Joylane

屋邨入面嚟講，呢間算唔錯，終於有新野試下，又唔會太多人，靜靜地坐低傾下計。lunch有set，有薯條/粟米揀，包野飲，三十幾蚊。不過要等5-10分鐘先上碟，同薯條有啲冧唔夠脆。果茶特別，不過有啲甜。下次再試其他野食。…Read More

樂華邨本來就無乜好食 所以我對呢間餐廳都期望不大開咗好一段時間先黎試 呢度除咗裝修靚之外冇乜優點員工態度差 見到好多人排隊都唔理落單先 淨係識叫等陣等陣收錢竟然話 「你攞黎啦」:(欠左你架咩啲枱好污糟 望住佢執完枱都懶得抹叫咗個下午茶餐 配芒果果茶啲嘢食嚟齊晒杯果茶等左10分鐘都冇黎 要催佢先沖俾我叫左少甜少冰 最後乜芒果味都無 得茶味 好淡啲面一餅野撈唔開嘅 呢個下午茶$42 食一次就夠哂寧願食番八方雲集同手撕雞🤷🏻‍♀️…Read More

本來一心去試下佢地嘅牛肉麵，點知食到一肚氣。一入去已經無乜客人，但枱面同椅子上可以咁污糟，可見負責清潔的人幾咁無心，我地自己用紙巾清潔下就出去order食物。牛肉麵一里到已經極少湯，我自己都食左半碗左右見個女侍應經過，就麻煩佢加多少少湯比我，點知比佢黑面話我碗麵仲有湯呀！之後轉身就走左去😡我心諗咁我係咪要飲完矖D湯先可以加,一間連湯都唔捨得加比人嘅餐廳，我唔會再幫襯!!加上個牛肉麵味道麻麻，麵又太淋，我食返隔離八方XX個間牛肉麵好過…Read More

咁啱夜晚唔想煮飯，行過見到人少少，諗起喱間鋪開張咗一段時間都未試過，橫掂都唔知食咩好，不如就入去睇下有冇嘢啱食啦。唔想食飯就唯有揀個麵買嚟食。見個紫菜牛展春卷粄條($49)有牛展又紫菜又春卷，而我又唔知咩係粄條，好似可以試得多嘢啲咁，就試下啦。第一次食所謂嘅粄條，原來係同湯河粉差唔多嘅嘢。碗粄條唔知係咪因為外賣嘅關係，所以有啲比想像中細碗呢？啲粄條就比較碎，其餘嘅紫菜、牛展、春卷、湯底都正正常常咁，無咩特別。另外見惠顧任何食品加飲品，每款飲品減$10，就咗杯凍珍珠奶綠(少冰)(單點$27)試下。珍珠奶綠就奶味淡，綠味唔覺有，珍珠就中間剛剛熟，比較硬身，不過外層都煙韌嘅。…Read More