兄弟幫冰室。大排檔 (Moved) New Location

今日🐷🐖🐗🐷🐷連同朋友一行5人嚟到呢間告急黃店幫襯幫襯。餐廳雖然細細間，但完全做到一間茶餐廳應有嘅水準😛😛😛。好味得嚟所有野都大大份，非常足料👍🏼👍🏼👍🏼😘。試問呢啲咁抵食既茶記點可以比佢告急嫁？————————————————————— .舔舔脷指數 :🐽🐽🐽🐽🐽🐽🐽🐽8/10抵食指數:🐽🐽🐽🐽🐽🐽🐽🐽🐽9/10 ————————————————————— .照燒鰻魚拼炸蟹餅飯($50)鰻魚好大條，食落軟淋冇乜骨幾好食。另外有塊煙肉，但就唔見蟹餅，唔知係冇曬蟹餅轉咗煙肉定佢純粹唔記得比蟹餅，不過食完先記得就算，但見其他人都好似冇蟹餅。其實條鰻魚都夠送飯食，如果多啲鰻魚汁會更加好。蔥油炸雞髀煎蛋飯($48)超好食❤️。炸雞髀🍗好好味，脆卜卜，雞肉🐓好嫩滑。蔥油味好香😋，好好送飯。不過就好大份，食唔晒。吉列流心西多士（$37）呢個西多有芝士夾心，其實就冇流心效果。呢個西多外層係幾脆，但十分之油，成個西多浸油咁，好油膩，一個人食咗1/4已經食唔落。唔推介。鰻魚炒蛋西多士（$38）必食推介😍！本身個厚多士望落好白以為佢冇烘底但食落原來有。鰻魚都有一隻手掌✋🏼咁長，炒蛋都有好多。三樣野加埋一齊簡

近期啲新聞真係令人心情唔好，都係襯而家仲有啲自由，更係要餐餐食好西，仲要繼續支持黃店鋪頭啦 一入到鋪頭，已經俾沙爹牛肉香味吸引，所以一坐低就即點個沙爹牛肉公仔麵，再加個炒滑蛋同多士，而啲炒蛋食落超滑而且蛋味勁濃而個主角更不在話下，牛肉量超多，公仔麵都整到適合嘅軟硬度，超好食。 最緊要嘅係，哩個套餐都係30幾蚊咋，而且真係好難係出面搵到咁高水準而價錢唔太貴嘅餐廳，今餐真係物超所值，實在難得。 聽講話哩間店無得續約，而要搬鋪，希望大家都多多支持哩間鋪頭啦，令大家都仲有機會試下哩啲平價民間美食。

呢間野想試好耐…不過兄弟就收得比較早…一係經過時就好多人…咁啱今日afternoon tea時間經過有位就鏟入去試下…大大個餐牌係牆度…俾個“神級”蔥油系列深深吸引住…就點左個蔥油雞扒撈麵…加杯凍檸茶走甜。碟野黎度個樣唔錯喎…試下個蔥油先…味道其實ok的…不過要去到神級就誇張左既😅😅…(成日俾d keywords迷惑左) 我覺得蔥油個個整都差唔多😏😏。 不過雞扒唔點蔥油情況下都覺得幾好味…另一樣要讚下就係個麵黎到時都係好熱辣辣…好多地方撈麵…個麵黐埋一堆。如果無記錯…下午茶餐好似30幾蚊有交易…呢個價錢真係交足貨…有機會試下其他野。

🐻尼排既心情都是灰灰的，今日更加有種絕望感覺 🥺 但我哋都仲要留住條命繼續頂落去！所以唔好唔記得食野，餐餐都要食！最緊要繼續支持黃店啊喂💛尼間黃店不獲續租，6月17日要結業 🥺 好彩佢之後會再係附近開番新鋪 😏 大家都要支持佢啊！今次剛好下午茶時間，🐻見好多選擇，最後決定order「招牌芝士流心西多士」，男人太餓所以叫是日快餐「照燒鰻魚拼煙肉飯」🤤推介/ 意見‼️✨ 「招牌芝士流心西多士」無想像中咁流心，不過芝士既咸同西多既甜配合得幾好，一食就停唔到口 🤤 重點係隔一排無食，食番就開心到飛起 🥰✨ 「照燒鰻魚拼煙肉飯」雖然唔係原條鰻魚，但亦顯得佢既珍貴，鰻魚口感彈牙，照燒汁亦非常夾😱男人竟然話想再叫埋原條鰻魚食添！值得一試！價錢‼️$35 「招牌芝士流心西多士」連熱飲$50 「照燒鰻魚拼煙肉飯」連熱飲

早前Wolipay吹得好行話兄弟幫會執 我覺得非常奇怪 因為呢間火熱黃店每到食飯時間必定會大排長龍 而且外賣長叫長有所以知道佢告急已經覺得奇怪仲話會結束營業更加感到可惜有時間即刻衝過黎同兄弟幫大排檔道別 過往都係食瑞士套餐 今次一定要試下其他野神級蔥油豬扒飯 ($53 + $3 凍飲) 呢個豬扒飯有配上小小沙律菜 豬扒醃得夠入味不過略嫌好似落得太多鬆肉粉 肉質偏向過林味道黎講是可以的 蔥油味道較得適中 唔會太過咸 送飯一流文宣主要都擺係室外室內相對較少文宣一手資料 店員話呢間鋪會做到6月中 之後會搬前去登打士街與上海街交界到時記得再黎幫襯呢間黃店啦

😟黄店告急⚠ 六月中就結業😞 一定要去支持下 他日再捲土重來皆因下午茶時間去 冇咁多quota食太飽 如果唔係一定叫佢個滑蛋鰻魚飯食 才五十八蚊而已🤤 抵到爛對於滑蛋同鰻魚控的我而言，經常抵受唔住鰻魚的誘惑🤤 即使間餐廳最出名唔係鰻魚都會叫黎食 食呢個鰻魚抄蛋厚多士做下午茶剛剛好😋 $38包熱飲 抵呀！雖然冇一整條鰻魚咁震撼，但係都有半條肥美鰻魚 淋上燒汁同芝麻，簡直係絕配！燒汁唔會太甜，配蛋同多士剛剛好🥰 滑蛋分量又多 多到滿瀉😍😍😍 唯一係覺得多士唔夠脆，咬落少少淋蔥油雞扒撈公仔麵$36 Menu上面寫呢度蔥油係招牌係特製😍 令到我都忍唔住叫咗一份黎試 蔥油俾我想像中冇咁油同膩，食落甜甜地，唔係一般市面上食到/想像中的蔥油😋 撈落公仔麵度食，罪惡感唔會太大😂開頭覺得蔥油太少會唔夠撈成個麵食，但點知食到尾個麵都仲係好入味，唔會乾👍🏻 值得一讚👍🏻👍🏻 唯一唔得就係雞扒煎燶咗 雖然食唔到燶味 但賣相就扣咗分

🐾 兄弟幫冰室。大排檔 (旺角) 🐾-薄切西冷牛排$48✔️-薄切西冷牛排: 飯入邊有啲沙律菜，仲有配一隻炸蝦，啲汁睇落好似得好小咁，但都夠配飯食嘅，牛扒唔老，50蚊黎講都好ok👍🏻—————————————(非專業,完全跟據個人口味☺)食物:7/10環境:5/10服務:8/10人均消費:50———————————————▪店舖名稱: 兄弟幫冰室。大排檔 (旺角)▪店舖地址:🔸 旺角上海街497號地舖-----------------------

這天因有要事在身，只能快快地買個外賣午餐。正當我在構思該吃甚麼好，突然想起之前打算來堂食，客人卻很多要等位就放棄了的兄弟幫。是次是買外賣，即使多人也該不怕吧？剛到達，發現客人都幾多，門外還有幾位客人在等位呢。從到餐廳裡面點餐至到取外賣，幾位店員都友善又有禮，感覺舒服。我點了是日午餐的其中一款，蔥油雞扒煎蛋飯($48)，外賣加$1。名字聽上去有點邪惡，但食起來沒有想像中那麼油膩。旁邊會配有一些沙律菜，沒有跟其他餐廳那樣配那些不知道煮了、擺了多久，又淋又不新鮮的中式椰菜作配菜。蔥油食起來的味道很香，雖說沒有想像中那麼油膩，但還是有些油、有點肥。把那些蔥油夾著飯一齊食，惹味得來口感順滑，讓人不自覺一口一口地吃。雞扒表面好像很燶的似，其實只是上了豉油色的雞皮。雞扒有一定厚度，肉質軟淋，調味適中不會很鹹，配上一些蔥油食又是很夾。煎蛋竟然有出奇的表現。從買外賣到坐下用餐都相隔了大約20分鐘，當我切開煎蛋時，中間的蛋黃竟然還是流心的！蛋汁流進沾有蔥油的白飯黎，除香蔥的味道外，還增加了一份蛋香，原來精髓在於這隻煎蛋跟餐配了熱奶茶，質感沒有很滑但不苦不澀，茶和奶的比例適當，不錯。食物質素不錯，聽說他們有

今日自己去食左一個吉列流心西多士,好有驚喜,佢係一份炸左既西多士入面有流心芝士。真係做到外皮鬆脆入面既芝士亦融左,香口又唔會太肥膩,唔會食落去好多油。咬落去亦都唔會好似有啲西多士咁太林。佢哋係即叫即炸所以我等咗大約十分鐘。唯一挑剔嘅地方係裏面唔夠流心,唔似流沙奶皇包咁真係流出黎。下午茶時段,真係好高性價比,唔使40蚊仲有杯嘢飲。食完之又唔會太飽。餐廳員工亦都好有善,主動攞唔同餐牌畀我揀仲詳細解釋幾款西多士嘅分別。

💛💛💛繼續唔好俾佢停!嗰日晏晝食完飯唔飽,下午茶時間行開旺角附近見到呢間冰室!我有個習慣去茶餐廳前一定睇下D茶餐岩唔岩feel先入去...雖然我個人係好女仔但食嘢方面又好麻甩🤣見到個下午茶menu好多嘢都好岩feel而且價錢相當合理... .招牌芝士流心西多士$35連熱飲品味道：🌕🌕🌕🌘🌑價錢：🌕🌕🌕🌕🌕其實本身好少食西多士,因為覺得好肥食完會好內疚...但見到係招牌同埋留心芝士就抵擋唔住!味道就普通啦,略嫌中間芝士唔夠流心同埋芝士唔夠咸香食唔到芝士力味..同埋食到一半已經好膩...至於我都幾重視嘅奶茶個茶底味太淡,有待改善!招牌蔥油雞扒撈公仔麵$36連飲品+$4轉出前一丁味道：🌕🌕🌕🌕🌕價錢：🌕🌕🌕🌕🌘呢個撈公仔麵不得不讚!真係好好食!雖然呢個麵看似係啲簡單嘢...但佢個靈魂蔥油做得好香咸味適中,加埋少少甜豉油簡直係好正! 為咗個麵質係ok所以一定加＄轉一丁..佢哋個麵又唔會淥到脹曬冇口感,雞扒又醃得好入味同埋炸得香脆配埋蔥油真係好好味🤤結論：價錢友善食物水準都好!店舖衛生做得幾好!入到去會同你量度體溫,每枱有1.5米嘅距離..店員有善!因為本身要凍齋啡走甜,點知嚟左有甜味...店員

響應五一黃金周，支持黃色經濟圈，兄弟，梗係要幫。一早來到這間黃店吃早餐，吃的雖是簡單的「經典沙嗲牛肉公仔麵 」配「香滑炒蛋」與「牛油多士」港式早餐，好像也吃得特別有意義。「經典沙嗲牛肉公仔麵 」麵雖普通，牛肉是不錯的，沙嗲汁也過得去，不會太鹹。「香滑炒蛋」炒得挺好，嫩而不老，不過調味輕手了點，味道偏淡。「牛油多士」是最弱的，多士雖厚身，但不夠脆，香口度不足。公仔麵、炒蛋、多士，配以一杯少甜的「凍奶茶」，平常不過的港式早餐，無論港九新界，各區都有，幾近無處不在。反正早餐是要吃的，既然有吃甚麼，去哪裡吃的自由，當然要幫襯兄弟，支持屬於香港人的五一黃金周啦！

茶餐廳都食到滑蛋鰻魚飯呀👏作為一個蛋控＋鰻魚控表示好滿足❣️鰻魚吾算好厚身，但一啖咬落都夠肥美👌🏻 滑蛋真係好滑好滑🍳 仲有小小蔥花，撈埋食好夾🤤餐廳每日都有精選快餐，呢個鰻魚飯就係其中一個💡$50幾蚊就食到原條鰻魚，認真抵到無朋友👍🏻如果撞吾到精選都吾緊要，好似我咁正價$80嗌黎食，其實都好值得架❣️仲嗌左個All day breafast同朋友仔share，咩都有啲，好豐富😋

平時好晏先起身都冇咩機會食早餐，但因為今日朝早有嘢做，所以專登去咗哩間兄弟幫冰室大排檔食個靚早餐先😼原本一睇個餐牌已經俾佢嘅熱香餅餐吸引住，但點餐嗰陣店員講先知原來星期六日係冇賣哩個餐💔唯有下次平日先再嚟試啦😣所以如果大家想試就要留意下啦😛• • • • •🧚🏻‍♀️經典沙嗲牛肉米線🧚🏻 [$32]本身沙嗲牛肉套餐係配公仔麵，但想健康啲所以轉咗米線🤓平時食沙嗲牛肉麵成日都可能會只係食到沙嗲味，但見唔到咩沙嗲醬，又或者係啲沙嗲牛肉一浸落湯到就冇哂沙嗲醬😣但哩間嘅沙嗲牛肉係有好多沙嗲醬，就算浸完湯都仲見到有沙嗲醬係上面，好濃味😜套餐會配埋炒蛋同牛油多士，仲有一杯餐飲😉炒蛋好滑，仲有好香濃嘅蛋味🍳而牛油多士仲係脆卜卜架😆• • • • •總括嚟講都算唔錯，店員好好禮貌，啲嘢食又幾好味😋仲有嘢食夠大份，都幾抵食👍🏻• • • • •📝餐牌：

<好味 黃店 tea >😆呢間黃店兄弟幫有各式各樣既茶餐 碟頭飯 大排檔野食 正苦呢個1.5 米 政策剛推出既第一日 已見到所有店鋪入門要 check體温 同要相隔1.5 米 坐 所有食店生意都慘淡 所以要幫襯一定要食黃店 . 究竟呢條規例係要黎防疫 定係借機打壓集會 方便某團體搞野， 大家心照不宣 有腦既人就會明， 冇腦既死蠢就講黎浪費精神la😂🍴瑞士雞脾配沙律39 蚊🐤瑞士雞脾夠軟林 雞肉算彈牙 個瑞士汁咸度 ok, 甜度差 d . 但可接受 沙律係正常雜果沙律 普通沙律味 但勝在份量足 以加埋野飲黎講39 蚊 可接受 ok👍🏻🍴葱油雞扒撈公仔麵 36 蚊🐤呢個葱油雞推介 首先 佢個雞扒 煎得個皮好香脆但又唔會燶🔥 雞肉蛋彈嫩滑 葱油 好香油味 咸度適中 . 而最估唔到係公仔麵 整得夠乾身 佢既豉油汁好香 好入味 同葱油 perfect match正👍🏻#公仔麵 #撈麵 #葱油雞 #雞扒 #沙律 #瑞士汁 #五大訴求 #黃藍是政見黑白是良知 Score 平均分 <7.5/10>Taste 味道：👍🏻👍🏻👍🏻Present 外觀：👍🏻👍🏻👍🏻Dec

今次又黎到旺角區搵早餐既時候啦，又黎到兄弟幫搵好西食👍🏻沙爹牛肉公仔麵餐 $32先有炒滑蛋同煉奶多士，滑蛋好滑，好香蛋味，煉奶多士好香好脆，而煉奶又一d 都唔慳住洗😍😍，好滿足❗️之後主角沙嗲牛肉公仔麵，牛肉份量多，公仔麵唔知點解感覺上都比較多，但應該幻覺黎，冇理由落得多過一包😂😂，但食完又好飽肚😂😂整體不錯，$32食到個有質素而又飽肚既早餐，實屬難得，有機會落到黎旺角區就可以試下啦❗️❗️❗️❗️❗️