Pride Team Limited (Closed)

一行八人，朋友帶左黎食呢間私房菜，佢食過幾次，都話好食兼足料。果然，一個字。基本上全晚每樣餸，我都覺得好食又抵食。私房菜既位置其實唔太好搵，喺荃灣西站行過去，15分鐘。喺一幢工廈里面。環境唔好有太高期望，厠所清潔程度都好普通。但講到食，就好好好味。唔係一般小炒水準。先係腐竹楜椒豬肚湯。次次飲完都好口渴，但呢度我飲左兩碗，愈飲愈舒服。加左好多馬碲，有陣清甜添～阿姐會撈起啲湯渣，勁足料。雖然係湯渣，但都好夠味，加埋湯一齊食，唔錯。椒鹽魷魚豆腐勁夠魷魚，大大塊。朋友覺得豆腐里面唔夠滑，但我反而覺得唔錯。佢係偏實既豆腐，屬硬身小小。唔似平時大排擋食開既椒鹽豆腐。冰鎮鮑魚按人頭，每人一隻。大大隻。一口咬落去，好滑好彈牙，煮得啱啱好。口味係偏淡，反而更貼近鮑魚本身既鮮甜味。如果太濃味，反而比醬汁搶左佢既鮮蒜蓉蒸聖子王又係超大隻，鮮甜好味。粉絲吸晒蒜蓉同埾子既味，正鼓油炒海花蝦雖然只係鼓油炒，但已經好夠鑊氣，蝦既肉質鮮嫩，再加上炒得香口入味，我連蝦頭都食得乾乾淨淨脆皮芝麻雞芝麻雞真係第一次食，香脆既外表沾滿晒芝麻，食落更加香口，有層次感銀芽牛腩牛腩每塊都筯腩分明，好有牛味，唔會好似出面食既牛腩面咁老。食到停唔到口。牛腩汁配上爽口芽菜，又係好爽既組合。清蒸海魚呢條魚蒸得啱啱好，成條魚都好滑身，好有鮮味。我連魚頭都食埋最後係，清炒通菜。食到最好一味，真係好飽。全晚大家都食得好開懷，好滿足。必定會再黎…查看更多

近來實在食得太多韓燒，又唔知食乜好，原來以為三個人又食唔到私房菜太多，上網見到呢間又試下，又真係幾好味，豬肚湯勁正，冰鎮鮑魚爽口又彈牙，其他海鮮都好新鮮，下個月已經約定班老友再食過，。…查看更多

今晚老友升職請食飯，揀左呢間位於荃灣工業區既私房菜，佢既位置其實係係柴灣角街，近有線大樓個邊。地方都算易搵，由西鐵站行過去都係15分鐘左右。入面雖然裝修簡單，但係都五臟俱全，仲有埋個露台，可以比有需要既人士去呼吸😝呢度每晚都係由廚師親自拍板，不過應該都係大同小異既，如果要有特別request，就要預訂個時提出啦。今晚係未上主菜之前，竟然有碟炸蝦片做小食，唔錯喎呢個應該係腐足胡椒豬肚湯，因為胡椒味濃，再加d腐足味，而湯渣又有好多豬肚喎，飲完呢個老火湯成個人都熱辣辣，幫助健脾暖胃呀椒鹽鮮魷併豆腐，呢個係常見既大排檔菜式，外面炸得酥脆，入面既鮮魷就爽口，又惹味，不過，豆腐就麻麻地，外脆但入面就太淋，唔能夠保持完整冰鎮鮑魚，呢個鮑魚成隻手掌咁大，爽口又彈牙，不過我略嫌佢冇咩味道，如果有d清酒味會好更perfect，宜家就要點wasabi同豉油調調味蒜蓉粉絲蒸象拔蚌仔，呢個味道好夠，蚌仔size都ok，食落都有口感，不過有dd沙我諗呢個係黃金帶子西蘭花，同黃金蝦做法一樣，不過用上帶子，都係有好香既鹹蛋黃味，食落又唔會太鹹，好滋味而且帶子新鮮彈牙，正椒鹽瀨尿蝦個朋友，椒鹽蝦，蝦新鮮彈牙，味道夠脆皮芝麻雞，d芝麻超香口，雞皮又脆，雞肉又嫩滑，好味豉椒聖子炒麵，呢個好好味，聖子夠大夠肥味，配個炒麵底，好快就掃清光唔知蒸咩斑仔，不過就係知時間蒸得arm arm好，魚肉滑唔會鞋最後仲有個揚州炒飯，個炒飯夠穫氣，不過由於我掛住吹水，唔記得影相🙈🙈整體都唔錯，不過唔知埋單幾錢，所以唔知抵唔抵食😅😅😅…查看更多

嘩嘩嘩聲⋯⋯我相信當上菜時係每個客人一定必有反應。因為食物份量相當巨大。三五知又或一大班人聚會。是一處不錯的聚腳地點。雖然地點比較偏一點但也不太困難搵。老闆會為你安排菜單，如果有些菜式不喜歡可修改。當然要提早一，二天通知啦！另外可自擕酒精飲品不另開瓶收費。又或可店內選擇飲料，消費每人$300/位胡椒豬肚湯冰鎮鮑魚芝麻雞糯米飯…查看更多

老闆請食飯！返工最大開心就是經常有好東西食～我以為今餐都是好東西啦…..點知…..這間私房菜實在令我和同事都有點失望，好睇唔好食牛展不過不失～大大隻冰鎮鮑魚，一放上桌，個個都：嘩！但放入口才知道淡而無味，如果加點酒去浸就好了～芝麻雞，皮不脆但肉很滑 不過同樣是淡淡的，完全唔夠味蝦的肉質爽口 但不夠爆獲氣我記得隻蟹都係唔入味，唔知發生咩事，係咪當日換了廚師？？因見他人的食譜大多也贊好～覺得有點浪費好的食材呢！聖子&魚比較可取，算新鮮全晚我認為最好味的是胡椒豬肚白果湯 & 臘味飯胡椒湯十分醒胃！而且唔係周圍都有得食～臘味飯有大量芋頭臘腸 非常足料！呢店私房菜位置實在太偏僻，唔洗自己比錢先會來而且ＨＲ同我講都唔平嫁！…查看更多

又是一間工廠樓上私房菜，今日新春團拜大伙都投票這家以海鮮為主私房菜，今日就到一嚐果真無介紹錯是日濃湯，單見湯渣都知有幾足料有幾濃。滷水金錢𦟌，牛𦟌經過滷水汁煮浸，非常諗好入味酥炸三寶， 有白飯魚、魷魚同豆腐炸漿非常乾身不帶油，可口到簡直停不下來。冰鎮鮑魚，好爽口！蒜蓉蒸象拔蚌豉油王大蝦碌，非常香口。香芹炒班頭腩，有鑊氣豉椒聖子燴麵紅燒豆腐炆斑頭腩，有燒肉枝竹豆腐鑊氣十足，回味回味芝麻炸子雞薑汁炒芥蘭臘味糯米飯，乾濕度適中香噴噴的臘味實在忍不住了…查看更多

是次一團人20個麻甩佬去食豬肚湯👍🏾👍🏾👍🏾鮑魚冰鎮...彈牙的...好味..！龍蝦爽口夠份量10個人2隻條東星👍🏾👍🏾👍🏾正芝麻雞一樣好食...！個炒飯一樣夠獲氣20人唔係幾食得晒...😝😝😝服務都唔差坐得都鬆動既...！20人一人$500…查看更多

同親戚飯聚, 表哥喜歡食私房菜, 所以今次又係上樓食好野環境同大排檔差唔多, 好熱鬧, 我地叫左好幾款菜, 碟碟都好大碟食到超級飽! 不過覺得味道好普通, 沒有令人印象深刻大份量的炸物, 好大件, 幸好冇炸過龍, 食落都好似咬斷的冰鎮鮑魚都不錯, 幾爽口個蝦既SIZE大過隻碗, 調味夠濃都不錯吃最愛咁多既蒜宮, 不過仲有D痴殼蔥太少的炒蟹好味既炸子雞, 因為好多芝麻係面, 所以咬落又香又脆呢其實已經食到好飽, 不過呢個面都忍唔住食D, 因為我好愛炒面, 配豉汁聖子都幾野味, 呢個配搭對我黎講幾新觧…查看更多

難得相約到一班朋友聚餐, 個人覺得最開心是吃海鮮的了, 捨棄傳統吃海鮮的地方如三聖邨、流浮山, 有人提議去工廈搵食, 更加實惠和好食, 以人頭計每人四百, 就睇睇有咩食。前菜醃苦瓜和青瓜凍凍地, 少少辣, 幾惹味, 苦瓜唔苦, 味道是甘甜, 令人特別有印象。焦鹽四季豆配上炸軟骨鴨舌, 好香口惹味。胡椒豬肚湯超濃香, 無內臟怪味, 豬肚洗到好乾淨, 每人飲到一大碗, 食埋湯渣仲得。冰鎮鮑魚勁大隻, 超爽彈, 又有鮮甜味。上湯龍蝦伊麵, 龍蝦好巨型, 好震撼, 睇到大家嘩嘩聲, 上湯汁好鮮味, 龍蝦肉彈牙新鮮, 伊麵吸收鮮味, 超水準。聖子皇比我食過的都大隻, 是皇中之皇, 蒜茸好香濃。炸子雞個人無食,因為留肚食海鮮, 印尼蝦片是脆卜卜的。清酒煮花甲, 花甲又勁大隻, 唔會煮到太老, 剛好, 保留鮮味, 加左好多蘿蔔條一齊煮, 湯底無咩酒味, 不過好鮮甜, 又有少少胡椒香, 都被清晒。蒸魚又係好夠份量, 蒸到剛剛熟, 火喉控制得好, 魚肉滑唔腥。薑蔥炒蟹個汁好惹味, 調較得剛好, 個人稍嫌食蟹較麻煩, 無之前的海鮮咁啖啖肉。最後炒油麥菜, 炒到個菜好綠, 有菜香又唔係好油, 又係勁大碟。今晚全部海鮮都好巨型, 超滿足, 四百元一位真心抵食, 值得推介!…查看更多

工廈食肆愈開愈多，朋友安排今餐榮休晚宴係傲嚐，食之前乜都唔知，嚟到就食，幾開心1. 白果豬肺豬肚湯 好正！勁多湯渣，真材實料，成個湯好奶白色，飲落好濃郁既胡椒豬肚味，勁like。 2. 潮式 凍蟹凍食海鮮其實唔多係我杯茶，但佢地食到lum lum lei，又猛話好食，我就試試它。蟹腳好多肉，食落幾鮮甜，無腥味，整得唔錯。佢地話蟹膏仲好味，啖啖膏，好味道。 3. 脆皮乳豬呢個餸普通，上枱乳豬皮唔多脆，隻豬都唔多熱，同埋就是一般街市買到既乳豬，下次食可以唔揀😝。 4. 椒鹽鮑魚鮑魚似炸過，但唔油好爽口，加上有椒鹽既鹹鹹地味，而且咬落鮑魚都幾有咬口，好少食蒸/燜到淋哂以外既鮑魚，所以呢個餸幾特別。 5. 蟹球西蘭花食呢個餸令我想起去飲宴當中常見餸菜之一，蟹球幾好味，蟹肉比例算高，西蘭花係我至愛疏菜，食咗好多粒😁😁。 6. 蒸帶子蒸帶子最緊要帶子新鮮，好野蒸出嚟實好味，但呢碟帶子既size值得一讚，好少可咁揼本用大大粒鮮帶子，呢粒同平時買雪凍刺身級，L size有得比，真的好鬼大粒、厚肉，一啖食唔哂果隻，好美味呀！😋😋😋 7. 蒸時魚呢餐飯全晚又食又笑，果頭介紹完，呢頭已經忘記d餸係乜名，所以都醒唔起它係乜魚。坦白講，條魚size啱啱好，唔太大，但蒸得有點過咗火，本身它應該可以再滑d.....不過啖啖魚肉都補番數😬😬。 8. 葱油鮮雞平時最鍾意食雞，對雞係會高要求，因為聽到佢地不斷強調呢度用新鮮雞整呢個餸，加上呢隻雞要$300幾蚊，好期待吃。見到雞皮有層肥，我本身麻麻地肥雞、肥肉，所以已經唔enjoy。其次無疑d醬汁葱油令隻雞加分，因為雞雖然係鮮雞，但肉質食落又無乜大驚喜，唉....可能我唔識食，整體普通吧。 今次係呢度食飯，因為人多可以包到房，有d食私房菜feel，開懷暢飲、高談闊論都唔怕影響到隔離枱，讚！…查看更多

朋友推介呢間私房菜，趁父親節同屋企人就黎呢度食晚飯～一開始黎左個胡椒豬肚湯同湯渣～個湯胡椒味剛剛好唔會太過濃味，豬肚又夠腍冰鎮鮑魚～好大隻，腍得黎又有少少爽串燒大虎蝦～都係第一次食大過隻手掌既蝦，有啲似椒鹽蝦好野味蒜蓉粉絲蒸聖子皇～味道ok東星斑～真係蒸得好好食，成條魚既肉質都非常嫩滑，十分新鮮疆蔥炒蟹～雖然蟹肉唔算多，但食得出好新鮮，蟹肉嫩滑清酒煮花甲～花甲每隻都係大大隻脆皮芝麻雞～個皮脆得黎肉質又好嫩滑最後我地臨時加多左個瑤柱蛋白炒飯，但啲飯炒到又乾又硬，算係整餐飯裡最令人失望既一道菜整體評價仍然係非常好～最緊要係價錢合理，性價比相當高…查看更多

工廈私房菜並不是新鮮事，但為於荃灣的非常偏僻的工廈，而且晚晚客似雲來，一定是靠很高質素的食物，還有充滿有口碑的服務吧。坐下來第一件事，是店員端上預先預訂的螺頭淮山豬骨湯，很龐大的一盅燉湯啊，夠每個人喝兩大碗有多了。很滋補清潤的家常湯水，喝得出沒有味精，足料老火湯就連媽媽也讚好。第一道菜是椒鹽白飯魚魷魚豆腐，這是炸得非常出色的香口前菜，白飯魚條條分明，炸漿清脆俐落，完全沒有黏在一起的情況，前菜來說並不是很辣。豆腐軟滑，魷魚煙韌，白飯魚香脆，這三合一的組合一家大細都很喜歡。胃口大開之後來一客冰鎮鮑魚，每人一隻大大的鮑魚原隻上，在自己的碟上刀叉享用。鮑魚相當有趙口，冰鎮的製法更帶出其鮮味，中間還有一點點溏心，第一味的海鮮已經這麼滿足，我們更期待接下來的每一道菜。開始吃熱薰的食物了，吃海鮮次序應該由淡至濃才吃得出海鮮該有的味道。第一道菜是蒜蓉蟶子很適合，蒜蓉均勻塗抹在新鮮的蟶子相，夾雜着足夠的粉絲，滿口都是彈牙的感覺，而且每一隻聖子的size都很均勻很厚身，簡單得來鮮甜美味，做得不錯。上湯龍蝦上碟了！很新鮮的龍蝦，刀工不錯，一件件放入口的size，沒有多餘的醬汁，反而更吃得出龍蝦獨有的爽甜特質，蝦頭還有一些蝦膏，濃郁香滑，最適合我這個龍蝦控了！吃完龍蝦還是蝦，這是串燒大虎蝦，其實這是用蒜香椒鹽炸的，一人一串拿上手吃，這個做得比較乾身，蒜香的味道有點蓋過蝦肉的鮮味，我個人覺得還是龍蝦比較好吃，哈哈哈。之後到了家人最期待的清蒸海魚，老人家嘛始終喜歡吃魚，但由於我的腸胃對魚類敏感，有得睇無得食。但家人說很新鮮很不錯的。都這個時候其實已經很飽，完全忘記了菜單上還有糯米飯，這麼飽肚的食物吃兩口後就打包回家明天再續了。反而最後的清炒時蔬吃很多，出街大吃大喝應該多吃蔬菜吧！聽說店主是消防隊的前職員，所以很多紀律部隊工餘時間來聚會，他們應該很注重健康吧，所以在這小小私房菜吃得很安心，運氣好的話還會遇上健碩消防員，下次可以搭搭訕喔！…查看更多

食店位處工業區內，地方較為偏遠、寧靜。單看門面，很難想像這是一家私房菜。推門而入，內裏高朋滿座，人聲沸騰，很是熱鬧，原來別有洞天。店內沒有花巧的佈置，這種簡樸反給我一種家常的感覺！前菜是鹵水牛𦟌，大大片的牛𦟌擺放得十分整齊，肉質偏瘦，入口不算軟腍，少了那份油脂感，但勝在滷水香氣不失，尚算中規中矩！隨後奉上一大壺老火湯，螺頭淮山豬骨雞腳湯，眼見一大堆湯渣，可謂真材實料，淺褐色的湯頭，味道沒有想像中的味濃，口感偏淡，但喝得出這是沒加味精的家常老火湯！已起肉的椒鹽鮑魚，原隻連殼奉上，件頭也不小，質感煙靭帶點嚼勁，大廚把椒絲、蒜粒和葱花烹調過的汁灑在鮑魚上，雖然蓋過了鮑魚本身的鮮甜味道，但不失為惹味。接著是芝士大蝦伊麵，甫上桌，眾人被這菜式的份量，興奮得紛紛拍照，單看大蝦的體積，足有一隻手掌之大，甚有睇頭，頓時令人食指大動。蝦肉肥厚結實，墊底的伊麵，吃起來雖然不算是很彈牙，但它吸收了蝦的鮮味和芝士香氣，不算滯膩，令人吃過不停！ 蒜蓉粉絲蒸蟶子皇，這一味菜式，只可以用陣容鼎盛來形容，排得密密麻麻的蟶子，上面鋪滿了大量葱花、蒜蓉和粉絲，蟶子火喉處理準繩，肉質爽甜而非韌實，粉絲吸收了蟶子的精華，令人再三回味！ 清蒸海魚，這麼大條的蒸魚，仍能保持嫩滑鮮美，師傅拿揑火喉的準繩度，是不可能多得，配以熟油、葱段、芫茜一起吃，簡單的滋味！首嚐這款脆皮芝麻雞，先吃雞皮，雞皮外層滿是芝麻，很是芝麻的香脆，而且皮下脂肪不多，多吃也沒有問題，雞肉不算十分嫩滑，但尚算滿意！黃金帶子，帶子蘸以沙沙的咸蛋黃煎至金黃，外脆內軟，而滿滿的西蘭花伴以咸蛋黃來吃，以平衡膩感！再者，端上清酒煮花甲，一如以往，體積過大的花甲，口感較韌，略為失色，但不得不讚，以花甲煮成的清酒湯，盡得花甲的精華，略帶胡椒的辛辣，鮮甜美味，我也忍不住多喝兩碗～蒜蓉豆苗，好一個簡單菜式，豆苗嫩綠無渣，而且炒的鑊氣也很夠，一下子被我們清光了！食店整體食物質素不錯，以三佰多元，可以一嚐多款海鮮餐，已很化算！…查看更多

隨著市區發展，荃灣亦褪色得只剩「連鎖」味道的死城，朋友問起有甚麼推介，其實頗為頭痛．．．有時人少便會去楊屋道附近的「茶記」，買些海鮮去加工，就是平靚正的家常便飯。如果大班朋友吃飯，舊日警署飯堂的銓哥向來是大眾的「日之出食堂」，結業後換了私房菜形式服務大家，也是與家人常到的飯堂。銓哥可說是區內傳奇人物，除了在警界吃得開，更是在楊屋道街市內與魚、肉檔兩代交情的料理達人，檔主收工後便來到銓哥飯堂大魚大肉，廚房內全是街市每天送來的頭手食材，尤其海鮮，人在情在是不二之理。雖然銓哥有不少獨家菜，但與家人吃飯，不用複雜；一味質感軟腍的南非鮑魚凍已技驚四座，說是餐前菜，但這味招牌名物亦未免太過份了吧？說香港難找到活的本灣琵琶蝦，竟不知銓哥也有辦法找到這時有時無的好東西，以蒜蓉粉絲清蒸簡單吃出鮮味，還有獨特的軟柔肉質，就是在頂級酒店粵菜亦難嘗到漁民直送的妙品。再來兩味手打魚餅和黃金涼瓜，如果是細蓉是廣州民食，那這兩味小品就是港式風味代表，賣相粗魯味道卻十分實在，前者吃手工、後者吃火候，我都喜歡。幾味地道海鮮後，就與銓哥商議和朋友們來打搞這個漁民飯堂，回味傳奇人物的經典手勢，大家有興趣嗎？有興趣的朋友歡迎聯絡Isaac Lau ( https://www.facebook.com/lau.isaac )傲嚐 Pride Team Limited 餐廳地址：荃灣柴灣角街83號榮興工業中心4樓409室…查看更多

一年一度爸爸生日， 已往每年最例牌都係揾啲貴夾唔飽嘅酒樓食飯， 經友人介紹今年來個特別啲， 於工廠大廈入面食私房菜。地方唔算好大環境熱鬧， 但係都坐得舒服。人齊起菜有得食， 今晚菜單合共九個餸， 碟碟都斤兩十足。…查看更多