Genfuku Japanese Restaurant

平時都有食開呢間, 個人好鐘意食佢既拉麵, 老闆娘比我既感覺都幾有Heart, 而且平時都好有禮貌. 今次一如以往叫外賣自取.  我中午12:35左就打定去叫, 並且講定1:00去到拎.  1:00 去到, 已經見到自己叫既外賣已經整好放左喺門口張外賣自取枱上面, 只要拎上面張單入去比完錢就走得, 都幾好效率. 拎左個飯返去食, 打開係好吸引既, 叫左個滑蛋鰻魚飯, 好香, 睇落去個樣都幾唔錯.   但係一食落口, 有小小失望, 事關佢真係好咸, 相信係d汁出事, 因為佢浸住d鰻魚, 點食都食唔到, 好大啖飯先送到小小鰻魚, 食食下仲有條頭髮  食過幾次都冇呢個問題, 今次可能失準, 但真係要改善下,  大好一個LUNCH, 因為食物太咸食唔飽, 因為衛生問題而食得唔安心.  希望下次食唔會再咁啦.…Read More

今日12:40pm襯自己有幾個字空檔入去食 入面超迫 個個手爭貼手爭果隻 12:41已經點好餐 我要一個魚生丼(佢地推介嘅元福五品丼) 足足等左20分鐘都未黎 我眼見遲過我到嘅其他客人都5分鐘唔洗就已經有野食人地仲要係叫拉面同熟食嘅丼飯都到齊 反而我叫個唔洗煮嘅魚生飯等4個字都未到到1:00pm我善意提醒下佢 我乜都仲未到 會唔會有機會漏左我單 我有啲趕時間 佢侍應姐姐話無 好快到你份餐出再過左8分鐘 我份餐依然未到 我再問侍應 我話我真係趕時間做野 遲過我黎嘅都已經食完走埋 不如你幫我取消左個order啦 好嗎？侍應話不如咁我幫你轉外賣叫廚房立即整比你啦 我答 你10分鐘前話立即整比我 要等到你個外賣我都唔知要幾時 我下一個break要3:30先有時間食 不如你當幫幫手取消左佢算啦佢都好似唔係幾想最後我擺低左錢離開 佢再追返我話整返個外賣魚生飯比我 我堅持唔需要最後佢退返錢比我 完…Read More

咁啱黎到附近就決定試吓呢度嘅日式小店，價錢唔算特別貴，選擇套餐或者定食就會比較吸引。但因為太飽只係想食少量，我就只叫左一個日式叉燒拉麵，🥢日式叉燒拉麵，豬骨湯，湯底唔算濃郁豬骨味叉燒份量比想像多，但肉層屬於偏硬身的😆我自己就唔太喜歡。🥢鰻魚飯，鰻魚很大條，很大碗飯，男士都表示，食唔哂😆！ 配埋蛋絲，沙律，整個飯，很豐富，而且賣相都吸引。飯/ 拉麵都跟一罐韓式飲料，呢個價錢+呢個份量，其實想食普普通通的日式料理+經過附近，呢間小店都可以考慮一下！…Read More

今天是第一次光顾，食物可以，份量也足够，可是服务超差，那女的太没礼貌，把饮品推到枱上，差一点翻倒，和那个男的高谈阔论，也设有注意其他客人。食物味道其实也不错，还有饮品送，那种小店本来以为应该很亲切，可惜这种服务，我也不想再来。…Read More

放學後找晚飯食，9點後九龍塘附近選擇不多，誤打誤撞來到這小店，大有驚喜。晚餐一個日式咖喱吉列豬扒飯，汔水，另加$8章魚小丸子兩粒，總共埋單多謝承為$55。 身處九龍塘，茶餐廳都$6-70嘅環境中，呢個價錢夫復何求呢! 食物質素，客觀的說實是普普通通，勝在性價比相乎。 比隔離茶餐廳更實在。 店小，坐位較迫，出餐位置剛好在我坐位的上方，的確有點感覺危險。 但也正好讓我看到他們對出品的要求及認真。 本人幫襯正值last order時段。 但店員出菜時發現汔水不夠凍，食品賣相不夠理想，都會立刻叫水吧，廚房處理好再送餐。 這點堅持，令人窩心。 另外我差不多係最後一位食客，但一點也沒有感到被催逼離開。 可以好好享受晚餐到最後一刻。非常感謝小店。 如果嚟開附近，支持一下小店吖~…Read More

香辣牛肉烏冬 $47平凡中嘅小確辛💕去完浸會醫院探病之後喺網上面搵到呢一間小店，咁呢間小店主要其實都係做日式食品，裝修方面其實都偏向居酒屋風格，咁小編就揀咗佢嘅香辣牛肉烏冬-咁店員亦都有講如果烏冬嘅話就淨係配清湯，如果想轉豬骨湯或者火辣湯就要另外加$8，因為小編揀咗要香辣牛肉，驚會太辣所以就冇另外再加錢-咁當然就要先試一試佢嘅湯，好明顯地真係用昆布熬成嘅湯底，同埋因為我係香辣牛肉嘅關係所以個湯底飲落去甜得來又帶少少辣度，同埋真係飲晒成碗湯你都唔會感覺到口渴，而烏冬方面佢就唔係用稻庭只係採用左普通粗身嘅烏冬，同埋如果以呢個價錢嘅話佢牛肉嘅份量真係好多，差唔多佔成碗嘅一半份量，但係佢啲牛肉就會比較鞋身，但係都好入味好食嘅🏠元福日本料理⚠️九龍塘聯合道320號建新中心地下低層11號舖☎️23360196如果都鍾意睇我寫嘅食評，歡迎Follow我既Foodie IG(hohomayfoodie) 🙏🏻…Read More

去浸會大學之前就係建新中心搵地方食午餐，見到呢間日本野就諗住試下。地方唔大，坐低會有少少逼。我自己叫左一個燒雞扒豚骨拉麵，午餐仲會送飲品，嗌左一罐蘆薈汽水。拉麵同雞扒份量幾大，食哂都幾飽。豚骨湯幾好味，雖然唔係特別濃味，但都冇落左味精既感覺。湯加左啲炸蒜，味道好夾同埋食落香口啲。雞扒煎得好香，皮係脆既，肉都冇好乾。朋友嗌左一個蟹子金菇肥牛拉麵，金菇肥牛卷係非常好食，特別係加左蟹子更有口感。呢個拉麵好快就賣哂，聽到有其他人都想嗌但冇哂。食物味道相當唔錯，價錢都幾抵又包飲品。下次黎會想試下佢既飯。…Read More

九龍塘呢頭真心唔多野食揀 但去旺角同九龍城又太遠 終於俾小編係島仔揾到好西☺️豬扒煎到金黃 豬肉又幾淋 不過嫌佢偏乾身拉麵🍜就有濃濃既豬骨味 😌另外餐廳會有特價飯麵 咖哩漢堡扒 咖哩汁明顯即食咖哩黎既 甜到一個點 漢堡扒 不過30幾蚊一餐就別無所求😛大家去開呢頭唔洗食頹餐既 呢間都唔錯既選擇👍🏻…Read More

位於浸會醫院旁的元福，午市套餐十分不錯，是日午餐一客連飲品只需33元，經濟實惠。點了咖喱漢堡扒飯和絲網春卷，兩款食物也是即叫即製。咖哩飯採用珍珠米，米粒圓圓的，入口軟糯。咖哩的口味是甘口的，所以入口微甜而不辣，當中更有不少蔬菜如紅蘿蔔和薯仔，煮得軟硬適中，用來送飯的確不錯，漢堡扒則有微微煎過的，煎得很香口。是日套餐還包括柚子或白桃特飲，味道不錯，頗解渴。另外，絲網春卷上桌時還是熱騰騰的，炸得鬆化。…Read More

浸會大學旁的另一日式小店，是朋友帶路下才發現的。雖然感覺不是那種傳統大和風情較重的店子，食物感覺較為平民，偏向港底曰本菜的味道。店子主力供應飯食、麵食和日式小吃。是次點了烏冬(~$48)，而麵食的湯底亦有豬骨、和風昆布和地獄3款口味可選。麵食的配料亦不多，供應坊間常見的豬軟骨、叉燒和金菇肥牛。是次點了金菇肥牛，沒料到一同置於烏冬之上，味道亦沒想像中那麼濃。金菇肥牛煮得滑，烏冬仍然，昆布清湯帶點日式醬油咸味和一點甜，味道是不錯的。也有點粟米、椰菜和海帶在烏冬中，十分足料。推薦指數：4/5仍點了一杯白桃汁，喝後桃味濃，但濃縮成分重，有點回酸在最後。推薦指數：3/5整體而言，店家服務親切，收費不算太高，在附近上班的朋友不妨一試。…Read More

在這裡吃過兩次，食物比起campus內其他餐廳要貴不少，吃過咖哩豚肉飯和咖哩雞肉飯，味道還不錯，米飯和肉的份量也挺多，菜就很少。但是員工的態度很差，令到我不想再來這間餐廳。🙃…Read More

時隔2年再來元福，本想找回學生時的感覺，沒想到比左個好差的印象我。價錢並唔平，就算特價餐都要$31，其他一個普通餐分分鐘$45+，覺得唔抵。叫左個咖喱漢堡扒飯。食左一啖就食唔落。太甜，太甜，太甜，冇食過咁甜嘅咖喱，用緊咩牌子咖喱粉呀！配菜有小小紅蘿蔔同薯仔，份量唔夠送飯，最後食剩好多飯但其實未飽。跟餐柚子汁，冇柚子味，仲有陣膠味，飲左一啖唔敢再飲落去冇諗過依家的元福咁難食，啲學生貪佢近好多人來幫襯，但我絕對唔會再去。…Read More

去醫院探人，附近冇乜野食，見有一間所謂日本料理就試下. 叫左一個血池吉列豬扒拉麵，點知惡夢就開始la 首先拉麵淋patpat , 完全冇咬口，好，我當我外賣所以淋左，但佢連拉麵要ge彈牙，爽身都冇之後最大鑊ge係湯底，所謂血池地獄湯底只係冇味ge上湯加辣椒油，完全吾係一個應有ge日式拉麵湯，或者咁講，佢完全吾稱得上係湯。總之成個feel就係你平時食魚蛋粉個湯底加辣椒油，但係就叫做血池拉麵做d咁ge野出黎就叫血池拉麵，咁樣係完全吾尊重食物，對食客ge侮辱，更重要ge係向素來都視飲食文化ge日本人頭上斬左一刀就呢碗拉麵而言：雖然只係一間平民食店，要求吾可以太高，但係呢間野已經完全放棄自己ge底線去做一d 侮辱食物/食客ge行為，就算要求幾低都冇乜可能接受到…Read More

元福附近老師同學成日食嘅餐廳，因為附近只有你一間日本餐廳，叫咗咖喱雞扒飯，飯量多到爆，咖喱汁亦都多，雞扒份量大，當然唔係話好好味，但呢個價錢比學生食不過不失啦。先講咖哩，係日式咖喱，應該係用磚煮既，味道偏甜，加左大量淋曬既紅蘿蔔同薯仔，入口豐富，其實冇餸都可以食曬成碗飯。雞扒煎過，新鮮出爐，食落仲會有汁，原來係脆脆既，但食耐左浸到軟曬。加＄3可以配一杯野飲，加＄6可以配汽水，算係幾抵食同抵飲啦。…Read More

由於在附近工作，成日都會去食lunch或晚餐，覺得d野食幾好味價錢又經濟，上菜又快，但係位比較少，只有十多個，繁忙時段可能要等位。今次我食左照燒雞扒拉麵，雞扒份量都幾大下，煎到外皮有小小脆，肉質仍保持嫩滑軟熟，醬汁個人認為偏甜。拉麵則有小小彈牙，份量剛剛好，湯是豬骨湯，味道幾濃，有點偏咸。由於地點便利，價錢相宜，我往後仍會繼續幫襯，嘗試店舖的其他日式食品。…Read More