兄弟出品

今日試食土瓜灣兄弟出品，點咗個芝士焗雞扒飯配白汁，再單點兩串燒雞中翼，分量足得嚟味道又野味，唔洗十分鐘就食哂全部嘢。跟飯送嘅南瓜湯都好好味，成件事變得好perfect!…Read More

已經幫襯左好多次，鋪位唔起眼，只有外賣，但真係好值得一試！焗飯/焗意粉都好足料好抵食！Lunch 送湯，Dinner 送糖水！熱辣辣唔想煮，叫左個蕃茄焗豬扒飯！（今次送左清熱綠豆沙）好開胃，仲有西蘭花～呢個質素$42蚊真係好抵…Read More

最近才發現土瓜灣呢間串燒焗飯外賣店好好味，原來佢哋喺度已經三年。三週年佢哋出咗個熱狗套餐40蚊， 嚟到取食物嘅時候老細啱啱整起。真係超級大隻熱狗， 見到已經流曬口水。食落真係好好味，好滿足， 如果條腸可以再燒耐啲就應該會更加正。 唯一嘅問題就係因為隻熱狗真係好大隻，所以一咬嘅時候有啲論盡。唔貴，會再幫襯。 下次會試下佢D串燒。…Read More

街坊小店, 之前見好多土友推介, 今日想試新野, 就上黎搵電話, whatsapp 落單, 15分鐘後到取, 十份方便。1) 芝士焗豬扒飯, 咪睇佢好似唔係好大盒, 但好足料, 好”聚”手架, 而且熱辣辣, 初時開見好似好多汁, 食落又OK, 因為個汁唔會好甜, 個人覺得剛剛好 2) 羊架, 勁正, 咁既價錢, 2支骨, 老闆真係收得平, 而且燒得剛剛好, 係全熟(個人唔喜歡有血水), 但好軟, 唔會柴皮, 勁得3) 其餘串燒蔬菜都剛剛好, 份量又多, 係比較油, 但可接受。 4) 仲有糖水送呢, 多謝老闆會再次幫襯…Read More

好開心屋企附近開左間串燒及焗飯外賣店。其實佢地開左三年，平時都有幫襯開，焗飯同串燒都十分出色。 三週年限定佢做返個羊架特價37蚊。 我平時唔食羊都覺得好好味， 成個羊架都好大件，好juicy同埋冇乜羊騷味， 個汁先冇得頂。 我喺呢段限定期間都買咗兩件嚟食， 晚餐可以做鋸扒🤣🤣🤣 超級抵食， 自己買都冇可能做到咁好食同埋成本真係好貴。另外就叫左個茄汁焗豬扒飯42蚊仲要送自家製腐竹蛋糖水。 成個飯都勁有誠意，仲要炒飯底， 豬扒勁香， 未食過嘅一定要試。 雖然附近好多學校， 好多食客都係學生同埋附近街坊，但絕對唔係普通學生頹飯。 呢個價錢呢個質數，我會話係全香港性價比最高的呢個腐竹蛋糖水又係好好味好足料 值得講嘅係老闆兩公婆都超級好人 希望大家可以多多支持小店， 等佢有未來三年三年又三年。…Read More

每次食都係嗌呢個蒜蓉汁雞扒意粉 真係好好食 同埋價錢合理 會一直幫襯！仲要每次都送份湯或者甜品 好抵食 同埋都食過佢哋嘅燒雞翼 都係好食 好開心屋企附近有間咁好食嘅舖頭 😚😆…Read More

啱啱搬嚟土瓜灣，四圍行見有好多小店，全部望落都好吸引又平。咁啱今日晏晝經過呢度，有啲肚餓又唔洗等，一於就外賣嚟試吓！一試，好-好-食！！！雞肉調味啱啱好，係偏重味嘅，勝在食完唔會痴牙，燒烤嚟講係燒得嫩。菠蘿好似係新鮮菠蘿，夠juicy。老闆都非常nice，見佢準備緊嘢，我買嘢佢被逼停手。開頭好怕買得果兩串嘢會阻住佢，但佢冇比面色我睇之餘仲好好笑容。呢個價錢我畀100分，下午茶解餓性價比之選，有下次😋…Read More

土瓜灣區必食嘅外賣快餐住咗土瓜灣區咁耐定時都會留意吓fb 街坊講有咩美食推介最多街坊推介頭幾名必定係「兄弟焗飯」一個$39嘅焗飯 有肉 有芝士 有飯 有瓜仲會有湯或者糖水送好味同抵食度一定比出面連鎖店高個人最鍾意就係芝士牛扒焗飯無論白汁或者茄汁都好好味😋若然你係一個芝士控亦可以加$8 Double芝士溫馨提示記得提前15分鐘打電話落外賣即叫即做…Read More

見呢間小店係屋企附近都開左一段時間，決定今日幫襯下。電話order左茄汁焗牛扒意粉同燒雞髀。焗意粉非常足料，薄切牛扒帶黑椒香，唔錯。唯獨意粉偏軟，呢到要扣小小分。39蚊真心幾抵食。雞髀就非常出色，拎完返到屋企都係熱辣辣。食落嫩滑香口，肉汁豐富。調味都恰到好處，唔會過咸，食到有淡淡既孜然味，非常推薦！20蚊黎講真心唔貴。…Read More

街坊小店，可電話或whatsapp預先下單，约十分鐘後便可到店自取。味道不錯，份量足夠，食物熱辣辣， 還送了粟米忌廉白湯，價格實惠。今次点了 白汁芝士焗豬扒意粉和白汁芝士焗牛扒意粉，性價比高。店舖雖小但整體也很整潔，店員有禮。…Read More

鋪頭係天光道斜道的轉角位  唔係返工會經過都未必會知道有呢間只做外賣  得幾隻窗仔通常lunch外賣自取返office 食一星期起碼食一次可以whatsapp 落單  去到即拎老細好好 成日送湯有時又會送多條菜唔係HEA, 係堅好食份量好足, $36 食到個飽肚又好味的飯盒有焗  有汁燴  自己配搭用的外賣膠盒都好實淨企理串燒都好正!! 又唔算貴如果遲D 疫情好D 可以係街邊即食會仲正…Read More

最近剛搬遷至土瓜灣天光道近馬頭圍道，疫情當下，當然會第一時間周圍視察環境(睇吓夜晚有咩好食)，除了對面北帝街及其他主要食肆外(都是一般貨色，不過不失)比我發現這邊天光道小斜路上(靠背壟道口)有一小店開到好夜，夜晚10點幾11點還未收舖，急忙走去八吓，發現哩間小店夜晚收12點，主打外賣，竟然有芝士焗飯食，第一時間想到芝士焗豬扒飯啦！又要多個芝士焗魚柳飯先，有鮮茄汁或忌廉白汁揀，除此之外重有鐵板串燒同埋其他扒飯類，但試唔到咁多，(下次再試)，order後大概十分鐘就有，老闆哥哥重送咗忌廉湯比我飲(送完即止)，即刻趕快歸家醫肚，2個飯都焗得好靚仔，芝士鮮茄汁同忌廉白汁好夠味，尤其是個鮮茄汁嘅酸甜度做到剛剛好，豬扒軟淋，魚柳又新鮮，不是一般咸到霉嘅貨色，連個忌廉湯都做得唔錯！掛住食唔記得影相最驚喜嘅係性價比高，只係$36咁嘅價錢比到咁嘅水準比你食，重想點呀大佬！老闆哥哥重提我下次可打電話落order先，天氣唔好唔駛食風呀！(做得咁有heart，加油呀！💪🏽)…Read More

剛在這裡買了串燒和焗豬扒飯，味道都幾好，豬扒都好食，但啲飯可以炒香少少就好了。買了串燒牛吞同牛柳粒，牛吞較好味爽口，老細仲好好送了一個粟米湯給我，味道都ok，希望小店在疫情下加油💪🏻…Read More