佳記小食 (Closed)

個日經過見到有小食買...就走左去食= =見到d3寶好正....d魚旦又彈,,,再食埋包魷魚鬚好脆...hot 的@@值得食^^…查看更多

d呀姐態度真係唔得!!有次買左串魚蛋,比$20,請佢幫我唱散要$2,因為之後要搭車~唔知個阿姐聽唔到定點,冇幫我唱到,我就再叫佢幫我唱啦,佢就話叫我去隔離賣魷魚果度唱,但係係佢面前有成碗散銀...我就行左過去啦,另外果個阿姐好惡咁話"冇幫襯我,唔唱架!!"我果時已經嬲,我係有幫襯架wo,而且都唔使咁既態度呀!我就過番去賣魚蛋果個阿姐果度,佢終於行幫我唱,但仲要係口up up起度話:真係麻鬼煩,左人發達...."我忍唔住話佢:幫襯左你地咁多年,咁既態度,點做生意!!!!???"之後都冇再幫襯啦,呢間野太自以為是啦!!…查看更多

男友放假去荃灣行下身為女友既我當然要做足功課啦見黎間既魷魚鬚咁正當然要黎試下啦1去到見到得返小小魷魚鬚我就叫男友唔好買住過左唔夠1分鐘就有新鮮岩岩炸起既魷鬚啦買左1包細既12蚊都唔錯有好多條同埋唔會好膩另外仲叫左香辣魚蛋哇真係辣啵平時食開辣魚蛋既我都要飲返DDD水先唔錯既辣魚蛋呢-V-…查看更多

尋晚(27-10-2009 Tue)同男友食完漢堡餐後,因為重有杯雪碧未飲完要拎走,但天氣清涼,男友之前又飲o左o野,飲唔落,於是…..靈機一觸,不如’篤’魚蛋食咯.行到o黎,我見到有牛丸,就話要一串牛丸同一串唔辣魚蛋,盛惠$14.00.畀o左錢,等佢整返熱就有得食喇.$8.00一串四粒o既牛丸,大大粒,係黑椒牛丸,好彩唔太辣,牛丸唔太’o鞋’.而魚蛋就一串六粒,細細粒,味道尚可但唔彈牙.服務:雖然只幫襯十零蚊,男友又畀100蚊佢找,但都好有笑容,好有禮貌,唔錯.…查看更多

一向係佳記的擁躉~所以上年佢加價...5蚊串魚蛋變左6蚊...我都間唔中照食而且佢味道冇乜太大改變...都仲值得一食今次一食...極之失望魚強細粒左好多細左3分之1左右...平時唔辣嗰邊~有少少蒜香味今次...係有少少辣味...雖然佢仲有咬口...但已經今非昔比了~佳記第一次令我失望....唉...…查看更多

今天晚上吃了這兒的燒魷魚鬚了, 感覺上是很正呢!!!! 魷魚鬚的外型粗壯, 大大條的, 單是外型已絕對煞食了. 十元一大串又幾抵食喎!!!!!! 魷魚鬚有咬口, 不錯, 不過我期待魷魚鬚附帶一種炭燒的味道卻沒有(大概是因為不是用炭來燒的關係吧!), 而且附上的醬汁也是怪怪的. 不過, 總括來說, 十元有一大串有咬口的魷魚鬚, 本人覺得已是不錯的了!!! 另外, 順帶一說, 這兒的辣魚蛋真的十分辣, 很惹味, 如你喜愛吃辣魚蛋就要嘗試一下了!!!! …查看更多

2.4.09成日都會行過呢度但係又未買過野食今日終於有機會了見佢D魷魚SO岩岩炸起前面有個人買, 跟住個阿姐夾左好多仲係咁塞入個袋呀@@出面比多條你都夾返出來啦之後我地又跟住買一包食哇....個阿姐又一樣係咁塞左好多入個袋, 勁開心呀拎係手時仲係熱辣辣架!! $12一包都合理呀D魷魚SO又粗又長, 不過又唔算韌, 仲咬得開啦個炸皮幾脆, 又入味, 唔係炸到成舊粉咁不過油就比較多啦可能賣得快所以成日都有炸起既魷魚SO拎出黎唔會撈亂之後擺D新炸既起底好熱好味好多魷魚SO, 好抵呀…查看更多

佳記, 每次來親荃灣必去既地方, 魷魚SO 真係好正好正, 唔似其他鋪頭咁一層厚炸粉, 佢只係薄薄既一層, 但又勁香勁脆, 唔會太咸~ 又唔會無味 准鹽份量真係岩岩好唔知係咪我好彩, 去親都係新鮮炸起, 不過我見佢都好快又出一盤新既小食最佳首選PS 我記得旺角家樂對面都有間同名, 唔知係咪分店但個到既魷魚SO 同呢度既係無得比~一定係荃灣係呢間好食好多…查看更多

每次經過大河道的中心,總會見到一檔小食店門外人頭擁擁,每個食客井然地在檔口外面買小吃,而她的名字叫做"佳記小食".今次終於忍不住,停下腳步來感受一下,為何這間小食店,在區內也如此受歡迎.街邊小食店,來來去去也是賣魚蛋,魷魚,煎釀三寶等小吃,如果此店特別多人光顧,一定有其過人之處.當年小弟每次去旺角,路過興發球衣店總會屈入對面的巷仔,買一包炸魷魚鬚吃.記得此小店的炸魷魚鬚炸得極為香脆,面頭脆漿不厚,而魷魚鬚又鮮又彈牙,不知陪了我好幾個在旺角街頭閒逛的年頭,近年,此小店消失,不知道是否搬走或索性不做.總之,在其他檔口吃到的魷魚鬚,總不及這間小店好.佳記除有炸魷魚鬚之外,同是亦有燒魷魚鬚.大大隻字標名為紐西蘭,如果羊肉標明是紐西蘭,絕不是一件自傲的事,海鮮來說就不同,紐西蘭的海鮮,一向有質素,其青口更聞名世界.姑勿論魷魚鬚是否真正來自紐西蘭,眼見每條鬚也很拙壯,用燒來去演繹,更突出海鮮的鮮味.加了醬汁同吃,這串魷魚鬚,爽口彈牙又惹味.吃到一手都是燒汁,也置諸不理.另一邊廂是賣臭豆腐,又是大大隻字寫住"祖傳臭豆腐",現今街頭的臭豆腐不再臭,真是祖傳古早味的話,那咪發達?小弟企在檔口前,也聞到一點點臭味.看見這輪的臭豆腐剛好炸起,好,就來一件.個人吃臭豆腐愛加甜醬而不愛加辣醬,塗些醬後便放入口,豆腐剛炸起,當然新鮮熱辣.但吃下去就不覺得臭,係豆腐裏面的細孔不規則地散佈,吃落鬆軟,証明在發酵方面也不差.如果裏面是滑溜的話,不如改名做"黃金豆腐".真懷念小時候在街邊吃臭豆腐的美好時光,賣臭豆腐的小販,總是拿住擔挑隨地開檔,在遠處也聞到其"香"味,腳步自自然然朝著味道行走,$2一件的臭豆腐年代,比今天賣$8一件的好吃得多.時代進步,而令到街頭小吃味道退步,想起來,也不禁無可奈何.兒時的"臭"味,何處尋?…查看更多

特地跑來試小食, 要了牛雜跟蒜蓉魚蛋. 牛雜: 跟其他地方吃到的沒有分別魚蛋: 普通魚蛋一串, 跟其他地方手打的味道有天壤之別......結論: 普通小食店, 幫襯原因 地點 > 味道.…查看更多

又係住tsuen wan既朋友介紹我個人都幾鍾意食內臟...無錯．所以成日俾男友歧視雞子、豬潤、雞賢、雞潤、牛肚、雞心.....以至乳鴿潤都係我favor~但佢既牛雜我認為係全香港最好吃既!!!!!!夠味又大串!!!係咩都唔駛加．佢個味已經好濃好好食所以我入tsuen wan都會去食．每次都忍唔住要食2串 …查看更多

佳記魷魚鬚真係無得彈!!!!!!!!!!!!!$12一串..加埋佢d汁 好好味!!:(令人好失望既臭豆腐..離好遠就已經聞到d味..好似好正但係食落淨係得d油..完全唔好食.. $8唔抵!!…查看更多

椒鹽魷魚真的有大家講咁好味嗎??我只覺得退步了... 可能放得耐, 外層有點"un" 同埋炸醬好厚...:(反而佢地既炸大腸, 我每次行過都要食一串!又大又炸得脆, (不過我每次都會叫佢炸耐小小, 會香口好多!)加d甜醬同芥末醬, 冇得頂...!! …查看更多

過了極度0徒時間的一個早上, 離開荃灣時路過呢度, 見到一盤幾吸引的椒鹽魷魚鬚, 又口痕起來, 立即買一包 ($12) 一路行一路食.一包 size 都幾大, 內有 7-8 條魷魚鬚, 條條都粗過我隻手指公的, 真誇張... 魷魚鬚唔係新鮮炸起, 食落唔熱, 又唔夠「椒鹽」, 不過薄薄的炸漿仍然脆口, 魷魚肉好彈牙, 算幾鮮, 係幾好食. 不過 $12 一大包質素又唔錯, 係幾抵的.0黎開呢頭的話, 可以一試. 下次試試佢的牛什吧.…查看更多

以前未過馬路就聞到既係魷魚鬚陣味,d油好似炸過好耐咁,好難聞呢家就聞到陣臭豆腐味,但唔駛問阿貴,肯定唔好食,所以唔駛試舖頭都係賣好一般既野--臭豆腐,牛雜,魷魚鬚,碗仔翅,魚肉湯,多春魚,但味道真係好一般,一d都唔覺特別好食.最希望佢快d搬走,費事行過再要聞埋d臭油味.…查看更多