Video
Opening Hours
Today
18:00 - 00:00
Mon - Sun
18:00 - 00:00
Above information is for reference only. Please check details with the restaurant.
夜晚想搵個地方同朋友吹下水、食下串燒？咁可以參考下呢間位於銅鑼灣嘅「人生有限杯.串燒店」啦！呢間串燒店價格合理，有各種唔同價位嘅串燒供食客選擇，酒類飲品類都有好多選擇！同朋友一邊吹水一邊食，唔驚唔覺叫咗好多野食！🍢鹽燒西班牙五花腩 $10@1🍢黑松露燒雞肝 $15@1🍢味噌松阪豬 $15@1🍢鹽燒雞腿肉 $20@1🍢鹽燒雞皮 $20@1🍢椒鹽雞軟骨 $20@1🍢汁燒雞爽肉 $20@1🍢鹽燒豬肋肉 $28@1- 各種串燒有唔同價位，最抵10蚊就有啦！各種串燒都烤到至外層微脆，調味恰到好處，忍唔住越叫越多！🍞焦糖菠蘿鵝肝醬多士 $58- 菠蘿清新，配埋醇厚嘅鵝肝，口味驚喜，值得一試！🦀蟹粉日式豆腐 $68- 用料豐富，蟹肉非常之多，配搭買外酥內滑嘅豆腐，味道簡直一流！🐟椒鹽+紫菜味+泰式辣醬九肚魚 $68- 九肚魚炸得黃金酥脆，望落就非常有食慾，再配埋特製醬汁，令人食到停唔到口！🍨港式燒蜜糖多士夾雪糕 $48- 即叫即做，香脆嘅多士中間夾住香甜嘅雪糕，作為串燒後甜品簡直一流！🍹荔枝檸檬Soda $28@1- 口感清爽而唔會甜膩，可以用黎解膩，仲有大大粒嘅荔枝果肉！呢間餐廳平日都非常之熱鬧，最好提早book位啦！夜晚口痕想食串燒嘅朋友快啲帶埋三五知己一齊黎聚會啦！
continue reading
記得年幾前食過銅鑼灣嘅人生有限杯，食物質素都相當唔錯，近排發現佢係尖沙咀開左新分店，緊係食過番尋味黎支持下啦💛新店座落係赫德道位置非常方便而且裝修仲非常有格調，有open kitchen比你睇住師傅燒，真係好似去左日本咁而且價錢仲非常實惠，最平一串都係10蚊，勁抵‼️❣️五花腩 ($10)五花腩燒出嚟嘅時間岩岩好，油香味豐富而且孜然調味唔會話太重，最重點係10蚊一串，真係食多幾串都唔驚😆❣️墨魚鬚 ($10)墨魚鬚相當彈牙而且鮮味十足，最重點係個墨魚鬚配埋嘅泰式酸辣醬非常惹味相當推薦😋❣️蜜糖栗米 ($10)燒栗米一上枱已經聞到一大陣勁香既牛油味，食入口蜜糖牛油嘅調味無懈可擊，栗米粒亦都非常飽滿仲非常juicy ♪( ´▽｀)❣️味噌松板豬 ($15)松板豬油脂非常豐富，食落口感似豬頸肉🐖另外個味噌調味都似蜜糖醬，好味得嚟都非常邪惡😈❣️鵪鶉蛋卷 ($20)鵪鶉蛋入面有滿滿嘅蛋黃，外面包住一層薄薄嘅豬腩肉，如果鍾意食蛋捲嘅朋友仔真係唔可以錯過🤟🏻❣️芝士年糕 ($38)芝士年糕外層燒得香口得黎又非常煙韌，入面既芝士流心咸香味十足，相當唔錯🥳❣️山椒鰻魚汁白鱔 ($48)白鱔有三大舊，鱔肉鮮味十足，鱔皮亦香脆，鰻魚汁惹味得黎唔會搶晒鱔嘅鮮味👅另外仲有山椒調味，有少少麻嘅感覺相當頂癮，好食到我地仲encore左一串😙😙❣️鹽燒牛舌心 ($28)牛舌心肉質彈牙亦保留到肉汁，牛味亦相當豐富，鹽燒既調味亦無得彈‼️無諗過呢個價錢有咁嘅質素，非常推薦🫶🏻❣️椒鹽雞軟骨 ($20)椒鹽味相當香口，雞肉同軟骨比例都岩岩，整體感覺不過不失～❣️免治雞肉棒 ($28)免治雞肉棒會配埋生雞蛋一齊上兩樣一齊食令到個雞肉非常滑溜，而且仲有淡淡蛋香🍳雞肉棒入面仲有大量軟骨碎，口感豐富🤩推薦‼️❣️墨魚滑紫菜大蝦 ($68)呢個墨魚滑紫菜大蝦絕對係呢到既必食推介‼️啖啖墨魚滑彈牙得嚟仲保留到淡淡嘅海鮮味🥹除此之外仲有個大蝦，大蝦蝦肉都係爽口蝦味相當濃厚，無諗過墨魚滑同大蝦係咁夾✨另外仲有個千島醬調下味酸酸地非常開胃🥳❣️焦糖雪糕多士 ($48)黎人生有限杯最唔可以錯過嘅就係個甜品雪糕多士🥰焦糖多士甜絲絲又非常酥脆‼️雪糕嘅冰凍口感又十分清新而且令到個多士多返一種濕潤感，食完幸福感滿滿🥺強烈建議食完串燒之後食埋個甜品先走😈推薦指數：🌟🌟🌟🌟【𝐏𝐫𝐢𝐜𝐞: 4.8/5 𝐅𝐨𝐨𝐝: 4.2/5 𝐄𝐧𝐯𝐢𝐫𝐨𝐧𝐦𝐞𝐧𝐭: 4.5/5】ғᴏʟʟᴏᴡ ᴍʏ ɪɢ ☞ sɪᴜ4ᴍᴀɪ_ɪɴᴛʜᴇʜᴏᴜsᴇ
continue reading
終於等到放暑假，有時間帶佢去食佢至愛既串燒！之前成日聽住佢話「媽咪，我好想食串燒啊！」真係聽到暈！今次去左銅鑼灣啲間串燒店，真係親子友好！揀選左食物後，店員就好貼心問：「小朋友食唔食得辣？要唔要走黑椒？」，佢啲個主動提醒真係令我好窩心，因為連作為阿媽既我都無諗到串燒好多時都有黑椒！真係好細心！❤️ 餐廳環境好chill，木系裝修加柔和燈光，坐得舒服又唔會太嘈，真係岩曬一家人慢慢食✨ 🔥而家仲岩岩有新餐單登場！獨特風味＋親民價錢，真係款款有驚喜，CP值超高！ 🔆焦糖菠蘿鵝肝醬多士🍍菠蘿嘅酸甜平衡鵝肝嘅濃郁，多士脆口，阿仔搶住食！ 🔆蟹粉日式豆腐🦀豆腐滑溜，蟹粉鮮香，一啖入口超滿足～ 🔆墨魚滑紫菜大蝦🍤紫菜外加芝麻，包住墨魚滑同大蝦，脆得曬又夠曬彈牙，真係好正！ 🔆汁燒雞隔膜🍗肉質爽嫩，醬汁惹味，阿仔話要encore！ 🔆泰式燒墨魚鬚🐙墨魚鬚大大粒又厚肉，燒到岩岩好，爽脆有嚼勁，小小微辣又香口！ 🔆港式蜜糖燒菠蘿🍍香甜多汁，燒到微焦，阿仔最愛嘅甜品之一！ 🔆港式蜜糖牛油燒栗米🌽牛油香配埋蜜糖甜，栗米粒粒爆汁，簡單但超正！ 🔆鹽燒和牛牛小排🥩牛味濃郁，油脂分布均勻，入口即溶～ 🔆山椒鰻魚汁燒白鱔🐟白鱔肉質肥美，山椒微辛好開胃！ 🔆鰻魚飯糰🍙外層脆脆哋，鰻魚汁滲入飯粒，好滋味！ 🔆明太子忌廉鳥冬🍜忌廉creamy，加上明太子既鹹香，阿仔食到舔舔脷🔆港式蜜糖多士夾雪糕🍨用砂糖燒過既多士，熱辣辣咁配埋凍冰冰既雪糕，啲個作為一餐既完結，真係完美既收尾！ 今次真係食得好開心，阿仔仲話下次要再嚟！串燒選擇多，價錢又合理，仲咁照顧小朋友，絕對係家庭聚餐好去處！👨👩👦👦💖
continue reading
「人生有限杯串燒店」喺銅鑼灣開咗新分店，即刻同屋企人去飲翻杯，食下野。*此餐廳收取10%服務費。蒜蓉菜脯燒元貝2隻（單點$96），表面鋪有粉絲、菜脯碎、蒜蓉、香蔥，元貝食落好新鮮。蟹粉豆苗（單點$78），豆苗口感幼嫩，蟹粉份量多，味道鮮甜，配料包括有炸雞皮、蒜頭。明太子忌廉烏冬（單點$58），表面鋪有明太子醬、日本蘭王蛋，味道鹹辣，略嫌稻庭烏冬口感偏向腍身。蝦多士2件（單點$58）。麻糬豚肉卷（兩串$40），麻糬口感煙韌，豚肉肉味濃香，配以紫菜、海苔粉食用，充滿日式風味。黑松露金菇卷（兩串$40）。鰻魚飯糰（單點$38），鰻魚肉質厚嫩，食落充滿蒲燒醬汁味道，飯糰口感脆口，偏向飯焦口感，另外，紫菜為獨立包裝，略嫌並未燒過，所以紫菜香味、脆度尚未完全帶出。芝士年糕2件（單點$38），口感外軟糯內流心，芝士餡料味道鹹香，配以煉奶食用，味道更佳。味醂魚干（單點$38）。豚肉牛油果卷（單點$28），表面鋪滿紫菜、美乃滋，豚肉肉質肥瘦適中，配以牛油果食用，味道清新。芝士菠菜卷（單點$28）。蜜糖燒菠蘿（兩串$20），菠蘿食落好Juicy，味道香甜。香燒翠玉瓜（兩串$20），表面鋪滿孜然粉，食落好惹味。荔枝檸檬梳打（單點$28），內有荔枝，飲落味道酸甜。冷泡白桃味烏龍茶（單點$18），茶味濃香，略嫌白桃味道偏淡。
continue reading
喺銅鑼灣想食串燒一定會諗起依間性價比超高嘅串燒店，而且依家啤酒做緊買一送一🍻⭐️墨魚滑紫菜大蝦: 墨魚滑沾滿黑白芝麻，包住大蝦🍤 非常香又鮮甜! 🦪 蒜蓉菜圃燒廣島蠔: 極多蒜好香😇 🩷明太子忌廉烏冬: 明太子忌廉好creamy😆 仲有生蛋黃撈埋🤍🍛 咖喱牛舌手抓餅: 份量好大 咖喱牛舌超正!!香脆手抓餅!!蝦多士九肚魚(椒鹽/紫菜/泰式辣醬)鹽燒雞腿肉燒鮮雞腎免治雞肉棒（配日本蛋)鹽燒牛舌芯😆芝士年糕
continue reading