Miu Miu Health Tea Club

之前一直幫襯了好幾年的涼茶鋪以為老闆娘退隱江湖了，多個月後先知原來只是搬了在附近，令我這接近一年在外面試過幾間也找不到以往喜愛的味道。淼淼涼茶的確是真材實料值得支持。第一次飲到咁濃但不甜的紫貝天葵，我會叫佢做 “掛杯紫貝天葵” 但不會過濃，試過就有對比因坊間大部分都煲得較淡味及太甜，所以對不愛甜的我是剛剛好的。這次再飲紫貝天葵，一樣的品質，還有一樣的價錢，仍保持一貫水準。P.s 間中同老闆娘傾下計會有健康tips 俾你…Read More

去完食老闆娘麻辣米線，驚熱氣同菊花開，係返西鐵站途中，比我發現到有間涼茶鋪。鋪面吸引我嘅係寫住‘不加色素’同埋‘無防腐劑’，以前我對涼茶無咩要求，見到就買，反正覺得間間涼茶都係一樣，但隨著年紀大左，我開始越來越有要求，加上自己讀過小小中醫知識，係咪有效，一飲就知。🙈買左支大size嘅凍野葛菜水，本身都好野葛菜水(工作需要，因為我成日通頂)，解暑散熱，去火氣，呢間個味算係真材實料，起碼我飲到個味先，唔係好假個隻，自己試過三不賣同葉留香，呢2間我覺得已經頗出色，居然呢間都有驚喜，一口氣，我就飲曬成支了，唯一要提嘅就係唔夠鹹，可以加多小小鹽，或者擺定罐鹽係度問客人要唔要加，咁就perfect😁下次食完老闆娘同Donki壽司都可以來買，推薦👍…Read More

有日行過呢頭見到呢間新開嘅涼茶舖，感覺乾淨衛生，於是試吓買支紫貝天葵你飲，即刻飲完覺得唔甜似自家煮，於是買多幾支返屋企慢慢飲。過咗一段時間想再買來飲，偏偏啱啱遇着剛剛，次次都見到佢已經閂咗門，諗住放棄之際，早兩日就睇吓佢有冇開，如果冇開即係同佢無緣冇得再買來飲😅，最後終於見到老闆娘，滿心歡喜同佢傾幾句，話每次嚟都見到你閂鋪，因為放工已經過咗8:30至到呢頭，所以每次都係摸門釘，老闆娘話原來佢依家係閂8:30，所以趕唔切了。最後買咗兩支銀菊露，兩支祛濕茶，兩支五花茶，兩支紫背天葵，仲即場飲咗支白花蛇舌草茶2人飲😆。老闆娘話叫我哋唔好飲咁多蛇舌草，因為好寒涼，怕我哋買咁多會影響身體底子，但係我哋真係好需要飲多啲涼茶，個人好燥熱，難得搵到間感覺天然嘅涼茶，所以買多少少放喺屋企可以飲幾日😃…Read More