來多碗車仔麵 (康寧道)

昨天到了觀塘區，來到康寧道一間叫來多碗吃車仔麵，叫了幼麵，蘿蔔，九菜，豬皮，豬腸，鱼蛋，雞翼尖。五十幾元，另加了辣汁，此辣汁不會辣，是惹味，喜歡味道重一點可以一試。另蘿蔔非常入味，没有渣，其它配料味道不錯。致於環境一般，衞生可以，梳化用了红色為主，進入店後，我個人有一種温暖感覺，還有店員送餐。總括來說，是一閒觀塘區不錯車仔麵店。…Read More

呢間舖頭嘅鋪面都算乾淨，坐位比較多，都坐得幾闊，兩個人都可以坐一個4人卡位。首先喺舖頭嘅門口排隊叫嘢食，即刻俾錢嘅形式。呢種形式都有個好處，係可以即刻見到嘢食嘅樣貌，再諗吓自己想食咩。我叫咗通菜，豬耳，冬菇，魷魚，豬腸。佢嘅量都算多，每樣都唔少，而且味道都夠嘅。我覺得魷魚唔錯，有少少甜甜辣辣嘅感覺！佢個湯底都算係熱嘅，呢樣都重要！湯底嘅味道就還可以，佢係有味，但係唔係好好飲嗰隻。佢個價錢都算抵食，咁大碗咁多餸都係叫咗50幾蚊！間唔中經過都可以再食。…Read More

今日特登返嚟呢間車仔麵，好耐冇食過一間車仔麵湯底咁好味呀！豬紅同豬腸都整得好林好軟熟，今日連個面同湯底都飲晒，食返我細個時候嘅風味，舖頭裏面都好乾淨，好多車仔麵舖都做唔到嘅湯底…Read More

外賣會分湯上，呢個值得一讚！！！！！！！本身都算係食得辣，第一次叫呢間外賣，費事太辣，所以叫左中辣米線。打開都見到一大pat辣椒醬，但食落好似無乜feel。見到個袋話秘制辣醬，仲以為會好勁，所以有少少失望。…Read More

今日突然想食車仔麵, 知道舊區呢邊有幾間車仔麵都幾好食同好出名, 今日試呢間先, 下次試喺斜路另一間, 行到過都1:20左右唔駛等位, 喺門口叫咗野食先, 之後坐埋位有人會攞餐嚟牛肚墨魚丸麵 - 牛肚好入味而且爽口, 墨魚丸彈牙雞翼魷魚蘿蔔米線 - 雞翼嫩身入味, 蘿蔔要講一講, 份量十足又大件, 一條大蘿蔔呢到起碼有2/4 舊而且冇根又入味滷蛋蘿蔔魚卷河 - 河粉好快就吸晒水, 最後變到加底咁食唔晒, 魚卷都好食總結 : 呢到裝修過環璄變得比以前乾淨, 而食物份量一啲都唔慳, 又抵食又好食…Read More

心血來潮想食車仔麵，上網搵一搵觀塘區有乜車仔麵，發現來多碗算係最多推介。不過佢嘅分店周圍都有，唔使特登嚟觀塘。晏晝三點去唔多人，比起平時嘅車仔麵檔算係乾淨，可能因為新開張冇耐。而且佢有另外提供竹筷子，雖然冇講環保但係算係衛生。不過我見到阿姐收完錢走左去收碗，疫情期間，唔知會唔會交叉感染。見到大家推介佢嘅豬紅同埋豬腸，咁我就試吓。覺得唔差，起碼冇腥味，略嫌鹹咗少少。牛腩普通。蘿蔔入味。見佢咁大羹辣醬以為會好辣，不過食落又唔辣，仲幾過癮。四餸面$42, 牛腩同埋豬腸都要另加一蚊，total$44不過我發現可以用OpenRice嘅平台外賣自取。四餸麵就$43，但係牛腩牛肚豬腸魷魚都唔使另加錢。所以如果你叫齊晒啲要加錢嘅餸變相OpenRice仲平啲…Read More

因疫情原因，好耐冇幫襯，連舖位搬前了也不知道，去到才發現，我選了粗麵，以前好似係有2個麵餅，宜家得1.5 個，但淥得唔夠時間略為硬了點，豬腸全部幼的仲要剪定成碗，唔夠淋比較un，以前係人客叫，員工先原條夾上來剪開，魷魚以前用大條嘅，宜家全部細細，明顯將貨就價，豬皮無乜特別，佢個辣就冇變過，好香帶小小甜，非常好味，但整體來說唔會再去，因為我寧願你收貴啲，做好啲，材料同返以前咁，宜家唔拖唔水，唔知想點咁！失望…Read More