佳佳二姐甜品

個個整係識佳記糖水，我就去左佳佐二家姐果到食糖水啦，油麻地嗰間就好多人都去過喇，土瓜灣應該少啲人去，又唔使排隊等位，味道一樣咁正！呢度四碗嘢加埋都係$114,平啦！薑煲得夠火候，帶少少辣夠醒神，湯圓皮軟滑，芝麻餡香甜，煙煙韌韌口感好好！再配蕃薯糖水，簡直一流，是佢哋架招牌糖水。杏仁糊夠香滑，芝麻糊夠濃郁，兩樣混埋甜得岩岩好，一啖落肚，綿密到入心！…查看更多

同兩個土瓜灣街坊朋友食完嘢，梗係要去Lee間出名糖水啦，油麻地嗰間就好多人都去過喇，土瓜灣應該少啲人去，又唔使排隊等位，味道一樣咁正！呢度四碗嘢加埋都係$114,平啦！1.薑湯煲得夠火候，帶少少辣夠醒神，湯圓皮軟滑，芝麻餡香甜，煙煙韌韌口感好好！2.薑湯夠薑香，蕃薯夠粉糯，甜中帶少少辣，配搭你好！3.杏仁糊夠香滑，芝麻糊夠濃郁，兩樣混埋甜得岩岩好，一啖落肚，綿密到入心！…查看更多

土瓜灣北帝街既呢間佳佳二姐糖水，之前係佐敦總站都有食過，今次去左土瓜灣分店，佢呢度既裝修同佐敦總店個間係差唔多，都係用左一般傳統糖水既裝潢，木枱同埋木櫈，地方都好乾淨，同埋糖水既價錢都算合理。今次入去試左佢呢個老薑蕃薯糖水，28蚊，個薑汁都好濃，好夠辣味，唔食辣既人 可能真係未必食到，食完係覺得個身暖左，仲流埋汗添。另外啲番薯都有原味，都食到係新鮮嘅黃心蕃薯，不過有個少少建議，如果可以切細舊啲番薯就更加好。…查看更多

有幫襯開佳佳佐敦總店，由佢入選米芝蓮，米芝蓮死亡之吻被迫搬鋪，被小紅書追捧，到而家回歸由治入興狀態。 一直好想支持呢類唔靠花巧野，而靠質素取勝嘅傳統中式糖水舖。偶爾見到土瓜灣開左間佳佳二姐，雖然冇認真考究佢同總店嘅關係係點樣，但都即管入嚟試下。試咗個杏仁糊。 杏仁磨得好細滑，入口有香濃嘅杏仁味。 甜度適中唔會搶咗杏仁味。 質感稍稍偏薄，但仍屬於可接受水平。整體感覺，都對得住佳佳個名。 而由於位置，就多返一份街坊味。 得閒都可以嚟支持下。…查看更多

當晚冬至唸住買兩碗糖水番屋企同老公應下節，熱綠豆沙+湯丸，熱芝麻糊，+湯丸，番到去打開食咗一啖瀨嘢，有西米露。。本人好討厭食西米露，佢餐牌寫係百合綠豆沙無唸過會加西米露，老公個芝麻糊又稀到乜，呢間無下次。。我最後係有打電話去同商家講，問佢哋做咩加西米露又唔標明，我話其實有啲人係唔食西米露嫁，我要食西米露就揀西米露糖水啦，綠豆又無幾多粒，佢仲問我有冇食過佢哋啲紅豆沙，我話無，知道係咁食過一次唔會再幫襯，佢哋話會標明番綠豆沙有西米露喎。。。。。。。。。…查看更多