來福樓 (Closed)

【首篇食評】已經幫襯過呢間小店幾次，每一次都好好食，捧腹而走，但可惜可能係因為位置不算坐落大街，每一次去人客都很少，甚至我同屋企人去都可以包場😂😂眼見疫情已經維持多月，實在唔想咁好食既餐廳維持不下，就有想係呢到同大家分享一下有幾好食！大家一定要試試！第一碟：湘式扇香骨唔好睇佢充滿乾辣椒就以為實好辣但絕！對！唔！辣！ 岩晒食唔到辣但又想試下呢類菜既朋友扇香骨— 顧名思義 每一塊肉真係切到好似一片薄扇咁，肉質軟林，容易入口一到食果陣大廚仲出黎介紹d乾辣椒可以用黎送麵食，別有一番風味！🥳第二碟：東星二食 — 翡翠炒斑球其實本身餐牌係用大龍躉，之前都食過係好食既點知今次落單時大廚心血來潮話用埋條東星斑黎整比我地食，果然水準一流！第三碟：涼瓜炆斑腩（東星斑）呢味餸好豪😂😂😂都係第一次食東星黎做炆斑腩😂😂😂好似講到好誇，但係食落係連斑腩既魚皮都係好食😂每一食完都好飽好滿足，希望可以繼續食到呢d咁有特色既菜式啦！…Read More

朋友食過話好食 今次帶埋我地幾個一齊去食價錢適中 唔算太貴唔算太平服務態度幾好夾埋朋友幾個人 就可以食多幾樣餸一打開個餐牌 就可以發現晚市推介就見到唔係常見嘅小餸好多種冇見過嘅私房菜睇個菜名就覺得特別 每道都想嘗試(⊙v⊙)最後叫咗好幾道 其中柚子大蝦球 海苔九肚魚 王牌欖角骨 想再次番叫嘅！！！！！！！大蝦球 🦐🦐🦐幾乎次次去餐廳晚市都會點 多數係沙律味呀 酸甜汁呀 果d今次見到係有柚子 特別咁想食大蝦球 炸粉薄 炸到外面鬆脆 裏面蝦仁仍然鮮嫩彈牙配埋外面個柚子汁 酸酸甜甜 柚子皮少少甘 帶d清爽令依度炸嘅料理 一d都唔膩一口接一口咁食！！╮(￣▽￣"")╭海苔九肚魚🐟🐟🐟我好鍾意食九肚魚 今次係海苔味每一條九肚魚外面都包住紫菜去炸別有心思最令我驚喜嘅係 咬落去發現冇骨㗎❤️❤️平時啲九肚魚有骨 骨唔夠軟嘅話即使啲肉有幾嫩 食落去就好似有渣咁冇骨嘅九肚魚 重滑過豆腐咬落去外面脆卜卜 帶有紫菜嘅鹹香味裡面熱辣辣滑捋捋 超好食欖角骨🦴🦴🦴欖嘅鹹香味 深入舊骨度肉仍然好嫩 d肉汁鎖住喺裏面令人忍唔住送飯食份量都幾足每人A A百五蚊有找 飽到好滿足下次會再嚟幫襯٩(˃̶͈̀௰˂̶͈́)و…Read More

很難得在香港看到有八寶鴨食，這是需要預訂的，因為師傅需要時間預備單單煮已經要花一時時以上，加上當中不少材料要預先準備，簡直是一道功夫菜，菜一上香氣撲鼻，份量十足，當中有綠豆、栗子等等很多料，我都數不清，鴨肉亦十分入味，不會太油膩，看得出師傅花了不少心機，十分推介一嘗，特別是做節一流選擇。而且老闆們用餐時亦十分熱情的把餸菜分給食客們試，服務態度一流，而且風趣幽默。另外我亦點了海苔九肚魚，本人本來不太喜歡食魚，但都食過不停，一點腥味也沒有，滑到好似豆腐咁，而且十分香脆，加上師傅把魚骨都整條起了出來，一點魚骨都冇，十分適合氹小朋友食魚，不怕有魚骨。還有奇味雞煲和招牌欖角骨亦是非常出色，不過忘記了拍照就已經食掉了....遲點做節食飯亦打算在這訂，因為老闆說想要特別菜式亦可提早商量。聽老闆說房間有Ktv和電動麻雀枱機，朋友聚會感覺來此玩比去k房更好起碼有好野食…Read More

天氣轉涼好想食羊腩煲，行行下見到呢間有位又有得食，抱住試下嘅心態就坐底左😬第一個感覺係職員全部都好有禮貌，好nice，呢樣係街坊中菜館難得一見嘅，立即已經加分❤️一坐底就點左最想食嘅羊腩煲，跟生菜一碟，之後姐姐推介今日例湯係西洋菜煲生魚，之後加多碟欖角骨羊腩煲份量都足，配料又多，湯黎之前先上湯渣，估唔到湯渣有驚喜，煲湯嘅肉好香好食，唔記得影相就食哂，不過個湯兩個人飲真係太多，建議三人或以上先好點😅欖角骨上碟熱辣辣，脆脆甜甜好好味，個人好怕食呢類骨會好韌，呢個完全無呢個問題，肉好爽口🤤食完飯仲送左件桂花糕俾我地食☺️總結：今餐飯食得好開心，因為職員都好好，會主動添湯，用餐中途聽到有食客話有老人家黎，職員即刻就將最近門口枱轉做大枱方便食客，今時今日咁嘅服務態度真係好難揾，值得一讚👍🏻…Read More