光榮冰室 (厚福街) (Closed)

💛光榮冰室·呢間我哋好耐之前幫襯過一次㗎喇 記得佢個開心浩園餐好正 難得依家黎左尖沙咀呢邊翻工 就決定再幫襯下😌😌·蔥油雞扒飯 l 叉燒炒蛋飯 $50佢塊雞扒真係超級大塊 好似平時既兩塊咁😂😂而且佢都幾juicy 係邊邊位乾左少少 之後佢個蔥油都好正 撈飯一流😋之後佢個叉燒炒蛋就有少少過老啦 所以食落唔算好滑 反而入面既叉燒幾好味😎😎·#rbyeat#rby港式#rby💛#rby尖沙咀 #rby旺角 #rby九龍灣 #rby荃灣 #rby深井 #rby觀塘 #rby銅鑼灣 #rby元朗·📍尖沙咀厚福街5-6號地下6號鋪📍旺角花園街3-5號鴻威大厦地下12-13號舖📍九龍灣宏開道15號九龍灣工業中心地下4號舖📍荃灣兆和街18號地下📍深井深井村54-55號地舖📍元朗教育路44, 46及50號兆明樓地下B號舖📍觀塘開源道63號福昌大廈地下A11號舖📍銅鑼灣登龍街37號地舖

今日嚟到尖沙咀行街，諗唔到食咩，就試下。下午茶☕️生炸大雞髀餐配沙律$31雞髀炸醬不算太厚，肉質尚算嫩滑，新鮮炸出嚟好熱。 隻雞髀都幾大隻 幾多肉架沙律都幾好食😋！價錢中規中矩不算太貴

我諗大家去呢間餐廳都唔希望會有一個期望係食到米知蓮級美食。嘴刁嘅朋友可能會覺得普普通通。我作為一個唔係特別嘴刁而又健身嘅人就覺得呢間餐廳性價比相當唔錯。我每次去親都會叫個雞髀滑蛋飯，只因佢嘅份量作為一個女仔來講實在驚人，一隻大雞髀+3隻蛋，唔食飯淨係食餸都飽。半熟嘅滑蛋+1隻大雞髀足以滿足你一日嘅蛋白質需要。雖然佢嘅雞髀揸到肉質有少少乾柴，但係看在價錢嘅份上我選擇原諒佢（50幾蚊仲想點仲包嘢飲）。餐廳環境相對逼夾，係大部份茶餐廳都會有嘅缺點。整體來講CP值甚高

🍴光榮冰室 - 熱辣辣煲仔飯🇭🇰香港良心推介💛 光榮冰室💛入冬又是吃熱辣辣煲仔飯的好時機。再訪飯堂光榮冰室吃煲仔飯。由於每一煲都是由生米煲飯，耐心煲出飯焦，冰室煲仔飯的製作時間一般需等候20-30分鐘。由於天氣漸涼，晚市繁忙時段的等候時間會較長，大概需等候40分鐘。顧客下單時職員會先作提點，十分貼心。筆者愛吃又怕長胖，所以在自己一人到餐廳用膳，或沒有朋友分享食物的時候只能點選卡路里較低的來吃。(雖然筆者內心萬分想吃油鴨脾和臘味) 最後選擇了窩蛋牛肉飯，這款絕對是筆者極力推薦的！👍🏻📍窩蛋牛肉飯 $78 🍳🐮筆者堅持等侯40分鐘。店員把雞蛋放在砂鍋煲蓋子上呈上，讓客人自己把雞蛋打在煲仔飯中。能自己動手的感覺真好，可由自己掌控雞蛋的生熟度，也免卻了由廚房預先打蛋又萬一不小心把雞蛋弄破了的危機。雞蛋打在煲仔飯後，再加點秘製自家調配的煲仔飯豉油，便可以準備開餐了。 牛肉保持鮮嫩滑溜，份量不少。而最讓大家感到興奮的是煲仔飯煲底都充滿飯焦，飯焦香脆可口又沒有燒焦濃底，十分惹味。可見煲仔飯的火候拿捏得格外精準，絕對是誠意之作。🔸小總結：煲仔飯設外賣，只要額外加$12，就可以連砂煲帶走，價格經濟實惠。

Satay beef instant noodles is my guilty pleasure since I was small. But it’s getting more and more difficult to find a good one nowadays. Today, i think i may have found the one! One good thing about serving it in a claypot is keeping the temperature high! I can still see the smoke after finished the whole bowl! The soup is super rich with strong peanut flavour. Instant noodles is a bit more than al dente, which i prefer. Beef is tender and in generous amount. I drank all the soup lolI ordered i

見自己友走去幫襯 換來想幫佢光榮結業 態度差 唔理客人 衞生情況係要改善 叫左個蔥油雞排飯 豉油面積大過塊排 咸到想吞槍 塊隔夜排韌肉難嚼 無雞排味勁！！！！唔該唔好影衰自己友難食到講句 祝你全家健康幸福

打工仔食個快飯最方便嘅一定係食茶餐廳厚福街呢條街都幾多嘢食不過講到要中午要排隊食嘅光榮冰室算係數一數二冇辦法～平靚正呀嗎一條友都等咗10分鐘到先有位時間關係我已經諗好食咩一坐低就已經諗住落order但樓面都好忙我諗應該等左2分鐘到就落到單叫左個期待已久嘅滑蛋叉燒飯正當我同人message講我等位同埋落單都等咗一陣既時候個飯就光速出現咗係我面前講緊都係落左單分零2分鐘到嘅事🤣果然係快餐個滑蛋靚到呢真係快快趣影完張相就一啖食咗由於嗌咗少飯嘅關係食到一半我都仲係淨係見到啲蛋🤣真係好好味😋啲叉燒已經唔係重點唯一一樣我覺得可以少啲豉油或者下次會叫走豉油因為啲滑蛋已經夠晒好味

今日特登黎左光榮食野雖然係一間普通茶記但佢D叉燒同雞翼都真係唔差所以耐唔耐都會返黎食下今次又叫左個常餐同埋2隻炸雞翼叉燒同雞翼味道一如以往出色其他野就不過不失啦不過都係以前既味道 好少寫茶記既食評因為普通餐廳其實都無咩特別野好寫不過茶記有一半就真係唔單止係食味道而係食情懷

三神黎到尖沙嘴就緊係去厚福街依條食街揾食啦！雖然光榮冰室好出名煲仔飯，但三神今次更加想食沙嗲牛肉！-🍝沙嗲牛肉撈麵（$46）一上枱就聞到一陣濃濃既沙嗲牛肉味。牛肉舊舊都好大舊，好抵食！公仔麵麵質彎彎曲曲，完全掛起哂濃郁嘅沙嗲。啖啖食落都好滿足！8 / 10

我在手機Apps點了光榮冰室的熱狗，從來都未幫襯過這間店，是因為上堂時，miss叫午餐，咁我就撘單叫的，好耐無食過熱狗，所以就試下，唸住miss叫得這店，應該就唔差～點知等了40分鐘，來了的竟然係腸仔三文治！咁大個女真係第一次食腸仔三文治！！真係唔知好嬲定好笑😕可能係熱狗的包沽清，所以轉了厚切方包！但都唔好咁求其得DD沙律醬啦👎🏻！必須要的芥末呢？從來都沒有網上食食評！為了腸仔三文治而來的。。。比同學仔笑左好耐，仲做麻群組頭像。。。😩

十吋長嘅雞奄列, 入面好多雞肉.味道唔錯, 啲雞肉係炒過嘅雞柳, 雞蛋略為老咗些小但絕對可以接受.作為晚餐我都覺佢超大份, 件多士都冇掂過.只係33蚊, 戒 carb 嘅窮人恩物.

雞扒好難難食，但係呢度做到。煎太陽蛋難食仲難，呢度都一樣做到。唔信邪，見咁多好評，再試多一次，一9樣係難食到反艇。雞扒皮唔脆，肉就實的的乾爭爭，凍冰冰。蛋冇蛋味，飯係爛嘅，點解會有咁多好評，食完第一次我有1星期唔敢食雞扒。隔1個月再帶埋朋友去食，佢食左2啖就小小聲，即場忍唔住問雞扒蛋飯點解可以整得咁難食？唯一要讚嘅可以話係佢嘅水準，2次都可以keep到咁低，難道滿分！喺尖咀番左1年工，真係未食過一間可以同佢比的！

星期日晏起身最岩就去茶記嘆返個沙嗲牛肉麵+杯香濃奶茶夠哂港式本土風味～上次去觀塘果間食唔到煲仔麵～今次過到來尖沙咀！終於食到啦！不過大熱天時食煲仔麵都幾係野真係越食越熱丫🥵光榮冰室沙嗲牛肉煲仔麵🎖🎖🎖🎖煲仔麵上枱時湯底仲沸騰滾熱辣~聞到一陣濃濃既沙嗲牛肉味～食落沙嗲味濃郁花生味就唔太濃～牛肉都幾入味鬆軟滑溜仲滲住淡淡沙嗲味～麵呢緊係茶餐廳麵底啦夠風味🤣煲底上熱力保持住水份一路蒸發所以湯底真係越食越濃～越食越好味😋

：「光榮飯餐色澤之靚麗，幾乎省下調色功夫，尤其飽和度。」《製》#光榮冰室（尖沙咀）《號》#叉燒滑蛋飯《貝》$50《案》✎尋常物，最考功夫。炒滑蛋之功架，易學難精。✎尤其，一次炒至少三隻。《品》【#滑蛋】🔸份量之多，完蓋底下白飯。🔸卻凝而不固，嫩滑富蛋液，絕不過老，得滑蛋真諦。🔸家母：「係咪加咗色素，點解我炒唔到咁靚咁黃？」🔸予其「三蛋飯」之照，而知此家雞蛋，選料講究。🔸成功爭取，家中轉用日本雞蛋。🔸原圖奉上，以證金黃色澤。————————————————————————【#叉燒】♦️份量依然多，偏瘦但夠軟，老饕所好。♦️肉頗厚，而不乾柴，嚼得盡興。————————————————————————【配料與飯】▪️豉油慷慨，份量恰好佐飯，無過度而使飯過濕之病。▪️鹹甜合度，甜而提叉燒蜜味，鹹而增滑蛋濃味▫️飯夠乾，有嚼勁；吸蛋汁，佐豉油，配香蔥，人間美味。————————————————————————🗺️尖沙咀厚福街5-6號地下6號鋪🗺️旺角花園街3-5號鴻威大廈地下12-13號舖

：「《說文解字》云『晶，精光也，從三日。』」《製》#光榮冰室（尖沙咀）《號》#開心浩園餐《貝》$55《案》✎「羿射九日，落為沃焦。」——《山海經》✎老饕破三日，蛋汁落為飯金黃。《品》▫️蔥油、雞扒、雞蛋、米飯，咸二人份量；▫️與朋分食一碟，捧腹而歸。♦️雞扒大若銅鏡，煎炸至焦脆，盡鎖肉汁於其中；♦️內裡嫩滑油潤，饜足！🔸蛋面積更壯觀，蛋白大塊燶邊，可遮雲蔽日；🔸蛋黃橙黃半熟，破開蛋汁涓涓流出，拌飯滋味無窮。▪️蔥油豉油豐富慷慨，蔥香鹹香四溢；▪️老饕重口，追加一碟拌飯，滋味無窮矣⋯⋯—————————————————————————🗺️尖沙咀厚福街5-6號地下6號鋪🗺️旺角花園街3-5號鴻威大廈地下12-13號舖