允升甜品

Open Now

Now Closed

去長洲一定要食糖水，而我每次去都一定會食呢間什果黑珍珠 $27好香椰汁味，而且裡面很多生果呀，好好味！南瓜豆腐花 $22其他糖水店比較少見，裡面有粟米好有咬口。榴槤糯米糍 $13愛食榴槤既人，必試！價錢唔貴又足料，有齊中西式糖水，大滿足！

允升嘅糯米糍暫時我覺得係長洲入面最好食嘅，首先佢嘅芒果好足料，而且味道鮮甜，皮薄。對比過幾間嘅糯米糍，有啲比較軟身，有啲將芒果切碎咗，唯獨是呢間係比較平均同埋穩定。

今次同屋企人黎長洲，知佢地中意食D煙韌野，所以一定要帶佢地試長洲名物----芒果糯米糍。係長洲賣芒果糯米糍既舖頭有好多，但要揀其中一間黎試，確實有難度。經過一番研究後，出發前揀左兩間甜品舖，睇下到時想食邊間多D。黎到允升門口，眼見餐廳長時間都有客人，心諗係米表示品質保證呢?! 抱住香港人中意排隊，唔多人既餐廳唔入既精神，決定一試。大家需要注意餐廳設有最底消費，每人平均需消費$15，但糯米糍不計算在內。允升除左有普通版既芒果糯米糍外，仲有紫糯米皮芒果糯米糍，由於本人唔中意食白糯米皮，所以一定揀紫糯米皮。普通版既芒果糯米糍 $13 併紫糯米皮芒果糯米糍 $13我第二次係長洲食呢款糯米糍，但呢間就第一次試個人覺得呢間既紫糯米皮比較實、煙韌、唔會太軟爛一咬就散開哂，皮亦唔算太厚，加上甜芒果，整體唔錯。熱咋喳 $15本人係豆既愛好者，所以食親糖水，十之八九都會叫咋喳，而呢度既咋喳非常岩我胃口。濃郁既椰香、棉棉既芋頭、煮到起沙既雜豆、西米、雞心豆，甜度適中，好味!!😋糖不甩 $15軟糯既糯米糰配上粗粒既花生碎，相對砂糖落得少D、甜度低D；花生味濃D、實在D，整體更有咬口；相比起平時既幼細花生碎，我

呢度有最低消費，每人15蚊(唔計糯米磁)，不過呢度d甜品好平所以叫多幾碗都唔貴。同朋友叫左芒果豆腐花、芒果糯米磁同糖不甩，豆腐花幾滑，芒果糯米磁好大粒好好味，糖不甩就一般啦。

是日同朋友黎長洲一日遊，由朋友帶路去食大名鼎鼎既允升甜品，第一次經過果陣甜品鋪入邊人好多，所以我地決定行多陣長洲先去食，果然第二次經過果陣鋪仔就冇咩人啦，我地當然二話不說就入去啦！一坐底朋友就不斷推介三色河粉，點知店員話冇河粉啦，因為允升係長洲有分店，所以我地就商量洗唔洗去第二間食河粉既時候，店員就突然話不如我幫你打去問下第二間有冇貨啦，好好彩第二間仲有少量貨，於是我地準備去第二間，點知店員超好人，話叫我地唔洗去，佢過去幫我地攞過黎，其實長洲果日有啲落雨，所以真係好感激佢甘幫忙。店員大多都係中年女性，即刻果種睇落惡，其實大多都心善既。呢到落單都幾特別，同店員講完，店員會大聲嗌去話落咩，落單紙只係寫上價錢。等待店員拎河粉黎果時，我地都點左其他甜品，朋友們點左什果雪糕西米同大西米，我就點左什果綠晶，再同朋友share 三色河粉同榴槤糯米糍。平均一個甜品都係二十幾至三十，榴槤糯米糍就十三蚊一個。等左陣啲甜品上哂，三色河粉我地揀左芒汁，果然超好食，我覺得透明綠果隻河粉最好食，因為好爽口，我自己因為唔中意食芝麻，所以對黑河粉比較冇咩好感，白河粉就最掛汁，真係好好食，冇令人失望。榴槤糯米糍因為比較

呢日我地去左長洲食食食，來到長洲就緊係要試下人氣糖水店允升甜品啦，聞說呢到既亡果糯米糍好好食，所以突登來試下 呢間都幾多人食，好彩我地去個日剛巧有位，唔駛等位我地當日叫左什果涼粉同芒果糯米糍芒果糯米糍塊皮好薄，塊芒果肉好厚好甜呀，啖啖亡果味，正真係名正言順既皮薄餡靚什果涼粉這個冇咩特別，普普通通 d生果比較小，但涼粉都爽口既味道一般總結，我都是衝這個芒果糯米糍而來的，冇記錯好似差不多15定20元一粒，都貴貴地，但係貴得有道理，因為真係好好食

剛好帶外國朋友來長洲，就特地帶他們來試試地道的香港味道的甜品啦！他們第一次吃香港的港式甜品！覺得很新奇！表示這樣混合的甜品很有趣也很美味！他們除了生果以外，其他西米，涼粉等都沒有吃過！但他們表示很喜歡呢我就叫了碗雜果西米！在炎熱的天氣下，能吃上一碗透心涼的糖水！格外覺得好暢快！！甜品味道都不太甜，剛剛好！

帶了幾個外國朋友來長洲，自然就要帶她們來吃香港的特色甜品啦!楊枝甘露 - 芒果很多，味道不假，很甜很解渴，西米也不會「一舊舊」。花生& 芒果糯米糍 - 外國人都說比較喜歡芒果口味呢，我自己就沒有吃就不評論了。芒果豆腐花 - 最有驚喜的一個，本來以為應該黃糖才是最夾豆腐花的，但吃下去才覺得原來芒果的甜和豆腐花很夾呢，加上粒粒芒果十分甜，這個可以回頭啊!價錢方面我記得不貴的，比起連鎖店的價錢真的很抵食的。

講起長洲有咩好食，第一時間一定係諗起芒果糯米滋，雖然一出碼頭已經有幾間買緊芒果糯米滋，但食過咁多間最好食嘅一定係呢間係門口已經見入面有人排緊隊，仲以為要等好耐，但原來係排隊買外賣嘅～😂😂芒果糯米糍就試左少食得到嘅黑糯米皮，個糯米滋手掌咁大，皮薄饀靚，夠芒果又大又甜，食落去芒果味濃又多汁🤭芒果腸粉嘅芒果汁係用新鮮芒整，令到成碟腸粉更加甜，腸粉皮亦都好滑有椰汁味🤤🤤🤤除左嗌左必食嘅芒果糯米糍同芒果腸粉仲嗌咗碗芝麻糊食芝麻糊好黑芝麻味好濃仲好杰，完全唔似用芝麻粉加水溝出嚟🤤如果同屋企人或者老人家嚟長洲可以帶佢地食下，因為唔會太甜

一家人假日去長洲行下, 今日真係好熱. 長洲真係好多人去呀!好彩我地12點幾黎到允升, 唔算多人. 坐底就叫左芒果糯米滋, 芒果黑糯米滋, 榴槤糯米滋, 楊枝甘露, 芒西奶凍同芒果黑珍珠.其他佢其芒果甜品都幾好架, 唔會酸甜甜地. 自己就鍾意芒果糯米滋多D

當在市區唔同嘅地方，都見到賣長洲糯米糍店嘅時候，反而好想真係到長洲，食下真正長洲內嘅芒果糯米糍^^我地平日近六點嘅時候去間店，唔洗等，好少人，正！因為店內如果我地要坐低食，再要消費多一些，但我地都吃唔落lu，所以同男朋友一人一個打包，在回程等船嘅時候食。芒果糯米糍皮薄，大大塊好甜嘅芒果，好滿足！可能而家暑假芒果特別甜，好幸福！不過食完之後個嘴黐住糯米糍皮外邊嘅白粉，要抹嘴乾淨，如果唔係就失禮啦男朋友唔食芒果及榴連的，咁我以爲叫一個黑糯米糯米糍就good la，點個我地誤會左><原來係照芒果餡料，但皮係黑糯米做嘅皮，haha，結果我食埋^^ 好好味，我鐘意黑皮多過白皮^^十三蚊一個其實有點貴，平少少就好^^

依家入長洲食糖水絕對吾平！兩碗野都$50 ， 我叫左碗名為彩珠既東東，十分之欣賞佢既涼粉有咬囗得來有甘草味I like 其他雜果包括有西瓜，哈蜜瓜，芒果！芒果吾知點解好酸！即刻扣曬成碗野分數！另外依間甜品舖設有糖水自助，吾夠甜可以自已加糖水，加完糖水之後總算易入口。我朋友就中伏了叫左個芒果豆腐以為一定隱陣啦點知D花奶好似吾洗錢咁多到好似豆漿，加上芒果極酸成碗野完全吾掂！

黎長洲又點會唔食芒果糯米糍最岀名同受歡迎應該都系允升🧐🧐因為皮夠薄🥟芒果大舊！天氣敢熱就當然入去堂食啦！原來有最低消費😯😯因為太耐無去長洲 已經唔記得😹所以叫左敢多野食👇🏻👇🏻芒果糯米糍的確幾好食 可能敢岩啲芒果新鮮同靚 甜甜地唔會酸紅豆糯米糍甜度岩岩好 個味唔會太假 不過比較細粒🧐值得一讚既系佢會幫你剪開 方便你share茶葉蛋朋友話無敢咸會好食好多 可能浸得太耐？芒果腸粉芒果新鮮就會好食啦其實😹😹所以要睇時間去！整體黎講 如果去長洲都會再去食但就唔會專登過去啦

去長洲我諗個嗰都必買糯米滋！😍😍😍😍😍我芒果榴蓮都鍾意！！！！！！！！！今次就試芒果因為友人都好驚聞到榴蓮味😂😂🤙🏻🤙🏻size嚟講真係勁大粒！我臨走仲買多十幾粒比屋企人食🤙🏻😂😂😂佢哋話外賣十幾粒是常識😅😅另外，我哋仲有試芒果西米露，平時食甜品我好少試嫁！成日覺得佢會好甜，但見允升芒果好似最出名！西米露真心好好味呀！同埋平時出去食個啲太甜，允升個味剛剛好，一碗夠哂😍

今天佛诞，和女友一起来长洲岛观光。走走停停就来到这家允升甜品。点了芒果糯米糍（13HKD），鸳鸯肠粉（27），杨枝甘露（21）。所有点的食物都很好吃。店面是旧式风格。地面有些污糟，大概是今天客人特别多的原因。