Elite Dining (Closed)

為阿哥做壽選了這間餐廳，也是朋友推介。前身乃國福樓，南海一號樓上。因為我不食魚翅，改了這個花膠蟹肉羹取代， 士多啤梨骨就頗失望，是茶餐廳水準。 鮮蝦荷葉飯不錯，但之前已經有黃金蝦，有點重複咗。肉絲煎麵很一般，非高檔食府水準，環境一流，慶祝活動好地方。…Read More

 昨天應邀參加一個飯局，主辦的人來頭不小，所以昨天晚上我一下班就馬上出發。約六點十五分左右，步入了這家優閒寫意的飯堂。一出電梯，還是看到那幾位友善的侍應。一進大堂，才知道今晚的賓客有七席之多，但…我無暇了解有誰來，因為巳和大家忙著交換卡片。在約七點時，主持人通知大家入坐，這時我才有時間看看今晚餐單，“堂剪蘋果乳豬”、“西施黃金脆蝦球”…光是這兩道菜就十分吸引人。終於等到主持宣布晚宴開始了，看到七名侍應分別手托著乳豬出來，他把乳豬放在枱上介紹，我一看原來是BB乳豬，這種乳豬最好吃了（可惜還未來得及拍照他就收回去在外面剪了）等了兩分鐘，終於有得吃了，我及不可待的夾來吃，溫度還很燙（他們是怎麼拿來剪的？）在ＢＢ豬肉香中…還夾著清淡的蘋果味道，難怪叫蘋果乳豬之前我試過他們有道“水晶蛋白蝦球”，那餐單上的“西施黃金脆蝦球”又是什麼東西呢？我很期待。我仔細觀察了，原來還是那道“水晶蛋白蝦球”，但把那蝦球用咸蛋黃炸了。入口時蝦球的蝦鮮味混合了咸蛋黃的特殊味道，味道十分……好吃，再試蒸蛋白，十分細膩的口感，真希望可以再添一份接著，整個宴會就在酒酣耳熱中進行，餘下的菜式我巳記不清楚了。臨走時，在餐廳的門口看到了一份新餐單，原來今晚就是這個…，價格…，看來我要馬上召集朋友來試試了﹗…Read More

朋友包了房間請食飯， 房間裝修各方面都不錯， 當晚下雨後天色很好， 能看到對岸，海景確實不錯。菜色尚可，服務一流。 青瓜芒果蝦稍嫌沙律醬較咸，其他菜都不錯。甜品點了一個棗泥膏， 一籠四件，吃了兩件，感覺很好味，很豐富紅棗的味道。朋友夾第三件時，發現。。。。。。。。。。。有蟑螂。。。侍應阿姐馬上取走點心，道歉并馬上再蒸一個上來， 我們說不要了，這個點心退錢啦，由於已經簽卡埋單， 經理表示不能退現金，請客的朋友就說算數了。經理說下次再補數下次， 估計不會再來了…Read More

我覺得舊朋友舊同學聚會的次數及其頻密程度是隨著年齡長大而越來越少, 越來越疏的。全因各自有其家庭, 另一半及小朋友, 有時樂聚天倫, 到最後可能只作君子之交, 每年書信來往三數次了了。所以我很珍惜與朋友相聚的時光, 縱使不是話題滔滔, 只要是有交過心, 什麼事情都會記得。這天與一班朋友聚舊, 餐廳的事情都交由了朋友們決定。結果在我正趕去的途中通知來這裡, 心想: "也好吧! 反正每次來南海一號, 看到近入門優意食堂的門牌, 都有想上去吃吃的衝動。人未坐, 就被問到要杯蔗汁還是酸梅湯? 老實說, 我還是想要杯茶多一點, 不過凍飲也好吧! 雖然蔗汁甜味足, 而且感覺清涼, 可是最後我還是差不多吃完整餐才開始有茶。這, 令我想起那夜勞氣的夜上海。我來到前朋友已點上一個花椒太雕雞, 原來這裡優意食堂吃的是可以跟南海一號一模一樣的呀!! 分別只是要坐一個無人的大堂及如coffee shop般的枱櫈。太雕雞酒味不多, 雞肉爽滑, 配料混上些花椒, 令人吃下有麻麻的感覺。汁醬味道不算濃, 感覺還好。再來一個蔥椒蝦球, 蝦球晶瑩而有彈力, 可惜味道略淡, 蔥香感覺不強。蔥段爽口, 但略嫌煮得不錯, 感覺有點腥。龍蝦湯貴妃飯, 用上炸脆米代替白飯, 感覺可口更吸引。湯底甜中有鮮, 味道不錯, 但味道已比上次來時淡了。可是湯的味道與炸飯粒的惹味仍然吸引, 還是每次來的必吃之選。蠔餅, 不是煎的, 是炸的。不過烤得硬硬繃繃, 入口脆, 但是炸漿厚而感覺死實。味道不多, 因為蠔少而粉多, 吃下有點鹹味而油膩, 其他就沒有了! 帶子煎麵, 感覺還好。麵不是煎而是炸的, 脆口略乾, 蘸上茨汁, 口感淋帶脆。帶子一件件軟腍而有彈力, 口感不韌但件頭不大。整體這個煎麵屬可以吧!燈影煎堆已不如之前吃的薄, 外層乾脆, 入口略油而有芝麻味道。只是覺得這次的煎堆是偏韌而黏牙的質感, 比之前吃過的和樓下文鼎一號的天外金球還是差了一點。老實說, 以這樣的作料及服務, 而相對這樣的收費, 真的只覺得吃的是風景吧! 還好還給我們一個無人寧靜夜, 好讓我們噴噴口水。…Read More

大肥爸爸「從小便相識」o既好友Uncle L非常好客，得知我地一家四口將於農曆新年外遊渡歲，就相約肥肥家族及幾位好友聚餐團年。Uncle L揀選o既「優意食堂」，原來同「夜上海」、「合江小鎮」等餐廳屬同一家集團，全為高級食肆。甚少過九龍o既小肥聽都未聽過，當然係好期待去試新菜啦 ！優意食堂位於iSQUARE，坐地鐡尤其方便，尖沙咀站落車，iSQUARE出口處上電梯，再轉升降機就可以上到31樓，街都唔洗出，真係落雨都唔驚會dup親呀！唯一問題係繁忙時間排隊搭升降機較為需時 :( 。據Uncle L所講，餐廳共有九間廂房，冇散座，而我地當晚嗰間係其中一間大房，坐十人都好鬆動。店內燈光柔和，闊落舒適，從房中望出窗更可欣賞到迷人o既香港夜景，感覺非常優意高雅，「優意食堂」嗰名真係一啲都冇改錯 ！因為全餐廳都係廂房，保密度高，小弟無法估計當晚o既入座率及店內o既服務生人數；只知我地間房長期都有一、兩位效率頗高，且有禮o既伙計負責斟酒、加茶、換碟及分餸。小肥入門口時隨手攞咗張宣傳單張，細看後發現餐廳正在推廣供十人用o既「太史蛇羮宴」，套餐原價為$6,800，現以特價$6,200推售，服務費及茶芥全包之外，再加送兩枝西班牙餐酒。Uncle L為團年晚宴所自訂o既餐單同傳單中o既「太史蛇羮宴」有九成相似，不同之處係Uncle L改咗傳單中o既羊腩煲，變成為牛腩煲。此外，佢仲加咗一道香芒大蝦，及幾款甜品 。 頭抽炒珍菌：珍菌炒得一啲都唔油膩，味道帶甜，唔錯。 椒鹽田雞腿：田雞腿夠乾身，而且野味得黎唔會過咸，正！ 葱油鮮製腐竹：小肥唔係好鍾意食腐竹，原本真係唔準備食此道小食，所以就連相都冇影 ；不過經媽咪同哥哥再三推介，結果當然係食完再食啦！依味葱油腐竹貌似薑葱撈麵，薄薄o既腐竹條同涼拌o既筍絲同蔥絲都非常清脆，師傅輕輕以麻油調味，營造出「簡單美」依個效果，妙呀 ！ 正宗太史蛇羮：主菜太史蛇羮，湯底鮮甜濃郁，毫不油膩，料中o既雞絲、蛇絲、冬菇絲、荀絲、木耳絲又幼嫩又香脆，口感豐富，美味得黎又暖哂全身，可以話係當日團年飯o既高潮 。（XO仔記得美女廚神媽咪曾經講過，要知自己食o既係咪真蛇肉其實好簡單，睇下成身有冇發熱就知，因為食完真蛇之後，食者全身係會發熱；唔知依啲係咪中醫所謂o既「行血補身」呢？！） 青瓜香芒蝦球：底層o既青瓜同炸蝦球都好夠爽脆，小肥只係嫌面層o既芒果肉及沙律醬味道偏酸 。 游水龍躉二味之碧綠油泡斑球：油泡斑球唔係好油，魚肉嫩身，食得健康。 游水沙巴大龍躉二味之陳皮蒜子燜頭腩：燜頭腩煲內o既龍躉肉比斑球o既魚肉更加幼嫩滑溜，當中最正o既係層魚皮，加上蒜味香濃，嘩，真係冇得彈 ！ 陳年花雕薑葱煀雞：大多數人食雞鍾意食黑肉，嫌白肉嚡；XO仔就剛巧相反，只愛白肉，貪佢冇骨之餘，自覺食白肉先能夠試出隻雞煮得好唔好 。經細佬認証過後，優意食堂隻煀雞可以話係滿分呀；熱辣辣o既雞胸肉肉質超嫩 ，皮下無肥，加上鎖住o既肉汁，令雞肉完全唔嚡唔乾，真係冇得頂！ 柱侯牛腩煲：牛腩煲火候足，炆得好夠腍，腍得黎啲肉又冇溶，醬汁味道濃而不膩，就連煲內o既蘿蔔都好味到比我地食清，真係唔講得笑 ！ 生炒糯米飯：糯米飯炒得唔會太乾，臘腸份量足，香甜野味。 蓮子蛋白杏仁茶：杏仁茶香滑，糖水另上，所以客人可自調甜度。 燈影煎堆：煎堆皮薄香脆，又大又鬆化，最重要係一滴油都食唔到，嘻嘻，好味到小肥結果食埋媽咪嗰隻 ！ 馬拉糕：新鮮熱辣o既馬拉糕清香鬆軟，熟微甜。見賓客們停哂手，細佬一啲都唔客氣，一陣風就食咗兩三件 。為送蛇迎馬（農曆年），Uncle L特意於優意食堂，以升級版「太史蛇羮宴」款待好友及世姪們，一邊觀賞迷人景致，一邊享用美酒佳餚，優雅寫意，一眾知己好友都覺得好warm好warm（好warm要用兩次，因為uncle之心意令大家個心好warm；而蛇羮之功效則令身體亦好warm ），XO仔喺度想再一次多謝uncle ！…Read More