余曉記上海包

Open Now

Now Closed

果日放工見到窩貼和牛肉包岩岩新鮮出爐!!窩貼個底好脆, 牛肉包d肉又調味得非常好 !! 煎包做得好好味!! 比起上海菜館的還要好味 !!仲有好多蒸包, 下次一定要試蔥油餅&蒸包~ 價錢又唔係貴,$4.5一個包, 仲見到師傅即場整, 起碼知道係新鮮料唔係大陸做定交黎, 有保證d呀ma ~

食物當然係熱先好食..鍋貼係我既首選, 好香, 上皮軟身,底皮脆..冇得頂, 你話香港邊度有咁好食丫...鍋X大王....差得遠0樂....牛肉包次次都唔捨得食0舊肉, 因為真係正 x 1000 但係個蔥油餅就.......唔係我杯茶....

第二年跑吐露港，還好，成績有點進步，很開心！跟大隊在附近吃得飽飽，回程的時候，見這裡有排小人龍。看見老闆在搓粉糰，老闆娘在掌樓面，大伙兒也在等出爐鍋貼。我雖然飽，但新鮮鍋貼的吸引力又一點不小，又等埋一份。要了兩隻吃吃，熱辣辣，非常燙手。皮軟熟，鍋貼底也是焦脆的，對辦。豬肉餡滲了不少韭菜在內的，加強了味道的層次，也不會吃得那麼膩。不過感覺上，上海鍋貼的餡是多一點，貼皮一點的，這裡的下得較「手緊」，作為點心來吃，很足夠了。六蚊兩隻，經濟抵食。一底幾十隻鍋貼，給大伙兒一窩蜂般搶購一空。下次來又看看有什麼新鮮煎/蒸起，就吃什麼。

好耐冇來過這兒買蔥油餅，星期日午飯前，跟妹妹路經此店，她說這裡的蔥油餅好好食，湊巧剛煎起了一底，便要了一塊，才知已加到$5.5，內心已暗暗說離譜，加上細塊、薄，塊蔥油餅更是淡而無味，一啲都食唔到有蔥同芝麻香，只知吃緊煎粉>.<

我指吃不完一隻餃子。先申報, 本人不甚迷戀餃子的。而隨著年紀增長, 量入而出的大前提下, 不太好吃的食物, 我盡量不會浪費我的消化能力的。常經過門口, 聞到好香, 好奇便買來一試。餃子皮太厚, 肉餡亦不甚出色, 令我再沒有吃下去的動力。於是, 餘下的半隻餃子, "醒"了運動量較大的男伴。

食過佢o既鍋貼好幾次﹐有兩次真係好好味﹐因為剛剛新鮮整起﹐底部超級脆﹐不過都係嫌佢皮厚o左o的﹐入面肉汁都好多﹐$5兩隻﹐熱辣辣時真係可以食三兩隻當一餐。所以好唔好食就睇有冇撞o岩時間喇。蔥油餅就麻麻地﹐新鮮整好o既都可能入得口﹐但如果擺o左o係暖箱入面o既就認真麻麻﹐暖唔夠熱﹐而且食落好似好厚粉﹐實實地。老闆/老闆娘賣包態度麻麻o架咋﹐好似一副「買就買﹐唔買就過主」o既樣﹐未見過佢地笑或講多謝﹐有時都幾討厭。其他包未試過﹐下次有機會即管食o下個牛肉包先。

之前未o係呢個位開既時候已經幫襯過(應該係o係對面大排檔), 之後唔見左幾失落, 點知原來開左o係對面~牛肉包又平又好味~(其實我唔知應該幾錢, 不過見佢三四蚊倒覺得好抵!)成日都會去買, 不過就好少試佢其他野~o岩o岩o係大埔谷見倒有人講起即刻過黎睇下呢度食評~估唔到冇好評~等我俾第一個啦~^~^

5月7日15:00在群記吃完那碗袖珍爽腩河後，經過這店聞到蔥油餅香味。餅放在保溫箱內，見賣相不錯，便要了一件。餅到手仍是熱，咬一口感覺香和脆，餅薄不算，細嚼下，香蔥和芝麻香味越食越有，油亦不會過多。HK$5.-唔算平。

佢本來係O係謝華記度擺檔，蔥油餅由$3.5加到$5，但依然係好難食，餅底過厚又韌，望落雖然好似好好味，但吃落又完全是另一回事，好在是夠芝麻香；其他包點則可以接受，試過鍋貼同豆沙包，鍋貼個底好脆，但餃皮也是太厚了，咬落肉汁尚可，但肥肉太多，吃一隻已覺溜~~~豆沙包餡太少，不過甜度適中，而且包皮都幾鬆軟。

此小店自製數款上海包點,餃子和蔥油餅, 款式不多過十款, 只作外賣, 不設堂食,中式包類通常都有帶少少甜甜的味道, 但此店製的包皮是沒什麼味道的, 但菜肉包的餡料菜肉鮮明帶有肉香而不肥膩, 餃子的餡料差不多只是菜量較少及帶甜, 煎得香脆, 較為失色的可說是個蔥油餅, 實實韌韌的, 不大好吃。