你當我是羊渣吧

今晚收工唔想煮飯，就即刻叫咗外賣返屋企～👀早排朋友推介咗一間專賣羊肉麵嘅小店，話夠晒地道，我都忍唔住試吓！叫咗招牌羊渣麵同韭菜豬肉餃子🐏～湯底濃郁但唔膩，暖笠笠好滋味。羊渣炆得夠晒入味，完全冇羶味，配埋粗麵條，咬落去好有口感，真係超正🤤餃子可以揀湯餃或炸餃，我揀咗即炸嗰款，外皮香脆，裏面餡料超足，有啖啖韭菜同豬肉😍 仲有佢哋自家製嘅餃子醬，帶少少腐乳味同微辣，點嚟食超級夾！外賣包裝好整齊，送到仲係熱辣辣，冇走味～CP值超高💯夜晚唔知食乜？呢間小店真係值得一試！ …Read More

特色風味辣香濃郁羊肉羊渣麵湯頭以豬骨及其他材料長時間熬煮，入口濃郁而不膩。配料都好豐富，有羊肉片，無羶味且保留嫩滑口感。羊渣，即羊肉碎，炒至酥香脆口，有嚼勁。另外仲有腐竹，吸滿湯汁好入味，娃娃菜亦清甜爽脆。麵底揀左上海麵，掛湯力強，仲可以自選辣度辣，不過我唔食得辣就走左辣😆另加配左韭菜餃子，配埋豬骨湯底好正。龍眼花旗參蜜，呢款係自家製，補氣生津，而且少甜，不錯。…Read More

比食評呃咗真係好難食食咗一啖就放棄所謂嘅係灣仔碼頭水餃總之就好難食啦差差差差差差差差差差差差湯底又酥又奶千祈唔好試 試左一定後悔嘢飲仲要勁淡 一啲味都冇浪費時間同一個lunch既金錢…Read More

  呢間店已經成為咗我哋一班朋友嘅聚腳點，每次聚會都會叫佢哋嘅外賣餃子！無論係食物定服務，都令人非常滿意。佢哋嘅手工煎餃子真係太吸引，皮薄餡多，煎得香脆又唔油膩，就算外賣送到都保持到水準！🥟 每次食都忍唔住要encore，仲要推介俾身邊嘅朋友，個個食過都話正！絕對係我哋聚會嘅必備之選！  …Read More

呢間店已經成為咗我哋一班朋友嘅聚腳點，每次聚會都會叫佢哋嘅外賣餃子！無論係食物定服務，都令人非常滿意。佢哋嘅手工煎餃子真係太吸引，皮薄餡多，煎得香脆又唔油膩，就算外賣送到都保持到水準！🥟 每次食都忍唔住要encore，仲要推介俾身邊嘅朋友，個個食過都話正！絕對係我哋聚會嘅必備之選！…Read More

今次同朋友行過呢間羊餃麵，試咗下，真係唔錯！啲羊肉餃子味道濃郁，啖啖都係鮮香，皮薄餡靚，完全啱我口味！羊肉麵都好正，湯底濃而不膩，食完仲回味緊！服務又好，店員好nice，真心推介畀啲同我一樣鍾意食嘅朋友，保證唔失望！終於搵到一間啱晒我心水嘅羊餃麵店，下次仲要再嚟…Read More

味道唔使講，已經好味，服務態度仲係超正！員工好nice又貼心囖，每次嚟食都好開心。點餐或者拎多啲調味料，佢哋反應好快又做得好，呢啲服務真係要畀like！好希望其他鋪頭都能做到呢點 …Read More

呢啲手工煎餃子真係好正！每次都即叫即煎，啲肉汁好鮮甜，食嘅時候啲汁都溢出嚟，真係滿足到不得了。餡料豐富多汁，唔會太鹹，食晒成碗都唔覺得膩。煎餃外皮香脆，內餡軟嫩，口感真係一流，好似咬入去就會爆汁咁，真係忍唔住想再食多幾只。除咗食物好味之外，呢度嘅服務態度都非常好。每次嚟食都感受到員工嘅熱情同細心，真係令人覺得好舒服。無論係點餐定係要求多啲調味料，佢哋都好快手同細心咁處理，呢種服務質素真係值得讚賞。呢間店真係成為咗我哋一班朋友嘅聚腳點，每次聚會都會嚟呢度食餃子。無論係食物定係服務，都令人非常滿意。大家一齊食住餃子，呢啲手工煎餃子真係太吸引，無論點都忍唔住要推介俾朋友。呢次嚟食煎餃嘅經歷真係十分愉快，絕對會再嚟光顧！Highly recommend！🥟…Read More

呢間餐廳嘅麵仲係一樣咁好味，氣氛亦都冇變，依然好好。所有嘅小菜同飲料都令人非常滿意。雖然我今次只係叫咗碗羊渣麵，但係呢度嘅美食同服務真係值得五顆星嘅鼓勵！  推薦 …Read More

食過好多次了。食完會繼續繼續食。所以今次呢專登要留言，支持吓店長我都係紅磡街坊，紅磡呢本來呢都係一個美食城市，我都住咗喺度幾十年了。自己又鍾意食啲好特別嘅嘢，喺幾個月前，收工呢見到呢間店舖，係新開張。咁就試吓第一次啦。點知食完返尋味。因為自己本身鍾意食羊腩煲，不過如果自己食又驚食唔晒。但見到呢間店舖好特別啊，羊肉羊渣面。好吸引。佢啲羊肉即叫即炒，羊渣即叫即炸。新鮮滾熱辣。兩個字形容：好味！我繼續支持…Read More

我同太太行過路過。真係唔好錯過。見到個招牌啊幾鬼得意。跟住就試吓啦。細個豬油渣麵就食得多。羊渣麵真係第一次。跟住我就問店長，咩嘢係羊渣。店長都好詳細話俾我聽。原來唔係脂肪亦都冇內臟係用羊肉最好食嘅部位。炸到脆卜卜聽完店長介紹我流晒口水。依家喺香港呢都其實都幾少有羊肉食。平時食羊腩煲就食得多。依家天氣熱。店長都推介我有甜品食有個叫甜絲絲幸福冰粉。涼粉就食得多。冰粉我都係第一次食下次一定會再幫襯。我同太太都覺得整體所有食品唔錯幾好食…Read More

朋友介紹第一次食。同見到個名好得意 咁就試下。話說我個friend路過，又係見到呢間小店個名好特別，我住附近但係我都唔知開咗呢間嘢。跟住佢就試咗碗羊渣麵。食完跟住同我哋班friend講話呢間嘢幾好食。因為我哋成班都係吃貨。所以今日我就過嚟試吓啦。小店個老闆都好Nice。本生都鍾意食羊。估唔到呢間羊渣吧啲羊肉炒得啱啱好。火候夠個羊渣好脆口。👍🏻👍🏻👍🏻👍🏻果然夠特色！下次會再幫襯👍🏻👍🏻👍🏻…Read More

叫了一碗麵，湯已經有怪味，之後通知個紋身四眼佬職員，佢出來凶我話我唔識食野，當時我即時好火滾，之後互相爭持，紋身四眼佬指隻手過來狂鬧我，重想旭手打我，幸好附近有其他人過嚟禁住佢，碗麵真係好難食，而且環境很差，叫你放碗麵在污糟鐵箱上面食，食完重痾左好多次，呢啲咁餐廳等同垃圾，千萬不要幫襯…Read More

好搞笑，老闆行咗張枱俾我喺橫街到嘆麵， 我叫咗一碗「羊渣麵」加咗隻煎鴨蛋， 同埋一隻巨大餃子。 可以揀麵底，我揀咗上海麵～🙂我想羊渣脆啲，所以我就要求羊渣同羊肉分開，唔好浸湯上。 啲羊渣真係好脆口， 撈麵食好正，羊肉份量都多， 煎鴨蛋都幾特別，因為出面好少地方有得食， 我個人好鍾意食鴨蛋因為蛋味好濃， 而且營養價值高，同埋超大隻！巨大餃子佢只可以炸， 所以我就冇叫太多，叫咗一隻試下，炸得好脆，唔會成口油～ 仲有一定要 點佢哋嘅南乳醬💯💯💯最正係個格調🤣 而且舖頭係會播廣東歌， 一邊聽歌，一邊睇住啲人行嚟行去，一邊食住麵，好似去咗旅行咁！…Read More

區內新開的外賣小店，店名特別。Menu選擇不多，只有羊渣麵、兩款餃子、煎鴨蛋和特色飲品。羊肉羊渣麵($48)，選了上海麵，外賣分湯上，麵質保持彈性不過淋。湯底濃郁呈奶白色，都帶點羊味。羊渣是羊肉碎片連肥膏位炒到焦脆，羊油香四溢。羊肉羊渣兩種口感相得益彰。巨大胡椒椰菜豬肉煎餃(跟餐+$8)，的確大大隻餡料足，煎得香脆不太油，胡椒味濃加上秘製醬汁增添惹味。整體食物是不錯，不過款式太少，而且主打羊肉受眾面略低，感覺上較難維持。…Read More