人生有限杯.串燒店

之前試過呢間串燒店其他分店，每間都有d 唔同特色食物選擇，不過好彩每間都有我最鐘意嘅港式燒蜜糖多士夾雪糕，必食推介，今次黎到呢間又有新野港式蜜糖燒菠蘿菠蘿夠甜，可以多點蜜糖再脆面啲更正港式蜜糖牛油栗米夠焦香，同夠牛油味不錯鹽燒雞腿肉雞腿嫩滑，每次嚟到都會點呢個黑松露金菇卷經典嘅配搭，黑松露味唔會過分濃烈搶味蟹粉日式豆腐今次響銅鑼灣店試嘅新嘢，岩炸好既豆腐熱騰騰，配上超級滿滿的蟹粉，滋味滿分，一啖豆腐一啖蟹粉的滋味，必點菜式鹽燒和牛牛小排厚切和口夠juicy, 牛味濃，正流心蛋蟹薯仔沙律每次嚟都會點呢個沙律，流心蛋撈埋一齊好好味蟹粉豆苗另一個新嘗試蟹粉選擇，都系蟹粉多到可以撈住啲菜一齊食，如果有飯一定可以餸幾碗咖哩牛舌手抓餅發現今晚叫既野食都好餸飯，雖然呢個有手抓餅，不過如果可以開飯應該會更滋味明太子忌廉烏冬又系另一樣新野，蛋黃配合明太子，又出奇地夾忌廉烏冬，creamy 得黎又有點咸香，不錯港式燒蜜糖多士夾雪糕仍然系我最愛嘅一道菜，必點甜品之一，冷熱交融，脆皮多士配搭慢慢溶緊嘅雪糕，一餐裡面完美嘅作結…Read More

收藏咗呢間「人生有限杯 . 串燒店」好耐，終於扚起心肝去食，小弟對於呢間店嘅期待指數係非常之高，加上網上面幾乎冇負評，所以期待值真係滿分，不過食完之後，我就唔係咁睇，我絕對覺得網上面嘅人嘅評語過分誇大，甚至乎係咪收錢㗎你。事實上完呢餐之後我嘅失望值反而係標高，我絕對覺得唔需要推薦別人去食，當然你有時間，而且唔使排隊咪去食吓囉，要排隊嘅話真係冇乜必要。我叫咗個流心蛋薯仔沙律、蒜蓉欖角燒蟶子、蟹粉日式豆腐、蒜蓉菜脯燒茄子、明太子忌廉烏冬、泰式燒墨魚鬚、鹽燒鮮雞皮、焦糖菠蘿鵝肝醬多士、白酒忌廉煮蜆、蒜蓉燒蠔、豚肉荔枝卷、鹽燒雞腿肉同埋仲有杯荔枝檸檬梳打幾好飲。而家先講先講伏嘅先：蟹粉日式豆腐 ：呢個真係冇諗過會唔得，因為喺網上面見到都有人，真係想問嗰條友識唔識食㗎？粉有少少腥，豆腐佢就切得細細舊跟住塊皮超厚，唔係好感覺到食豆腐，非常推薦你唔好叫呢個食！❌蒜蓉菜脯燒茄子 ：呢個唔算係伏，但係處理得非常唔出色，主要係調味嗰度，完全浪費咗蒜蓉，唔知點解佢將蒜蓉菜脯同埋佢一個醬撈埋一齊之後變得完全唔精彩，另外一啲舖頭只不過好簡單用蒜蓉用少少調味粉就已經好容易好出色，反而佢仲俾心機加咗菜脯之後我覺得有啲失色，呢款菜叫唔叫嚟食你自己諗，因為佢又唔係唔好食，但係又唔係好食，因為事實上係可以做得好出色，但係佢偏偏做到唔出色。😩明太子忌廉烏冬 ： 呢個真係最多人讚，喺網上面差唔多偏偏搵到讚，黐線❗️首先碗烏冬嚟到嘅時候真係好香，充斥着濃濃嘅奶香味，烏冬上面有明太子醬同埋一隻蛋黃，撈埋左一齊食之後，明太子味唔夠濃，忌廉又冇乜味，當初好香嘅奶味，原來只係嗅覺❓好奇怪，最大問題嘅就係烏冬，超級淋啤啤🤮非常糊口，終極失敗‼️ 焦糖菠蘿鵝肝醬多士 ： 無論係個名，或者係個賣相都好吸引，又係嗰句，當你期望越大失望就越大！焦糖菠蘿我冇問題，鵝肝醬有少少冰，多士裏面有啲淋，三樣嘢加埋嚟食呢個組合應該冇乜問題，但係佢哋偏偏出現大問題，食物上面完全冇互相幫助，再加上食材有問題，我相信如果稍為改一改成件事就Perfect，鵝肝醬轉為鵝肝，佢嘅多士就唔好用法包，真係用無邊嘅多士，而且仲要整得脆而唔係硬，而家佢嘅做法就係硬個發包變硬，中間就淋，係因為鵝肝醬處理上面唔知點解出水，整濕咗個包，所以成個組合好難食❌以上呢幾樣嘢係最大問題，都有幾樣嘢出色嘅，就係蒜蓉欖角燒蟶子、泰式燒墨魚鬚、鹽燒鮮雞皮、豚肉荔枝卷，其他嘢食基本上普通，不過不失，絕對唔需要大推，所以我真係唔係好清楚啲網友嘅口味還是係打手🙄…Read More

很喜歡吃串燒，夠香口🥰。這家串燒最平$10-20一串，多吃無妨。餐廳氣氛也方便邊吃串燒邊談天❤️👍。這裡有自家創作Menu，焦糖菠蘿鵝肝多士，菠蘿和鵝肝都微微煎香，味道互相配搭；墨魚滑大蝦紫菜卷，紫菜包着彈牙墨魚滑及大蝦，再炸，外脆內彈牙。椒鹽九肚魚，一口咬下去，九肚魚肉好像溶了一樣，美味。另外日式淮山也非常推薦，日式淮山是淮山蓉搓成一粒，口感特別，配世一蛋黃醬。蝦多士也是上面淋上蛋黃醬，配搭得不錯。另外其他串燒如鹽燒雞腿肉、泰式燒墨魚鬚、港式蜜糖爊菠蘿、港式蜜糖牛油栗米、鹽燒雞中翼等也燒得香口，值得一試。…Read More

今日去銅鑼灣食飯，朋友推介呢間抵食串燒店 - 人生有限杯串燒店，主打性價比高 $10起一串，串燒款式選擇多，銅鑼灣新店，環境又好，還有卡位，可以同朋友飲啤酒食串燒！啤酒買一送一 ， 真係好抵飲！ ［泰式燒墨魚鬚］墨魚鬚厚切又彈牙，泰式酸辣醬辣辣地，酸酸哋，好開胃，邊緣燒得微焦，好香［黑松露燒雞肝］雞肝口感綿密，醬汁香甜卻唔會漏！ 好香［鹽燒牛舌芯］厚切牛舌芯軟嫩，必點！［焦糖菠蘿鵝肝醬多士］鵝肝再燶少少更好，配焦糖菠蘿酸甜幾特別，多士香脆［蒜蓉菜圃燒廣島蠔］廣島蠔好肥美，配埋香蒜菜圃，超惹味人［墨魚滑+紫菜+大蝦］必食！ 用紫菜包住彈牙嘅墨魚滑同大蝦肉，好特別！［鹽燒雞腿肉/雞中翼］皮脆肉嫩，雞肉燒完都仲好 Juicy#人生有限杯＃串燒＃高質＃旺角＃旺角美食#香港美食…Read More

人生有限杯串燒店，主打性價比高，串燒款式選擇多🫶🏻 分店仲越開越多，今次試銅鑼灣新店，環境唔錯，仲有卡位👍🦑 泰式燒墨魚鬚墨魚鬚厚切又彈牙，泰式酸辣醬好醒胃，邊緣燒得微焦，出色👍🐔 黑松露燒雞肝每次必食，雞肝口感綿密，醬汁香甜卻唔會漏，性價比極高👍🐮 鹽燒牛舌芯厚切牛舌芯軟嫩，簡單鹽燒已足夠突顯牛肉香，必點！🍍 焦糖菠蘿鵝肝醬多士鵝肝豐腴綿密，焦糖菠蘿酸甜，完美中和油膩，多士香脆，幸福感爆棚🤪🦪 蒜蓉粉絲蒸蟶子蟶子鮮甜又無沙，粉絲係重點😌 吸曬蒜香，正👍🦪蒜蓉菜圃燒廣島蠔廣島蠔好肥美，配埋香蒜菜圃，超惹味👍🍢 墨魚滑+紫菜+大蝦 用紫菜包住彈牙嘅墨魚滑同大蝦肉，夠晒特別，鮮味十足😬🍗鹽燒雞腿肉/雞中翼皮脆肉嫩，雞肉燒完都仲好Juicy👍🐮韓風燒牛肋肉甜辣醬好惹味，肉質軟嫩 👍🥒翠玉瓜清甜多汁，非常厚切，必點😬🍺 札幌生啤（買一送一） 冰涼啤酒泡沫綿密，夠晒清爽，配串燒一流🫶🏻人均$200-300就可以食盡多款串燒及暢飲，串燒選擇多而且質素穩定，適合一班人吹水聚會👏…Read More

終於去食呢排大熱嘅串燒店🤩今次去銅鑼灣嘅分店，氛圍好似去咗日本居酒屋🏮串燒選擇多，最平$10就有交易🤑除咗串燒都有唔同嘅炸物、小食同飲品🍻札幌生啤買一送一，好抵飲😋好推薦以下串燒💫鹽燒牛舌芯💫韓風燒牛肋肉💫鹽燒和牛牛小排牛舌食落爽口一啲都唔韌🥰牛小排牛肋肉都好嫩滑，調味啱啱好❤️‍🔥💫焦糖菠蘿鵝肝醬多士菠蘿嘅清爽解咗鵝肝嘅油膩感，鵝肝好香口配埋多士仔一流❣️💫鹽燒荔枝卷豬腩肉包住荔枝，咬落即刻爆汁好juicy💦💫椒鹽+紫菜味+泰式辣醬九肚魚💫墨魚滑+紫菜+大蝦小食都好特別，尤其係芝士年糕🤤年糕好煙韌，即叫即燒一咬就漏晒芝士極邪惡😻點埋煉奶出其地夾，墨魚滑好彈牙，九肚魚嘅調味豐富好惹味🥳💫港式燒蜜糖多士夾雪糕多士外層脆卜卜，蜜糖嘅香甜再加埋creamy嘅雪糕真係甜品控嘅天堂🤣我哋仲叫咗以下嘅串燒，同樣推薦，一定會翻桌😎港式蜜糖燒菠蘿黑松露燒雞肝鹽燒雞腿肉免治雞肉棒 (配日本蛋)蒜蓉菜圃燒茄子蒜蓉菜圃燒廣島蠔…Read More

銅鑼灣樓上串燒店,最平10蚊就有一串啦,款式多焦糖菠蘿鵝肝醬多士, 菠蘿好甜又多汁, 好多鵝肝醬,多士好脆 $58椒鹽+紫菜味+泰式辣醬九肚魚 九肚魚炸得黃金酥脆,入面魚肉好嫩滑,配上泰式辣醬好惹味$68豚肉牛油果卷 加熱左嘅牛油果好軟滑 $28豚肉秋葵卷,秋葵好脆口,包住豚肉d都唔油 $15黑松露燒雞肝, 黑松露味唔太出,雞肝好大舊好香濃 $15豚肉蘆筍卷,好爽口 $28鹽燒雞翼,好大隻,外皮香脆 $20韓風燒牛肋肉,辣辣地,肉質淋 $28雞油炒番薯苗 加左雞皮炒,好香 $58白酒忌廉煮蜆 彈牙,冇沙,醬汁夠味 $68麻糬豚肉卷 依個食完超級飽 $20翠玉瓜好多汁,爽口 $20芝士菠菜卷 菠菜好淋 $28百香果檸檬茶,清新酸酸地 $28…Read More

我成日帶小朋友周圍食野，點知原來小周董話我知佢咁大個都未食過日式串燒，我諗諗吓都可能係，因為每次食串燒都係會飲返幾杯，所以早幾日就揀左呢間餐廳同佢去試下。呢間餐廳就係登龍街永光中心上邊，地方好方便，我之前都試過同朋友嚟食，覺得佢啲串燒價錢唔貴又好味，今次叫咗鹽燒雞腿肉，啖啖肉，當然唔少得點牛舌、雞腎仲有雞軟骨串，今次試吓啲新嘢，點左2款小食，都超級好食。見到有個咖喱手抓餅，估唔到超級有驚喜，手抓餅新鮮香脆，咖喱夠香辣，簡直食到我停唔到口。另一個小食係墨魚滑紫菜大蝦，上枱嘅造型已經好靚，成條龍咁，唔止賣相好仲好好味，墨魚滑加蝦滑食入口都好彈牙，配埋紫菜增加口感，正！另外小朋友鍾意食香口嘢佢點咗蝦多士，鰻魚燒飯團，佢都食到舔舔脷，不過佢最鍾意竟然係燒菠蘿，佢一個人食咗四串，酸酸甜甜，面頭有少少脆，你見佢食咁多就知佢真係好鍾意啦。兩個人食到飽到上心口都係幾百蚊，兩個都食得非常滿足，今晚又要做運動先可以瞓覺啦。…Read More

好耐無食串燒，周日晚同女女happy食晚餐🥢 去咗人生有限杯串燒店的銅鑼灣分店，食得好滿足💕✨️ 未開門已經好多人門口排隊，好彩有預約👏🆕 新餐單推出了各款嶄新、獨特的風味菜式且價錢亦好親民。 🍍港式蜜糖燒菠蘿好香甜多汁，推介，10蚊串抵食。鹽燒荔枝卷都好清新juicy 🥰麻糬豚肉卷好煙煙韌韌，好得意。💗💓豚肉牛油果卷🐔椒鹽雞軟骨香脆，仲叫了汁燒雞爽肉，鹽燒雞腿肉，免治雞肉棒等燒鳥。🍍焦糖菠蘿鵝肝醬多士香口。🐟椒鹽+紫菜味+泰式辣醬九肚魚香脆，適合送酒。海鮮咗有🦪蒜蓉菜圃燒廣島蠔🥢蒜蓉粉絲卷蟶子。最後食芝士年糕做甜品💓💗🍹🍸飲品：🌿薄荷桔仔GIN可以加10蚊DOUBLE SHOT，微醺感覺好正🥂🍋青檸梳打超級清新。               …Read More

銅鑼灣「人生有限杯」新餐單確實令人眼前一亮，價錢親民之餘，菜式選擇豐富又有特色，值得推薦比鍾意嚐鮮嘅朋友。🌸焦糖菠蘿鵝肝醬多士｜鵝肝醬超濃而且份量好多，配埋酸甜既菠蘿幾特別🌸鹽燒西班牙五花腩｜半肥瘦嘅油脂分布，啖啖肉汁好juicy🌸黑松露燒雞肝｜燒汁中食到淡淡松露香，幾特別🌸味噌松阪豬｜🌟味噌味甜甜哋好開胃，豬肉爽口彈牙🌸蟹粉日式豆腐｜蟹粉鮮味突出，好想加落碗白飯食🌸免治雞肉棒（配日本蛋）｜點生蛋食超滑溜，口感正🌸鹽燒牛舌芯｜🌟爽口彈牙，燒得剛剛好🌸雞頸肉｜少見部位，口感特別有嚼勁🌸蒜蓉菜脯燒茄子｜🌟菜脯鹹香夠惹味，茄子軟熟🌸蒜蓉菜脯燒廣島蠔｜🌟蠔肉肥美，蒜香十足🌸墨魚滑+紫菜+大蝦｜三種口感一次過，外層包滿黑芝麻炸到好香口🌸明太子忌廉烏冬｜Creamy得嚟唔膩，明太子鹹香夠味🍹百香果檸檬茶｜酸甜清爽，解膩一流🍹桔仔薄荷梳打｜清新爽口，飲完成個人refresh咗…Read More

人生有限杯串燒店 • 人氣排隊熱店💰價錢親民｜款式多｜即叫即燒🍖🫷🏻專業食家緣緣私心推薦🫸🏻1️⃣港式燒蜜糖多士夾雪糕必食✅麵包暖暖哋+凍雪糕🍦冰火交融😍好正2️⃣焦糖菠蘿鵝肝醬多士鵝肝好厚👏🏻半溶狀態食落好似流心咁🫶🏻菠蘿🍍酸酸甜甜好開胃3️⃣椒鹽＋紫菜味＋泰式辣醬九肚魚呢款好推介🙏🏻超級酥脆九肚魚好香😋加埋泰式辣醬好夾😍4️⃣豚肉荔枝卷好有驚喜😍鹹鹹甜甜嘅組合荔枝中和番油膩感👍🏼5️⃣味醂魚干燒得好香🤩軟硬適中👌🏻味道少鹹+甜甜哋送酒一流👍🏼…Read More

一入去見到木系裝修再加上柔和嘅燈光🏮感覺好似去左居酒屋咁💕一睇餐紙仲發現價錢勁親民呀最平$10串😍食完都覺得勁好味下次一定要再黎食先得非常推介大定一定要試吓以下呢幾款✨—------------------------------🍢泰式墨魚鬚 有驚喜🩷墨魚鬚勁粗身厚肉爽口彈牙，再配上佢地泰式醬超，勁好味🍢豚肉荔枝卷 呢個必食+encore item🩷豚肉包住清甜多汁嘅荔枝，真係估唔到咁好味🫶🏻🍢味淋魚干 魚干燒到脆口帶有微微焦香味👍🏻配上薄薄囓味淋醬，層次豐富真係好岩送酒食🍢墨魚滑紫菜大蝦 勁大份💥紫菜好脆口中間仲有蟹柳同彈口嘅墨魚滑，口感非常豐富🍢鹽燒雞腿肉 雞腿肉連埋皮燒，佢將皮燒到脆卜卜肉質就好嫩滑多汁，啖啖肉無得頂🍢九肚魚(椒鹽+紫菜+泰式辣醬) 好少地方有得食，所以諗都唔諗就叫左佢整到好酥脆可口，完全冇影響魚嫩滑嘅肉質 🍢港式蜜糖多士夾雪糕 多士係搽左蜜糖燒，所以非常香脆再搭配埋凍冰冰嘅雪糕🍨口感外脆內軟，冷暖交合…Read More

最近同朋友去咗銅鑼灣嘅 人生有限杯串燒店，地鐵站一出步行幾分鐘就到！🍢 餐廳走日式居酒屋風，氣氛熱鬧，木枱木凳好有feel☺️今次試咗一堆招牌菜❤️鹽燒雞腿肉
雞腿肉燒到皮脆肉嫩，鹽燒調味簡單卻超香，肉質juicy，咬落啖啖肉好滿足！灑少少檸檬汁，更加清新惹味，啱晒鍾意清淡口味嘅朋友！😋焦糖菠蘿鵝肝醬多士
多士烤得金黃香脆，搽上甜甜嘅焦糖菠蘿醬，酸甜開胃，仲有濃郁鵝肝醬嘅香滑，入口係甜中帶咸嘅層次感！必試嘅fusion小食！😍豚肉牛油果卷
豚肉包住牛油果，燒到外焦內嫩，牛油果滑溜同豚肉嘅油香好夾🥹蒜蓉粉絲卷蟶子
蟶子新鮮肥美，蒜蓉香氣撲鼻，粉絲Q彈吸汁，微辣惹味～芝士年糕
年糕外層燒得香口，煙韌有嚼勁，內裏芝士流心，咸香濃郁，咬落好滿足，鍾意芝士嘅朋友一定唔可以錯過！🥳蒜蓉菜圃燒廣島蠔
廣島蠔超大隻，鮮甜juicy，蒜蓉同菜圃嘅鹹香提味，燒到啱啱好，入口滑順，完全唔腥，海鮮控必試！😍🙌🏻明太子忌廉烏冬
烏冬Q彈，配濃郁明太子同忌廉醬，撈勻超creamy，蛋黃嘅鮮香同明太子嘅微辣好夾，食到一啖接一啖，滿足感爆棚！😋😆港式蜜糖多士夾雪糕
多士外脆內軟，搽滿蜜糖甜而不膩，夾住冰涼雲呢拿雪糕，冰火交融，甜品控嘅最愛🍨
人生有限杯嘅菜式真係款款有特色，串燒平靚正，最平$10一串，質素高到唔似呢個價！😗同一般居酒屋比，呢度嘅fusion菜式新鮮有趣！銅鑼灣 人生有限杯…Read More

終於等到放暑假，有時間帶佢去食佢至愛既串燒！之前成日聽住佢話「媽咪，我好想食串燒啊！」真係聽到暈！今次去左銅鑼灣啲間串燒店，真係親子友好！揀選左食物後，店員就好貼心問：「小朋友食唔食得辣？要唔要走黑椒？」，佢啲個主動提醒真係令我好窩心，因為連作為阿媽既我都無諗到串燒好多時都有黑椒！真係好細心！❤️ 餐廳環境好chill，木系裝修加柔和燈光，坐得舒服又唔會太嘈，真係岩曬一家人慢慢食✨ 🔥而家仲岩岩有新餐單登場！獨特風味＋親民價錢，真係款款有驚喜，CP值超高！ 🔆焦糖菠蘿鵝肝醬多士🍍菠蘿嘅酸甜平衡鵝肝嘅濃郁，多士脆口，阿仔搶住食！ 🔆蟹粉日式豆腐🦀豆腐滑溜，蟹粉鮮香，一啖入口超滿足～ 🔆墨魚滑紫菜大蝦🍤紫菜外加芝麻，包住墨魚滑同大蝦，脆得曬又夠曬彈牙，真係好正！ 🔆汁燒雞隔膜🍗肉質爽嫩，醬汁惹味，阿仔話要encore！ 🔆泰式燒墨魚鬚🐙墨魚鬚大大粒又厚肉，燒到岩岩好，爽脆有嚼勁，小小微辣又香口！ 🔆港式蜜糖燒菠蘿🍍香甜多汁，燒到微焦，阿仔最愛嘅甜品之一！ 🔆港式蜜糖牛油燒栗米🌽牛油香配埋蜜糖甜，栗米粒粒爆汁，簡單但超正！ 🔆鹽燒和牛牛小排🥩牛味濃郁，油脂分布均勻，入口即溶～ 🔆山椒鰻魚汁燒白鱔🐟白鱔肉質肥美，山椒微辛好開胃！ 🔆鰻魚飯糰🍙外層脆脆哋，鰻魚汁滲入飯粒，好滋味！ 🔆明太子忌廉鳥冬🍜忌廉creamy，加上明太子既鹹香，阿仔食到舔舔脷🔆港式蜜糖多士夾雪糕🍨用砂糖燒過既多士，熱辣辣咁配埋凍冰冰既雪糕，啲個作為一餐既完結，真係完美既收尾！ 今次真係食得好開心，阿仔仲話下次要再嚟！串燒選擇多，價錢又合理，仲咁照顧小朋友，絕對係家庭聚餐好去處！👨‍👩‍👦‍👦💖 …Read More

「人生有限杯串燒店」喺銅鑼灣開咗新分店，即刻同屋企人去飲翻杯，食下野。*此餐廳收取10%服務費。蒜蓉菜脯燒元貝2隻（單點$96），表面鋪有粉絲、菜脯碎、蒜蓉、香蔥，元貝食落好新鮮。蟹粉豆苗（單點$78），豆苗口感幼嫩，蟹粉份量多，味道鮮甜，配料包括有炸雞皮、蒜頭。明太子忌廉烏冬（單點$58），表面鋪有明太子醬、日本蘭王蛋，味道鹹辣，略嫌稻庭烏冬口感偏向腍身。蝦多士2件（單點$58）。麻糬豚肉卷（兩串$40），麻糬口感煙韌，豚肉肉味濃香，配以紫菜、海苔粉食用，充滿日式風味。黑松露金菇卷（兩串$40）。鰻魚飯糰（單點$38），鰻魚肉質厚嫩，食落充滿蒲燒醬汁味道，飯糰口感脆口，偏向飯焦口感，另外，紫菜為獨立包裝，略嫌並未燒過，所以紫菜香味、脆度尚未完全帶出。芝士年糕2件（單點$38），口感外軟糯內流心，芝士餡料味道鹹香，配以煉奶食用，味道更佳。味醂魚干（單點$38）。豚肉牛油果卷（單點$28），表面鋪滿紫菜、美乃滋，豚肉肉質肥瘦適中，配以牛油果食用，味道清新。芝士菠菜卷（單點$28）。蜜糖燒菠蘿（兩串$20），菠蘿食落好Juicy，味道香甜。香燒翠玉瓜（兩串$20），表面鋪滿孜然粉，食落好惹味。荔枝檸檬梳打（單點$28），內有荔枝，飲落味道酸甜。冷泡白桃味烏龍茶（單點$18），茶味濃香，略嫌白桃味道偏淡。…Read More