元朗合隆潮州粉麵 (德仁街)

Open Now

Now Closed

朋友推介 一嚟到灣仔 就第一時間諗到呢一間麵檔去到門口 裝修設計有別於傳統麵檔 但係又有啲懷舊嘅風味估唔到過咗午飯時間 已經兩點幾都要等位咁就喺門口睇吓張點菜紙諗定食咩好嘢叫左2個麵 2款小食 好可惜嘅係 銀針粉已經沽清細豬什河 豬什份量都足料 每樣都有啲 冇揸流攤㗎 而且個河粉都好滑 雖然係叫咗細碗 但都已經好飽肚 飲埋啲湯完全唔會覺得口乾 證明冇味精 純天然花雕醉雞米粉個湯底係胡椒湯底嚟㗎搞到我又忍唔住飲晒碗湯另外一定要講 佢仲有得落辣菜脯同埋佢秘製嘅辣椒油 基本上我可以話...辣椒油加佢個胡椒湯底就可以就咁食哂成碗米粉但都要講埋個花雕醉雞嘅，佢酒味好香 而且雞都係好嫩滑脆門鱔魚皮呢個魚皮比平時食開嘅厚同埋挺身 擺落啲湯度浸左幾秒咬落去依然咯咯脆 好甘香 冇油益味冰鎮墨魚頭一上碟 咁既價錢其實都唔算少既佢係配豉油加Wasabi 呢個配搭好match食落去嗰個墨魚頭好鮮味 又爽脆 食到停唔到

#及第粥 我就食得多，#豬什 配 #銀針粉 真係聞所未聞、見所未見👀 呢日 #小秘書 就跟 #朋友仔 開吓眼界。其實自從Google Map出現之後，我都好少同人講「唔識路」😅 輾輾轉轉終於搵到... 原來間 #餐廳 #元朗合隆潮洲粉麵 就匿埋喺 #集成中心 後面一條小路😅唔講唔知原來 #合隆 最出名其中一樣就係 #豬什（即係 #豬內臟 ）😅 務求咩都試吓嘅心態，我都叫咗碗細嘅 #豬什銀針粉，再加咗杯 #金銀菊花茶 嚟消吓暑😏 另外我哋加咗個 #炸鱔魚片、#冰鎮墨魚頭 嚟做 #小食。雖然我叫嘅係「細豬什銀針粉」，但係原來都唔少喇👀 睇落去材料都幾豐富🤩 #豬耳、#豬肝... 樣樣有齊，食落都幾爽口，又無腥味🤪 #師傅 實在處理得非常好👍🏻 講到小食，我覺得「墨魚頭」冇咩味道，而且凍食感覺仲有啲怪🤔 不過個「炸鱔魚片」就做得非常出色，金黃色嘅外層，咬落去又好鬆化😉 如果唔係咁遠程，真係想買啲返屋企俾媽咪試吓❤️

今次係我第二次黎食！雖然佢有好多選擇，但係今次想回味返上次食過翻尋味既豬雜先！上次叫細豬雜米！今次叫淨大豬雜！呢度既粉麵會分大細碗甘俾你叫！甘幾好！可以因應你當日食到幾多而點適當既份量！上枱嗰陣，我個大豬雜好似...好細碗甘，但食落原來都唔少！有豬潤，豬粉腸，豬大腸，豬肉青，豬肺，豬心，豬肚，豬耳，豬脷！而且每件都有幾舊！唔係得一兩舊甘😂😂😂值得一提既係啲腸都洗得幾乾淨！大家可以安心食🤣講埋個胡椒湯底先，配豬雜一流！非常夠味，唔使落辣椒油！最後重飲埋啲湯！整體係屬高水準！飲完哂都無好口乾，即係應該唔係味精！🤣🤣🤣佢地有自家製既辣菜莆，喺近廚房位有一兜！雖然係任拎，不過只攞佐幾粒！怕食唔哂！係幾入味！就甘食可能會重口味啲，不過惹味既！之後試下將佢擺入湯度！又幾好喎😂！建議大家攞少少試佐個辣度先！免浪費嘛！野飲方面，叫佐杯金銀菊花茶！鍾意佢有甘健康既選擇😂 兩次都嗌呢個！唔會太甜！夏天飲好!至於另一個就叫佐豬雜河！份量都唔細！我試佐啖河粉！幾入到湯既味！🤣食完一致認為真係好抵食！！老闆都好好人！好nice 甘！🤣🤣🤣期待下次再黎！

灣仔作為商業區，中午時段能找出性價比高的餐廳也不乏選擇。第一次嘗試元朗合隆潮州粉麵，非常有驚喜！豬肚、豬肉青、鮮牛肉米粉- 較少見豬肉青，口感彈牙，必點！鮮牛肉不像其他餐廳有一股用梳打粉醃製的味道，吃得出鮮味！豬潤、豬肺、鮮牛脷銀針粉- 所有石材都非常新鮮，口感煙銀。推介必點鮮牛脷！銀針粉在現在的市面上也比較罕見，感覺懷舊。餐廳的湯底都是以胡椒味為主，感覺不會太辣，拿捏得剛剛好。餐廳自製的免費麻辣菜譜，每一粒都非常非常非常辣！難怪餐廳要貼告示先警告食客辣度

過灣仔要處理一些文件，差不多到放工時間，乘機來這店吃個下午茶。香港茶餐廳近年越開越多，但這種港式地道小食家買少見少。胡椒豬手尖~ 即係胡椒豬肚嘅friend，豬手好爽，不會太淋，有口感，唔怕鹹，可多喝兩啖湯。冰鎮墨魚頭~ 好爽好邪惡，平時留返quota，有機會就嚟呢度食。自家製菊花茶~ 呢個天氣最啱飲，菊花明目對眼睛好，也有清熱功能，喜歡不太甜且有益。淨豬雜~ 又係另一個邪惡位，豬肚最正！忍唔住外買炸魚皮返屋企作小吃。

今次係第二次幫襯，因為食過一次之後成日都會好掛住佢嘅胡椒豬肚湯，所以今日去開灣仔就決定食佢。坐低冇耐就知道自己一定係食細嘅豬什河粉，可惜今日河粉已經賣晒所以轉咗做米粉。我最欣賞呢度嘅湯底係湯胡椒豬肚湯，呢個豬什配米粉還可以，不過我覺得配河粉最適合不過。其實我好想知道細豬什麵同大豬什麵到底係啲餸會多啲還是啲麵多啲。細豬什每一款餸都有兩件，老實講就唔係好夠食，不過食完成碗湯米之後又真係好夠飽🤣🤣另外佢有自製辣椒油都可以一試，辣椒油嘅香味可以令到啲豬什有唔同層次嘅味道，不過完全唔食得辣嘅人就唔好試，因為都有一定程度嘅辣。

剛好遇上這家店在做聖誕節優惠，應以優惠價吃就趕緊過來嘗一嘗！店名有元朗但分店在灣仔，這說明這家店的水準不錯才可以在港島開分店吧！店的裝修走懷舊風格，應該算是70-80年代吧？ 我也不太能確認。這次嘗了豬大腸配河粉，豬大腸的份量比較多，而且不會有任何異味！這個值得稱讚！河粉煮得剛好，也很吸湯！這家的湯底很多人也讚好，所以特意選了湯粉。湯底是胡椒口味，就像很多人認識的胡椒豬肚雞湯一樣，不過就沒有雞味，但湯底真的不錯，吃到最後湯底也快被我喝光了！所以整體也算推薦的！

前幾日係德仁街附近覓食, 見到附近有間環境幾唔錯嘅元朗合隆潮州粉麵, 就同同事約埋下一次去食而家因為疫情嘅關係, 食晏時段已經好少出去食飯啦但係成困喺辦公室真係好sad, 所以一個禮拜大概會出街食一兩日<豬大腸、魚扎配豬油撈麵>自選粉麵嘅分量超級大, 雖然豬油撈麵方面已經嗌咗扣底, 但係份量依然足夠兩個女仔食, 撈麵嘅麵底係油麵, 食落煙韌有咬口, 豬油份量都啱啱好, 唔會太乾亦都唔會太油 胡椒豬肚湯好好飲, 豬大腸好乾淨, 而且唔肥膩而且爽口魚扎裏面除左有紅蘿蔔以外, 仲有冬菇豬肉, 食落都幾唔錯<金銀菊花茶>因為天氣已經開始回暖同濕熱, 大食妹就嗌咗杯金銀菊花茶, 飲落清熱解渴

個個因為豬什慕名而來，但我就想試返平時食到既睇下有無咩料到。門口同內裡既設計裝橫其實都幾吸引，有d似傳統既舊式店舖。平時見到都大排長龍，單人匹馬去係易搵d位既！我就嗌左墨魚丸加魚皮餃兩個餸，首先試左個湯底，係好鮮甜，亦都幾清下... 都幾好味...墨魚丸同平時食開個d都幾吾同下，平時個d食落去都好粉下... 但呢個吾同之處係在於好爽甜彈牙 而魚皮餃雖然同平時個d無咩吾同，米粉份量，係女仔黎講我都係覺得僅僅夠飽....

已經係第二次嚟食豬什粉豬什河（大）份量相當充足，而且豬什都好多，裏面包括有豬頸肉、豬大腸、豬耳、豬潤、豬心等最鍾意係佢嘅豬大腸，處理得相當乾淨，又淋又好味，豬耳都唔錯！要大讚既係佢地個湯底，好似飲緊胡椒豬肚湯咁，忍唔住一啖接一啖咁飲落去上海小雲吞另外就叫左碗小雲吞淨餸，雲呑屬於厚皮，有咬口，餡料係豬肉夾雜少少菜頭，有肉汁，不錯不錯

這裏豬什出名，但未試過，心理上對内臟麻麻地，來過幾次，都未發現佢真的好處，當上次檢討湾仔其他粉麵店，舌頭點咗燈，就發覺佢令捨不同，不咸，無味精，不油，但有味，可以喝的湯，又不是日本麵的濃湯，飲完不渴，不膩，是不是用内臟㷛呢？米粉又係滑，浸泡湯後，加上芽菜葱菜，爽，正上次食銀針粉，麻麻地，硬，實。冰鎮墨魚無鮮味，小雲吞皮厚。黑豬肉餃，有馬蹄，香，酒香，肉香值得推介醉雞，酒勁，究景玫瑰露，或其他白酒多咗，雞肉略靭，但可以食得辣，一定試菜脯，自取，免費，兩粒入口，頂唔順，變透氣狗環境，高樓底，枱與枱之間，不太逼，開楊。

山長水遠終於來到，朋友介始話好食唔錯，雞好出名，醉雞帶有酒味米線滑又彈牙豬頸肉和豚肉餃配河粉豚肉餃細細粒好爽口彈牙，豬頸肉鮮美可口下次值得再來食其他，侍應服務態度好

有一日睇電視見到譚玉瑛姐姐介紹，睇嘅時候真係好想食，因為我都好鍾意食豬什，而且喺香港都唔係太多地方有得食，通常都係得牛雜，所以今日咁啱嚟到灣仔就去試一試。晚上8:00到，估唔到都咁多人，雖然唔使排隊，但都有九成滿座，所以唯有搭枱。嚟到當然要叫豬什啦，一早已經諗定要豬什河粉，不過原來有分大細，我喺度諗究竟大細有幾大嘅分別呢，由於又唔係十分肚餓，亦都係第一次嚟哩度，所以就叫咗一個細豬什河粉試下。細豬什好夠食，我個人覺得女生叫細嘅就啱啱好。豬什煮得啱啱好唔會太淋又唔會太硬，而湯底實在太好味！令我諗起胡椒豬肚湯！我都有落咗少少辣椒油喺匙羹度試吓，不過因為真係辣，我唔想蓋過個湯嘅味，所以食完一羹仔之後就冇再encore！其實仲有好多小食想試，但係實在太飽啦！根本就無辦法再食，唯有下次叫多一兩個朋友一齊嚟食，可以大家share。

不知是否經大台播出後，人頭湧湧。今天專誠去試試，出色呀。大約12:30到，等了十分鐘入座，大什$42、小什$32、下單時，出色的冰鎮墨魚頭$28剛買完，只點了上湯墨魚頭。鱔魚皮$20（份量太少丶不脆）出色的辣油，回辣的，小心呀。大什及小什湯底正，本身已經好有胡椒味道，所以不用再添加任何調味料。足料底食，豬什非常足夠；另感覺他們是一家人的生意，＂艾東撈＂應該是老闆或大佬，絕對有指揮能力。地方（座位）可以擴大一點，不一定要圓枱設計。食完就快D走，今天午餐就已經出現排長龍。下次一定要試冰鎮墨魚頭🤣

早幾天在電視節目中知道這店，所以今天特意同家人試一試。很想叫一碗豬天梯河粉，但原來是看厨房在整豬什河時隨意執碼奉上，無得淨食，有多少要看運氣，今天很旺，坐落無耐，已經歷了牛柏葉沽清墨魚咀沽清呢樣沽清果樣又沽清，好彩食食下有返墨魚咀(其實係墨魚仔)，即叫。言歸正傳，湯底好味，豬什不错，墨魚新鮮有咬口，棘油夠火喉，價錢大眾化，整體來說是滿意，会返啅兼推介。