住家菜 (Closed)

菜式無疑不俗,惟服務態度久佳,我跟朋友二人點了一湯一飯三餸,由於吃得慢,服務員經常催促,頗為煩擾,及後有服務員以含糊語氣説門外有客人等了我們這張枱很久,說畢,令我們大感莫名奇妙,及後只好結賬離去,對服務員的處理手法不敢苟同,我們以為自己去了快餐店......

最近經常嚟食晏, 因為野食好味又唔貴, 最緊要係有湯飲, 仲可以添飲添, 不過真係好多人, 每次都要等。推介食物有各式肉餅, 出外食飯好少食肉餅, 但呢度做得非常唔錯, 好有屋企食飯feel~ 另一推介就係各式炒蛋, D蛋炒得好滑又唔會好老, 好香, 正﹗其他餸如咕嚕肉同亞"女麻"雞, 都係水準之作, 如果午餐有都必叫。

間舖幾多人，BOOK左位，人齊都要等十幾分鐘至入得座。試左招牌亞麻雞同南瓜盅(要預先BOOK訂架)仲有黃花魚、鐵板蒜頭牛肉粒~甜甜地好味道(但朋友話冇牛味)、瑤柱蛋白肉鬆竹筒飯~夠乾身，好！食物味道都唔錯，價錢大約四十幾蚊，ok丫。食完仲有甜品送~綠豆沙。見每一台都叫湯，下次都要試下先。朋友今日生日，之前原本想買cake，但呢度唔俾切餅，不過生日佢地會附送壽包~good~好意頭！(但要係book位時講定丫，如果唔係可能冇得送！)PS~可惜個南瓜爛左....影相唔靚耶>.<"灣仔間住家菜唔駛收加一，咁下次轉去灣仔試下！

例湯無味精,絕對住家feel. 好掂!! 南瓜那道菜好食(名字忘記了). 其如的都好有屋企餸feel; 但係又好特別,你又未必會去整.. 仲之你試過就知好..好...

中秋夜家庭聚會, 揀間平平地, 就住家菜.例湯: 8分, 菜乾豬骨湯, 報稱無味精, 飲落都覺得好清甜, 菜乾煲得好淋, 一大煲都唔夠分.亞麻雞: 9分, 鹽焗雞變種版, 點點沙薑味好入味, 就算白肉都唔會老同鞋口. 記得之前食過好多鹽焗雞(如東江雞, 泉章居)都麻麻, 反而亞麻的鹽焗雞就唔麻麻.喜歡吃雞的不容錯過. XO醬炒肥牛: 8分, 用XO醬加埋京蔥去炒肥牛好香口.老少平安: 7分, 用魚肉冬菇去蒸豆腐, 清清地, 不俗, 幾好送飯.黃金蝦: 6分, 去年中秋在東寶食黃金蝦, 今年再接再厲, 但住家菜的黃金蝦比較差, 蝦尚算新鮮, 但炸得麻麻, 食落似蝦還蝦, 鹹蛋黃還鹹蛋黃.粟米斑塊: 9分, 同場加映: 上次跟文迪係住家菜二人飯局食過粟米斑塊, 正. 粟米汁好甜美, 斑塊無腥味. 算係我近期最愛的粟米斑塊.大家好滿意, 食到飽飽去維園.

昨天與朋友慶生辰，此店在openrice的食評不錯（雖然不能盡信），加上有朋友前陣子吃過一趟都說好，四人決定到此店一試。由於壽星公被上司纏擾著，原定訂了七時的座位，要按規矩人齊才可入坐，所以我們先拿菜單來選菜，一邊等另外兩人趕來。點菜都不太難，因朋友們都不太揀擇，而大部份都是家常小菜，十分切合店名。約七時半，終於齊人，可以入坐了！由於已預早將菜單提交，坐下不久便有東西吃。先來一煲老火西洋菜煲豬骨，沒有因為用豬骨而太油，很好，可能是上檯前把油撇掉。接著是招牌菜阿麻雞，我但要了一份例牌的份量以求可以多吃一款小菜。味道有點像豉油雞，但沒有豉油雞那麼重味，當中有淡淡芝麻味，不錯。然後是勝瓜炒牛肉，也有水準，唯朋友說可能牛肉用梳打粉過了點火，口感不像家中自己煮的那般。我因家中甚少炒牛肉及我甚少回家晚飯，故不大懂得分辨。蔬菜類我們選了蝦乾雜菜煲。蝦乾大隻，好味，唯粉絲好像太碎，亦不夠滑身，稍為遜色，但以魚湯做湯底也不錯，又加回好些分數。等朋友時職員問我們想不想吃魚，想吃的話可以先留起，於是我們選了一條桂花魚清蒸。魚熟的程度剛剛好，清淡又好味。最後是竹筒飯，估不到份量不少，我們每人吃了一碗都還有剩，

今晩同兩個朋友行銅鑼灣.. 我地今日諗住食平靚正.. 朋友話睇食評話呢度唔錯喎.. 咁就決定黎啦.. 六點幾黎度.. 唔算太多人.. 我地三個女仔.. 叫左5個餸1煲湯.. (因為樣樣都想叫既關係.. 所以就叫左咁多.. )湯係西洋菜豬骨湯.. 好清甜.. 每人都可以飲幾碗.. 阿麻雞.. 例牌.. 都幾好味.. 好似沙薑雞.. 雞肉都幾滑.. 椒鹽九肚魚.. 好野味.. 熱辣辣.. 正..三色蒸水蛋.. 蛋都好滑.. 份量仲好大.. 鎮江小排骨.. 好好食呀.. 細細粒.. 但就有好多.. 好似食極都食唔完咁.. d醋味好夠.. 好味道.. 奶油津白.. 同平時食既有d唔一樣.. 呢道清d.. 但都係鍾意傳統o個種多dd..另外.. 仲有一個蛋花馬蹄露.. 好清甜.. 有水準.. 正!!總括而言.. 呢度都係符合我地心目中平靚正既條件.. 值得推介.. 唯一缺點係.. 但人多既時候係要搭枱架~~

平日少機會食到住家飯,加上自己中意飲湯,但係又懶煲,所以黎呢度食飯就最岩我.利舞台店前後去過兩次,第一次係同男友兩個人,我地叫左一煲湯,兩個小菜青紅蘿蔔煲豬骨- 老火,冇味精,足料,兩個人可以分到每人四碗,基本上淨係飲湯都已經飽左七成柚子西檸雞- 即係西檸雞再加d柚子蜜,炸得幾好,乾爭爭,個汁亦都好開胃,酸甜味夾得唔錯蜜汁骨- 細細粒,甜甜地,幾好味,不過就真係太細粒喇,大件番少少口感會好好多隔左幾日再去多次,今次就有三個人,亦都叫左一煲湯,再加三個小菜腐竹煲薏米- 清清地,不過幾潤,夏天岩飲阿麻雞- 食唔出同沙薑雞有咩分別蝦仁炒蛋- 蝦有蝦味,似係新鮮蒸桂花魚- 火喉幾好,好滑,本來想用古法蒸,不過要加十蚊,所以揀左清蒸就算總括兩次經驗,食物水準唔錯,而且唔多覺有味精,口味真係近似阿媽煮既飯,所以好似我呢種中意食住家飯,但係又懶煮既人就岩晒.

放工約了姐姐吃晚飯, 她提議到住家菜, 我見從未來過, 就來了.七點半的時候人頭湧湧, 幸好一早訂位, 姐姐比我早到, 我到達便可即入.環境由於新開既關係幾光猛,有少少茶寮既格局, 菜牌用木板掛在牆上.人多也比較逼少少, 又嘈少少, 不過可以接受.訂位時也訂了這裏馳名的阿嫲雞(例牌), 吃下雞肉也嫩滑, 不過味道似沙薑雞, 談不上突出.我們也叫了例湯, 瘦肉菜乾湯, 真點到有點在家飲的老火湯, 露筍炒雜菇, 露筍尖好好吃, 冇渣又清爽.最深刻的是蕃茄紅衫魚, 雖然最平凡的一味, 但鮮茄多, 微酸, 紅衫魚有兩條, 已煎得香脆.突然間很掛住媽媽煮的蕃茄紅衫魚呢! 最後還有一小碗菊花茶, 不甜, 有淡淡的菊花味, 都ok.回到家中也沒有喝過一口水, 沒有味精之言相信是沒錯的.

二人飯局先來老火湯$10碗，老黃瓜薏米青口豬骨，材料都煲得幾溶，應該都係無味精既，味道適中，住家湯亞嫲雞- 與傳統的沙薑雞有不同，肉質吾過老，一陣麻油香味粟米斑塊- 香脆，魚無腥味，汁味調較得好好，濃度適中，食到可以照鏡蒜蓉白菜仔- 有煱氣，油不多，菜面另加上炸過的蒜蓉，更加香送甜品(紅豆沙) - 雖然係送，但吾馬虎，有陣皮，發覺西米有不同大小，吾知係咪有兩種西米，吃感滑漏晚飯時間，預左要等位...位與位之間較密，感覺有壓迫感，坐走廊位可能仲好，舖內冷氣不足侍應見我望住佢執碟，問我係咪仲要碟餸(碟內無食物)，我係驚佢手持隻碟既汁會瀉出見我們吃得七七八八，侍應一聲不發放下糖水就走人，我都知你地好生意，但吾駛急成咁

終於試左呢間人龍店...三個人六樣野, 連加一$290。價錢唔貴, 係銅鑼灣區真係可以話抵。一煲是日例湯係菜乾煲豬骨, 真係似媽咪煲既湯。鎮江小排骨, 阿嫲雞, 枇杷豆腐, 炒聖子, 乾燒伊麵...樣樣都係住家小菜feel, 味道幾好, 份量亦不少。除了坐得比較迫, 都算無咩可以彈。

少油..無味精係依度既賣點...當晚係銅鑼灣諗唔到去邊度好,,,諗起openrice有幾好既comment就黎試下..7點幾已經有幾多人係度等位...2個人叫左老火湯(菜乾湯)$30/煲梅子排骨涼瓜炆排骨豆豉蒸魚每樣野都真係少油..唔錯..整體都幾好..係位與位之間迫d...加上香港人依家好少有住家飯食..唔怪得咁多人黎食...條魚原來到最後先知到漏左單...老闆娘話送多碗熱辣辣既飯俾我地,,,又問我地既意見...招呼好好..仲有甜品送..

早排同女朋友去食，晚市，訂左都要等。。。環境麻麻地，又要搭抬，又逼!員工服務都算係咁啦，見佢地忙到死都肯幫我地加茶既。叫左聞名已久既黃金蝦，阿麻雞同琵琶豆腐。d蝦唔知點，好似唔新鮮，又加埋d蟹籽同蛋黃係上面原隻炸，我覺得幾腥，個殼又唔係話炸到好脆，都唔知連唔連殼食好，吐殼裡面d蝦肉又無乜味；加上我女朋友唔太鐘意食膏，佢d蝦膏腥到我女朋友食完一淡要吐返出黎。。。(唔關我女朋友怕膏事，果日d蝦真係好腥! 其他朋友去食就唔知啦!) 另外琵琶豆腐得個樣靚，食落淡繆繆，都食唔出佢落左d乜野係裡面。最好食係例排雞，入味，滑! 食到一本見隔黎抬d小炒同煲仔好香! 如果下次再食我諗要選擇下哩類黎叫會比較妥當! xp

各位, 我第一次寫食評, 多多見諒.上星期五, 與媽媽到這裏食下午飯. 首先我要讚賞他們的提供等候服務.我媽媽年紀比較大, 他們提供一張椅子給我的媽媽.其次,由於我是沒有事先預約的.他們會主動告訢我. 等到幾時先可以入座.入座後, 叫O野食. 我們叫了一個蒸水蛋加例湯. 店員會主動提示午時例湯有添飲服務. 再次值得一讚.可能當時是屬於午時時間. 所以傳菜比較快. 而且味道與舊店沒有太大差別. 仍然保持水準. 仍然是冇油少鹽很適合年長人仕價錢比較經濟. 相宜. 值得再試

我及家人第一次到此,大部份小菜好味,只有栗子雞煲不好吃,想試出名的雞但7:30p.m. 已售罄,下次要預早訂,湯也十分有水準,一切冇味精,會再來。Service is very good also.