Genki Sushi (Tsuen Wan Plaza)

🔖 今次去食荃灣元氣分店，位於荃灣廣場B1樓，地點方便。 今次試左佢地唔同類型嘅壽司，竟然驚喜不斷。佢地三文魚腩，非常芳香， 印象深刻。 💬 各款壽司炙燒大切三文魚腩，油脂分布於三文魚腩上，魚腩壽司表面仲有炙燒過，魚又脆香又滑滑。 辣味三文魚，辣味佈滿喺成舊壽司中，三文魚厚薄適中，再加上wasabi，兩種辣味相得益彰，互相配合。 極上吞拿魚三點(大拖、赤身、長鰭），呢個3件set，包含唔同嘅吞拿魚部分，大拖當然係最珍貴，油脂不過不失，有改善空間。 其他壽司都係係平均水準內，例如甜蝦蟹膏、長鰭吞拿魚。📝 總結壽司種類繁多，食物質素同價錢都中規中矩，每一道菜都有唔同嘅合適嘅混合。…查看更多

5月1號趁假期加上想吃壽司，決定試試吃元氣，原本我和未來老公是想吃韓燒，但因為吃完想趕搭車加上唔想慢慢地燒燒下，才轉換主意，來到一定離唔開壽司兩個字，再點一些熱食及烏冬，及點了最新推動的角落小伙伴的食品，賣相相當可愛，元氣的壽司味道唔錯，魚生片很鮮，炸物炸得夠香口，只是略為油了一點，overall算ok，價錢方面都抵食，點了約10樣都是300元左右，收銀員問要不要加錢換購角落小伙伴公仔，我要了一隻:)，而且侍應服務態度好，值得下次光顧。…查看更多

今次同樣都係叫左赤海蝦，貪佢夠大份，配埋壽司飯真係好滿足，每次都叫幾碟黎食。今次仲叫左芝士蠔，就真係一般，唔係好夠芝士味。呢間元氣真係唔錯，消費完都可以儲商場積分…查看更多

成日黎呢間，因為地理位置方便同埋質素幾好！每次黎都係叫赤海蝦壽司，因為好大隻，而且肉質良好，口感好好！另外推薦既就係雞軟骨，好脆，而且唔會好油膩！不過芝士三文魚壽司就一般，感覺唔係太用心製作既食物。…查看更多

今日又黎到荃灣廣場既元氣壽司，因為佢真係好好食😍今次因為續左會有一張平日先用得既75折券，果斷搵日WFH走黎食個lunch!赤海蝦好好食呀，咁大隻啲肉又實淨，口感好好！呢個芝士三文魚就一般，又冇燒焦焦地咁就咁一片，差咁啲雞軟骨係必點，真係脆脆地又香口，好好食！芝士蠔一般，無咩特別，芝士味唔多香新品，但唔記得叫咩牛。份量都好大，而且幾香，只係感覺好似食緊吉野家牛肉飯咁😂今次再用埋商場$200-$50券，埋單先180唔洗，真係好正！…查看更多

而家晚市無堂食，又想襯星期五晚食好啲，又唔想啲食飯凍曬喎，所以食壽司就最岩🤪今日就去平時去開嘅元氣壽司荃灣廣場店買，貪佢夠方便同商場又有外賣自取滿$200送$50優惠。今次買左個set叫元氣盛A，做緊特價有75折，最後盛惠$369，店員話足夠4-5人食。一收到貨真哇左一聲，真係好大份，斷估都成50件壽司！壽司味道同堂食都類似嘅，係啲飯團擺得太逼，有部份痴埋左一齊。佢嘅款式都係普通壽司，例如三文魚🍣、帶子等。不過始終同堂食都係差啲，冇左啲炙燒款…查看更多

自從成為咗元氣會員，基本上一個月都食一次，荃灣三間元氣，就覺得呢間最高質。首先啲刺身切得比較厚，位置亦比較多，等位時間比較短，連上菜都上得特別快！今日個餐最特色嘅松葉蟹壽司，真係由蟹到原條拎黎做壽司，仲食到海水味，真係夠新鮮！另外好評包括赤海蝦壽司同炙燒帶子壽司，大大舊又鮮又香，正！每次都一定叫呢兩款！美中不足係架火車唔識自己番屋企，每次都要自己禁掣，呢點係疫情之下就覺得唔係咁衛生，每次禁完都要搓下手，比較麻煩。…查看更多

睇會員App見倒有新嘅「初秋堆介」，即刻襯抵食嘅下午茶時段順便試埋🤗$14 八丈島產炙燒金目鯛🐟～少少煙韌得嚟又有油脂甘香，有海鹽同鮮檸檬味，有啲似柚香味$22 豪快海老二點🦐～雙拼有2款好抵玩，2件上面都各舖上約10粒大三文魚籽～大件嘅白蝦身算幾結實，有少少咬口～細隻蝦共有6隻，打橫打直都有，有個小挑戰，諗咗陣由邊一邊食起，先可以避開蝦尾啲殼😆$25 極上二段大拖羅～本鮪大拖羅係最肥美最珍貴嘅吞拿魚部分，本身已經好綿滑，同埋有天然魚油脂嘅甘香，再加埋面頭一大堆吞拿魚蓉，入口即溶，一啖過真係超滿足～值一得一讚係底部有一大塊紫菜，唔洗驚啲蓉會跌，可以包住或墊底，又有埋紫菜食$62 午後之三食壽司盛A（包括1茶餐小食及1茶餐輕食）· 辛辣長鯺吞拿魚～估唔到沙律醬同有籽嘅辣油咁夾，醬汁份量唔會搶過吞拿魚嘅魚油香味· 白烏背～感覺似赤貝嘅咬口，有足夠煙韌度，味道就清清哋· 白蝦～表面同睇落似熟蝦，食落係生蝦嘅質感，都幾大隻，口中感覺蝦同壽司飯份量一樣咁多· 炸蝦卷～有蟹籽碎，仲有最夾炸物嘅沙律醬，外皮少少脆· 三文魚刺身～有3大片厚切，都幾軟滑· 茶餐小食：吉列和牛餅～脆皮，唔膩，少少甜，唔會過多肉，入面有洋蔥碎，增添香口嘅感覺· 茶餐輕食：湯烏冬🍲～食咗啲生冷嘅壽司，有啲湯可以暖下胃，湯底調味適中，烏冬韌度適中+$12 炙燒鰻魚牛油果🥑手卷（加配優惠一）～鰻魚軟綿綿，好香同冇幼骨，同牛油果好夾+$12 三文魚湯（加配優惠二）～一如以往，勁多三文魚，仲有啲蘿蔔片…查看更多

做元氣會員需要62日內食夠950蚊，呢排都係咁食，元氣cp值都算高 我同太太食左三次先儲夠。平均兩人食每次都係300左右，食完登記會員，可以即刻換領會員禮品，一個有元氣logo嘅杯，同50G綠茶粉。今次係荃灣食元氣。今次早左拎位6點左右去食，唔洗點排好快就有位。食物質素有保障，邊間都唔會差，入到去先叫炸野。叫咗個炸軟殼蟹同忌廉蟹肉可樂餅，都係即叫即炸送上枱熱辣辣，炸軟殼蟹食落有啲蟹膏都幾香。之後再叫壽司食，除咗個新嘅壽喜燒牛壽司有啲伏，其他魚類同帆立貝壽司都好好。最後食甜品要咗個柚子雪葩，柚子味好清香，唔會太甜又唔膩。…查看更多

多年黎經驗，元氣要嗌特色sushi ，加蔥加蒜加薑加辣椒油既大部分都唔錯👍👍👍蔥香油甘魚，蔥油香味十足👍👍燒明太子三文魚三文魚油香，燒熟表面魚肉，兩種層次，外實內軟，少量鹹香👍👍灸燒黑椒蠔🦪包滿蠔肉加上芝士醬汁，快灸燒表皮，細聞有種焦香味新口味～辛辣舌拿魚卷吞拿本身味道略淡，但加上辣椒油🌶味道昇華，又唔會太辣，魚蓉軟滑入口👍👍燒左口魚呢種唔係入口即溶，但厚實充滿彈牙爽口🤩再加灸燒既焦香，別有一翻風味👍灸牛油赤海蝦，蝦肉煙軔有彈力🤤鰻魚加上鰻魚汁，基本上無得輸🥰但下面呢啲今次就好一般啦😐大切三文魚腩但缺乏魚油香味:(灸燒沙甸魚個人唔中意有魚骨既壽司池魚魚腥味超濃🤢可一不可再油甘魚腩腩位但無魚油香，咬落實硬實，今次真失望極上吞拿三點中拖長鰭赤身，雖然限定抵啲，但就真係太普通啦😐無左吞拿應有既魚香或入口溶化既魅力…查看更多

好開心，今日朋友請我食飯，嚟咗呢間元氣壽司。呢間壽司嘅質素都唔錯，算係中上，價錢實惠，好適合大家日常平日食用，價格上都唔會覺得心痛，真心唔錯！呢度嘅款式唔算好多，不過所有基本想食都會有，例如三文魚，帶子，蟹棒之類，呢啲都好食，最喜歡佢哋嘅蟹棒壽司同玉子壽司，蟹棒超級大條，玉子壽司係超多玉子，中間有少少飯，都唔錯！之後都叫咗少少熱食，烏冬同薯條，薯條應該係即叫即炸，質素都OK，先$22 ，好抵食！最後都幾欣賞佢哋有BB餐具，同埋有BB櫈，所以都適合大小朋友過嚟一家大細享用！…查看更多

喺荃灣幾個商場行街行到攰，想搵個地方攤唞下，但又未到晚飯時間，於是決定食個下午茶，回一回氣先！見到元氣唔使等位，即刻入去！元氣有個幾抵食嘅下午茶，有幾款壽司套餐，再有唔同嘅小食自由配搭。我哋叫咗兩個餐，原本以為會好似餐牌嗰張圖咁樣，成個套餐嘅壽司一碟過上，但原來都係分開兩件兩件咁，用細圓碟上。都好嘅，睇落好似好澎湃咁！我哋主要食咗火炙壽司，小菜就叫咗茶碗蒸，炸番薯條。壽司正正常常，唔難食，亦唔算特別好食。小菜就差咗少少，食落偏鹹，不過呢個價錢都算經濟實惠嘅。…查看更多

由於十點鐘之後冇堂食，所以好多時間餐廳都要揀一啲唔使點等嘅餐廳，所以今次嚟咗食元氣壽司。照舊都係店員畀一張qr code你落單，然後餐點好快就會送到喺你面前。今次就食佢哋嘅柚子帆立貝壽司，非常之大舊，而且相酸甜甜嘅柚子可以激發起自己嘅味蕾同埋胃口。三文魚壽司亦都係中規中矩，熟食方面嗌咗一個蒸蛋同埋牛肉烏冬分量都好足夠，蒸蛋十分滑，入面亦都有唔少嘅配料，而且烏冬亦都食完之後已經有七成飽嘅感覺。最後食咗一個焦糖檸檬蛋糕芝士，雪得比較硬，如果淋返少少會更好。…查看更多

全間舖下午五時得幾個人, 都冇人帶枱, 去問下, 經理態度超差, 又話攞飛逐個叫, 根本得我一家四口, 大人已du咗安心行, 迫我囡囡（10歲）du, 又唔提供紙寫, 重好惡對我個囡, 咁嘅服務等玩完啦！我先生遲入嚟冇人理有冇du, 根本玩野！…查看更多

一個人諗唔到食乜嘢好，所以去咗元氣食個烏冬，鍾意佢個湯底，壽司水準都OK，蟹子沙律唔錯！冇咩挑剔可以，服務唔錯，上菜速度快。貪呢度可以樣樣食啲，啱晒心大心細嘅我！…查看更多