King's Dimsum

在港島市中心想搵些聯誼宵夜其實都唔易。何況有夜茶飲的地方就更少。以前都還有間點心皇。現在連這間老字號都講再見👋🏻講返食店：當日都唔係太多客。只有一桌子兩個人。開頭還都未坐落嚟。見我進店才進來開茶。待應都算勤快，但真係好喜歡傾談。不過都明白嘅。此中在銅鑼灣這個貴價區。講返食物以下係我今次點選的食物：還有一個牛肉球。兩款都編貴⋯但已經算係餐廳里比較平的點心。牛肉都算可以。大大粒食得出牛味。潮州粉果皮太厚。還有蒸太久。已經很「淋」和沒有什麼味道。這個要改善下。但都算足料大大粒。這裡會收加一服務費。沒有優惠時段。只有外賣有折。比大型連鎖點心店貴很多。宵夜時段都可以接受。如果在早上時間。我相信銅鑼灣應該有更好的選擇。…Read More

夜晚十點幾，無端端又肚餓，於是隨街逛吓睇吓有乜嘢食，行到優點點心專門店，心諗，嘆吓夜茶都好喎，反正冇乜幾可一支公飲茶。穩穩陣陣叫咗籠潮州粉果同韭菜鮮蝦腸，咁大路嘅嘢應該唔會中伏。價錢方面，HK$22一籠粉果、HK$31一碟腸粉，望落好似有啲貴，但其實點心嘅份量都足夠，唔會細細碟偷工減料，再加埋茗茶費一位HK$4，埋單找數都只係HK$57，喺呢區食嗰茶餐廳套餐都係呢個價錢。味道方面，腸粉幾滑，啲蝦都OK，亦唔會太鹹， 粉果嘅皮晶瑩剔透，裡面嘅材料亦好爽口。整體嚟講比起一般嘅茶樓點心都要好。舖頭話佢哋啲點心係即叫即蒸，所以客人要耐心等候，但實際上猴子都唔駛等太耐就有得食，不過講真，趕時間嘅人都唔會諗住去飲茶食點心呱？…Read More

來得很早，其他餐廳大多都還沒開，所以就和朋友二人來這裡吃了早餐。因為餓所以點了還蠻多的。潮州粉果就普通，$20有點小貴。鮮蝦菜苗餃(左)+香煎蘿蔔糕(右)菜苗餃還不錯，也因為我本身就喜歡吃菜餃；蘿蔔糕應該很難不好吃。瑤柱雞絲粥(左)瑤柱是吃不出來了，但加了點粟米，甜甜的吃起來還挺開胃。南瓜煎堆仔完全吃不出來南瓜味……其他點心都還好，就這個比較失望了。既然特意寫南瓜煎堆仔的話，自然就會期待有南瓜味吧？？而且$25也是有點貴了。總體來說，還好。就是普通點心的水準，沒有很難吃，也沒有大驚喜。以這個味道來說的話，價錢略高（雖說是在CWB但也……）。剛巧在附近又想吃個中式早餐的話也可以一嚐。…Read More

在人多車多的銅鑼灣，午飯時間真的人山人海，剛巧又趕著醫肚，行過優點點心專門店，又有位喎，於是便入去試試。叫了一個什菇滑雞飯，發覺味道不錯，菇很鮮味，雞又真的很滑，飯配了豉油很有味，yummy 呀不過要一提的是，輕食可以，胃口大的就要加叫點心啦…Read More

早上未夠鐘返工，行過渣甸街睇下有咩食。 但係又唔想食茶餐廳就一個人走左入去食點心。個店面分成兩部分， 一邊有冷氣， 另外一邊係露天茶座咁， 不過就有瓦遮頭。一開始上左個鳳爪排骨飯， 個飯香氣四逸，令我食指大動。 個味道都唔錯。至於個蝦腸粉就淋左D。 不過個甜豉油搭救， 個味道還算不錯。最後個蝦餃皮厚了一點點。 蝦都算新鮮。 整體來講， 以100 蚊左右食到3 個點心還算可以。…Read More

食過唔同大細型式店舖既雪山叉燒包估唔到食到咁難食既雪山叉燒包浪費金錢😭😭😭其他都比一般還要一般 義生棉花雞舊雞肉夾起容量散 魚肚蒸到淋晒 百花釀茄子似係叮熱 依間野不可一不可再…Read More

係銅鑼灣嘅大街大巷，有一間小小嘅鋪頭仔係賣點心而唔係化妝品藥房，已經好值得入去試下所以就入左去食返個豐富嘅早餐。我地兩個人都嗌得幾多，六個點心，但味道都唔錯！蝦餃燒賣就基本飲茶必嗌嘅野食黎嘅，咁除左呢兩樣，仲嗌左雪山叉燒包，流沙奶皇包，春卷，等等，都係飲茶常食啲野。而所有野食都好高質素，熱辣辣上枱。而我覺得最值得推介嘅就係流沙奶皇包！佢包皮唔厚，咬一啖仔就爆哂啲奶皇出黎，而且奶皇唔算好甜！真係好值得一試而另外個雪山叉燒包係用菠蘿包皮做面，好脆口，都十分推介！總結黎講，呢間可以常去！…Read More

今早幫朋友去銅鑼灣做少少野，雖然銅鑼灣晚上係不夜天，五光十色，美食不夜城。但早上十點幾其實銅鑼灣選擇不多，起碼各大小百貨公司都未開門，剩下的只有一堆茶記。難得星期六放假，又唔想重複星期一至五返工既早餐 A / B / C 沙爹牛火腿通麥皮蛋治，行過呢度見到人頭湧湧，無論堂食外賣都頗有人氣，好就信群眾嘅選擇，跟隨人流一次吧 養生棉花雞絕對足料，唔似坊間得幾件假魚肚，呢款無論係魚肚，雞件，以致冬菇，杞子，甚至紅棗都份量配搭得宜，絕不太油膩，又每款配料又好均衡互不搶味。 蒸燒賣切肉，蝦，都分布分明的，唔會話肥瘦肉一併打埋一堆完全分唔到，亦唔會唔知入面係咩來的，再配上店家提供的辣油，非常感覺良好。 鳳爪排骨飯呢味就只屬中規中舉的，排骨尚算新鮮無雪味，但鳳爪則蒸到過了火，稍為爛開（所謂的甩皮甩骨了）。而飯底亦唔錯，粒粒分明。 梅菜蒸肉餅飯很欣賞這個飯，坊間大多數將一堆肉和梅菜一併打成肉餅，上枱時只會見到“一餅野”而沒有其他。但呢個面頭一大堆梅菜，觀感頗佳，亦非常好下飯，上佳之作也。今時今日，眾多大酒樓大茶樓，可能因為不同因素（如租金，人手，材料等等）不同的經營困難，而將食品質素大幅壓縮，除了“坐得比較舒適”外，就根本吃不到有質素的點心了，所以近年“小型點心專門店”憑上佳質素奪回不少客人，此無他，皆因小店轉身靈活，應對客戶需求更直接，大廚店員甚至老闆就齊心落場幹活，更甚的有不少點心專門店，勇奪米芝蓮榮譽，實屬可喜可賀，作為香港人，更應支持本土小店。溫馨提示，此店 臘味糯米飯 已見上市，奪餐一碗更包凍飲一杯只售$33，需要獲得溫暖感覺值得一試。（但筆者食完個飯先見到牆上海報，所以沒有點餐）…Read More

返完夜更，同同事想食埋早餐先返屋企， 大家無想法，見到呢間點心店就入左去。呢間鋪簡單d形容就係專賣點心的茶餐廳，有露天同室內嘅座位，地方較迫，活動空間不大。二人點左5樣野:1. 燒賣： 味ok, 多汁， 都算大粒2. 蝦餃： 正常size, 個皮少少煙up, 味ok, 可惜只係暖唔叫得係熱， 放左一陣就變凍了， 點心唔熱唔好食。3. 棉花雞： 咸左d, 而且超多油。4. 鳳爪排骨飯： 份量足夠，食得出真係蒸飯而唔係煮好再放埋一齊嘅，個飯本身已夠味，唔落豉油都Ok。5. 韮菜鮮蝦腸粉： 味道比想像中好， 韮菜同蝦比想像中夾，不過腸粉較厚身。 佢嘅茶係用家用茶壺而非酒樓用嘅茶壺， 總體價錢同酒樓無分別，食過一次就夠了。 …Read More

優點是走左街邊會留意到的非連鎖點心店，當中的食物和平常在茶樓吃到的如出一轍，但味道卻不及屋村的茶樓第一必先談到的是這個「雞包仔」，雞包仔本應是雞肉和薑絲相約，然而這裡的雞包仔卻是「別有一番風味」！看看下圖便會明白為何本人會作如此評述🤦‍♀️🤦‍♀️🤦‍♀️🤦‍♀️看到了嗎？這個雞包仔當中的薑蔥和肉的比例根本是離譜！本以為只是自己不幸抽中一個薑比雞多的包仔，可惜一籠三個的雞包仔都是如斯表現，雞肉少得可憐，咬下只會品嚐到薑的微辣，而非雞包仔應有的味道😔何不把名字改成「薑包仔」，食客吃到時反而不會太過為薑的份量感到驚訝接下來的雞絲瑤柱絲粥，平平無奇，若想要過一下「粥癮」，便可嚐一嚐。另外需提及的是優點的「優點蝦餃皇」，一樣較高水準的點心，以及優點的各種飯類亦是比較優秀，各食客有意可於經過時入內品嚐一下:)…Read More

與媽媽預約完護照後，想跟她去飲茶吃點心，可是她說酒樓還是偏貴在農曆新年期間，隨便在街上的點心店吃好了。她看見優點點心專門店很多人光顧，應該還不賴，故決定試試這店。先不說食物質素，優點農曆期間收費其實不便宜，服務費18%，茶芥8元一位，價錢跟酒樓不相伯仲，完全嚇了一跳，它的環境和服務個人認為18%有點不值~基本上媽媽每次飲茶都會吃鳳爪排骨飯~ 這裡的鳳爪排骨其實蠻不錯，份量多而且不會過於肥膩，而且鳳爪入味不死鹹，排骨骨肉比例適中，可是飯過於軟黏濕潤，浪費了鳳爪排骨這些配料。鮮蝦菜苗餃的蝦肉飽滿彈牙，菜苗碧綠嫩甜，輕輕咬了一口菜汁流竄於口裡，餃皮晶瑩剔透，清楚看見內餡，但有一問題是餃皮蒸得少許綿爛，小小的敗筆。同樣有蝦有皮的韭黃鮮蝦腸相對鮮蝦菜苗餃遜色多了，腸粉皮密不透風，亳不透亮，有兩至三層，滑溜感欠奉。蝦隻雖大顆，卻沒有菜苗餃的蝦那種彈牙，整盤腸粉我也找不到韭黃。蟹籽滑燒賣肉質不如其名夠滑，而且小小的，與平日吃開的豐盈感相差很多，亦不太吃到其肉味。因為媽媽牙肉不舒服，所以我點了這個魚肚蒸餃子讓媽媽滋潤一番~ 魚肚豐厚爽口，所蒸出來的湯汁很清甜，熱呼呼的時候喝一口非常清潤。奈何餃子餡料不新鮮，包得鬆散，筷子一夾餡料通通跌出來，丁點紮實感也沒有。…Read More

做左成個晏晝 但本身唔太肚餓 肥仔話想食得light 啲 咁啱行過見到 所以就揀左呢間點心舖 點知又仲伏伏1: 一拉開張櫈就見到上手留低左好多粒飯係度 個阿姐聽到先好勉強咁執走佢伏2:一拎啲茶杯上手 仲多油過肥仔個腩啲脂肪 冇出聲 諗住默默地洗乾靜佢 點知阿姐三番四次鍥而不捨想收返隻碗(其實我未洗完 可唔可以俾啲時間我🙄）伏3:鳳爪排骨飯係咁多個之中比較正常嘅 飯粒算乾身 燒賣冇特別 菜苗餃十分raw 未必個個啱食 最伏係灌湯餃 完全唔知入面係咩餡 又冇乜味伏4:我都明白新年會有extra charge 但冇諗過一間咁嘅質素嘅餐廳都夠膽收18%charge🤔🤔…Read More

人愈大，愈鍾意食點心，近年多了跟家人去飲茶。但當要一個人食，又不太習慣毒自上酒樓嘆一盅兩件，點心專門店的出現，對我來說是一大喜訊。拖著疲憊的身驅在老銅，需要吃點東西才回去，眼前正值是一家叫優點的點心專門店，人不多，沒多想便推門進去。肚子未算十分餓，兩籠點心足以KO我，只是，邊兩款好呢？ 見餐牌是有懷舊灌湯餃，照片也真是舊式的，而不是湯浸餃。然而，對這兒的信心始終不大，為免大中伏，都係還原基本步，要回我平日最愛的燒賣與雞扎。如果好味的話，下次翻兜。 餐具傢俬似乎不太衛生，油淋淋咁，還是自己洗一洗，心理上會比較好。 兩款點心光速送上。雞扎之腐皮一看便知是韌韌的，蟹柳好易散，豬肚變芋條，且腍得過份，魚肚質素不敢恭維，爭在未轉用豬皮，雞肉當然也沒驚喜，是一敗塗地之作。跟朋友說起，今時今日許多地方的雞扎，欠缺了火腿，吃起來總是有點失真。 一籠四粒的燒賣，有的是近乎全豬肉餡，有粒蝦多過豬肉，都幾隨意。這也不是最大問題，最大鑊的是……唔熱既！我最憎食唔熱既點心喇！ 連三蚊茶錢，埋單五十七個大洋，吃到這樣子的東西，心靈與肚皮都在向我投訴。…Read More

入到叫野食，但班侍應阿姐掛住傾計，我叫左五次都無人應，之後大聲話唔該排骨飯，收銀個短頭髮阿姐啤住我好惡咁話"知喇"之後大力放低杯碟，因為當時我揸住張點心紙睇緊有咩食，我阿姐以為我叫野，再一次好悪咁話「我知喇，都話幫你落咗啦」，我話我只係睇下張點心紙有咩食啫，佢竟然話「望望望都唔知你望乜」之後對面有個亞叔坐低睇唔到有點心紙，問佢攞餐牌，又比佢哋好惡咁鬧「係枱面啊，自己用眼睇啦」$29盅排骨飯小得可憐，排骨飯只有兩舊好咸，永遠blacklist …Read More

餐具：不乾淨，湯匙上還有乾掉的污垢。杯好像未沖洗乾淨，感覺有點油。食品：燒賣：正常蝦餃：正常南瓜煎堆：皮厚，餡少，沒南瓜味臘味飯：臘腸沒味，臘肉全塊都是脂肪。臘味給客人的全是不好的部分雪山叉燒包：重油味，雖然味道沒什麼，但包表面插著一條頭髮，衛生情況令人擔憂。店員：由進店一刻已經覺得店員面露不悦。非常沒禮貌，只是想把點餐紙遞給她，她看一看，什麼也沒說就掉頭行開，第二次才成功遞交。只是點五款食品，落單仍可以漏一款，指出她出錯還要給我面色。二零一七年第一次午餐，我選擇嘗試這一間經常經過而從沒入內的店。不幸的是這為我和女友的二零一七年開了個十分壞的開頭。不是特別便宜，也不是特別好吃，卻可以令人特別不愉快。各位朋友想試試這間店的話，不要堂食，買外賣會感覺好點。…Read More