Iroha (Moved)

以垃圾來講，呢間嘢不差那天點了一個$398放題，無任何一種牛肉豬肉是食得，仲差過麥記$20套餐，絕對不會再幫襯。之前估計d貴肉有一，二種是日本和牛，結果是全部垃圾肉，無一種是日本來的牛肉，最好食是日本來的白飯，叫一轉都想走。無一樣嘢入得口，連熱食都不好吃，完全浪費金錢，完全是浪費食物！服務及整潔指數極低，服務員十問九不應，有一個清潔在旁邊整來整去，食得極不安樂！如果大家有閒錢想倒錢落海，就建議大家去試下…Read More

第一次寫食評...一直都聽過好多人話伊呂波食日燒好岀名，前排見到團購有coupon買，於是就買左$298個個set，同男友兩個人去食，慶祝男友生日點知........服務態度唔太好都算，野食唔掂個下🤦🏻‍♀️完全超出預期既1. D肉仲有血水，一路燒都仲岀緊血水2. 肉質比較"un" 同埋冇味3. 所有野食都比我地感覺係.......唔係日本食物既水準，真係岀面既放題都好過佢.....炸物多數凍加硬，沙律勁少汁，d蝦!!!!!肉質勁霉d腸仲係度🤢湯勁大碗但係味道一般不能盡錄......4. 醬汁唔夠濃味5. 唯一覺得好食竟然係肥牛，仲有個海鮮餅，但如果冇左佢個汁，就真係一般.....-總結全晚未試過有野食係翻叫，仲有d叫唔落手.....限時一個半鐘，開頭仲驚唔夠時間，最後食左一個鐘已經主動叫埋單，真係放題黎講食得最快既一次但奇就奇在身邊d人又好似食得津津有味定係因為我地食放題，仲要團購同最平個隻？又還是我地要求高價錢貴得黎好唔值😭😭😭😭食唔飽！！！😭😭😭最後比錢等佢找錢等左10分鐘希望我地既經驗大家唔會遇到啦…Read More

N年前食過，印象中牛肉靚又唔平，前排見到伊呂波有放題，就決定去再食食398放題，種類多d,同埋肉質肥美無ps圖，牛肉好靚，種類多又多花，友人話隔離枱食298，d牛肉啡色架店員推薦豬牛每樣試d食到lam lam脷由於太過肥美，少食菜既我都忍唔住叫左2兜沙律同一杯啤酒中和下牛舌唔曉燒，燒得唔好食海鮮好味可encore，呢度出名食牛，建議少點豬肉，留肚食多幾件牛牛呢個醃牛肉幾得意，濃味偏咸，但我唔鍾意食總結：味道-牛肉好好食，好滿足既一餐，攬住個肚走上菜-速度適中，唔駛催環境-日系服務-店員欠主動，book左都要等幾個字先入得，一帶到埋位店員就行左去，咩都冇講，亦唔會主動換網…Read More

第一次食到成肚火，忍唔住過唔到自己良心地寫第一篇食評。上網睇到團購伊呂波放題。知道伊呂波係好出名，就想豪洗一次，朝聖一下。我地一行6人，book 9點枱，被分配係卡位，配一爐。由於大家都特登留肚食哩餐。想快啲有野食。就拿拿聲落單。野食遲遲唔黎。個爐又細，燒唔到幾多野。我地6個人，根本就唔夠燒。不可否認，放題食材質素係唔差。但係就愈送愈差。成餐飯落過4次野。因為知道半個鐘前就last order。我地就愈早嗌多幾次野。嗌到等3次嘅時候。有個男嘅呀叔侍應就講咗句：「吓？又係你地呀😒」我地態度已經係唔該前唔該後。什至幫個侍應接野。但係個侍應態度好似逢指咁。想飲杯水都難過登天。食90分鐘，淨係飲過2杯水。到我地就食完嘅時候，個呀叔侍應仲特登係我地面前睇錶趕客。我明我地嘅時間係影響你收工，但係都唔洗咁態度呀？我一個148高瘦底女仔，都可以食唔飽。可想而知，情況有幾嚴重。食物質素幾好都冇用。配套其差，員工態度惡劣。比成三百蚊，理想會有好嘅服務，但係就食到成到氣多過食野。300蚊，我已經可以有好多選擇食飯，飽到嘔都仲得，唔需要得食個名嘅餐廳食飯。今時今日，咁嘅服務態度🙄🤔…Read More

［肉汁香濃燒肉唔口渴］一早book左台，唔洗麻煩地除鞋坐地下，可以入房坐凳，出入比較方便但叫店員比較麻煩，個鍾要禁好多之先有人應，太忙了吧！揀左平set任食，見平貴兩set食物分別唔係咁大，而且第一次食試左個抵啲嘅先！令人十分失望燒蜆冇晒了！限時嘅任食真係令人好大壓力，要燒又要食又要吹下水成晚都好忙！佢嘅肉肉汁鮮甜，好野味，最鍾意佢個肥豬肉，入口即溶！佢嘅海鮮麻麻，個蝦係死蝦肉梅！推薦燒飯團！用佢啲醬係咁加落去燒，再用紫菜包住食，我可以食十個！限時好快過去，總搭黎講可以一試！…Read More

第一次係伊呂波食夜晚放題雖然貴貴地，有啲肉赤，但比起其他燒肉店，差小小價錢，伊呂波呢個價位，其實係值既，啲牛keep 到水準！啲牛，good good good!不過會漏單，好多野叫左都無黎。 😑以牛來説，$298都已經非常唔錯！不過差小小，我地試左398，多左幾款牛，的確無後悔，仲要啲配菜係幾好食添！正！…Read More

印象中伊呂波已經係有好耐歷史嘅日式燒肉餐廳，以前價錢仲幾貴添，估唔到而家竟然有放題食，仲唔係好貴添，較平嗰款300幾蚊就有喇。餐廳座位係扮日式塔塔米嘅設計，要除鞋再坐入去。裝修幾清雅，座位都幾寬闊。燒肉質素幾高，都幾好食，厚身嘅肉比較好，因為油份多啲入口都香口啲。90分鐘嘅放題時間都好足夠，唔會食得好趕。…Read More

伊呂波一直是本港芸芸日式燒烤的至尊，質素相當有保證。相比起晚市時段數百元的人均消費，午市時段實在是超超超值，只需百多元便可以享受燒肉定食。燒肉定食定食非常豐富，有味噌湯，前菜，沙律，茶碗蒸。不得不說，伊呂波的茶碗蒸非常嫩滑，每次定食上桌我都急不及待要趁熱吃茶碗蒸，特別是在冬天，吃下去整個人很溫暖。吃過前菜小食就開始燒肉，今天自選兩款燒肉：牛肉及牛舌。牛舌彈牙，牛肉充滿牛香又juicy。我喜歡燒到六七成熟，一部分沾甜甜的燒肉醬一部分不沾只吃原味，各有千秋，都非常美味。再扒一口珍珠飯，珍珠飯真是日式燒肉的好朋友呢。吃過飯，甜品有濃郁的芝麻味雪糕。百多元就可享受如此高質素的美食，滿足。…Read More

朋友話睇到報導，伊呂波呢排有做燒肉放題，今日黎睇下啦。佢有幾種價錢既放題簡，我地簡左$298既放題。肉既種類唔算好多，不過都係岩食既款式！除左豬，牛，雞呢Ｄ燒肉款，仲有蝦，熟食同埋甜品，我覺得都夠食。當然如果想要享受，都可以升級食上等牛肉同埋和牛食物方面，其實燒肉放題黎講，呢度算係中等價錢，唔平，不過幾合理。整體黎講，燒肉既質素係偏高既，肉塊係厚切，肉質都係中上! 好滿意。牛舌係無得輸，處理得好好，牛舌本身好有彈性，醃得幾得宜，牛味都幾重。五花腩肉都好正，燒完之後好香口! 雖然有D 油膩, 不過食燒肉係係咁架啦另外, 其實仲有叫到燒牛油燒雜菇~~ 牛肉香, D 菇都好有咬口~~而且, 呢度個爐係會燒到網紋, 好多燒肉店都做唔到~  下次有慶祝活動都會簡黎呢度食放題~~…Read More

今日同朋友來慶祝生日。今次是第二次來食，午餐同晚餐不同，要散叫或套餐，我們叫了5個伊呂波套餐和1個Donburi定食，其實分別不大。。。兩個餐都可以選牛，牛胸外膜，豬，雞。我們選了三牛，一雞，一牛胸外膜。牛同牛胸外膜都好嫩，雞算普通。天婦羅同三文魚刺身也是普通，沒甚麼特別。睇來晚餐任食好點最後有個tiramisu雪糕，都算是一個完滿的套餐。…Read More

同班「兄弟」見面，成班大食積食肉獸，識揀一定揀任食！燒肉嘅選擇都唔少，而且都好新鮮，的我別係牛肉，好香肉味！另外不得不推薦呢個腸好味，勁juicy!Sapporo 啤酒…Read More

韓式燒肉大行其道，我自己也愛，但日式燒肉那份精緻，又非韓燒能完全取代。久聞伊呂波的燒肉用料上乘，食過後便會樂而忘返，令人不想再多食平價燒肉，星期日去開尖沙咀，決定去一去朝聖。最近餐廳推出了放題套餐，可謂粉絲福音，但我一再強調夜晚食放題我需要有心理加身理準備，所以今次就試下定食先啦！我們走入餐廳，已經感受到那濃烈的東瀛味道，特別是我們獲安排的座位，是要脫下鞋的。初見到時還擔心要盤腿而坐或是要跪坐，幸好不是。我點的是燒肉煮牛肉湯套餐,$130，另加了$30令肉加大份量。值得一提是枱的空間很大，兩人共用燒烤爐之外，擺了個大盤另仍有位置進食，又不用直對火爐，唔洗咁熱。一個套餐可謂咩都有，麵鼓湯丶前菜丶蒸蛋丶生菜籃以及牛肉。肉類方面其實是可以選牛肉丶牛胸外膜丶豬肉和雞肉之一。另有一窩牛肉湯，可謂一個超級豐富的午餐。我首試當然是燒肉，只見牛肉燒後不用佐以醬料已十分入口，牛味足，而且肉質juicy,絕對不是平價肉呢！牛肉湯味清但料多，但不建議配飯，因會沒有了牛肉味，反而單喝更有味道。朋友點的是燒肉定食，$120，另加了$40令肉加大，可選兩款或三款肉，朋友點了牛肉丶牛胸外膜跟雞肉。不同種類的肉令口感及味道完全得到滿足。牛肉較瘦，食落紮實而牛味濃；牛胸外膜較肥美，但脂肪與瘦肉分佈很平均，我的最愛。雞肉嫩滑但最普通。我們另點了迷你鹽燒牛舌，$50，牛舌偏粉紅，厚薄有致。牛舌只需輕輕燒一燒很快便可以食。口感不同牛肉，帶爽嫩，啖啖均是享受，必點。是日跟餐的甜品是柚子雪糕，冰涼冰涼的，柚子味濃，沒有半點人工甜味，反而酸酸的夠清油膩。吃罷一頓豐盛的午餐，我們均贊同伊呂波的燒肉的確是高水準之作，下次必定要向燒肉放題進發，飽死也願。…Read More

環境好好，坐tatami坐得好舒服！服務都唔錯。上菜速度好快，唔使催。講返重點每份肉份量適中，切得好圴勻，睇上去好靚，但食落肉質一般豆腐反而幾特別。最好食係薄切牛排肉，可能係好薄既關係，食起黎比較有味好感幾好…Read More

呢間真係高質素嘅牛肉燒肉店～～夜晚食都唔平，至少$600一個人，所以要試當然食午餐啦～～就係因為午餐又抵又高質素，一班同事已經變成例行嘅生日午餐😋😋我地最常叫就係「伊呂波」餐+加大份量$30。加大後有10-11塊左右～唔好睇少佢得10小塊，佢呢個餐係包括好多野食㗎～～1，前菜沙律2，麵豉湯3，三文魚4塊刺身4，什錦炸天婦羅4-5件5，一杯蒸蛋，一碗白飯6，主菜-牛肉7，甜品我地試過其他午餐～～貴嘅都試過，最好味都係伊呂波餐仲一定要加大～～另加$30會多幾塊㗎～上齊～～我唔客氣啦～～講真，刺身，天婦羅每碟都幾蚊啦～仲要咁新鮮，咁脆咁好味～～蒸蛋又係超滑滑～～呢三樣都值一半價錢，仲有主菜牛肉呢？呢碟牛食到個個都有讚冇彈～～超正呀～～慢慢嘆其實燒牛肉唔好太耐，好快熟，食幾多燒幾多。一燒起即食先最正～～我地會另加燒牛舌～～真係超級香好好味丫最後係甜品，呢個紅豆雪糕真係冇得彈😍😍😍嚟多個丫唔該😋😋夜晚真係好貴，要試牛肉嘅朋友可以嚟食午餐試下。而且近期出左夜晚放題，朋友話質素一樣超正有$298/52款$398/60款我下次會嚟試😍😍…Read More

本身見到呢間野咁多好評，就諗住去試下啦。 放題有298 398兩個價位，見298都夠多款式就揀左298。上完樓梯見到佢既裝修就覺得好有日本既味道，真係幾唔錯啲設計，已經好期待呢餐飯。但可惜，期望愈大失望愈大～ 啲牛肉係幾靚幾有光澤既，牛肉。但啲雞同豬真係唔試好過試，晒左啲quota:( 另外，我地亦都叫左一杯High Ball，呢杯野真係好難飲，同我地係日本飲到既差好遠，真係好失望 。食物方面都有7/10分既但我始終覺得一間食肆既成功與否，其中一個關鍵因素係侍應既態度。其中兩位男侍應既服務態度真係好差，我地已經好有禮拜咁唔該前唔該後，佢都繼續黑面，上菜既時候大大力撻落張枱度，真係好受氣。最後last order既時候，諗住清清地食啲蔬菜就只係嗌左兩份露筍，佢個樣就好唔妥你咁，好似last order都唔叫得野食咁。最後，夠鐘交枱既時候，我地只係坐多左五分鐘，諗住食埋少少野廢事曬野，其中一個男侍應就好大聲咁嘖一聲，呢餐飯真係好激氣食得…Read More