兄弟快餐廳

Open Now

Now Closed

哥哥最近係葵盛東學游水…山上面幾乎係沙漠，之後落葵芳，但搭車個站又遠…今次試下落光輝圍！唉~~好似光景不再，十幾年前係工廠區接近凌晨都仲有野食，依家想搵間野食下，平嘅7點已清場，貴嘅又唔想入😩呢間細個食過，依家呢個價位…真心良心到暈食物豉椒牛河啲牛肉片好滑！好入味平時唔食椒嘅我😂😂覺得啲椒好甜！洋蔥就爆炒，所以啲洋蔥嘅辣都好勁。啲河粉好靚，冇痴埋一舊舊！最緊要係豆豉唔多，但有豆豉香！如果唔係😩我要不停挑豆豉，個仔唔食豆豉洋蔥汁豬扒餐肉飯有2塊豬扒，啲豬扒好冧！好入味，好似媽咪煮個啲咁好食呢個啲洋蔥就熟嘅，又冧又甜！好開胃🩷🩷滑蛋蝦仁飯就咁睇以為啲蛋好熟，但原來真係滑，好厚嘅雞蛋口感！啲蝦又好彈牙！冬瓜湯呢個冬瓜湯又係勁好飲，冇味精！凍檸茶唔記得咗冇影，因為行落嚟都熱，小朋友一見到野飲就飲！後記我哋到嘅時候已經8pm，佢哋見我帶住小朋友仲未食飯，就做埋我哋生意，呢到有返咁上下歷史，雖然地方唔大，但真心乾淨，冇小昆蟲明目張膽咁行！細佬又好衰唔衰，食檸檬嘅時候，一扯，連杯未飲嘅凍檸茶都成杯倒瀉🥴姨姨就即刻叫我哋搬過隔離枱，要麻煩姨姨清潔🥲咁啱哥哥呢2日都有活動係附近，諗住過黎再食，唔知係咪因

午飯不時和同事一起出外覓食，今次介紹位於葵涌工廠區附近的兄弟快餐廳，兄弟主打各式簡單快飯，鑊氣炒粉麵都不錯。當日我點了黑椒豬扒炒烏冬 $35，即叫即炒所以比其他同事點的快飯遲來，邊等邊喝送的西洋菜例湯，味道正常。而我的炒烏冬等上七、八分鐘便上檯，豬扒有四件骨少肉多，加起來足一大塊，黑椒味濃郁且肉質鬆化；烏冬麵彈牙加上蔥段、銀芽增添爽口感覺，而且炒得夠乾身夠鑊氣，吃到最後碟底沒有很多油剩，算唔錯。餐飲點了熱奶茶，茶夠熱奶夠香不過稍欠順滑。兄弟中午時段有不少西裝男士和運輸哥哥幫襯，果然是“兄弟快餐廳”！