光榮冰室 (鴻威大厦)

Open Now

Now Closed

📍光榮冰室 (鴻威大厦) (旺角)旺角花園街3-5號鴻威大厦地下12-13號舖滑蛋蝦仁飯$55(包括飲品)😇最近見到佢哋社交平台話有改良版本嘅滑蛋蝦仁，結果就走咗過去試吓，一坐低就叫佢，上枱睇個賣相又好似唔錯喎，而且勁大碟，不過味道先係最重要。滑蛋超多，的確好好食😋仲要勁厚。另外蝦仁都OK，不過唔算好多，大概有8件蝦粒。套餐連飲品，我叫咗凍檸茶少甜。整體來講都唔錯，合乎返呢個價錢，最緊要係食得好飽。

$78 黑椒牛仔骨煲 包凍飲及白飯雖然係大部份茶記晚市都有得叫既小菜煲但味道及份量都有過之而無不及先講有6件成碗飯咁大既牛仔骨， 仲要多肉少肥骨細！碗飯上邊個塊已經係最細既一件黑椒汁仲要做得出色， 比起好多茶記較為辣食到最後真係見到煲底有成堆黑椒粒其他茶記都係李綿記加水加粉成汁， 冇得比！本來少飯主義既我諗住爬兩啖飯就算但個黑椒汁辣辣地搞到我清晒成碗飯阿姐見到仲問我要唔要加多碗飯， 任添！本來食左4塊牛都飽飽地， 再加多碗飯今晚真係唔洗訓Btw 對面後生仔碗西炒飯好似米唔使錢咁大碟到呢#聽講唔係間間光榮都好食但旺角店係正！#原來阿姐姐好中意叫人加飯（唔使加錢）#78蚊唔係最平但好好味又大份

今日去光榮冰室食下午茶，本身諗住食金菇沙嗲牛肉煲仔麵，點知侍應請冇晒煲，咁就試吓佢個爆餡西多，睇吓佢有幾爆餡光榮爆餡西多 $29點解同社交平台睇嘅相差別咁大，個賣相真係好核突，個侍應拎嚟個吓我眼都凸咗凸，其實佢唔係爆餡，只係將花生醬劑係隔離，好啦，就唔理賣相試試味，好彩都好味，切開每塊西多都可以點好多花生醬，而且佢都炸塊麵包外脆內軟，切開入面都一樣有花生醬餡其實撇開賣相嘅話，味道口感都幾好，適合喜愛食花生醬嘅巴打絲打，同埋價錢$29包飲品，都幾抵食

終於試到呢間甘出名既名店。上網見到大大份，真身黎到時無大分別，堅大份如果係女仔既要同朋友share男仔一份都夠晒飽。雞絲件頭比較大，似雞肉多啲，但係肉汁夠既，只可惜師傅醃肉个度重手左，偏咸蛋就中規中矩，一般質素，可能係奄列關係，無做得好滑，某啲蛋感覺老身左。但呢个價錢，中規中矩，而且分店有幾間，低碳外食族可以考慮下

之前朝朝食，廚房出嘢都冇咁慢。隔咗兩個星期冇食，今朝走去買外賣，點知等咗20分鐘仲未有，真心接受唔到，我自己煮都煮完啦。最後職員退錢俾我，但都仍然好嬲。白白等咗20分鐘，搞到我返工遲到，仲要冇早餐食，真心嬲到以後都唔會幫襯！黃店又點啫，今次真心太離譜

一日一黃店-旺角良心連鎖茶餐廳 今日食咗碟牛河 成千卡路里呀 仲要好食 點都要記錄下.⭐️菜遠牛肉炒河$53🔥啱啱上枱 熱辣辣出晒煙😋牛河梗係要趁熱食 好夠鑊氣👍🏻做到條條分明 冇黐埋一舊👍🏻望落好大碟 牛肉同菜 份量都好多我算大食 最後竟然食唔哂 sad.個人勁鍾意牛河 今日開始記錄下 呢樣超肥嘅嘢食.呢排沙嗲牛肉好多人留意呢間沙嗲牛肉麵都好出名😋沙嗲味幾濃郁 👌🏻麵底出前一丁 跟味粉‼️除此之外呢間仲有煲仔沙嗲牛肉撈麵‼️有個沙鍋 煎一煎更香口.整體幾鍾意呢間茶餐廳 好多區都有分店平時諗唔到食咩 通時都去搵佢.#光榮冰室 (鴻威大厦) (旺角)地址：旺角花園街3-5號鴻威大厦地下12-13號舖.⭐️評分：味道：4/5環境：2/5 坐卡位 但搭枱空間少 迫到爆服務：3.5/5抵食：3.5/5

之前見到社交平台 推介，晏就突登出旺角試吓食生滾沙牛窩蛋麵生滾沙牛窩蛋麵+一支可樂 $55實物同社交平台賣廣告個張差不多相符，都一樣咁多沙嗲，而且沙嗲非常濃味，加埋蛋，杰度剛剛好，撈混後，可以令每條麵都沾滿沙嗲，所以好惹味，而且佢用埋沙煲，令到碗麵保持到熱度，慢慢食都唔怕變凍，配埋支可樂份量絕對夠晒飽，加埋只需$55，覺得絕對對得住依個價錢服務態度方便都好好，落order時都即刻有待應嚟

今日本來預備去何文田cafe坐下享受下呢個復活節假期，點知度度都人山人海，唯有下次有緣再去。行行下肚餓就諗住是但搵一間餐廳食個小食啦，見到呢間成日排晒長龍既米榮冰室竟然唔洗排，咁當然就想試一試啦。入去時都跟足晒防疫措施，感覺比人幾良好。因為夜晚仲約左朋友開餐，於是點左個xo醬五香肉丁炒出前一丁麵啦，佢地上菜都算幾快手，點完餐10分鐘唔洗就上枱。野食方面都唔馬虎，肉丁足料，xo醬都落唔少，份量足足兩個麵底咁多，最緊要炒得乾身同夠鑊氣夠香，茶餐廳黎講算係幾唔錯，價錢$55蚊包凍飲都ok，下次經過會想再試埋其他野食😋

平日早上11點左右，唔洗等位。安排左坐卡位，因為疫情關係 所以有板隔開。早餐選擇多，基本上港式早餐都齊。叫左沙嗲牛肉麵配炒滑蛋 牛油方包，飲品凍熱同價。滑蛋炒到好靚，完全唔老。另外沙嗲牛肉幾濃味，單食會偏咸，配公仔麵岩岩好。埋單$33，對比其他茶餐廳，呢間早餐唔錯。

同朋友行行吓街，都想搵個地方坐低飲吓嘢食少少野！唔使多介紹，食下午茶一定係食西多士！呢個牛油西多士算幾好食，入面有花生醬！牛油大大件，完全有好香嘅牛油味，西多士唔算好油膩，不過上枱嘅時候唔算好熱，所以食落嘅時候冇咁過癮！呢份西多士如果係諗住飽肚食嘅話都可以！但係如果諗住係嘆吓下午茶嘅話，真係爭少少。唔算特別吸引，但係以呢個價錢來講，都已經算係咁！環境: 6/10食物:4/10服務:6/10性價比:6/10

近年沙嗲牛肉麵比人炒得好熱，有見及此，我都開始留意。見到呢間餐廳有出煲仔沙嗲牛肉麵，梗係入去試吓啦。碗麵沙嗲味好濃郁，份量亦都好十足，再點埋枝可樂，簡直就一流既享受，推薦大家去試一試，過吓引同場見到其他食客既菜，份量十足，加上價錢大眾化，大約由30-60不等，對於一眾窮忙族既香港人而言，呢間餐廳係非常唔錯既選擇！名副其實入大件夾抵食！得別推介佢既常餐、奄列同煲仔飯比大家，相信係份量上面唔會令大家失望！

已經係第二次去食光榮嘅沙嗲煲仔麵 真係超好味😋😋😋😋沙嗲汁好濃好香～之前去過慈雲山另一間好出名嘅茶餐廳食煲仔麵 但係光榮呢個真係好食好多同埋抵好多🤩🤩🤩佢個煲仔麵有兩個選擇 一個係配金菇，另外一個係配窩蛋，雖然金菇好似抵食啲，不過個人認為窩蛋撈埋個沙嗲汁真係好正😋同埋建議如果兩個人一齊去食嘅話，唔好兩個都叫煲仔麵，會有啲太漏～如果唔介意share黎食嘅話，一個叫煲仔麵，一個叫普通常餐個沙嗲牛一丁，真係絕配！順帶一提如果唔想食太漏，其實光榮本身個沙嗲牛一丁都好好味😋😋（暫時試過咁多間光榮都係覺得旺角嗰間最好食！）

今日行過旺角，又想平平地食個午飯。經過光榮冰室，我就諗都唔使諗，行咗入去 入到去見到好多人幫襯，證明呢間店舖好受歡迎望一望餐牌，選擇非常之多，又有經濟實惠嘅碟頭飯，又有傳統嘅煲仔飯，一時之間都唔知點揀落手😆😆 最後我望見餐牌第一個就係叉燒炒蛋飯，我心諗放咗第一個位置一定有佢原因。所以就隨心咁叫咗一份☝🏼嚟到之後，我嘅自然反應係: 有無咁抵食呀............😍😍首先睇吓個賣相，成碟都係叉燒炒蛋，完全遮住下面啲飯🤤🤤 而且炒蛋同每塊叉燒都合二為一，加上少少豉油，顏色相當吸引。一入口，炒蛋嫩滑，叉燒肥瘦適中，選料可以話係上品👍🏼👍🏼加埋杯凍檸茶都只係大約$50😻😻仲有一次，有個食客要去銀行㩒錢，個收銀員同佢講”唔緊要，慢慢黎! 我地信得過你!!” 當年個食客最後都有返番轉頭俾錢。由此可見，食客同餐廳員工都有好高嘅質素🙌🏼🙌🏼 估唔到食一餐飯，都可以體現到人與人之間應有嘅信任同高尚嘅情操👍🏼👍🏼咁好嘅餐廳，絕對足夠我哋一試再試如果一次都未食過，你唔係唔試呀嘛😏?!?

生滾煲仔金菇沙嗲牛麵🍜$46又係睇到沙嗲牛肉關注組🤣結果忍唔住，就走咗去試😏呢個的確係幾啱我口味😋滾住上枱，望住覺得好自癒😎個湯底真係好濃郁😆絕對係關注組所講嘅洗腎系列🥸湯汁掛到麵，味道亦都啱啱好😇而且牛肉都多，仲要夠厚身🤤整體而言，我係幾鍾意😍個餐連飲品，冷熱同價😇注意⚠️暫時只於旺角及荃灣店😆十一時半後供應，只限堂食，不設外賣🥸光榮冰室 (鴻威大厦) (旺角)旺角花園街3-5號鴻威大厦地下12-13號舖

🙋🏻‍♂️餓底探員今晚去咗旺角調查呢間冰室🥩🍜沙嗲牛肉煲仔麵 $46📸表示喺茶餐廳或者冰室食沙嗲牛麵係好普遍，但個麵用砂煲煮完再原個上枱就比較少見，好期待個麵用砂煲煮會有咩分別🤔🙋🏻‍♂️表示一碗沙嗲牛肉麵，沙嗲絕對係成個麵嘅精髓，呢碗麵個沙嗲汁好多，仲要好杰身，味道非常香濃，好似食緊撈麵咁，加上個麵用砂煲嚟煮，食落有陣陣焦香，好惹味📈吃貨指數😋好味度 7/10🔙返啅度 7.5/10