元朗燒賣皇后妙舒

Open Now

Now Closed

燒賣皇后都出榴槤味⁉️🍽️食物方面：🆕炸榴槤Pink Pink燒賣💲30/5粒新品+期間限定=必試D24榴槤➕豬肉 比例👌🏻外脆內軟 唔伏 📷打卡方面：照騙 說好的粉紅色呢👀我帶盒裝 少少油💬其他資訊：元朗燒賣皇后妙舒 📍荃灣荃興徑10-18號富榮大廈地下4號舖

本身想買近天橋轉角嗰間腸粉 但係超多人去路德圍行咗轉 決定食皇后燒賣平時會Online買佢嘅燒賣魚蛋雞髀碗仔翅所以喺舖頭就買啲其他嘢食揀咗腸粉$12/4條 唔要辣要豉油甜醬竟然冇花生醬😢😢😢🥺🥺🥺正正常常唔錯 外賣要加$1定$2

昨天去買炸燒賣攞返屋企，要求用個紙碗要加錢，但蒸既就有，叫佢俾小小豉油，又話冇人食炸燒賣落豉油，最後只係俾個紙袋入住，永不回頭！吾怪得之得佢一間水靜河飛冇生意啦

今日行開路德圍想食少少野就係呢間元朗燒賣皇后試下，叫左個魚蛋燒賣雙拼，沙嗲汁。等左一陣就有，拎到上手就見到成碗都係汁，好濃好重味下，雖然魚蛋燒賣都幾好食，但係俾個汁搞到漿住晒，食兩粒都好滯。之後重點嚟啦，我食完想托個職員幫我掉左個紙碗佢，佢一嚟就話我哋唔代掉垃圾，跟住指住對面後巷話果度有垃圾桶，叫我自己掉。我就好奇怪，你自己舖頭門口無垃圾桶，又唔代掉，叫顧客去人哋舖頭條後巷去掉落人哋個垃圾桶度，咁樣好唔好意思？我聽到呆左，淨係識應一聲下，個職員就唔理我去招呼其他人。最後我拎住個碗行左兩條街先搵到個垃圾桶，張圖就係我行去搵垃圾桶先影。啲野幾好食都無用，服務態度咁樣都唔會再食第二次。

試左招牌香菇豬肉燒賣，燒賣皮很薄，但包裹着充盈的餡料，一口咬下去，彷彿打開了一個豐富的味覺盒子。豬肉餡料中加入了香菇，令口感更加豐富，香氣四溢，令人食指大動。燒賣大大粒，每一口都能夠品嘗到肉汁和鮮味，不會太鹹或太淡，下次會試試其他口味。

🎊荃灣掃街 | 第三彈.元朗燒賣皇后係我以前去元朗必食，估唔到而家開左幾間分店，黎到荃灣都食到🤗招牌香菇豬肉燒賣$15/ 5粒，粒粒都食到大大舊冬菇，超香冬菇味😍不過比起我印象中好似細粒左啲，冇以前係元朗食咁大粒🧐不過勝在好夠熱，落完單即刻係個蒸籠度夾出黎，正😇佢都有真空包裝既燒賣同其他小食可以買返屋企自己整黎食😌未食過而且中意食冬菇既朋友都好值得一試😍/📌元朗燒賣皇后妙舒荃灣荃興徑10-18號富榮大廈地下04號舖/😋食物質素：7.5/10💰性價比：7/10👣回頭率：7/10

香港懷舊小食中，燒賣、魚蛋、雞蛋仔決一不可！😋小學嗰陣時，隔離位個女同學好鍾意食燒賣，我仲記得佢自封做「燒賣皇后」😂😂而家呢個年代，估唔到真係有一間舖頭叫做「元朗燒賣皇后妙舒」👍🏻呢間街頭小食店其實唔止燒賣，仲有好多其他小食。主打嘅燒賣真係幾出色，仲有冬菇加喺裏面，加埋佢哋獨特嘅甜豉油，又真係幾好食㗎😊講到價錢， $15/5粒，賺錢中規中矩啦。員工服務態度都唔錯，話頭醒尾，絕對可以喺街頭小食店分一杯羹👍🏻

不經不覺，在荃灣工作了三年多，在離別在即，往往都想吃一點有記憶的東西，可參考之前食評-小食。燒賣之一元朗燒賣皇后妙舒https://s.openrice.com/QrbT0CA0s00可惜今次就失望了。價錢原來上調了三成？之前一份魚蛋燒賣孖寶係20元。都無所謂，成本上升，質素依舊就好。但今次真係唔掂。燒賣唔知蒸咗幾耐，燒賣皮都反白了，再食燒賣，真係唔掂喎，啲肉蒸到爛唒梅唒，講唔過去呀嘛？魚蛋就正常啦。整體而言，都知開咗幾間，做大啦，不過基本原則做唔返，金黃色都無用啦。

🇭🇰 元朗燒賣皇后妙舒·招牌香菇豬肉燒賣$12/5粒呢個我之前已經食過架啦 我自己好鍾意 所以難得行完山嚟到荃灣就即刻買黎食😎佢個肉餡好彈牙 加埋啲冬菇口感好好 配埋佢個甜甜地嘅豉油我自己好鍾意🤤🤤·📍荃灣荃興徑10-18號富榮大廈地下04號舖📍元朗阜財街14號宏豐大廈地下11B及11C號舖📍紅磡德民街2-34E號黃埔新邨地下4J號舖📍九龍灣牛頭角道77號淘大花園三期地下276A號舖·#rby💛·#rbyeat #rby好去處#rby港式#rby深水埗

真係“良心商家” 呢隻係非洲鴿？定係曬黑左？疫情期間係出d咁既野？出左名開左分店，d品質就差成咁，已經唔係一次，實在係忍唔住先出聲，可能你地唔需要回頭客呱，失望…

想做一個淨係講重點嘅食評 以下只會簡單介紹餐廳及食物重點為求大家快速知道 重點 + 推介指數💪🏻一個為咗食嘢而做運動keep 身材既人💵 主要着重食物價錢 及 質素比例 （CP值）🤤雖然可以乜都食 但對食物絕對有要求💁🏻‍♂️ 冬菇味濃 豬肉有汁💁🏻‍♂️ 配咗少少辣椒油 食落更香口💁🏻‍♂️ 價錢唔貴 比一般街頭魚肉燒賣好食（5個🤌🏻為滿分）CP值 🤌🏻🤌🏻🤌🏻🤌🏻推介指數 🤌🏻🤌🏻🤌🏻可以想像到的味道 但仍有小驚喜👌🏻燒賣5粒 ｜ $15 店面

傳統小食嘅魅力真係沒法擋,腸粉同燒賣都係我愛嘅小食荃灣呢頭咁多野食但都係無法抗拒腸粉燒賣落完單好快有得食,醬料唔會太少或者過多,重點係腸粉夠彈有口感,加埋芝麻粒真係好惹味,價錢都非常之實惠燒賣價錢都好抵,但我唔記得影佢,大家有興趣去買幾粒黎試下,肉唔會太乾,調味出色,熱辣辣襯熱食真係人生一大樂事,加埋辣油食仲惹味仲有好多好多款小食,雖然我成日黎但都無試過,次次黎最想食都係腸粉呢度都成為左我最喜愛嘅餐廳頭十名

【#肥波街頭小食系列】🎈第二站：元朗燒賣皇后妙舒🎈其實依家真係好少掃街，所以都諗唔到食咩好。結果走左去食啲大路啲又飽嘅野😂 呢個雙拼都幾抵，有6粒豬肉燒賣6粒白魚蛋💛食完飽左9成🥢個沙嗲汁有花生粒粒，少少少少辣，都幾惹味！合格～💵$20/ 12粒📍燒賣皇后 @queenofsiumai 📍荃灣荃興徑10-18號富榮大廈地下4號舖#荃灣黃店 #荃灣美食 #肥波掃黃行動 #元朗燒賣皇后 #元朗燒賣皇后妙舒 #燒賣皇后 #燒賣關注組 #香港燒賣關注組 #豬肉燒賣

香菇豬肉燒賣沒有豬肉的味道及口感，質感鬆散，名過於實，香菇粉團燒賣，與店舖招牌照片根本不一樣。$15/5粒價錢不值，有點被欺騙的感覺，認真從來沒有食過那麼難食的燒賣。

上次試過呢一間嘅招牌豬肉燒賣好香豬肉同菇味，腸粉又夠滑，今次就嚟試下佢哋嘅沙嗲炸燒賣🥜沙嗲醬汁嘅味係偏甜，有啲花生粒但係花生味就唔算好出🤭而且因為沙嗲汁個味比較重，所以就會蓋過咗本身豬肉燒賣嘅味，個人就覺得香菇味同豬肉味都冇上次咁明顯🙈不過炸燒賣本身就炸得啱啱好🥰 超香口，而且冇好厚嘅炸粉係原粒拎去炸，倒咗啲醬汁上去都夠脆👍🏻可能下次可以試下椒鹽炸燒賣會好食啲，大家可以作個參考🤪不過個人口味比較鍾意食蒸嘅燒賣🙈