己揀唔同部位 雞翼 雞胸 上髀 雞胸 雞柳$60如果雞髀位需要加$10今次就冇見到啫喱 但雞肉肉眼可見嫩滑 雞皮金黃色除此之外 仲有冇味精椰子雞湯 小食仲有新出飲品柚子蜜有機會路過都可以試吓 你哋又覺得點呢？.#hkfunfoodrecord窮遊香港#hkfunfoodrecord_北角.#全日雞實驗所 (北角)地址：北角和富道21-53號和富地庫B50-51號舖和富美食廣場C1及C2號舖..#飲食 #美食 #抵食 #hk #hkfood #hkfoodie #foodiehk #hkfoodblogger #hkblogger #hkfoodies #香港美食 #香港好去處 #天后美食 #鰂魚涌美食 #炮台山美食 #炮台山必食 #天后必食 #北角美食 #北角必食 #海南雞 #海南雞飯 #肉餅 #肉餅飯…Read More

一入舖店員就叫我坐入面位。佢D位好窄。我講完唔該坐出面個男仔有稍微借比我入。行到長凳位佢個女朋友肥肥哋就直接開口鬧我話我阻著佢食嘢。鬧得勁難聽。話我袋差D打到佢又鬧我係大陸人（我唔係…）。係咁吵。大佬我講咗唔該啦….心情勁差咁要咗個雞飯。D雞唔滑… 偏硬重要好重雪櫃味。 食完走又比隔離唧… $60… 唔算真係平。唔低食。仲要同D咁嘅質素嘅人一齊。不如食間好D嘅…有friend介紹話呢間好好食好低食我先去試。旺角呢頭咁多泰國海南雞店。D嘢食真係比唔過。…Read More

今日去北角做體檢。就搵下北角有咩好食。見網上好多人推介北角既全日雞實驗所，所以特登走嚟食。我就叫左海南雞飯餐，朋友就叫左海南雞飯（胸+雞柳）首先要講嘅係個海南雞飯：雞胸&雞柳處理得還可以，唔會鞋口。雞肉正常，有少量雞味，但唔算好滑。個湯自稱係無味精。飲落口係微清甜，味淡。而且飲完後無口渴，應該真係無加味精。烏龍茶味道一般，偏淡味。最令我感到意外既，反而係個飯。我唔肯定係咪用左糯米。個飯除左有淡淡既雞油外，佢係有糯米果種煙韌而且偏硬身既口感。好食。我個人覺喜歡海南雞係偏向香滑。所以如果只講雞，我心中有2間既海南雞係做得比依間滑&香。但如果講個油飯，依間就會係我第一選擇。…Read More

呢間餐廳全日雞實驗所一直都收藏着，一直等機會過嚟試吓！曾經睇過佢嘅報道，佢曾經喺深水埗開店，報道了有關店主怎樣堅持，去要做好出色嘅海南雞，所以一直上嚟試吓！特登過去北角試吓，不過地點有啲難搵，餐廳匿埋喺一個屋苑basement嘅food court入邊，好處係完全唔需要排隊，直接入去，就可以落order！當日係一個中午，只有六七個人，大把位，呢度係先俾錢，就等通知取餐。我特登加咗錢，叫咗大份嘅海南雞，仲特登加咗個肉餅。計埋相當經濟實惠！先講海南雞，啲肉好嫩滑，真係幾好食！完全唔覺得好肥！另外碗油飯亦都好出色，難得係碗湯都唔錯！但係最難得嘅，嗰個肉餅！真係好重瑤柱味，真係好好食！今次食到好飽，好滿足，下次一定會再嚟幫襯！…Read More

隱藏咗喺少少商場入邊嘅foodcourt竟然有一間好出名又好食嘅海南雞飯🤩🤩今日終於可以嚟試吓見到有好多唔同部位可以俾你揀，雖然佢$10又會肥啲但係都揀咗雞髀飯😋係成隻雞入邊最嫩滑嘅部位溫泉海南雞飯餐 - 雞髀 ($70)成個餐勁豐富，有湯有前菜有雞有飯🫨一開始先飲冇味精雞湯，入口清爽唔肥膩，雞味唔算好濃，仲有好淡椰香味，啱晒夏天去飲👍🏻仲有醬油青瓜好開胃主角海南雞一嚟就可以聞到好大浸雞油香味，食落雞皮唔算薄，但質感爽彈🤪 雞肉入口超級嫩滑，入口有鹹香但雞味亦唔算重，點埋食海南雞必備嘅三色醬，完全係Perfect match🥰 薑蓉質感幾特別，磨得好碎，食落好creamy唔會食到有薑粒，但係我就覺得薑味唔算好重👌🏻油飯返嚟講相對唔算多雞油香，雖然入口唔夠雞油味，但係配埋主角海南雞食，我又覺得啱啱好👌🏻一齊食唔會覺得太油膩，配埋海南雞特色三色醬啱啱好，整體味道都唔會太淡🥰$70嘅海南雞飯嚟講絕對係物超所值，成個飯餐超級豐富🤩 海南雞嫩滑好食，質素絕對係標準之上，又唔會好肥膩，冇咩罪惡感😂評分：7.5 /10 人均消費：~$50-100不負責個人意見：可以特登去食吓😋…Read More

小編跟友人到訪北角和富foodcourt 食雞。叫咗2個温泉海南雞飯餐 $60（包油飯、三色醬、無味精靚湯、醬油青瓜、冷泡烏龍茶/罐裝飲品）：1） 雞翼+雞胸+上脾2） 雞胸+雞柳另加$12配一件桑拿瑶柱肉餅～～～～～～～～～～～～～～～～～～～小編同友人都被佢cp值驚艷到😍😍😍我們皆認為小店的雞唔錯👍🏻，但最好食impressing嘅係 薑蓉醬🤤、靚湯🤤 、肉餅🤤*薑蓉* 🫚磨到好fine，第一次食到CREAMY texture嘅薑蓉😱，有奶蓋嘅口感🤩，有驚喜！⭐️⭐️⭐️*靚湯* 🥣真係無味精，係有俾心機煲嘅湯，仲有少少藥材味🤏🏻。通常配雞飯嘅湯都會有一層油係面，但這碗好明顯已經隔咗油😲欣賞🥰*肉餅* 則實肉、真材實料，唔會好多肥豬肉。由於加咗瑤柱，食落咸鮮味濃郁，仲要有唔少添肉汁💦🤤小編最推！⭐️⭐️⭐️⭐️⭐️店舖嘅雞🐤都唔錯，雞胸一啲都唔嚡口👍🏻，減肥朋友可以order雞胸雞柳餐🙌🏻，好食又唔邪惡。至於雞皮唔算薄，食落滿滿油份，小編怕肥就冇食嚕🙈。其實市面上太多店舖都做到好滑嘅雞，小店嘅雞對比下未至於一食難忘🤔，但反而剛介紹的醬、湯、肉餅則好特別，其他小店沒有🤤至於*油飯*，小編略嫌太濕😐*青瓜*正常發揮👌🏻*凍烏龍茶*不用另加錢，無添加糖，飲落順口解膩👌🏻結論Overall 黎講，$60一個餐真係超曬班!🫡🫡🫡所有嘢質素都中上，100%冇伏。只係環境始終係foodcourt，一定冇梗舖環境咁好。小編已把餐廳收藏為favourite list🤭…Read More

喺和富美食廣場入邊有一間叫全日雞實驗所嘅店，雖然係個唔大嘅food court，但佢真係帶俾我驚喜嘅美食。  我揀咗溫泉雞髀套餐，仲加咗一件桑拿瑤柱肉餅。呢個套餐除咗主打嘅海南雞之外，仲有前菜涼拌青瓜、無味精雞湯、香噴噴嘅油飯、三色醬同凍烏龍茶。全日雞嘅肉質真係好嫩滑，雖然加咗10蚊轉咗雞髀部份，但口感仍然好滑順，只係雞味相對淡啲。  而食海南雞嘅時候，最重要嘅就係三色醬，呢度嘅三色醬真係好特別。薑蓉係打爛成醬狀，冇薑粒，而薑黃飯亦都好有心思，應該加咗蔥蒜煮成嘅油飯，而且份量好足，真係好吸引。  另外，桑拿瑤柱肉餅都係呢間店嘅特色之一。你可以揀肉餅飯套餐或者單點肉餅，味道鹹香好味。總括嚟講，全日雞實驗所嘅食物質素不錯，特別係佢哋嘅油飯。如果你鍾意食海南雞，呢度絕對值得一試！…Read More

見好評如潮🐓所以一直都好想試下全日雞實驗所✧ 溫泉雞髀套餐（$73）貴過雞set $10 但想試到頂級( ง⁼̴̀ω⁼̴́)ง⁼³₌₃ 想講一拎到埋嚟已經好香空氣中充滿雞油嘅油香不過真係每塊都好滑！而且平時唔想食嘅透明啫喱今次都因為又熱又香都好易入口但份量有啲少但切得好細片望落可能得外面食嘅一半/三份之一配咗香噴噴香飯🍚略嫌少少乾無味精靚湯醬油小黃瓜三種醬油：黑醬油、辣醬、薑蓉本豬就比較鍾意黑醬油帶少少甜味✧ 溫泉雞套餐（$63）普通雞set就包雞翼、雞胸、上髀老實講其實冇比下去 都係咁上下滑上髀嗰部分甚至同貴啲嗰set雞一樣不過都係算少雞試咗蔥油雞撈麵（+$8）麵質係上海粗炒嗰種然後味道有啲似營多嗰種仲加咗個桑拿瑤柱肉餅（+$13）試下本身冇認真睇以為普通肉餅但嚟到聞到好香瑤柱味勁真材實料…Read More

見海南雞關注組大推呢間全日雞實驗所 最近仲開埋分店 當然要嚟試吓🤗-價錢方面比較進取 今次嗌咗3號餐 $70 雞髀雞嘅份量就足夠嘅 更餐仲有餐飲（冷泡茶/ 汽水）餐湯 同一份涼拌青瓜 -餐湯都ok嘅 有啲椰香味 海南雞的確係好嫩滑 口感不錯 但係！雞無雞味 ！真係好普通好普通但價錢比較進取嘅海南雞 不會回頭 試一次就夠…Read More

之前試過海南雞一般，但由於肉餅好食所以今次再返嚟食，但咁啱肉餅賣曬要等20分鐘，大老遠嚟到就照等，但佢嘅態度竟然係覺得20分鐘你都要等呀，我唔知係咪阻住佢收工，整個落單過程都係黑住面…Read More

北角和富都有幾多小店，今次過咗嚟試呢間專食溫泉雞/海南雞嘅餐廳。餐廳位於和富嘅美食廣場裏面，雖然地方唔算大同埋個位唔算太旺，但都見到店員不停咁出餐而且唔少都係外賣單。我哋點咗全日雞餐(雞腿)，成個套餐除咗個主角海南雞之外，仲有前菜涼拌青瓜，無味精雞湯，油飯同埋烏龍茶，整個套餐嘅味道普遍清，啱鍾意唔係太濃味嘅朋友。前菜同雞湯都清清地，涼拌青瓜都幾爽口同幾開胃，至於重點溫泉雞味道同一般海南雞唔同，相對冇咁濃味同埋雞味唔算重，不過佢肉質都滑溜，而且已經全部去骨，點上三色醬油一齊食幾滋味。除咗北角，佢哋仲有旺角分店，經過可以試吓佢😁…Read More