Un Chau Beef Noodles (Tung Choi Street) (Closed)

經過咁多次，終於嚟咗試吓。晚餐時段唔多人🤔今次試咗牛筋牛肉麵首先講講個湯底，佢哋係嗰一隻濃味道既湯底，好似有少少藥材味。跟住重點嚟啦，佢哋嘅牛肉………………係好，好，好大件，厚切果種😍😍😍佢既牛筋係好軟嗰一種，令外個麵底就係Q彈的那種，有粗同幼選擇。仲有嗰一件大大件的蘿蔔，非常入味😋😋😋整體來講係高分‼️係香港食過最好食既牛肉麵偷聽到隔籬枱，話個牛舌好好味😋🤣下次有一定會試試！！…Read More

由於要買相機既關係出左旺角，一輪奔波後完成任務係通菜街走來走去，由於大量旅客既關係度度都人頭湧湧，水洩不通。幾經波折搵到間唔太多人，而店前更有poster寫住新鮮蜆肉湯米線，簡直賣飛佛立即身先士卒，入去休息一下，醫醫肚😎下午茶時間，見店內推介蜆肉湯系列既米線上晒娛樂報紙，即管試試是否實至名歸😘由於係招牌菜，所以我有著頂級既期待。湯底：先飲一啖蜆肉湯汁，嗯，蜆肉味是有但相當淡味，飲不出味精感覺。蜆肉：肉質還好但以招牌菜來講還未夠好，冇沙果d係理所當然所以沒有加分。無骨雞髀：真係做到完全冇骨，冇骨碎殘留，抵讚，但肉質上既感覺，好似釀鯪魚肉多啲，冇雞髀嗰種嫩滑嘅肉感。但份量都相當夠，但雞味欠奉。紅蘿蔔：就係一舊紅蘿蔔，相對硬身，感覺好似唔係同個湯一齊煲，而係煲完個湯後來加落去。幼麵底：口感似拉麵總括而言，將呢個系列要當招牌菜仲有好多可以進步嘅空間，無論係湯底到材料都有待改善（以呢個價錢為前提）加上店內冷氣相對較弱，即使坐定定都熱熱地🥲…Read More

經過旺角，沒有甚麼特別想吃的，見到了元洲牛肉麵，於是我決定來試一試。當我進入店內時，我被瀰漫在空氣中的香氣所吸引，感覺非常誘人。在店裡點餐時，我發現他們有許多不同的牛肉麵口味。最終，我決定嘗試他們的招牌菜——原味牛肉麵。當我的餐點端上桌時，我不禁感到驚嘆。這碗牛肉麵看起來非常誘人，而且麵條有嚼勁，牛肉嫩而不爛，浸泡在濃郁的湯頭中，非常美味。湯頭有八角、桂皮和薑片的香氣，非常正宗。這碗原味牛肉麵非常好吃，我覺得它的味道非常地道，讓我想起了在台灣吃過的牛肉麵。店家選用的食材非常優質，湯頭濃郁鮮美，牛肉和麵條的口感也非常好。對我來說，這家店的牛肉麵是一種完美的享受，我肯定會再次光顧。I came across Un Chau Beef Noodles and decided to give it a try. When I entered the restaurant, I was immediately drawn in by the aroma in the air, which was very enticing. While ordering, I noticed that they had many different flavors of beef noodles. Ultimately, I decided to try their signature dish - the original beef noodle.When my dish arrived, I couldn't help but be impressed. The beef noodles looked very inviting, with the noodles having a good chewiness and the beef being tender but not overcooked, immersed in the rich soup that looked very delicious. The soup had the aroma of star anise, cinnamon, and ginger, which was very authentic.This original beef noodle was very delicious, and I felt that its taste was very authentic, reminding me of the beef noodles I had in Taiwan. The ingredients used by the restaurant were of very high quality, and the soup was rich and flavorful, while the beef and noodles had a great texture. For me, this restaurant's beef noodles were a perfect indulgence, and I would definitely visit again.…Read More

我和友人剛剛逛完街，眼看餐廳裡沒有太多客人便本着試一試的原則品嚐一番。在環境方面：店舖的裝修非常差，灰色的牆很像在廢墟一樣，非常有壓迫感，令到我和友人吃得不太自在。在服務方面：下單的時候都很有禮貌的，但是在我和友人吃了八成的時候，她就她像「趕收工」般一直收拾我們的碗碟。令到我和友人有點不愉快。在食物方面：我點了一個「元州牛肉飯」牛肉的質感偏硬味度偏淡。特別是個醬汁，很重的豉油味！另外配送的湯非常難飲，有很多的黃色油浮面之外還會有一片片黃色的殘渣。再者配送的湯的氣味聞起來令人卻步。友人點了一個「去骨雞髀麵」雞髀的中間竟是生的！！所以友人並沒有吃。但是真的非常離譜！！友人說他的雞髀就像從雪櫃中拿出來一樣，雞的中間是冰冰的。非常不推薦給身邊的朋友，並且已將這店舖永遠黑名單了！！…Read More

之前在長沙灣食過尼間❗️牛肉麵唔錯有日路過見旺角原來有分店閒日仲有午餐今日終於可以一試午餐元洲招牌牛肉粗麵跟汽水$69仲有個小食跟❗️落單時姐姐問要唔要辣？我咪話要少辣❗️點知睇吓張單先知原來加辣要加$3但落單時姐姐冇特別講不過個辣都幾好味❗️有啲麻辣❗️個餐牌話免費跟汽水/紙包檸檬茶！我咪話要可樂❗️點知姐姐話只得coke zero 及王老吉先有凍普通可樂無凍牛肉好林仲有嚿蘿蔔！但係嚿蘿蔔唔太入味！小食～細墨魚餅～幾香口我自己就覺得長沙灣果間好食啲…Read More

原本諗住食其他野，但係無位🥲於是沿住條街一直行，就搵到間食牛肉麵😋🥢元洲三寶牛肉麵 🍜🐂 ．湯底：個湯底好有藥膳既味道，見到湯底咁深色，就知道佢好足料去餚😌．原本係牛肉+牛筋+牛舌，依家牛筋改左做牛丸．牛肉：淋身易咬，好嫩滑😋😋．牛舌：好有牛味，又唔羶😆．牛丸：口感彈牙，足滿肉汁，一啖咬落去d 肉汁爆晒出黎🤩．麵：揀左粗麵，都算掛汁，同彈牙😋😋食嗰時見到老闆，同佢傾計，佢話好多人覺得諗起牛肉麵就等於台灣牛肉麵，但佢就想做一隻港式牛肉麵🍜🐂如果想試下同台式牛肉麵唔同既感覺，可以黎依到試下😏…Read More

話說旺角真係成日路過都要諗食咩既舖頭，而呢間係我每次諗唔到，想簡簡單單就會黎既良心店舖，奇就奇在佢食物質素好，但永遠黎親都唔駛等位，好過好多排哂長龍但質素馬馬既舖頭，呢間舖位於女人街頭，亞皆老街靠左一入就會見到，可能佢位置同古早裝修較昏暗既環境唔討好，打咭位欠奉下，一眾愛靚之人都冇黎食，反而益左我呢啲只求美食既小野人招牌元州牛肉麵$58燉出黎牛肉鬆軟得黎有咬口，仲要富有牛味，而佢傳統台灣牛肉麵湯底做得好足，每次黎我都會飲哂成碗湯至夠喉牛筋牛肚麵$62難得地牛筋佢炆到完全淋哂，入口即化，輕輕咬兩啖就滑入喉嚨，感覺太滿意了，而牛肚亦係出色，充滿質感同味道配合湯底，幼麵則冇一般果浸油利感，反而同個湯連肉融為一體，真係會令人一試再試…Read More

旺角女人街成條街都有好多餐廳，我已經好一段時間冇過來，發現開多咗唔少特色餐廳。今天是的是元州牛肉麵，店內有很多選擇。我選了二人餐，二人餐有前菜、小食、兩個麵和飲品。因為我是食肉獸，所以前菜和小食都選了有肉的，就是雞絲粉皮和燉牛肉。兩款食物都不過不失，以小食和前菜來說份量算多。主菜我叫了花雕醉雞髀麵，醉雞味不算很濃郁，有淡淡的酒味。值得一提的是雞髀已切，食起上嚟好方便。另外一款麵我哋叫咗招牌嘅牛肉麵，牛肉都算腍。如果餐廳再闊一點就更加好🤭…Read More

the noodles were super chewy and bouncy and the broth was flavourful and packed full of umami. the beef brisket and tendons were both tender - you can literally tear them apart w your chopsticks. love the sweet white radish they had as well!you can choose between thick and thin noodles here and I opted for thick noodles - would totally recommend it if you like bouncy/springy noodles!taste: 8/10value: 8/10💸 $62hkd📍un chau beef noodles 元洲牛肉麵, mong kok…Read More

去骨花雕醉雞脾麵$65無骨既雞脾有淡淡既花雕酒香味，少少甜，咬落啖啖肉🤤雞脾肉都幾嫩滑，入面仲見到少少粉紅，雞皮偏薄身，就算唔走皮連肉一齊食，都唔會覺得好油膩。湯底幾清甜，味道係偏淡少少，仲有兩舊大蘿蔔，都無乜渣，麵身比較爽滑彈牙，飲晒D湯唔太口乾，應該少味精。店內小食好多都有菜，可以照顧到唔好肉既朋友仔😊小店lunch walk in都易有位，唔需要等咁耐，上菜速度都幾快，岩晒忙碌既香港人。好味：3/5環境：3.5/5客服：3/5…Read More

之前路過偶爾也是有人等的，這次由於門外沒人就進去試一試，既然說牛肉麵，那怎能不試牛肉麵呢？加個飲品，炸3隻雞翼就算一餐了，牛肉挺好吃，煮得淋，入味，湯頭是濃味的，香，甜，麵質就比較普通，在接受之列，雞翼炸得香香脆脆，點的是香辣味，味道也挺好，凍菜密用的是外賣透明膠杯，有點細，而且很淡，用餐環境由於是小店，就有點擠，而且冷冷嚴重不足，幸好自己有帶風扇，這個很減分，吃的東西都是熱的呀，這讓人吃的熱上加熱了…Read More

元州牛肉麵 - 成間鋪都keep住話mirror啲歌😂😂招牌元州牛肉麵 $55啲牛肉有啲啲嚡😮‍💨，牛既份量比較少得三塊，不過都係厚切既～但個湯底係紅燒牛肉湯，唔會太咸但夠味，而啲麵我揀咗粗麵，有咬口似烏冬，可以掛到湯汁，正！🫶🏻🫶🏻🫶🏻總括🥄唔錯既台式牛肉麵，但係啲牛肉份量比較少😮‍💨但我見醉雞飯好似幾好食，大家可以試吓佢！🤣———————————————————————————📍 旺角通菜街80號地鋪價錢：🎖🎖🎖食物：🎖🎖🎖 *5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其旺角...#旺角美食 #旺角 #旺角cafe #旺角有咩食 #下午茶 #旺角下午茶 #旺角茶餐廳 #旺角冰室 #旺角茶記 #旺角burger #旺角台灣#likeforlikes #likeforlikehk #hkfoodie #foodie…Read More

🔖 元洲牛肉麵係座落於通菜街嘅人氣台灣牛肉麵餐廳，週末等位係人之常情，今次等左15分鐘就可以入座算幾lucky。今次叫左個二人套餐，包兩個主食，兩個小食加兩杯飲料，兩個人平均唔洗$100買單，算係抵食 💬 手撕雞手撕雞keep得嫩滑，撈埋青瓜嘅鮮味同埋麻油點綴一下，做得幾好味 💬 牛展筋頭反而牛展稍微失望，可能因為冇汁嘅關係，牛展好乾冇肉汁，非常之韌完全咬唔開 💬 招牌牛頭麵我地分別試左幼麵同粗麵，如果講掛湯，吸收湯嘅精華，幼麵係做得比較好，好細滑，粗麵就有咬口啲，建議連埋湯一啖食，湯底非常濃郁，能夠感覺到餐廳熬製咗好耐，牛肉大約有3-4塊，每一塊都好大件兼且都好入味，但係我略嫌啲牛肉浸得未夠淋，同埋牛肉比較多筋，要用啲牙力咬多幾下先可以咬得開…Read More

女人街好多食店，呢間好近街頭（即先達對面），就揀呢間試吓啦。～牛𦟌（牛肉）好腍好入味～牛筋軟硬適中，有咬口但唔硬～粗麵上枱後等一陣先食就冇咁硬～湯底唔似台灣食嘅牛肉麵咁濃牛味，帶有少少類似藥材嘅味道，都好味～手撕雞再多少少麻油會更好～牛𦟌筋頭汁濃唔鹹，正👍～凍奶茶冇冰，唔會越飲越淡結論：可以再去…Read More

行開旺角想食台灣野，見到呢間價錢相宜，就入去試下。門面裝修傳統，有台北橫街地舖嘅感覺，但店內都幾窄，2人ok, 多人去就有d難搞。我哋叫左個2人餐。小食揀咗手撕雞同牛筋頭，手撕雞幾香麻油味，不過略嚴太多雞皮，如果會食牛肉麵就唔需要叫牛筋頭，因為味道一樣嘅。另外揀左元州牛肉麵，呢個麵真心唔錯，湯底有藥材香味，有三大塊成半寸厚嘅牛肉，牛肉炆得好香冧，麵底都唔錯。個餐仲包兩杯飲品。下次會試下佢個鹽水豆腐。…Read More