Video
Above information is for reference only. Please check details with the restaurant.
再一次 離開香港回歸濕冷之地 當然有少少唔捨得 不過慢慢習慣了最後一晚 跟以往一樣約左秘密好友出黎食消夜傾下計各自已經食左晚飯 所以唔叫太多野了室外天氣唔算凍 坐係路旁一邊食一邊吹水 感覺不俗的小弟食歷淺薄 是晚為首次食呢種型式既串燒店 有個不解之惑 自己係路邊搵位後再去店內落單 但居然係食完走先比錢 問題係有好幾張座位真係幾遙遠的!唔通老闆當真咁相信善良既香港人唔會一時鬼迷心竅 做霸王 入正題講番食物種類其實唔多全部大約有30幾款食物上下 算係麻雀雖少五臟俱全啦我地兩人一共點左7串 全部要少辣等得幾耐 不過旨在同秘密好友吹水 所以冇咩所謂第一碟黎既有尢魚鬚,牛舌,扇貝同埋燒韭菜海鮮類燒得唔錯 尢魚鬚火候控制得幾好 咬落去有口感之餘又唔會太UN扇貝同樣好食 加上有小小麻辣 夠香又唔會過辛辣相反燒牛舌絕對不合格 第一太單薄 第二冇牛味 一早都知唔會厚舌 但點都估唔到比茶餐廳既牛片更薄...食完有種梳乎厘既感受....空氣.....至於韭菜卻係意想不到地出色喎 秘密好友素來不好菜蔬類 諗住自己一個食哂串韭菜啦 誰知大少姐食一啖後竟大讚好食! 因為菜燒得夠爽夠香 一啲都唔老 當然好食啦 尢魚鬚實在係一流既助酒物 忍唔住去附近間7-11買左啲啤酒 因為間野好似冇啤酒賣 真係怪~番到黎台上已經多左兩碟野食有香港人最愛既燒豬頸肉 平時食泰式豬頸肉通常係片狀 呢到既豬頸肉係一大粒一大粒的 啖啖肉口感加上油脂充足 做得唔錯同碟既重有司華力腸 已經多年冇食過 自升中後都冇食過了 今次係想回味一吓xd 條腸唔係一串咁上 剪開左細細舊細細舊 我鍾意一條過多啲 真係可惜 不過粒粒腸都有好處既 方便幾個人分享嗎 最後 主角出場!係一大片紫白色既巨物-燒茄子 原條西式大茄一分為二 又闊又大條我同秘密好友冇諗過會咁大條 第一個反應係驚訝 第二個反應都係驚訝><白肉上佈滿了大量蒜泥大量青蔥大量香料 睇見都流哂口水啦 真係用mouth-watering黎形容最貼切!呢個燒大茄明顯為此鋪主力之一 水準比之前既燒腸燒牛吞好得多好食在於紫色既外皮焦焦脆脆 同時間內裡既茄肉卻保持到軟硬適中一件茄子 脆口,軟滑,香味 三樣有哂! 你話唔係主角係咩 XDXD原本打算再黎多round食多次大茄 可惜見時間唔早 驚又要等多20分鐘先黎 唯有把呢位大茄留待下次再會啦....總括黎講好壞參半 主角好食游水既都唔錯 可惜其他都唔好食 可能下次再食會叫兩條大茄 xdxd睇番此店以往既食評先知 原來加左好多價!!!! 大茄甚至加左近四成有多.....所以都唔知有冇下次了.....
continue reading
早排去紅磡附近探朋友, 見到呢間小舖見到有D肚餓, 咪入去睇下有咩好食喇, 經靚仔老闆既介紹下, order左呢個原條燒茄子, 因為出面冇乜邊間會有原條燒既, 而老闆又極力推介, 一定有返咁上下水準既~~由於呢度係用心製作, 即叫即燒既, 所以我都耐心咁等待... 佢地好細心架, 會了解左客人既要求再去作出恰當既調味, 唔會好似出面個D係咪都落野落去, 怕你地唔夠咸OR辣, 搞到D食物冇曬原有既味道, 呢一點真係值得一讚!! 都唔太記得等左几耐, 我諗都有7~8分鐘吧, 香噴噴既燒茄子完成喇!!賣相都OK吸引架, 由於唔我食蔥, 所以老闆同我走左蔥, 上面個D蒜蓉好多好香呢~ (我見到係用李X記架) 入口味度好夠, 又燒得好香, 真係好好味, 等咁耐都係值得既!! 希望再有機會去食埋其他野, 同埋見一見亞靚仔老闆喇~~ 有得食又有靚仔睇, OK 架~
continue reading
由串燒店開店便惠顧至今,終於忍不住上來留一個言串燒店口味是我喜歡的四川風味,下了孜然粉,香氣十足我最近很喜歡的是燒墨魚咀,只是$8而已,但口感好好還有牛舌,雞軟骨亦不錯,茄子亦是招牌菜雖然夏天天氣悶熱,但還是放棄不了串燒哈哈,看見其他食評指價錢太貴,我認為都$6-$8算合理吧魚蛋都要$5啦...還有喜歡這店的原因是老闆很細心,會記得你的口味,而且用心的燒,值得一讚
continue reading
份量好少, 價錢唔平, 仲以為以質素取勝......原來自己想得太多.....$6 三小塊燒雞皮: 但鹽就一D 都唔吝嗇, 習慣濃油赤醬的我都頂唔順$7 OR $8 兩片粟米(加埋都無半條): 好彩都算幾甜下, 同樣價錢去附近串燒阿姐度應該會有一個DOUBLE 溫馨提示: 有時間先好去, 因為D野要燒好耐架 (EVEN 當時只有自己一個客而已)
continue reading
去完紅磡搵朋友, 路過見到呢間好多人, 咁o岩口痕就試一試因為食飽飯, 所以只係點左三樣1/ 鴨胸, 我o既至愛, 燒得幾香, 味道適中, 我鍾意 2/ 牛舌, 店主推介, 有少少四川調味料, 都唔錯3/ 茄子, 都係鎮店之寶, 由於即叫即燒, 條茄子又成碌警棍咁粗, 等左好耐先有得食, 味道不過不失, 略嫌食得麻煩到我俾錢走人o既時候, 食材近乎賣清, 好似幾好生意。想食即燒串燒, 又唔怕等, 可以試下, 不過最好十點半前, 唔係黎到賣哂就無癮啦
continue reading