Genki Sushi

從沒令我失望的元氣刺身，用外賣平台點餐享六折優惠，折後約 $160 享一個刺身盛，共22件，分別是三文魚刺身8件、帆立貝刺身2隻、赤海蝦刺身4件、八爪魚刺身2件、墨魚刺身2件、北寄貝刺身2件-比預計時間早 15 分鐘到達，用上保冷袋，包裝完好，提供豉油及日本芥末；所有刺身皆新鮮，三文魚厚切肥美富魚油香、帆立貝細嫩鮮甜、赤海蝦呈玻璃色同樣鮮味軟嫩、八爪魚彈牙有嚼勁、墨魚爽嫩細緻、北寄貝發揮穩定，一人吃光大滿足！…Read More

我都唔明元氣壽司憑乜嘢可以收加一服務費.由入座有人帶之外.自己落單.自己取餐.到了食完埋單的時候撳鐘冇人來.到見到服務員叫她埋單.服務員叫你自己出去埋單.（即係全程99%都係自己服務自己.和街外一般茶餐廳或快餐店一樣.那我真的想知道.它憑乜嘢服務收10%服務費呢？）…Read More

這次的食評以元氣壽司為主，整體體驗相當不錯。首先，新品半熟銀鱈魚和厚切鰻魚的搭配讓人驚豔，魚肉鮮嫩，口感滑順，搭配一點檸檬，更加提鮮。接著，我最愛的吞拿魚蓉壽司的組合也相當特別，肉質新鮮，配上海苔的香味，帶來了層次感，每次必點。炸蝦壽司則是另一個亮點，酥脆的外皮包裹著鮮美的蝦肉，每一口都令人滿足。最後，煙燻鮭魚壽司的風味獨特，鹹香適中整體來說，食材新鮮，口味多樣，值得再次光臨。搭配的綠茶清爽可口，為這頓美食畫下完美的句點。…Read More

經常光顧的黃大仙分店，品質比鑽石山分店好今日食下午茶餐再加散叫期間限定嘅銀會員三色壽司，食過幾次都好好食！今期海膽質素亦非常好，冇苦澀味壽司出得快，外型亦都靚仔…Read More

而家個個都中意食XX郎, 又要排又要邊嗌水準越來越差.反而我自己就中意去元氣, 主要都係因為而家好多時黃大仙依間都唔太需要排隊.  今日同屋企人去晚飯, 用QR落單所以其實都自助模式冇咩SERVICE可言,  食品方面都係十幾年都係果D野, 80%一樣, 係有D限定款. 如果要推介, 其實個人覺得中TORO都幾抵食, 入口有油脂味, 剌身又唔薄, 以前淨係食牛油蝦既屋企人而家都話TORO好食. 另外油甘魚, 帶子, 赤海蝦都保持到水準, 食到鮮味.蒸蛋份量同配料仲係咁多, 另外新出加左蟹糕蒸蛋既仲好食, 比起清清地, 多左一份濃郁既蟹味. 最正最正就係限定既生朱古力蛋糕, 真係好RICH, 係食過最好食既元氣甜品, 22蚊邊度搵. 其實最正最抵正就係佢有LUNCH同TEA SET. 真心講, 元氣係個價錢對得住佢既水準. …Read More

壽司癮又犯🍣黃大仙呢間元気壽司唔使排隊一入去就有位坐，用QR code落單，有埋Wi-Fi可以免費連接，十分之方便👍🏻1️⃣日式海鮮茶碗蒸茶碗蒸蒸得好滑，非常熱辣辣，入面嘅海鮮不算多，算得上海鮮嘅就係個帆立貝，但我比較鍾意食蛋多啲，所以呢碗茶碗蒸都幾啱我😂👍🏻2️⃣三文魚冇其他舖咁新鮮同埋感覺係比較薄嘅一塊3️⃣軟殼蟹手卷軟殼蟹炸得好香脆，配上紫菜味道好香米飯嘅份量都啱啱好，唔會食得太滯4️⃣麻糬今川燒麻糬煙靭，入面嘅餡係類似奶皇包入面嘅醬甜甜地配埋麻糬嘅口感，味道都不錯…Read More

還以為壽司這種東洋食物，在平民區不受市民歡迎。怎看到在平民區黃大仙廟隔離就有不少於三間壽司店或日式餐廳。吃飯時段，日式招牌的也不乏客人排隊。原來中式傳統文化的寺廟旁，日式餐廳的存在沒什麼問題。那麼日式餐廳中，怎樣做好選擇呢！專門日式的、連鎖店、帶走的，想要甚麼有甚麼。而元氣在其中可算是有歷史的連鎖店，頗有名望。所以還算是可被信任的一家壽司店。它的午市套餐價錢尚可，提供魚生新鮮，蒸蛋和豉湯。絕對是可選擇午餐之一。…Read More

今日拜完黃大仙 黎係附近既元氣食壽司星期日 1 點左右 等左15分鐘內都有位呢間上食物時間快啲魚生都好新鮮 雖然有時啲魚生偏凍 要攤一陣先食最鍾意：中拖羅 海膽 油金魚腩 帆立貝中拖羅真係齒頰留香😋😋花之戀就普通啲炸野都炸得好 唔會炸到過晒火喉個人覺得比其他分店好😝…Read More

Tea Time食一份$78 set加$12 紅蟹餅 - 裡面全是白忌廉，除了賣相OK，一滴蟹都沒有另加一份$22 - 舞茸天婦羅，唔錯，但竟然「沒有天婦羅的湯汁 及 蘿蔔泥都沒有提供」連order普通野菜天婦羅 都沒有跟汁及蘿蔔泥🌚🌚鰻魚手卷會有細骨囉！Cheap到爆，但價錢不cheap另外，最離譜是10% service charge‼️單 我自己落的、野食我自己取(佢用自動餐車送來，我取完要按鈕🔘，讓自己餐車返入廚房、茶我自己斟、乜都是客人自助式‼️最後...連埋單，都是我自己行出去，他們說：「埋單行出去就得」。淨係一開始帶位是他們帶的。點解要 加一⁉️點解要 加一⁉️點解要 加一⁉️點解要 加一⁉️真的要認真《抵制亂加一服務費》…Read More

停左晚市堂食之後，好多餐廳都提早閂門，甚至暫停營業，每晚要唸食咩真係好苦惱😖今日放假一於食好啲，買左好耐無食既元氣壽司返屋企食🍣-經典壽司盛A 有一半都係炙燒系列， 另外仲有鰻魚、炸蝦同燒汁牛肉，呢款壽司盛經網上訂購仲會有75折，好抵食🤤🤤🤤-雜錦三文魚壽司盛B 最鍾意食三文魚既朋友最岩order 呢個壽司盛，有4款唔同款式既三文魚，一共12件，食完真係好滿足😚-炙燒芝士蠔🦪 期間限定既芝士蠔，啲好都好大隻😍正～呢個份量夠2-3個人食，值得一讚既係元氣既壽司比以前高質左👍🏻👍🏻…Read More

很喜歡食日本菜, 但一來因疫情唔飛得, 二來又唔可以成日食很貴的日本菜, 最好就係去抵食的日本餐廳止止渴(笑).  久不久就想去黃大仙元氣, 因為近丫馬.  有時平平地食吓午後之選, 5件壽司+茶碗蒸+芝士薯條, 加埋一都係$55, 好味又抵食.  唔好講咁遠, 講翻今次食評吧!因為幾個星期無食啦, 今日點左多些食物, 蟹子沙律, 三文魚刺身, 軟殼蟹手卷(因為午後之選未夠鐘落單), 午後之選落左C餐.  講吓評語:1. 蟹子沙律份量足, 蟹子多, 味道唔錯, 但今次的蟹柳太少, 只有5-6絲, 唔啱比例. 2. 三文魚刺身有五件, 份量也足, 有三文魚味及唔係擺了很久溶晒那種感覺3. 軟殼蟹手卷, 今次的手卷都算大件, 飯及蟹都份量十足, 蟹糕豐富, 以前食過飯少蟹只有1/8隻咁少, 紫菜無苦味, 只是沙律醬份量略為少.4. 午後之選(即下午茶餐)C餐, 5件壽司有蟹肉蟹膏軍, 墨魚, 三文魚, 脆蒜長鰭吞拿魚, 辣味三文魚各一件, 今之的壽司飯做得很出色, 軟硬適中, 壽司醋味道剛好, 不太甜又不太酸, 最正係飯仍然帶點暖(今次係第二/三次食到咁好味的壽司飯), 至於材料除了三文魚比較薄, 其他都豐富好味, 至於軍艦的紫菜, 比以前有改善, 以前很多時是圍唔晒舊壽司飯的, 現在包住整個飯.  5. 講吓芝士薯條, 係我一個必食的菜式, 薯條每次都係新鮮炸, 以前(好似係半年前)的薯條, 是有味(預先有加了味的coating的)的, 很懷念, 因為真心好食, 現在是原味薯條, 都唔錯, 只是沈了太多鹽, 略鹹, 而那個芝士醬, 唔知點調製, 很濃的芝士味, 食完成日掛住佢個味道.  6. 茶碗蒸, 即是蒸蛋, 滑嘟嘟, 食咁多次都無失手, 味道真心美味, 材料都足, 有二片魚糕(kamaboko), 蟹柳及蝦, 雖然是急凍蝦, 但有蝦味及都算幾大隻.之前食過幾次都想寫吓食評, 因為覺得此間店真係有heart做食物.(其他店我唔知)…Read More

今晚因為同個住係黃大仙區嘅朋友食飯，而我又突然好想食壽司🍣咁就搵下食邊間餐廳好！我哋首先揀嘅係「壽司郎」，但因為放工時間太多人，要等成過百張枱，即係要等起碼一個鐘 至 一個半鐘嘅時間！所以我哋就臨時轉換餐廳！睇下附近有咩餐廳係唔洗等，即入就去食啦，行行下就去左黃大仙嘅「元氣」！其實期望都不太大，諗住食飽就算😂講真，質素方面真係不及「壽司郎」，價錢大家都係相差不大，所以客人嘅人流就反映咗質素嘅分野了！…Read More

某種因素影響， 無食元氣壽司好耐。昨晚吃了迴轉壽司，今晚皇帝女指明要食「火車紫菜」即係高速列車送壽司，尤其佢最愛吃的軍艦壽司。今時今日的元氣都要等，但無以往咁耐。與小童同行，被安排坐卡座，十分理想。其他卡座最少都有一名幼兒，好似親子餐廳。用手機掃QR code下單。食物質素一般，服務態度有改善，因為需要服務的機會都唔多，價錢有點貴（一向都不便宜），同以往不同叫左好多熟食，兒童之選其中推介的有芝士龍蝦濃湯茶碗蒸（新品）炸蝦手卷玉米福袋湯烏冬焗大蝦意粉不推介：章魚燒- 一團面粉千層蛋糕 -超厚餅底…Read More

細個嘅時候覺得元氣同壽司畫上等號，因為冇乜試過高質嘅壽司，大個再食飯，就發現冇比較冇傷害。等待時間長不在話下，座位都非常之窄。叫嘢食嘅時候滿心歡喜叫咗個三文魚壽司，都唔知自己叫咗薄切三文魚，而係僅餘嘅魚味，就感受到佢一啲都唔新鮮。。。:(雖然已經冇以前無限輪迴轉盤咁擺足個幾鐘，但係魚嘅鮮味仍然有待改善。當然俾幾多錢就有幾好嘅食材，以元氣壽司嘅價錢，當然唔會期望有豐州嘅素材。所以講返壽司嗰個飯，夾起就散。唔明白點解出面嘅壽司可以做到咁紮實，絕對係輸咗係手工。總括來講，budget唔夠要食元氣，不如直接去超級市場買壽司返屋企食，又唔使同人迫，又可以慳返服務費。…Read More

好耐冇食壽司，但黃大仙選擇真唔多，唯有去元氣，近年元氣都比之前差左好多，今日去食岩有tea，就嗌左個tea食，跟餐有壽司，小食，同熱食，今次個芝士薯條真係幾好，加芝士汁，唔錯，另外個烏冬都唔錯。個壽司就真一般，明明冇咩人，但飯都一夾就散，料係okay，但食壽司一夾就散同爭鮮有咩分別，元氣做壽司但呢樣都做唔好，好難要人再食…Read More