Laiduoke

午餐沒有什麼特色食品,選了較普遍的葡國雞飯，因為葡國雞下限高,上限低，比較安全,就普通貨色，味較淡，不過不失特飲免費，因此試了特飲,特飲不會寫在餐飲上，需要詢問才告知本日特飲是什麼,今日特飲是提子綠茶，就是利斌立沖淡,喝不出綠茶味，不算太甜,環境比茶餐廳好1點,午市人不算多,葡雞加特飲總值$54，這價錢至少比3大快餐便宜和坐得舒服,僅予合格…Read More

第一次見到海南雞飯係俾薑蔥油同埋泰式辣醬😅😅係咪真系分唔清海南雞飯同白切雞飯嘅分別？？？你地廚房做完出黎自己覺得呢個似海南雞？？菜飯冇味 白飯都好難食😅😅😅😅😅劣質到死80蚊食一碟難食到西嘅白切雞 我仲不如去求其搵間燒味40蚊便靚正😅 80蚊 俾d全部係骨 雞頸 仲要唔俾轉雞脾😅大家都唔好黎食 飯全部都係軟 好痴牙唔知食緊啲咩我男朋友不嬲都好大食 就算食到難食嘅嘢都會食曬 但呢間嘢真系食唔落口 唔好黎食呀…Read More

價錢普通，海南鮮滑雞飯好差，不是第一次叫這個飯，但係今次餐廳俾客人的肉全是雞胸，雞翼，雞完全無味，已經轉左白飯，因為菜飯好油，呢間餐廳唯一係坐得比較舒服，但係食物零分😤 …Read More

蕃茄醬淋到成碟飯都係，唔想食，加碗白飯要收12蚊，塊雞扒好大陣雪味，好難吃，甜品落單講要熱嘅，上來係凍嘅，明明間舖頭無乜人，但寫單嗰個服務員問多一句都好唔耐煩，態度好差。…Read More

拎8人飛完全唔理，有4人＆6人枱唔識執位，不斷放2人坐4人枱，4人坐6人枱，重要係全部係之後取飛，跟住拎兩張4人飛立刻有位，都叫唔到8人，樓面唔識執位就搵人培訓下啦⋯⋯…Read More

大熱天時，無咩胃口及食慾。隨便在街上閒逛，見到餐廳樓底夠高又開揚，座位闊落，決定試試。從午餐內選了湯飯，嚟到後，有驚喜。一般坊間湯飯都勁胡椒，想必去凍肉雪味，但此家沒有胡椒味(起碼食唔出)，湯飯內餸量十足，滿滿一碗，十分滿足。加上冷氣夠大，暑氣全消。值得一讚， 好 ！…Read More

星期四我準備在「鑽石山」「鳳德商場」購買外賣自取晚餐「咖喱牛腩飯」食品之前，嘗試經過「鳳德商場」行人天橋通道，前往「蒲崗村道」對岸的「環鳳街」，找間一般「鳳凰村」的港式茶餐廳食店享用下午茶。這間位於「鳳凰村」的港式茶餐廳食店實際名稱，叫做「來多客」，我之前也曾經在「深水埗」，光顧過一間名稱很相似的港式茶餐廳，餐廳的名稱叫做「來多客餐廳」。事實上「來多客餐廳」跟「來多客」都有名稱相似，味道也十分相似的食品和飲品，例如「水果乳酸」飲品，我就曾經在兩間餐廳裡面遇見過了。今次我跟上次在「深水埗」「來多客餐廳」一樣，同樣選擇了享用「水蜜桃乳酸」飲品，不過今次發現「來多客」「水蜜桃乳酸」飲品味道，偏向比較重「乳酸」裡面的酸味，相反不是太能夠喝到飲品裡面的「水蜜桃」甜味。至於「來多客」食品方面，今次我選擇了享用，享用「來多客」下午茶時段裡面的「東灜白湯拉麵」食品，「來多客」的所有「東灜白湯拉麵」食品實際價錢，大概在五十六元至六十二元之間，食材以豬肉、鴨肉、海鮮為主。我選擇了享用「豬軟骨拉麵」，「豬軟骨拉麵」的主角「豬軟骨」實際製成品色澤偏向比較白，感覺不像曾經利用醬油，或其他調味料醃漬「豬軟骨」和慢煮過的樣子。「豬軟骨」裡面的「豬肉」實際口感算是被煮得頗腍的，只可惜「豬軟骨」裡面的「軟骨」實際口感感覺還是炆得不夠腍，不能夠像「豬肉」那麼入口即融。至於「豬軟骨拉麵」底層的白色色澤，疑似是「豬骨湯」湯底實際味道感覺不算非常甜，反而「豬骨湯」裡面鹹味的感覺，稍為遮蔽了「豬骨湯」原本應有甜味。至於我另外選擇享用「來多客」的「悠閒下午茶餐」食品裡面，今次我選擇享用港幣三十八元的「羅宋湯牛肉公仔麵」，配上套餐飲品「凍奶茶」。相對於「豬軟骨拉麵」奶白色「豬骨」湯底裡面的鹹味，「羅宋湯牛肉公仔麵」「羅宋湯」湯底裡面的味道相對比較酸，和有少許的辣，感覺跟「豬軟骨拉麵」裡面的鹹味很不一樣。至於「羅宋湯牛肉公仔麵」裡面的「牛肉」實際份量，大概有八、九塊左右，「牛肉」裡面的口感算是被煮得頗腍，而且「牛肉」裡面沒有筋，整體上感覺「牛肉」不難咬，不難撕開，也不算難以咀嚼。而且「羅宋湯牛肉公仔麵」裡面的「羅宋湯」實際鹹味，沒有「豬軟骨拉麵」「豬骨」湯底那麼濃厚，「羅宋湯」沒有令「牛肉」味道變鹹，配合甜味尚可的「奶茶」，整體味道感覺比「豬軟骨拉麵」「水蜜桃乳酸」好得多。我想我下次光顧「來多客」，應該不會再享用「豬軟骨拉麵」和「水蜜桃乳酸」，相反「羅宋湯牛肉公仔麵」和「奶茶」整體味道更易適應，下次光顧還是享用「羅宋湯牛肉公仔麵」配「奶茶」好過。…Read More

見到呢間門，門面覺得好大陸諗咗一陣，不過見到佢有咁多選擇，就畀個機會佢啦，點知都幾有驚喜喎Lunch已經有7個餐，最有驚喜係佢餐飲唔係平時得平時嘅咖啡奶茶，仲有糖水揀呀我就叫咗個凍綠豆沙，都唔錯，唔太甜我幾鐘意，而且唔會凍到冰咁。至於正餐我就叫咗xo 醬乾炒雞絲河，可能即炒關係，我等到同事碟炒飯差唔多食晒先到不過一嚟到，已經聞到陣陣嘅xo 醬香，望落去真係炒得幾乾身，唔會痴埋一舊舊，又唔會油淋淋，幾好食！有驚喜呀。…Read More

昨日（1/10/2020）來這餐廳下午茶，下午茶餐牌一有多款選擇，點了二份下午茶餐T4法蘭西多士及T43楊州炒飯西多士內有足料花生醬，好味楊州炒飯，份量不似下午茶，超大份量，餡料足，蝦，火腿，叉燒及蛋很多，炒得剛好，粒粒飯分明，味道亦很好味，原本點奶茶，細看餐牌，原來可點糖水，有凍西米露，馬來咋喳，椰汁黑糯米，海帶綠豆沙，除西米露外，其餘的糖水可選凍或熱。以T4法蘭西多士，只需$32，配椰汁黑糯米，不用加錢，真是抵，糖水店一碗糖水，都要二十餘元，再講，糖水有水準，不太甜，好食。…Read More

今朝決定同家人行獅子山，行山之前當然要食飽早餐先出發啦。我哋經過來多客，見唔使等位就入咗去。來多客有個好處，差唔多全部都係卡位，減少同其他顧客有密切接觸，空間感十足。白菜豬肉水餃米線$36- 米線份量好多，有三粒餃子，仲送咗好多椰菜，我叫咗炒雙蛋，原來炒蛋唔係滑蛋，不過都好大份，食到最後都食淨少少米線，餃子就正常水準。香煎豬扒公仔麵$36- 太陽蛋同午餐肉煎得好靚，豬扒醃得入味，可惜比湯浸淋晒，如果用碟另上應該會更加好味。$36茶餐廳早餐連埋飲品食得夠飽，唔錯！:)…Read More

鮮茄蛋花肉片泡飯 $50好中意食暖笠笠嘅野呢度個湯飯不過不失 湯底唔會話好重味精嘅不過就啲飯用隔夜飯 好多痴埋左一舊但我自己係食飯都偏中意食硬飯 所以接受到同埋都幾大兜 算係咁…Read More

在屋企附近吃個晚飯，平時星期一至日晚上萊多客門口總站滿了等枱的人，現在晚上真的很少人出街食飯。見我有帶住小朋友即時送上兒童餐具，服務態度真係好好好。萊多客最特別就是餐飲轉糖水，可轉 椰汁西米露/椰汁黑糯米/ 馬來喳咋/海帶綠豆沙，樣樣都試過曬， 樣樣冷熱都好味，因為佢好多餐都有餐湯，所以我多數都轉糖水。日式雜錦湯烏冬- 阿女指定要食烏冬，雜錦包含鴨胸，椰菜，叉燒， 基本半隻半熟溫泉蛋木耳，粟米粒，紅蘿蔔絲，木魚，包食得飽。皇牌百搭鐵板扒餐 黑椒雞扒 大件，好食， 雞肉滑，唔太肥吉列豬扒好脆口，易咬，好似食炸魚柳鐵板送上時，掛住影相， 等到淋黑椒汁時無左＜沙＞一聲，而且黑椒汁份量都唔係好夠。…Read More

因為原先想去嘅餐廳太多人，所以諗住喺旁邊求其搵一間食得飽個肚就ok，但係估唔到呢一間餐廳啲嘢食質素都ok喎👍比我想像中好，而且嗰啲咖哩牛腩真係煮得好入味👍唯一就係人流太多，服務員太少，基本上嚟嚟去去都係得嗰三兩個人，根本招呼唔曬咁多個顧客。所以淨係落單都等咗好耐，好在啲嘢食嚟到都唔失禮而且員工態度都可以接受所以整體嚟講呢一間都係算高質嘅茶餐廳。我唔係住開嗰頭，但如果嚟到肚餓呢一間餐廳我都覺得可以係一個選擇。特別係而家嘅茶餐廳做啲嘢出嚟唔hea真係好難得, 所以值得推介畀大家。…Read More

來多客下午茶供應時間係14:00 至 18:30，我同朋去6點幾去到仲有下午茶叫當然叫下午茶黎食啦，一黎食平D，二黎來多客下午茶都算多選擇。每款下午茶均配熬茶啡/凍椰汁西米露/馬來咋喳/椰汁黑糯米/海帶綠豆沙 (凍飲+$2)店內係卡位設計，坐得舒服唔會逼。環境清潔整齊『楊洲炒飯』+凍檸茶 $47炒飯足料，蝦大大隻，飯炒得粒粒分明。唔油。『干炒牛河』++熱咖啡 $45牛河較為油，但好香，足料咖啡，香濃 (糖自已加)總體黎講雖然係下午茶，但係都好大碟，抵食食飽7點幾就黎8點，晚餐唔駛食lu 真係好飽。…Read More

星期六下晝去來多客餐廳食下午茶餐，全部都幾平，區內餐廳唔夠佢鬥，環境舒適，最抵食係個糖水糖水幾好味，特別係椰汁黑糯米同馬來咋喳都唔錯，下次要試埋佢其他茶餐，睇落都唔錯！…Read More