Ganso Yokocho (Closed)

位於現崇山的餐廳離地鐵站雖然唔遠，但比起有太多食店又就腳的黃大仙中心總會比下去，除非你住係現崇山附近，或者有餐廳真係好吸引，否則真係得閒都唔會突登行過去。是晚第一次行遠少少去到現崇山商場，星期日晚上八點，除了門口的酒吧餐廳，整個商場也未免太過靜了吧⋯⋯見依間日本食堂平平地就一試，估不到價錢唔貴，食物都做得如此認真。安格斯牛肉漢堡溶岩咖哩飯 套餐$66講真，牛肉漢堡有點略乾，可能係預先完成的關係？但上面的溶岩滑蛋的確做得剛剛好，保持雞蛋的濕潤軟滑口感，加上口味偏甜的咖哩配上珍珠米，非常下飯！$66加埋汽水同餐後軟雪糕，性價比之高已經好少見。鐵板餐：雞扒+豬扒配薯蓉黑椒汁 套餐正正常常，食肉獸之選餐後軟雪糕…Read More

公司附近得一間日本野，想食拉麵或者壽司都會來元祖橫町😋😋一齊相約食下午茶，我揀咗炸雞卷拉麵🍜，炸雞卷好口感好特別，而且雞經過咋之後好香😝😝而同事就揀咗牛肉飯🥘飯有燒汁，有一隻溫泉蛋我下次都會決定試吓😂…Read More

每到放假既日子，18區都好多人，黃大仙都唔列外，雖然2個商場加入左好多新食店，但仍然中情於元祖橫丁，無解既，咪因為坐得舒服，食物質素好價錢又商宜~自然就會成為我既假日食堂呢度幾十蚊就包1個主菜，1“杯”麵豉湯，1罐/1杯飲品今次食左一口炸雞熔岩咖喱飯我諗呢度蛋至少2粒，雞件都有好幾塊! 大推!!友人食左個牛脷焗飯，炒飯底，牛脷好似都有6件，好味指數（來不及影相已經清左）至於麵豉湯就再有進步空間飲品就係好多放題店都有既韓式飲品…Read More

與家人聚餐在家附近尋找美食行到門口睇睇餐牌 唔錯喎咁就入去試試啦長話短說啦因本人都係一名廚師1. 壽司餐 一般 無特別 :)2.雞卷拉麵 一般 嚴重事項：麵太林 食粉團咁 湯底無特別一食就知濃縮味精底 3.北海道帶子拉麵配辣肉醬這個不錯 麵質正常 不會太林肉醬配合 救返湯底既敗筆 整體一般 帶子無味4.威靈頓牛柳雖然唔正宗 就咁得一層酥皮包住咁囉但成熟整得岩岩好 味道不錯 配黑椒汁整體上都乎合返個價錢小食跟 加州卷 兩粒生果 一粒馬卡龍個人推薦 呢個餐最正5.經理介紹既安格斯肉眼扒嚇親我地薄到紙咁 十分差勁 燒汁那西到飛起茄汁定燒肉汁呀？！Over cook都算 肉質差到不行了負分之作 6.飲品以及甜品 飲品還可以啦⋯⋯現貨 不是人手調配雪糕 我地成家食一啖都放低哂雪櫃味重 雪糕機無洗咁既味 唉…總結 ： 有今次 無下次 值得讚既係 員工有禮貌 勤奮睇得出對客既一份熱情同執著…Read More

係YAHOO見到D個團購好似幾吸引同幾抵就為左D間野第一次去現崇山商場今次我地揀左係佢既A餐飲品餐單:玉米忌廉湯一開始黎左兩個湯係酸既, 壞到變左質, 叫待應黎問下係咪出現左問題, 經佢調查一翻後, 佢同我講發現係壞左, 換過比我地, 雖然發生D件事, 但我感覺唔算差好多, 起碼佢肯承認自己錯誤, 其他餐廳最多係換過比你, 誠實值得一讚。但講返個湯先, 其實係好一般, 玉米如果係可以原粒咁煮會好D香草薯蓉焗田螺個薯蓉幾香牛油味, 食落幾香, 但田螺就完全冇味, 而且都食唔出香草味煙鴨胸馬蘇里拉PIZZA其實個味係幾好的, 我地幾LIKE佢個千層PIZZA, 但係個PIZZA唔夠脆口陶板燒中華麻辣海鮮炒烏東陶板上真係夠晒熱, 海鮮份量都算多, 但海鮮冇味, 而且麻辣太辣, 覺得D隻麻辣同海鮮炒烏東唔係好夾宇治金時霜淇淋個抹茶汁怪怪地, 個霜淇淋唔夠奶味, 食落一般:(抹茶霜淇淋紅豆冰D杯野抹茶味幾香, 好過甜品個抹茶味好多, 但最得意係佢將個霜淇淋放係杯底, 想食佢有D困難, 但都幾好飲既, 而且加六蚊就飲到真係幾抵總結食物黎講算係合格啦, 比D個價錢係講都算OK架啦, 而值得一提係服務態度幾好, 為D間比較一般既餐廳加左分…Read More

成日去黃大仙食食食,但尼間就第一次試, 就試下我鐘意食既野😆😆牛脷熔岩咖喱-- 賣相同味道都唔錯, 咖喱有少少辣味, 牛脷淋身, 唔會太乾, 滑蛋鋪喺飯既上面,蛋唔會太熟,食落口感千島三文魚比薩餡餅-- 初初以為係pizza餅底,原來係酥皮黎 , 一咬就有三文魚既香味 係略嫌酥皮唔夠油, 有點偏乾,但老公話咁樣無咁多油好d喎忌廉白汁焗帶子-- 小心熨手 , 堅係好熱 熱到出晒煙,老公表示佢帶子唔錯, 陣味令個薯蓉有陣海鮮味+6蚊轉既 雪糕紅豆冰-- 太耐無飲過了 不過佢一開始俾左支幼飲筒, 有d大意,同埋個雪糕上檯時已經溶左9成芒果醬雪糕-- 唔只醬太甜 , 連個雪糕都係一邊食一邊都有留意到周圍既侍應人手不足, 所以好多客人落單同埋單都係等了又等 …Read More

上星期係團購見到呢個石板燒 2 人晚餐，見個餐配搭幾新鮮，主菜又係威靈頓牛柳，所以即刻CALL齊為食女團既團員一齊去試吓。去到間舖都幾大幾寛敞，可能係星期一晚既緣故，又落住微微雨，而且個商場又唔係大街(其實黃大仙地鐵站一出行唔洗5分鐘已經到，好方便)，席上客唔多。咁就啱晒我地為食女團既團員可以盡情傾計，唔怕俾人催交枱。雖然客人少，但經理同waiter/waitress既服務都算唔錯，起碼唔會叫都唔應。個經理仲好殷勤，成日問我地啲嘢啱唔啱食，希望佢呢種服務態度會為佢地帶黎多啲熟客仔啦。我諗大家都有遇過啲舖，嘢都未食就已經一肚氣。講番個團購，其實睇介紹都已經估計份量唔會少。去到食既時候，真係食唔晒。睇吓個餐牌，個餐原價要差唔多四百蚊，所以今次係好抵食。前菜係沙律，每人一份，有三款可以揀：蟹籽沙律、胡麻玉米沙律、廣島蠔沙律。團員包括我全部揀廣島蠔沙律。沙律係青瓜絲同紅蘿蔔絲，軟硬適中，味道唔錯。不過最好味都係隻炸蠔，外脆內軟。湯亦都有三款揀，我地團員就揀咗南瓜忌廉湯同蘑菇忌廉湯。我係飲南瓜湯，味道唔錯，唔似罐頭，湯料也算豐富。最特別既係呢幾款湯係用杯飲，經理話無須湯匙，咁我地唯有乾咗佢！個餐仲有幾款小食可以揀，因為預計會好飽，所以揀咗香草薯蓉焗田螺同埋白酒忌廉煮藍青口，點知‧‧‧好咸! 其實賣相同味道唔差，不過真係太咸。連我地最重口味既團員1號都話咸，結果薯蓉田螺我地勉強食晒，青口就剩晒係度......我地都有同經理反映，希望佢地以為會有改善啦！終於到主菜，一睇就知份量不少。大大件的威靈頓牛柳，切看一睇約五、六成熟，食落都算腍。我最鍾意果層酥皮，包住牛柳一齊食，好好味。石板燒同時配上蛋包飯，蛋包飯一向係我至愛，所以急不及待要試一試。其實賣相唔差，裡面係茄汁炒飯，味道雖無驚喜，也不過不失。但朋友就話唔好食。口味真係個個人都唔同。除威靈頓牛柳同蛋包飯之外，仲有一件加州卷，一小碟生果及一件馬卡龍，味道都好好，尤其果件馬卡龍，甜度適中(我自己都整過馬卡龍，落得太多糖，就太甜唔想食；落得太少，就焗唔到群邊，所以呢件馬卡龍真係唔錯)。食到呢個時候，其實全部團員都已經十成飽，不過正如團員2號所講，甜品係另一個胃的，所以我地又期待宇治金時雪糕。侍應話有幾款口味：士多啤梨、牛奶、芒果同綠茶。其他團員全部揀士多啤梨，我就揀咗綠茶。睇落都唔差，不過我嫌綠茶糖漿太苦，可能綠茶粉太多。總結，呢餐係好抵食，雖然有啲食物味道需要改善，但總算可以搵個藉口俾為食女團全團集隊，又可以食得豐富，又可以傾餐飽，係開心既一晚！…Read More

龍脷魚熔岩咖哩飯🥘 $54 呢個咖哩甜甜地 好開胃😁龍脷魚係炸嘅 沾左咖哩 更加惹味😜再要講下個滑蛋🍳都真係幾滑😂配埋咖哩 真係有熔岩嘅感覺😝味道都幾驚喜😙份量都幾大 咖哩撈飯真係會食到停唔到口🙈😂午餐仲有一個飲品同麵豉湯添😇…Read More

又到lunch time, 四圍都係人，近近地黎現崇山商場搵食。所有午餐set都附有一碗面豉湯。味道就與一般無異迷你烏冬，是跟5件自選壽司餐的湯味道是豬骨湯底，味精有點重手。烏冬採用急凍讚岐烏冬，質感煙靭彈牙。同事點的溫泉蛋焗牛脷飯，份量大得驚人。香味都很撲鼻。5件自選壽司餐，可重覆再加3件 當日款式飯卷。飯量唔大，但魚肉都算新鮮，50幾蚊來說質量是合情理。同事點的自選餐。鰻魚飯算是在餐單比較貴 $68根據同事口述，鰻魚味道正常，汁都不會過甜，只是鰻魚碎上，感覺不佳。隨餐附送一罐飲料最後只要Facebook like佢地同share 就會做番9折，每人埋單都係50蚊左右…Read More

這間日本餐廳，我一向也有幫襯開，一直也覺得頗不錯，有齊刺身、壽司、串燒、燒物、天婦羅、鍋物、拉麵、烏冬、炒飯、甜品、還有時令生蠔。期間，我有一段時間冇去，今日再去，已經再唔係我食開嘅元祖橫丁，大部份餐牌轉為鐡板据扒餐、芝士焗飯、拉麵，剩下只有少量刺身、壽司，並加入刺身丼類、及日式火鍋。坐低睇完個餐牌，已經有啲中伏想起身走嘅衝動，但又費時再嘥時間搵其他，免為其難點了個三色剌身丼（賣相是不錯的），三文魚係碎上，我已不介意，但餐廳侍應註明話係加拿大嘅海膽，就唔多新鮮，啲三文魚籽就不過不失，啲飯唔係壽司飯都算，問題仲要好硬，啲日本豉油好杰好怪，日本芥辣質量勁差，點少少已經好辣，只有辣味仲好攻鼻，套餐配粟米忌廉湯，哩個配搭簡直九唔搭八，還有雪糕，所謂嘅綠茶雪糕，只係綠茶醬落喺雲呢拿雪糕度，唔該唒～ 以前，係唔收加一，而家收返，覺得仲加唔抵食，openrice 還有其他食評指侍應服務態度差，餐廳真係要諗吓，係咪應該要免返個加一。原本 $158 碗刺身丼套餐，我係唔應該咁多聲氣，但我想話，其實可以飛走唒湯同甜品，可否入返啲新鮮嘅刺身俾客食，仲有，如果大部分餐牌都唔係賣日本類食物，不如就改過個名，西式、日式、火鍋混合一起，我提議不如改叫《元祖橫丁 • 新一代》，原本日式餐廳變為 fusion，係可以理解，但核心食物卻變為据扒，簡直不倫不類，這給我感覺，間餐廳在垂死掙扎中，正放手一搏。然而，今天之後，我不會再幫襯，我也祝餐廳一路好運～…Read More

食物一般，但服務態度非常惡劣。上菜時，俾男侍應生呼喝，已經感到不滿。食物不過不失。直到結帳時，一位高級女侍應生上前收費，竟全程黑面不耐煩，可能厭慢。唉，估不到在現崇山住宅地區竟可享受到大排檔般服務！呼籲各位食客光顧前請三思！…Read More

現崇山內的幾家餐廳都是本人所喜愛的。而說到食物美好服務又好價錢又抵既仲要不用排隊既真係要說是元祖壽司。由開業到現在已經幫襯左很多次,水準仍保持到既真係很難得。值得推介既有-壽司: 微溫的壽司,而且係bite size仲要夾起唔會散。最重要係佢地既wasabi係幾refreshing。-炸蠔:雖然唔記得拍照但我次次都會叫既食物,每次都係即叫即炸好juicy。…Read More

在工作遇到不順, 突發性約友人共進餐, 打算發揮小宇宙狂食的.到了現崇山的元祖橫丁, 當時晚上7點多,不需要等位, 座位有分外面裡面 (外面=商場位置開放式)!食身種類多: 前茶/沙律, 壽司, 卷物, 刺身, 鍋物, 天婦羅 等等晚市飲品 讚好FACBOOK有半價飲品.六款不同的壽司, 夠鮮甜!厚身肥美的刺身, 芥味令我有淚水了.醬燒三文魚腩壽司,入口即溶, 很讚! 推介~海老天婦羅外脆內熱, 大大隻蝦好味!南瓜天婦羅薄片上, 沒特別.吉列南瓜薯餅有濃濃的南瓜味, 清清地.吉列紫芋薯餅 甜甜的紫芋是我的大愛, 食完都已經飽了.對了, 讚好及分享FACEBOOK專頁有9折~食物質素幾好, 服務無問題, 座位不逼很舒適~會再次光顧~…Read More

同母親大人週末下午到黃大仙現祟山食午餐 揀了食日本料理既元祖橫丁同母親大人各自點左一個壽司烏冬餐 - 個餐只係54蚊 但有3件指定卷物, 5件自選壽司, 細烏冬, 麵豉湯, 仲包罐裝飲品一罐先送到既係麵豉湯 味道偏甜 但尚算可接受, 細烏冬係豬骨湯底 湯底普通 但烏冬都幾煙韌。 到最重點既壽司 當日星期六既指定卷物係三文魚加洲卷 味道都可以, 而5件自選壽司都有唔小選擇有帶子,北寄貝,辣味三文魚,芥末八爪魚等可以揀 大部份都岩口味 材料都屬新鮮貨 不過唔知點解飯底都係偏甜 扣左分:(總扣黎講味道唔算好出色 不過勝在幾抵食 …Read More

夜晚8店左右去到，滿座了，好彩剛好有人買單， 等5分鐘左右就入到去..一·坐低Waiter就話三文魚腩同劍魚腩賣曬啦   原本系想好要order的..【帶子壽司】推介！好鮮味， 好味過其他壽司專門店例如板X同元X。下次再黎，都會再order【長三文魚壽司】原本以為長版本的厚度會偷工減料，點知系無的 都係好厚身【燒物-牛舌】推介！越咬越香， 好味道【燒物-牛柳】個人覺得麻麻地， 可能因為攤凍左先食，牛柳好硬好難咬【豬軟骨拉麵】足料，都有成5塊肉， 不是純瘦肉，每塊都有軟骨位架！總括黎講，食物種類多，質素幾好，service正常，下次會再去！…Read More