來多客餐廳

以前成日去來多客開餐，喜歡佢坐位濶落，侍應服務殷勤，食物比一般茶餐廳好味。但冇去一排，今晚再去幫襯，可惜是食物質素下降，有個男侍應（高高戴眼鏡的）幫我哋點完餐轉身時，我哋想改一改嘢，隨即叫番佢改，佢只係行咗兩步就扮聽唔到，叫咗兩聲唔應，第3聲先拎轉頭望一望我哋，然後就繼續行開，另一個女的過來幫我哋改單，又幫佢解圍話佢聽唔到。之後聽到前面帶黑口罩既收銀細細聲講：講聲改咩咪得囉！我們坐佢後面聽到哂，但冇話佢費事同佢嘈。雖然我們冇期望在茶餐廳會得到什麼優質服務，但咁既服務態度，真係請我都唔會再去。…查看更多

每次黎到，都好鍾意食呢個鐵板扒餐，可以揀2 款扒，仲有飯 / 意粉，另外仲包大大碗湯，蒜蓉包，仲可以揀湯水，每次都係叫冰凍綠豆沙嘅。次次都一定食哂哂，唔駛加一都係$72，超值呀…查看更多

來多客餐廳，位於深水埗元州街154號地舖。 餐廳座位寬敞， 服務有禮。 菜式款式多，晚餐🥢 ～ 鐵板扒餐 ( 巴西豬扒、鮮嫩牛扒) + 羅宋湯+蒜蓉包+ 喳咋 $70 、 惹味沙薑雞+油香飯+油菜+ 中湯+海帶綠豆沙 $70。 🔸鐵板扒餐 ( 巴西豬扒、鮮嫩牛扒) ～ 可以任選兩款扒， 我揀了豬扒和牛扒，兩款都軟嫩配上蒜蓉汁，味道更佳， 薯菜份量亦多，非常豐富。 🔸羅宋湯+蒜蓉包 ～ 羅宋湯酸中帶甜， 配上香脆的蒜蓉包，美味雙拼。 🔸惹味沙薑雞+油香飯 ～ 沙薑雞嫩滑美味，整道菜充滿濃郁的沙薑味。 🔸油菜 ＆中湯 ～ 有油菜和中湯， 兩者都幾好味。 🔸海帶綠豆沙 & 喳咋 ～ 套餐仲可以選飲品或糖水。 餐廳性價比高， 價錢親民。🏷️溫馨提示～ 整個用餐體驗均屬個人分享意見， 只作參考😊。 …查看更多

呢度晚餐都係五字頭價位又成日換款式絕對唔係頹貨跟餐係送糖水平時糖水舖都要賣廿蚊啦同埋d員工落力做野 認真做事不過OpenRice好少正評我覺得要幫幫佢地同埋香港嘅飲食野要學下佢地唔好再整劣食出嚟…查看更多

來多客喺深水埗元州街多年，我覺得最大賣點就係啲位夠闊落，通常都唔使等位，除非你係超繁忙時段，杯碟碗筷都係乾淨，食物質素多年來都係不過不失！今日食咗豬扒包配糖水，佢有樣幾特別嘅嘢就係飲品可以轉糖水，喳喳 或西米露都係唔錯選擇！今日揀咗豬扒包配熱喳喳$40，雪菜鴨絲炆米配熱咖啡$51。兩樣都係正常嘅味道，唔會有太大驚喜，我覺得如果做學生係呢間餐廳食幾抵，因為佢有張叫「飯飯掂」嘅餐單，着校服可減$6🤣🤣🤣🤣仲有佢下午茶係去到6:30 ，我都有試過收早6:00衝入去食個下午茶飯餐做晚餐，平價之選！…查看更多