何B車仔麵 (Closed)

好耐無食過車仔麵了!祟潔街喜喜車仔麵質素唔錯，想話去幫襯，但女友小熊話北帝街新開咗間車仔麵想試吓，於是轉場去北帝街.門口招牌叫何B，但員工制服同落單紙叫喜一，上網睇睇原來唔係新開張，話何B已結業，現時再開張，但如果啱啱頂嚟做又唔改店名就好奇怪! 究竟叫何B定喜一呀? 好混亂!落單紙上餸菜選擇尚算多，連淮山麵都有提供.餸菜點咗午餐肉，魚皮鮫，牛栢葉，生炸豬扒，生菜，蘿白，冬菇，瑞士汁雞中翼，豬大肥，咖哩魷魚，當然要多蔥啦!重點有....1, 湯底清甜，唔係D普普通通清雞湯，相信湯底心機不少.2, 午餐肉太細件啦....其實.... 每款餸都偏少....3, 豬大腸係最出色，入味又夠冧.4, 我點凍菜密，味道太淡，要求加甜，侍應同老板都好樂意加甜，服務態度良好! 唔似得一家茶室，要求佢地加沙爹汁都俾說話我聽! 仲要沙爹牛得果兩舊牛肉! 偷工減料過份!5, 最後係價錢，同小熊幫襯開喜喜，兩個人都係約百二百三蚊，但今次埋單成157蚊! 隔離枱一家四口好似係老闆D朋友，老闆話新開張一星期，朋友專程落去新開張嘅店舖幫襯支持吓，四個大人埋單只係140蚊咋! 我同小熊兩個人埋單仲貴過佢地四個大人呀!小

一個人趕時間隨便食，入到去坐咗張二人細枱，因為趕時間已食得極快，幾分鐘後已食咗大半，呢個時候職員突然走過來問我可唔可以轉枱，我勁不悅地叫咗聲「下？」然後就唔理我意願拎走我碗麵。明明都就快食完，洗唔洗咁？未入門口嘅客就係尊貴客人一秒都唔等得，食緊嘅客人就係地底泥未試過食到一半俾人夾硬迫轉枱，極不尊重，永不回頭叫咗三個餸：雞翼、魚蛋、蘿白，都中上水平。但米線同個湯較差，而且一條菜都無呢下較失色。三餸麵+豆漿$51，正常價位食物整體正常，但服務態度極差，唔識尊重客人

經過試吓下午茶最少三餸先有嘢飲嗌咗水魷, 牛腩, 自家韭菜餃分量十足, 牛腩適中 d水魷都新鮮味道 6.5/10 個湯同個汁可以濃味d 5/10$46 市區價, 冇下午茶飲埋嘢就可能$60+

今次係第二次幫襯由於本人偏向鍾意食菜類，所以叫嘅餸都係蔬菜類係主。今次叫左四餸： 雲耳、冬菇、蘿蔔、韭菜餃  米粉餸同米粉畀得足料，無因為叫多餸而扣減分量韭菜餃有三粒，新鮮冬菇蘿蔔都鮮甜入味，蘿蔔有成四、五件，正雲耳就正常發揮埋單$50 

想食車仔麵但又唔想因為啲湯攻上塊面而食到滴晒汗，於是買左蘿蔔魚肉牛腩雞中翼腩汁撈米線，好好食既配搭魚肉係鯪魚肉黎，我知有啲人會唔鍾意食，我自己就還好，另外蘿蔔，雞中翼同牛腩全部都好入味，高質

見門面有d人起到等外賣，咁岩自己又想食車仔麵，就一於試下。點咗 ： 冬菇，蘿蔔，韭菜餃 米粉 再另腩汁同咖哩汁等咗一陣就有得食。湯底夠哂滾， 撈埋腩汁同咖哩汁，夠香又少少辣，好惹味。份量俾得夠哂足冬菇俾左4件， 味道夠入道夠淋蘿蔔都有成4,5件，清甜，淋，無渣。 值得去叫韭菜餃食得出係自家包，食落新鮮，大大隻， 多菜少肉比例我覺得好好食。米粉爽口另外鋪頭仲有提供菜脯， 夠爽脆夠辣，鍾意食辣不妨 試呢餐無叫嘢飲，埋單$40，以份量同味道絕對對得住價錢，仲有好食過後尾街另一檔車仔麵。絕對有下次

隨意見到有間車仔麵入去食。叫咗河粉，湯底叫咖喱，都幾辣，如果唔食得辣嘅人，就唔好叫咖喱。蘿蔔有渣，但係幾甜同入味。酸齋中規中矩。車仔麵價錢正常，唔係特別便宜。整體幾好食，之後去開土瓜灣都會再食。

同老婆試新野好食我叫左5個餸蘿白同炸貢丸片好正豬扒好大塊 即叫即炸老婆叫左4餸佢話食咁多間豬手豬紅依間最好食下次要叫兩份最得意係佢嗌果個淮山麵佢平時都係食開普通米線米粉諗住試吓新野第一次食佢話都幾掛汁份量都好多幾好食之後老婆話未食過炸韭菜餃叫左5隻試下 都係即叫即炸好有驚喜 非常足料個餃子皮炸得好酥脆個餡爆哂汁麵餸份量好足湯底我食腩汁，正正常常，幾夾車仔麵我老婆就食咖喱汁，佢話食車仔麵識食一定食咖喱汁笑死有好多餸想試影低咗佢個餐牌下次打去叫定外賣

土瓜灣真係得好少車仔麵，見到新開左間車仔麵，感到好興奮！舖頭就新裝修，整整齊齊。佢嘅點牌係一張膠嘅卡，跟住有支白板筆可以圈。餸菜嘅選擇我覺得唔多嘅，但係價錢就合理，我揀咗四個餸一個面底，就$50 ，加咗杯凍檸茶就加$8。筷子有兩款, 一款係可洗既, 一款係即用即棄, 有得選擇!個麵一嚟到，個湯底好熱，出緊煙嘅，呢樣真係好重要，我最驚就係飲到啲湯底係唔夠熱。湯底加咗沙嗲汁，味道唔算太濃，將佢攪勻都幾好食，沙嗲有少少甜嘅味道。我見到枱面有辣菜脯，簡直係一個福音，因為我本身好鍾意食菜脯，覺得好開心，不過試少少，睇吓佢唔會太辣。嗌咗韭菜餃， $11有三粒，呢個真係幾抵食; 韭菜餃嘅味道都唔錯，餡料都幾豐富，唔錯！跟住嗌左份生菜啦，量都幾多，有差唔多一舊生菜。跟住又有我最鍾意嘅陳皮魚蛋，因為唔係好多舖頭車仔麵都會有陳皮魚蛋。再嗌左第四個餸就係炸墨魚丸，炸墨魚丸$10三粒，佢個皮都揸得幾好嘅，整體都唔錯。呢間車仔麵整體味道都幾好，量都算夠嘅，粉面底夠多。而佢嘅沙嗲湯底都夠晒清香夠香，再加埋啲辣菜譜，個口感都幾豐富！現場嘅服務員都幾好禮貌，呢一間會再幫襯！