Kyoto Japanese Restaurant (Closed)

中午來到柴灣 領展的廣場到這一間日式料理之前我早已在店外被廣告牌吸引我與一位朋友相約在這裏共晉午餐雖然說是午餐但是時間已經接近三點　所以店內的客人不多店內沒有特別的裝修 一走進去就有侍應招呼地方寬闊 餐廳的牆全是落地玻璃 往外一望便能看到商場我們看一看餐牌 款式林林總總 有刺身有壽司還有午市定食我叫了一個蒜香牛柳粒飯 加了一杯是日特飲（需要加$4）不久之後已經上菜原來午市定食會送一盒麵豉湯和海蜇麵豉湯和海蜇也沒有特別不過不失但是這個牛柳粒飯嘅質素個人認為勝過相同價錢嘅餐廳蒜香汁喊中帶甜味旁邊有蛋絲和蟹柳雖然是小蟹柳但是可以吃得出不是一般平價的麵粉貨重點在於牛柳粒分量十足 牛味很重 加上蒜香汁和類似燒汁調味 更加令人開胃 另外需要一讚是這間餐廳選用的米質感煙韌 飯香撲鼻而來另外需要一提 就是餐廳的服務態度很好 很有禮貌吃得很飽一共人均消費只需要$69總括而言 整個體驗也令我10分滿足絕對值得推介和一試…Read More

如果你接受到連鎖快餐既水準呢間日本菜一定無問題!!!雖然社交媒體上既commemts都唔係好睇好佢但如果"平食"佢真係幾唔錯基本上今日7個人食無一個人對位個食物有任何負評反而有幾樣野仲覺得好食添惟獨明明book左7點10分鐘黎都未放我地入去咁book位黎做套餐好抵有兩件加洲卷同中華沙律跟個豬軟骨烏冬好食可以揀清湯同豬骨湯一上枱已經好香個湯拍得住出前一丁豬軟骨軟硬適中呢個忌廉野菌烏冬又係好食叫佢幫我走蟹籽又真係記得wo!類似西式意粉煮法濃而不膩菇亦無出水天婦羅好普通南瓜都算甜但個汁就好淡口壽司刺身都新鮮又多款好可惜壽司飯醋味唔夠一夾起亦非常容易散個邊爐份量ok可以夠兩個女仔share但超快就無湯要加2轉面頭鋪滿咗牛肉睇落都好鮮色幾吸引一致獲好評既係鰻魚pizza大家都覺得好特別出面好少地方有得食入面好多鰻魚同芝士不過太多沙律醬重手咗串燒拼盤亦麻煩地秋葵燒完太軟身翠玉瓜唔夠甜同上面既醬汁都唔match肉串更加用現成野無咩誠意。。。綜合黎講咁平質素算幾好所以會返轉頭。…Read More

好少嚟柴灣揾食 因工作需要嚟咗附近 行匀環翠都冇嘜其他食肆啱口味或者都要排好耐隊 所以試下呢間望落唔錯嘅日本菜食 lunch 排咗十分鐘到就有位入了實際價錢已經唔記得了 印象中大概六十蚊一個 lunch set 都唔算太貴叫咗個炸雞配凍蕎麥麵 set 其他有啲丼 set 同埋烏冬 set 價錢都係咁上下炸雞質素唔錯 炸粉唔係太厚 雞肉亦算滑 份量亦適中凍蕎麥麵就一般 冇嘜特别 麵質一般 唔係好彈牙 份量亦適中所以唔係特别推薦大家去食 但都不妨一試！…Read More

我比較鍾意食呢度嘅日式吉列咖哩豬扒飯，啲咖喱汁配埋啲飯，好香口，好好食。另外佢仲配埋一隻吉列蝦。我哋系食午餐嘅，價錢就五十零文左右啦。個餐包野飲。坐嗰張枱唔算話太寬敞嘅，啱啱好夠坐。…Read More

幾次一想食日本野都黎左京都，因元氣較多人同偏貴，所以食平dd啦一個人，叫左個定食再加小食，太大食喇我不過佢又真係好普通，三文魚算可以好過爭x既，天掃羅無乜味，係d雞翼先可以送下飯，講真真係好麻麻地、不過佢有bb椅、就幾岩家庭黎食既！同埋都有唔同選擇，如要求唔高都可以食下，但要求高既朋友就最好止步了，同佢裝修全黑色較昏暗而因無咩人關係侍應都快速同友善既，不過le 間唔算好平，我咁食都近百，不過至在有位坐低食，因魚x只可買走…Read More

星期日晚上和家人去吃晚飯。垂涎這間餐廳很久了，不過太令我失望了。天婦羅便當🍱($69)(全名不是這様 不過我忘了)三文魚壽司🍣: 垃圾 跟爭鮮的一模一様三文魚刺身🐟: 這個是所有東西裏最好吃的 夠厚夠多油脂 不過太小 説不定也是爭鮮的天婦羅🍤: 有一隻蝦 一塊茄子(吧?我也不知道)一塊蕃薯 一塊南瓜 蝦的炸粉超厚 满口都是炸粉味 其他的都普普味噌湯🍜: 罐頭湯 有點鹹 最敗筆的是它没有豆腐螺肉🐚: 還行 也跟爭鮮的一模一様白飯🍚: 挺好 不太硬還試了一點牛肉飯($65) 跟吉野家的一模一様 然後吃了點芝士吉列豬扒($42) 這個反而挺好吃 會拉絲順帶一提 桌子真的有點小 整個吃飯過程很擠迫…Read More

平時經過環翠商場，都見唔少人係呢間鋪出邊排隊，於是試吓！價錢普遍來講，都係$60-70一個餐，都算平民價！牛肉火鍋定食$88賣相吸引，材料有：6-7塊普通牛肉、3件蟹柳、獅子狗、半棵娃娃菜、金針菇配左 烏冬、一個生蛋、醬油汁味道普普通通，同吉野家差唔多！汁燒牛肉手打烏冬定食$59烏冬口感算有彈性，豬骨湯底算濃郁，讚嘅系：燒汁牛肉分量多，夠入味配菜：中華沙律辣辣地幾鍾意食 兩件壽司普普通通加$5有一杯雪梨茶總體來講：柴灣有間咁嘅平價日式料理，都係個唔錯嘅選擇。…Read More

難得放假自己起屋企，但懶得煮野食，就落樓搵野食。柴灣環翠商場重開左之後我都無去過，開左好多新餐廳。見到居然有唔係元氣依啲連鎖既日本餐廳，睇下menu價錢都ok就入去試下。日本餐廳緊係要試下佢既魚生飯！貌相幾好，有湯有配菜，同埋起碼都舖滿魚生，雖然品種唔多，但都算係咁。但啲三文魚都唔係角切既。。碎上。。新鮮就一般啦。而啲吞拿魚又有筋。。又凍又硬。。之後加左5蚊叫左杯熱甘桔蜜，好甜。。賣單78蚊，日本野算係平既，平平地想食下日本野，都可以試下。…Read More

又到夜晚搵嘢食嘅時候。媽話睇下食唔食薩利亞，如果唔係就去隔離嘅日本嘢食。去到薩利亞都係一如既往嘅多人，連排隊嘅意欲都無，都係去食日本嘢。媽之前帶過爸去食晏晝，佢話都 Okay。去到唔洗點等位，見有牛肉鍋即叫，估唔到有小火鍋，正！去親吉野家都會因為太多人，食唔到。另外都叫咗個魚生飯同蕎麥麵。個賣相同擺位唔錯。個爐反而少見啲，個侍應見我哋唔係好熟手，都好熱心幫我哋，開心嘅。啲牛肉係普通牛肉，不過 Okay。喺街坊住宅區算唔錯。…Read More

呢個環翠新商場, 有好多食肆, 但, 發覺想對自己好D, 食得過既, 其實唔係好多. 今晚本想去薩莉亞. 見得4個號碼, 諗住好快, 點知等咗3個字都未有, 就走咗試吓京都日式. 臨入門望吓佢個Menu, 價錢都OK既, 領展商場都合理. 叫咗個三色飯定食, 個面豉一望落去點解好似得水...哦原來係開粉沖出黎個D. 飲到最後都係勁咸...個D赤身蝦, 算大隻...但...太凍了... 有少少腥... 三文魚唔夠滑, 感覺太冰,雖然都夠厚....劍魚腩一般...個飯底硬咗少少... 成件事最好係服務, 侍應生都好有耐性講解乜餐有乜有物. …Read More

新開張, 之前見好多人排隊, 所以無特別排. 過左幾個禮拜後, 有晚見無咩人,所以立馬黎試下新嘢. 新開既, 理應食材有番咁上下質素.點知…中伏. 長話短說… 無咩特別唔需要黎試. 試左2個定食, 一個鰻魚, 一個鯖魚. 鰻魚不過不失, 鯖魚好鯹. 感覺不太新鮮. 飯不是日本米. 哩個價錢唔係日本米, 食材又唔多新鮮. 唔值.定食前菜既魚生只有冰味, 沒有鮮味. 還好另叫的中華沙律同前菜既螺肉係正常味.湯好淡. 好似飲水咁.總括黎講, 有待改善.…Read More

京都新開張嘅時候每次經過都排曬隊 今日終於有機會去試下好唔好味星期六中午去唔使排隊睇嚟熱潮已過 嗌咗個蟹柳卷 同埋燒鯖魚配汁燒牛肉便當個定食午餐都六十二蚊唔算貴但都唔算平除咗牛肉同埋燒鯖魚仲有兩嚿三文魚壽司同埋螺肉做配菜 不過見到碗飯有少少嚇親 一望就已經知道啲飯好淋係一pat嘢咁嘅原全唔係粒粒分明嘅飯 然後再食啲餸 得一個感覺 就係好散 牛肉似係用咗好多鬆肉粉完全冇口感 宜三文魚壽司都唔新鮮三文魚有啲霉嘅感覺 鯖魚只係正正常常 冇乜特別 放得入口不過唔可以話好味 唯一讚嘅係炸天婦羅新鮮炸熱辣辣 味道ok都係試完一次就唔會再去幫襯了…Read More

每次搭巴士經過環翠商場都看到圍了板在裝修，最近終於看到不少新的餐廳進駐。這家日本料理就是其中一家喔！星期六午市過來～人不算很多，所以不用排隊而且還有套餐 (若是平日的日子是免收加一服務費的)什錦壽司定食 ($65) - 定食包括了前菜(中華沙律)、壽司和烏冬。飲品的話則需要另外加錢 ... 壽司有玉子、腐皮、鰻魚、鮑片、希靈魚、熟蝦、蟹棒和卷物，其實都頗豐富喔！整體不錯，但略嫌鮑片那個有點太薄就是了～鰻魚倒是頗肥美。手打烏冬方面，湯底是可以選擇～我選的是 - 豬骨濃湯。湯底的麻油味偏重，烏冬吃落則很彈牙。和風炸雞扒手打烏冬 ($59) - 這個也有配前菜和卷物炸雞扒有兩塊，不過可能炸得過火了？肉質吃落有點柴柴的這款除了烏冬也可選蒿麥麵～ 湯底選的是清湯，但味道像是醬油湯!?…Read More

今日晏晝喺柴灣食嘢。諗住環翠商場翻新咗，多咗幾間餐廳就嚟睇下有咩好食。行咗幾間餐廳，發覺好幾間都排滿人。因為趕時間的關係，見到京都入面都有六七成滿就入咗去試下啦。枱真係好細，真係擺多少少嘢都擺唔落。我哋一開始兩個lunch set已經擺滿咗，之後黎左個牛舌已經要擺係隔離枱。而且同隔離枱距離都好近。咖哩豬扒配吉烈蝦飯定食 ($58)最好食的應該係個吉烈蝦。豬扒炸到有啲鞋。跟餐送咗個三文魚壽司，完全冇三文魚味。九州叉燒手打烏冬 ($57)跟餐送卷物，加埋蛋黃醬一齊食都還可以。鹽燒牛舌串 ($35)完全係敗筆，鹽燒牛舌冇咩鹽，牛舌味唔係好出。 雖然話係燒，但食落去係厚切牛脷的煮燉口感。呢間唔會再幫襯！大家落街食個飯，明白做街坊生意，要求唔好太高，但呢間都未免太差啦。…Read More

今日和朋友在柴灣環翠新裝修後的商場午餐，有間京都日本菜餐廳想試下，就和朋友入去試試，中午十二點半，餐廳內不算多人，我們坐在餐廳正中間，餐廳裝修普通平實，不是太靚，燈光只靠外來陽光，感覺陰陰沈沈。有午餐餐牌，魚生飯、壽司、手打烏冬定食、丼飯等......，我們點了一個魚生飯定食$65和什錦壽司定食$68，另加了$5 柑桔蜜和是日特飲（芒果汁）。魚生飯定食 只能用生化魚生來形容，完全不能理解魚生飯會加青瓜粒和蘿蔔粒，魚生飯跟本不能配上硬的食物，魚生鮮味一般。什錦壽司定食 - 普普通通，還有很多進步空間。總評：裝修普通，似是知道自己很快就要....，所以都不花錢裝修，食物中下，還有很多改善空間。…Read More