Kyoto Japanese Restaurant (Closed)

星期六要番工，其實都真係幾慘，唯有食番餐好少少嘅Lunch平衡下自己。所以今日行遠少少，由旺角走15分鐘，去到大角咀搵好野食。我一向鐘意日式料理，所以簡左呢間係大全街34號，叫做「京都居食屋」嘅日式餐廳。「京都居食屋」門面睇落幾靚，遠睇都會比佢吸引到，行近D見到佢有Lunch set，一於打開門入去。餐廳環境幾唔錯，燈光柔和得黎又唔會放太多檯，坐係度一D都唔覺得迫，而且侍應姐姐好nice，整體感覺幾舒服。佢有一系列Lunch set，全部睇落都好吸引，雖然價錢比一般同區餐廳貴（約$5X-$6X），不過星期六就比自已食好少少啦，我決定點一個鹽燒鯖魚定食（$60)，再加多杯凍檸茶（$4）。慢工出細貨，燒鯖魚要等10分鐘左右，不過呢個set有魚生一份，可以當前菜食住先，同埋飲住麵豉湯慢慢等。呢份魚生一般般啦，可能呢個時候唔係當造季節，唔算太新鮮。而個麵豉湯呢我就覺得幾好，唔會太濃或者太咸，比好多大型連鎖店嘅麵豉湯好得多喇。食完魚生、飲完麵豉湯，熱辣辣嘅鯖魚就燒好上檯，再加一小冷盤、一碗熱飯，成個set都幾足料！鯖魚味道唔錯，熱辣辣得黎又好入味！雖然係燒物，但一D都唔油膩，而且有青瓜做冷盤，同埋酸梅放係飯上面，可以balance番，唔駛怕熱氣！食完飯再嘆埋杯凍檸茶先！呢度用嘅茶葉明顯同出面唔同，茶味好香好舒服，絕對值得一試！總括黎講，呢度環境同食物都唔錯，就算價錢貴少少都值得，而且Lunch set份量好足，如果都係唔夠飽，可以個別再配多客壽司都得。食完埋單$64，下次一定會再黎＝）…Read More

中午不知食乜好，見呢間野好似都有一段時間仲存在，又未試過，於是試下拉，當時已經差不多下午2點幾店內只有一枱客，由於老公之前已經食左野佢只係陪我，點知個待應話每人一定要叫一個餐．．．我解釋了吃不下，但她説這是規定，咁即係叫我們走啫⋯⋯最後無耐地走了！真的唔明白，無生意都要趕客，他們真的唔想做！以後也不會來受氣！…Read More

剛過星期四去完九龍大酒店，行去奧運站途中搵飯食，完全係無心插柳既揀咗呢間日本嘢。先生叫$88 鰻魚刺身定食，我要了$69 海膽雜錦刺身飯。或許我沒有太大期望，又或我遇過很多日本餐廳的雜錦飯是切頭切尾的魚生碎，當我看到我海膽刺身飯頗豐富，足料、大件、鮮甜，尤其是白吞魚刺身入口溶化，令我甚驚喜！先生的定食也有白吞拿魚刺身，同樣美味；而三文魚壽司的魚生肥美厚切；鰻魚味濃郁，4大件足夠伴飯有餘。以此價錢而言，個人認為質素份量都很滿意，當然要比較的話一定不是頂級。我驚訝OpenRice只得2個食評，而且都不是好評，但我個人觀察當晚店內客源不斷，甚至有人特意到訪外賣。我從未寫食評，但心不忍好的小店沒得到好的認定，因為它們能否生存有時可能真的就差那麼一點的讚譽。沒有食前拍照的習慣，有機會再去再補！…Read More

今日夜咗收工，一班同事去到大角咀食番餐。去到餐廳門口見到都幾爆滿，在門外睇咗個Menu ，大家都選到啱食的。等咗大約5分鐘就有位，坐低咗之後我有2個心水。海膽什錦魚生飯和特上什錦魚生飯諗咗我都係選咗特上什錦魚生飯。等咗陣侍應拎咗碗麵豉湯，湯幾特別，除了一般常見的昆布外，仲有粉絲，飲起上來仲有咬口:)。魚生飯大約等咗5分鐘就到，魚生飯賣相和期望有落差，可能是特上這兩個字令我有期望 魚生種類唔算多，外面睇落都不太新鮮，吞拿魚食落仲有筋，三文魚都算肥美。其他也是一般，十分有待改善。埋單我的飯$78，但最估唔到竟然會收每位$5茶位，感覺真係不太良好。希望可以改善一下食物質素:(…Read More

行左成條埃華街都冇有心水，行到呢條大全街因為太熱頂唔住😅就極速竄入呢間居食屋TRYtry啦睇水牌價$係大眾化嗰隻，老婆就揀左個鰻魚飯送面豉湯，我就要個鍋燒牛肉烏冬，跟生玉子（窩旦咪窩旦😝）另送三件壽司壽司三件同個湯唔洗一分鐘送到，當然係普通普通貨色啦，不過已經夜晚九點半太肚餓，三扒兩撥就呑哂！先上個烏冬，賣相幾好喎，牛肉睇落似越式生牛肉湯河，搞兩搞一食，牛肉太有咬口，烏冬都幾碎，湯底重味精。鰻魚飯用既米麻麻地唔似日本米，敗北之處整一大舊白蘿蔔！你估食泰式越式湯河咩😝真係要改善下不過侍應哥哥態度良好，一讚…Read More