Tajimaya (Windsor House)

近日知道新分店位於銅鑼灣黃金商業地段，交通便利，店內裝潢以淺木色為主，感覺明亮整潔，座位間隔舒適，適合朋友或家庭聚餐。晚市火鍋採用90分鐘放題形式，一人一鍋自選口味，有5款湯底及多種放題套餐以供選擇。肉類選擇豐富：有澳洲牛、嚴選牛肉、日本A5和牛、北海道夢之大地豚肉等。今次點北海道夢之大地豚肉放題套餐。設有大型自助吧，提供多款新鮮蔬菜及火鍋配料，讓客人可隨意自由配搭，滿足不同口味。除蔬菜外，自助吧亦有多款火鍋丸、麵等配料，讓客人可根據個人喜好組合出屬於自己的「一鍋風」：•配合一人一鍋設計，蔬菜可隨意選取，無需擔心浪費。•多款醬汁可按個人口味自由調配，提升蔬菜與肉類的風味。•除蔬菜外，還有水果、特式小食及甜品自助區，選擇多元化。蔬菜：蔬菜拼盤新鮮，種類多樣，包括羽衣甘藍、紅心蘿蔔、豆苗、金針菇等，色彩繽紛。肉類：肉片切得厚薄適中，油花分佈均勻，無論是牛肉還是豚肉，入口嫩滑，肉味突出。湯底：湯底選擇多元化，甘露鍋微甜，適合配搭豚肉，而藥膳麻辣鍋則香辣帶藥材味，適合重口味食客。自助甜品區除了多款Häagen-Dazs雪糕，還有「即製雪花冰」機，自助製作雪花冰甜品，即時刨製出質地細緻、順滑輕盈的雪花冰，隨意配搭多款日式甜品配料（如白玉丸子、紅豆蓉、啫喱、各式甜品醬料）、中式糖水配料（如紅豆、仙草、椰果），亦可加入新鮮水果，創作出個人專屬的雪花冰組合，自由搭配，冰涼解膩。整體服務有禮，員工主動收拾餐桌，服務細心，補充食材迅速，是值得一試的新火鍋選擇。…Read More

餐廳新開張，位於銅鑼灣皇室堡4樓，環境好乾淨，燈光十分明亮👍🏻👍🏻👍🏻令人坐得好舒服，而且服務員態度仲好好，好nice~餐牌有五個set可以揀，90分鐘可以任飲任食，一人一個日式鍋，而且仲可以特別追加鮮雞蛋同酒精飲品😍😍😍湯底都有五款，仲要每款寫曬功效同特點我哋最後揀咗北海道夢之大地豚放題套餐 $299一位，套餐包含咗北海道夢之大地豚肉、澳洲產長期穀飼牛、嚴選牛肉同丹麥皇冠豚肉😋😋😋😋特別讚揚佢嘅穀飼牛肉，雪花均勻又唔會太肥，仲有嚴選牛肉，肉質幾靚，偏有咬感同牛味~而豬肉都有驚喜，食材好新鮮，烚完入口好juicy 👍🏻👍🏻👍🏻現場自助櫃超多野食任拎，一切嘅丸類、響鈴、公仔麵、各式蔬菜等，通通都有！！而且食材望落好新鮮同好乾淨~甜品嘅部分，呢度有各款蛋糕甜品、生果同雪糕，生果好鮮甜🤤🤤🤤仲有可以自製刨冰，整完再去加料區，蘆薈、白玉丸子、椰果等超多選擇！！正！湯底我哋揀咗麻辣同美肌鍋~…Read More

日本過江龍Shabu-Shabu 火鍋店《但馬屋》登陸銅鑼灣皇室堡，港島居民以後想享受一人一鍋🥘的樂趣又可以多一個選擇。餐廳佔地近2,000呎，空間寬敞，適合三五知己相約大快朵頤。一人一鍋🥘的用餐方式更是貼心設計，讓每位食客都能選擇湯最喜歡的肉類🥩、湯底🥘與蔬菜🥬，配上不同醬汁組合，無限制地創造屬於自己的「一鍋風」 。店內供應的頂級和牛🐄全部由日本鹿兒島牧場生產直接配送到港，同時供應來自日本的優質豚肉—北海道夢之大地豚🐖，新鮮野菜亦會按各自當造季節搜羅。 𓌉◯𓇋 日本產黑毛和牛及北海道夢之大地豚放題 (90分鐘) ($389/位) 𓌉◯𓇋湯底🥘提供5款選擇，包括千夜鍋、甘露鍋、藥膳麻辣鍋、美肌鍋及意式蕃茄芝士鍋，餐廳更貼心地推薦各款湯底最佳配搭的肉類及配料。日本產黑毛和牛🐄主要是牛肩和牛胸腹部位，豐潤油脂令肉質更柔軟，不同部分切法厚薄各異，以發揮各牛肉部位的最佳風味。北海道夢之大地豚肉🐖肉質幼嫩，油脂略帶甘甜，以油花均勻見稱。套餐亦包括澳洲產長期穀飼牛、嚴選牛肉、丹麥皇冠豚肉及羊肉🐐。自助吧提供多款新鮮蔬菜🥬及涮涮鍋配料，包括丸類🍡、粉麵🍜、醬料、飲品🥤、水果🍉及甜品。來到壓軸甜品環節，銅鑼灣新店獨家供應即製雪花冰❄️，口感順滑輕盈，如雪花般細緻，味道還會不定期轉換，配合白玉丸子、紅豆、仙草、醬料等各款配料，製作獨一無二專屬自己口味的雪花冰。套餐亦包括無限任享Häagen-Dazs最新推廣口味及人氣口味雪糕🍧，兩款冰凍甜品為炎炎夏日瞬間消暑降溫。放題套餐內所有食品均可無限追加，也可無限暢飲特調鮮果飲品🍋、罐裝汽水🥤、茶包熱飲🍵等，指定套餐更可以任享罐裝Asahi啤酒。◦•◦♡.﹀﹀﹀.♡◦•◦♡.﹀﹀﹀.♡◦•◦♡.﹀﹀﹀.♡◦•◦𖠿 但馬屋 @tajimaya_wagyu𖤣𖤥 銅鑼灣告士打道311號皇室堡4樓403號舖◦•◦♡.﹀﹀﹀.♡◦•◦♡.﹀﹀﹀.♡◦•◦♡.﹀﹀﹀.♡◦•◦💕喜歡我的分享，記得follow我IG：@peggie.dailylife#但馬屋 #tajimaya #銅鑼灣 #銅鑼灣美食 #一人一鍋 #日式火鍋 #ShabuShabu #hotpot #涮涮鍋 #火鍋放題 #火鍋 #放題 #任飲任食 #任食 #打邊爐 #黑毛和牛 #wagyu #雪花冰 #美食推薦 #香港美食 #香港打卡 #香港好去處 #食肉獸 #foodie #foodiehk #hkfoodie #hkfood …Read More

行過銅鑼灣皇室堡，發現新開咗但馬屋，主打日式一人一鍋Shabu Shabu放題，我同朋友經過想打邊爐，試咗佢哋嘅北海道夢之大地豚肉放題，$299就可以90分鐘任食～～但馬屋全店一人一鍋，私隱度高又唔怕夾錯料，特別啱現時大家注重衛生嘅要求。湯底方面，今次我揀咗藥膳麻辣鍋同意式蕃茄芝士鍋。藥膳麻辣鍋辣度唔會太勁，溫和之餘帶少少麻香，用嚟恰肉類啱啱好，仲有驅寒效果。至於意式蕃茄芝士鍋，蕃茄香甜味配上溶化芝士，幾獨特，鍾意新口味嘅朋友可以一試。主角當然係北海道夢之大地豚肉，肥瘦適中，涮一涮入口嫩滑，肉味香濃，真係可以不停追加！除咗豚肉，仲有澳洲產長期穀飼牛、嚴選牛肉、丹麥皇冠豚肉等多款肉類任食，全部切片厚薄平均，啖啖肉好滿足。自助吧都幾豐富，蔬菜種類多又新鮮，仲有丸類、蟲草花同唔同涮涮鍋配料。鍾意食得健康嘅朋友可以自己夾多啲菜，點埋唔同醬汁一齊食，味道層次即刻提升。甜品方面有DIY雪花冰，自己製作，隨意加各種配料，玩味十足又有得打卡，食完火鍋嚟返杯雪花冰，成個人都涼晒！整體嚟講，但馬屋環境乾淨，座位舒適，適合朋友聚會、家庭飯，又唔怕嘈。蔬菜🥬丸類質素有水準，服務都幾貼心，CP值高之餘仲有新鮮感。…Read More

📍 但馬屋｛銅鑼灣 ｝一直以來我都有食開但馬屋，因為最近我嘅係屯門v city 都有一間，最近同朋友行開銅鑼灣，終於但馬屋係銅鑼灣皇室堡店，新開張位於4樓~ 最有特色嘅係朋友一部DIY雪花冰機，可以自己整冰🧊仲可以自己加配料，我當然不停加珍珠，加西米加平時自己最鍾意食嘅要俾錢嘅配料🤭🤭除咗刨冰之外，仲有Häagen-Dazs雪糕任食 ，有四款口味，自己設計雪糕🍦食多幾杯，已經回返夠本😋😋😋除咗可以手機落單之外，出邊仲有一個自助吧區，有齊晒火鍋基本嘅配料，最特別嘅係羽衣甘藍呢啲咁貴嘅蔬菜🥬我就當然食過不停🥢我哋就嗌咗一個$389 ｛日本產黑毛和牛及北海道夢之大地豚放題套餐｝佢係屬於90分鐘任食日式一人一鍋Shabu Shabu🍲分別係美肌鍋、意式蕃茄芝士鍋湯底🍲美肌湯底含有豐富既骨膠原，而且湯底比較清甜，好受女士歡迎🩷蕃茄芝士湯底用新鮮蕃茄熬製，茄味突出，酸度剛剛好，仲有溶化咗嘅芝士🧀無論食肉定係食麵，都好吸味🍅前菜有～日式煮枝豆、和風蕃茄芝士、蟹柳豆腐、涼拌秋葵佐鰹魚醬油、蟹籽沙律醬拌青瓜🥒食少少前菜，開咗個胃先🤭🩷日本產黑毛和牛、牛肉來講都算新鮮，上枱仲係有光澤，我見到仲可以不停追加食和牛🐮食材新鮮，而且牛肉係薄切，烚一烚就食得，真係好享受呢啲入口即溶嘅和牛，油脂平均，和牛汁喺口中浪下浪下，但係亦都唔會覺得好油膩🐮仲有其他肉類都好鮮嫩🐮🐽啱晒我依啲食肉獸🥢🥢🥢🥢🐮澳洲產長期穀飼牛、嚴選牛肉、北海道夢之大地豚梅肉、北海道夢之大地豚西冷、丹麥皇冠豚肉、羊肉🐷🐑…Read More

情意結使然……但馬屋開到CWB咁大件事真係要大事宣揚！當年仲喺觀塘區返工但馬屋可以話係飯堂Happy Friday 有佢放工完尖想食靚牛又係佢壓力大想放飛自我喪食都係佢！訪間放題任食選擇係好多但係對但馬屋嘅偏愛除咗因為回憶更甚係以性價比而言佢由肉類質素到任食嘅配料都堅高質湯底冇太花巧就基本款嘅鰹魚、甘露、藥膳麻辣、美肌豬骨同蕃茄如果牛魔王推薦鰹魚/甘露清清哋先食到牛肉嘅原味道記憶中午市有定量同放題而Dinner 就只有放題五款set 識食係食top tiar 黑毛和牛及北海道夢之大地豚套餐牛肉質素有圖有真相放題可以食到雪花咁均勻而入口即化嘅和牛$389 係💯扺抵子！呢個set基本上係menu上嘅肉類全包仲有兩款豚肉、美國牛及澳田穀飼牛同羊肉等至於自助bar嘅食材望落平凡但仔細睇其實有好多款出邊少見嘅養身食材蟲草花、海帶、淮山、木耳bla bla bla 蔬菜類亦係超新鮮我打邊爐習慣食炒先好似油麥菜之類輕輕焯吓就食得入口真係食到蔬菜自帶嘅清甜！至於另一個又愛又恨嘅位就係甜品部份新店比觀塘名更癲除咗有HD雪糕外仲有生果甜品bar同埋即場自製雪花冰…Read More

第一次去但馬屋，今次去的是新開張的銅鑼灣分店。店內裝潢簡潔，以木系為主，座位寬敞，不會太擠逼，適合多人聚餐。服務方面，店員態度友善，上菜速度快精打細算的我們選的是比較划算的放題套餐，湯底有5款，一人一鍋，我揀咗美肌鍋澳洲谷飼牛紋理分明，脂肪比例適中，不會過肥。北海道夢之大地豚肉比起一般豚肉好食，不會有豬臊味。除了主打的牛肉和豚肉，還有精緻日式小菜和風蕃茄芝士、煮枝豆、蟹柳豆腐、涼拌秋葵等吃吃肉吃吃小菜很解膩自助吧有各式新鮮蔬菜丸子飲品等，哈根達斯雪糕任食醬料區幾十種特製醬汁，特別驚喜的是有特調的橘子醬油、意大利橄欖油和柑橘醋等最後可以同朋友一齊來一個雪花冰DIY…Read More

一直都好鍾意食呢間集團嘅日式火鍋，咁啱知道原來皇室堡開咗間新餐廳，而且環境好好，咁就同朋友嚟試吓啦。日式火鍋，我覺得唔需要揀到最貴嘅肉類，因為出面嘅熟食同埋本身嘅火鍋材料已經好好啦，所以今日我哋就揀咗個Level three嘅放題。間火鍋好處就係佢係一人一鍋，啱晒潔癖或者想試好多湯底嘅人。我就叫咗個麻辣湯底，朋友就叫咗個美顏鍋，美顏鍋真係好適合女仔試吓。佢嘅麻辣湯底唔係太辣，但係好麻好香，好適合牛肉類。因為朋友唔食牛肉，但係呢度嘅豬肉係黑豚肉，真係非常高級。我自己就比較鍾意食牛肉，佢嘅牛都好新鮮，而且賣相好靚，非常適合打卡。佢除咗肉類高質之外，出面都有好多自助嘅熟食，有唔同嘅海膽丸芝心丸之外，仲有好多唔同嘅新鮮蔬菜，好啱減肥嘅人嚟食呀。而且佢嘅甜品除咗雪糕同埋糕點之外，佢竟然仲有冰粉，而且冰粉係有好多唔同嘅材料加，非常適合打卡。呢間餐廳除咗食材新鮮同埋環境好之外，價錢都好平，性價比好高，以後同朋友聚會都一定會揀呢度啊。…Read More

今日去咗但馬屋係銅鑼灣嘅新分店，食豐富嘅北海道夢之大地豚🐖 及 澳洲產長期穀飼牛放題🐄 (90分鐘)，一人一鍋Shabu Shabu🔥！仲有得DIY雪花冰❄️同埋任食Haagen-Dazs 雪糕🍨我地揀左甘露鍋＆美肌鍋💕，兩隻湯底都唔錯。北海道夢之大地豚真係好好食，喺好靚嘅豬，有獨特的香味，吸咗湯底好正，入口即融🐖。澳洲產長期穀飼牛都好好食🐄，肉質好靚，而且重牛味🫶。除此之外，自助區都好豐富，蔬菜新鮮🥬，仲有好多丸類。同埋呢度雪花冰高質，啲冰好幼細好滑🥰，仲有超多配料，再食埋Haagen-Dazs 雪糕真係好滿足。…Read More

📍但馬屋😍銅鑼灣日本和牛放題👍🏻～$389😎日本產黑毛和牛x北海道夢之大地豚x Häagen-Dazs雪糕放題😍👍🏻～日本產黑毛和牛😍油脂分布非常平均🤪入口即溶👍🏻重點係refill牛都勁靚❤️搞到我食咗十幾碟🤭～北海道夢之大地豚❤️好耐冇食過咁高質嘅豚肉😛嫩滑到好似和牛咁😘完全唔會韌 👍🏻～澳洲產長期穀飼牛😍大家食和牛食到油膩可以轉食呢隻😘肉質鮮嫩🤪仲要勁有牛味👍🏻～Häagen-Dazs雪糕放題😍有齊熱門口味雲呢拿，朱古力，士多啤梨😘唔會好似出面啲放題俾啲奇怪口味清貨😂～另外餐廳各種蔬菜，火鍋配料都非常新鮮同好味❤️👍🏻～飲品，甜品應有盡有😘餐廳環境靚😍食物質素高🥳店員服務態度好👍下次一定再嚟食😛📍但馬屋 (銅鑼灣)銅鑼灣告士打道311號皇室堡4樓403號舖…Read More

銅鑼灣但馬屋新登場！😍- 北海道夢之大地豚肉放題 $299湯底：揀左千夜鍋同美肌鍋 美肌鍋望落個奶白色嘅湯都覺得有豐富骨膠原 可以滋補一下 加豆腐一齊食好match 千夜鍋就有啲似鰹魚湯底 配牛食比較夾 肉類：有北海道豚肉同丹麥豚肉 食落豬味都真係重啲 而且個油花啱啱好 又有澳洲牛 牛味都幾濃 細細碟幾好 食幾多嗌幾多蔬菜：選擇都好多 大路嘅油麥菜生菜娃娃菜 南瓜粟米 菇類瓜類 芋頭到羽衣甘藍秋葵都有 鍾意食菜嘅人 一定有樣啱丸類：獅子狗 魚腐 魚蛋 蟹籽丸 海膽丸 芝士腸 芝心丸 咩都有 樣樣都大大粒 爽口又彈牙甜品：有水果 係哈密瓜同西瓜 蛋糕都有兩款 最特別嘅係有刨冰機 可以自己任加配料 個人就最鍾意Häagen-Dazs雪糕 有四款口味可以揀 仲有一款啱你飲品：選擇種類都幾多 想健康有啲無糖嘅茶 或者台式嘅茶類飲品 要汽水有汽水 仲有韓式嘅忌廉溝鮮奶同果汁 任君選擇環境：坐得好舒服 90分鐘任食一人一鍋 呢個價錢都算抵食📍但馬屋 (銅鑼灣)銅鑼灣告士打道311號皇室堡4樓403號舖…Read More

但馬屋銅鑼灣新店開業首日特價嘅一折放題亦都係被我搶到咗，39蚊食咗三盤黑毛和牛真係令我食得靚咗，仲有哈根達斯冰淇淋，難得食返本嘅一次放題哈 哈肉嘅整體質量仲唔錯，但最好食嘅仲係黑毛和牛，嚟食嘅話建議其他肉都唔使點，直接點黑毛和牛就好！ p1/2/3/4都係黑毛和牛（可以睇到出品亦比較碰運氣哈哈） p5係澳洲精選牛肉，嚴選牛肉唔推薦點，所以冇圖～自取嘅火鍋菜個人感覺豆芽同脆皮腸都唔錯，但豆卜❌哈根達斯草莓味請沖，但隔離嘅雪花冰建議嚐個鮮即可兩人嘅枱有啲細，建議三人或者四人嚟嘅話會比較合適，不過店員收拾嘢嘅速度幾快嘅。價錢同鍋底如圖，限時90分鐘但人唔多嘅話都冇趕人，感興趣嘅可以睇下👀…Read More

朋友同我慶祝生日帶咗我去食一間香港嘅日本產黑毛和牛、北海道夢之大地豚放題套餐！呢個真係超抵食除咗有無限嘅黑毛和牛、仲有北海道夢之大地豚肉、長期谷飼牛、仲有嚴選牛肉丹麥皇冠豚肉！成個套餐無限追加仲可以$389一位超抵食！湯底種類選擇都有好多、千野和甘露鍋，藥膳麻辣鍋、美肌鍋、同埋意式蕃茄芝士鍋！比較推介嗰個意式蕃茄芝士鍋好特別！另外仲可以特別追加無限牛、而家新張限定10號之前集齊月印花黑毛和牛免費送優惠期去到6月30號詳情條款與細則請詢問餐廳！涼拌秋葵咗鰹魚醬油、蟹籽沙律將伴青瓜、關東煮鵪鶉蛋、脆煙肉薯仔沙律，另外仲有其他肉類追加！有蔬菜同埋其他火鍋配料出邊全部都係任攞任拎！而呢度嘅醬料亦都非常之多種類！我最鍾意係甘甜柚子醬油、同埋特製利尻昆布醬油、仲有自家製濃香味噌芝麻醬！最後當然仲有甜品蛋糕水果全部都係任食Häagen-Dazs雪糕都係飲食仲有、甜品炮兵呢個定要必食！但馬屋銅鑼灣銅鑼灣皇室堡4樓…Read More

都有一段時間冇去”但馬屋”打邊爐了，最近見銅鑼灣皇室堡4樓開咗新店，就去幫襯吓，睇吓質素有冇保持到。今次食咗佢$299/位嘅北海道夢之大地豚+澳洲產長期穀飼牛放題(一人一鍋90分鐘放題)同而家新式嘅火鍋放題唔同，但馬屋並冇行超多嘢食嘅路線，而係將現有嘅嘢食做返好佢嘅質素。例如喺自助區攞嘅配料，”腐皮豬肉卷”、”愛心魚板”等都係出邊比較少見。佢嘅肉亦都算唔錯，特別係被稱為”北海道夢之大地豚”(由日本四個最佳豬種混種而成)，口感鮮嫩，有豬嘅味道。當然佢個牛肉都好唔錯，一食落去就食到有牛味，果然係長期穀飼嘅澳洲牛。特別講吓甜品，除咗任食嘅Häagen-Dazs雪糕，仲有DIY雪花冰。雪花冰嘅玩法好簡單，撳一個掣就會出，之後就可以落鍾意嘅配料 (要注意雪花冰溶得好快)。最後一定要講埋佢QR落單嘅小食，鵪鶉蛋好入味，薯仔沙律亦都好新鮮，我叫咗幾次😆呢度一如其他但馬屋分店，環境整潔衛生，就算出邊夾嘅嘢食都好新鮮，大家都食得好安心，好滿足。…Read More

但馬屋係銅鑼灣皇室堡開分店啦！梗係第一時間同男朋友去試下啦。新開張嘅鋪面同內部環境十分舒適乾淨，座位闊落，坐得好舒服。我地揀左90分鐘嘅北海道夢之大地豚放題套餐，餐廳提供五款湯底選擇，我地揀左以鰹魚烹調而成嘅千夜鍋，同埋含有豐富骨膠原及滋潤美顏之選嘅美肌鍋，估唔到美肌鍋入面仲有兩件大大件嘅雞件。但馬屋嚴選來自日本同世界各地嘅優質肉類，而我地揀嘅北海道夢之大地豚放題套餐有幾款肉類俾我地任食，豚肉方面除左北海道夢之大地豚肉（豚梅肉同豚西冷），仲有丹麥皇冠豚肉，另外，仲包括澳洲產長期穀飼牛、嚴選牛肉同埋羊肉，啱曬一班食肉獸。當中，最意想不到就係北海道夢之大地嘅豚梅肉好好味，肉質鮮嫩，口感有彈性，略帶油脂甘甜，肉味濃郁，但沒有豬羶味，我覺得完全不比牛肉遜色，不停落單 encore 豚肉多過牛肉。餐廳設有自助吧，提供多款 Shabu-shabu 配料同新鲜蔬菜，排列整齊，而且十分乾淨衛生。配料方面，種類繁多，丸類彈牙，最持別係有愛心形狀嘅魚板。新鮮蔬菜方面，除左不同嘅菇類，啱曬我呢個菇類愛好者，仲有多款新鮮、翠綠嘅蔬菜，當中我最鍾意就係翡翠苗，幼嫩無渣。另外，記得仲可以掃 QR code 落單日式前菜同其他食物，前菜中嘅關東煮鵪鶉蛋係其他餐廳較少見，而其他食物方面，超大條嘅芝士蟹棒最爲吸引。飲品區除左有多款罐裝飲品，亦有水果百香果茶同清爽檸檬水可以任斟。甜品方面，作為女仔，當然要填飽埋第二個胃啦，餐廳提供多款甜品可選擇，一定有一樣啱心水。雪糕有haagen-dazs嘅四款唔同味道任食，個人最愛超濃嘅朱古力味。當然，千祈唔好錯過餐廳最特別嘅雪花冰機，自己撳掣製作出一碗碗嘅雪花冰，再根據自己喜好同口味，加入唔同嘅配料，例如：涼粉、紅豆蓉、椰果、白肉丸子、寒天同埋愛肉等。最後食埋水果大滿足。總括而言，餐廳除左食物質素高，環境舒適，性價比高。而且一人一鍋嘅Shabu-shabu可以根據自己個人喜好，自由選擇自己想食嘅湯底同配料，創造自己喜歡同個性化口味嘅一人鍋。📍但馬屋 (銅鑼灣)銅鑼灣告士打道311號皇室堡4樓403號舖…Read More