Genki Ippai Japanese Farmhouse Style Restaurant

今日晚飯同幾個朋友去左間好有日本feel嘅餐廳食飯，對上一次嚟已經係七八年前。氣氛好好，好多日本人。店員亦相當有禮貌，主動介紹食物，嗰晚我哋食咗銀鱈魚刺身，南蠻炸雞，及店員仲介紹左而家嘅時令秋刀魚，條魚很肥美，而且價格相當便宜，我同朋友都食得十分滿意😋😋不過建議大家下次嚟要打電話book定枱，呢日我都同朋友都等咗有十分鐘，不過好在物有所值，下次一定會再幫襯…Read More

男侍應超級冇禮貌，五個餐尚欠一個蒸蛋，之後催佢哋，佢哋話漏單，送返一杯嘢飲俾我哋，之後冇送不特止，買單時唔好意思都冇講過，之前嘢食好食就話，而家嘢食又好食，服務態度又咁差，仲想有人繼續幫襯，麻煩改善吓你哋啲工作態度…Read More

正常CP值日式料理   - 主打 日式丼飯 和 壽司拼盤 食材新鮮份量足   - 午市套餐 $70-130包含主食、沙律、味噌湯、前菜上菜速度快 適合上班族   - 翻桌率高，點餐後約10-15分鐘即可上菜午休時間短也能輕鬆用餐   - 提供 電子下單系統減少溝通誤會環境簡潔舒適   - 日式木系裝修，座位間距合理，不會過於擁擠。  口味偏大眾化   - 料理調味較保守 追求 正宗日本風味的食客可能會覺得不夠驚艷…Read More

元氣係最常幫襯嘅餐廳，成日有好多唔同嘅新款每次食都好好食，份量都好足，店員態度服務好，每次必點嘅刺身 ，又新鮮，又好味，每次嚟都會點蟹膏蒸水蛋，蟹膏再配啲蒸水蛋真係一流 自己都好想學吓點樣整 真係好好食 會一直幫襯！每次嚟食 都會食得好多 好滿足 廚師嘅手勢一直都咁好，每次出嘅新款都好特別亦都好好食，可以增加人們嘅新鮮感，令到佢哋會嚟幫襯，嘗試吓新嘅食品。元氣肉烏冬都好好食有時候唔想食刺身都可以食吓一碗熱辣辣嘅烏冬 。真係選擇嘢食嘅首選！…Read More

一個人喺尖沙咀做完野，掙扎咗好耐食咩野午餐。為食既我難得有機會食自己鍾意食既野，唔駛考慮其他人，我即刻想起要食日本菜。尖沙咀既日本餐廳多的是，我想搵一間其他區域係無分店既，自己一個食又唔尷尬既，最後我揀咗“元氣一杯”12點幾上到去，門口已經有人坐喺出面等位。喜歡呢間餐廳，連等位都令我覺得自己去咗日本咁。坐咗一陣，就輪到我啦！餐廳門口入去分左右兩邊，左邊有個bar枱，主要係一個人去食既時候會坐既位置，有時人多亦會安排2人坐，另外仲有少量卡位，同埋最入面有間細房，大約可以8-10人坐；右邊主要係方枱，亦有少量卡位。今日可能單人來食lunch既人比較多，成個bar枱坐滿哂人，最後我竟然被安排一個人坐卡位真係幸運呀！揀餐廳難，入到餐廳揀野食更難呢度既午餐選擇好多，價錢好合理最後我選擇咗其中一個摯愛：南蠻雞，白飯就轉咗要十六穀米，餐飲就要檸檬茶除咗主菜同埋碗飯之外，仲有前菜、配菜、麵豉湯、蒸蛋、水果，真係超豐富呀！最重要係佢既味道真係好有日本家庭料理既味道走既時候，發覺美麗華商場好多餐廳都好冷清，唉希望元氣一杯做得住啦！…Read More